خاص بأطفال التوحد

[& الذاهبه &]

الله يشافيلج بنتج بيبتي ويقر عينج فيهاااا

ماحبيت ادش بدون لاارد

 

[الصابرة المحتسبة]

حبيــباتي ,, احنا خوات تعرفنا على خير ونحب دايما نلتقي بالخير ,, وآنا منكم وفيكم , مشرفه أو عضوه ماكو فرق < يصير لي ظرف ,, أغيب عنكم يوم يومين ,, صح ؟؟

الله يبارك فيكم إيدكم بيدي ,, وأي وقت تلاحظون شي غريب أو موضوع عليه ملاحظه أو ردود ضايقتكم لا تخلون , دزو لي رساله فورا ,,
وأي وقت تلاحظون أو تشكون بوجود ولد أو ريال بينا ,, بلغوني ,, وبلغو الإداره ,, لأن ممنوع / هذا منتدى نسائي ومشكورين

 

[& الذاهبه &]

أشواا رد هالموضوع الحلوووو

 

[الصابرة المحتسبة]

الصراحة وللأمانه الشكر والإمتنان بحقج قليل

 

[ريحانة_14]

حبيبتي والله أختي الصابرة المحتسبه

وحياج الله بعد قلبي أم خالد ..

========================

وحياكم الله يابنات بأي سؤال تبونة .. بس ماعليكم أمر
أول شي القوا نظرة على صفحات الموضوع من الأول علشان لاتكون الأسئلة مكررة

شاكرتلكم مروركم الطيب

 

[TARAF]

السلام عليكم
انا ولدي عمره سنه وعشر شهور
مايرد على اذا ناديته .... يلعب بروحه.. يحب يطالع التلفزيون وعادي لو يقعد اليوم كله مجابله مايمل منه ...صرت اسكر التلفزيون وحرصت على اخوانه مايشغلون التلفزيون وهو موجود.. بس صار يبجي ويروح جدام التلفزيون يلصق فيه يبي يشغله
النطق .. بس يقول أته ومرات ماما وبابا بس يقولها مايقصدني فيها ولا ابوه يعني ماتكون موجهه لنا بس مجرد كلمه
مايطلب شي حتى لو جاع بس يبكي
ولا يؤشر على شي بايده ....بس يضحك لما الاعبه وسوى حركات بلساني يقلدني ويستانس على هالشي ...يحب احد يلحقه ويركض بسرعه ..
من ناحية النظر ,,, عادي يطالعني اذا لاعبته وكلمته ,, بس يمل بسرعه ويروح يركض..يحب يطالع المرايه ويشوف نفسه
دايم يركض وهو يضحك جنه احد وياه ...ولما اناديه مايلتفت ولا يوقف .... بس لما يسمع صوت حركه اسويها بلساني واهودايم يسويها اهني يوقف ويجي جدامي يسويها لي ... يعني مرات احس يسمع ويلتفت بمزاجه بس لما اناديه باسمه مايلتفت لي

من الناحيه الحركيه الحمد لله مافيه شي يحب يلعب ويركض ويدور بين الغرف ويحب يتصفح الكتب والمجلات

مادري ولدي فيه توحد او لا ... خصوصا بهالعمر شلون اعرف ... اهلي يقولون لانه يحب التلفزيون واغلب وقته كله جدامه يمكن اهو
اللي مؤثر عليه

وحتى دكتور المستوصف العادي لما كان عمر ولدي سنه ونص قلت انه ما يقول غير اته سالني هو يطالع التلفزيون كثير قلت ايه قال امنعي التلفزيون عنه
انا حاولت الهيه عن التلفزيون صرت اشتري له العاب .. بس مايهتم فيها ... شريت له خيمة فيها كور هذي استانس عليها صار يحب يقعد فيها..... مشكلة ولدي بالنطق وانه مايلتفت لي لما اناديه
ناطره ردج وتحليلج لحالة ولدي

 

[cute manar]

مرحبا حبيبتي

حطي سؤالك للاستاذ احمد البر ماوي في قسم الاستشارات المثبتة بها القسم هو اقدر مننا عالاجابة
وان شاء الله ماكو الا العافية

 

[الفتاة الناعمة]

السلام عليكم ورحمة الله وبركاتة&&&&&&&&&
انا ام وعندي اربعة اولاد اول ولد عندي دائما يقعد لوحده ويسب كل اخوانه وذا قلوله تعال العب معنا احيانا
يقل ايوة واحيانا لا ويتكلم لوحدهوانا مني عرفه اشفيه
ممكن تقولي لي

 

[مشاعل الشمري]

انشاءالله ترد عليج الاخت ريحانه لان هالقسم خاص فيها
وحاولي تودينه حق حدا دكاترتة الطب التطوري ةاللي منهم (فاطمه العوضي-عبير عوض)او اي دكتور خاص وله حكومه مع ان الخاص اسرع لج
والله يطمنج عليه

 

[الفتاة الناعمة]

ولدي ما يحب يروح يلعب مع اخوانة هو مو معاق بس عشان هما كنوا يلعبوا البناتي مع بنات اخوتي وكان عندي طفل بيبي وعند اخوتي نفس السن بيبي
ممكن تقولي لي ايش حالته
:0bee2e8d89:

&&&&&&&&&&&تحياتي &&&&&&&&&&&&
**********الفتاة لناعمة************

 

[& الذاهبه &]

اختي الناعمه الله يطمنج على ولدج يارب حبيبتي انا كنت مثلج عيني ماتذوق النووم من بنتي اهي الحين عمرها سنه وعشر شهوور وديتهاا عبير عوض يوم كان عمرهاا سنه واربع شهور لأني حسيت فيهاا شي موطبيعي .. وسوتلهاا تحاليل طلع عندها حساسية من الحليب وطبقت معاها الحميه اهي الحين بفضل الله احسن واجد ...

حبيبتي لا تتأخرين بعرض ولدج لدكتور مختص ... لأن لا سمح الله لو طلع فيه شي راح يتحسن حيل بل يتشافا تماما اذا بديتي معاه العلاج المبكر.. هذي تجربتي وانشاء الله ريحانه تجاوبج ماراح اتقصر أبداااا

 

[& الذاهبه &]

والجواب لترف بعد عرضي ولدج مبجر على مختص الله يطمن قلوبكم يارب

 

[أخصائية تخاطب]

جزاكي الله خيرا على مجهودك الرائع

 

[حوري2004]

مرحبا
صدمت حياتي كانت يوم 3 /8 يوم راجعت الطب التطوري وقالولي ان ولدي معاه توحد والله تعبت ونفسيتي اتعبت
المهم اختي ترف لا تخلين ولدج ترى وانا اقرى كلامج كانج تتكلمين عن وليدي اما بالنسبه للاخت ريحانه الله يجزاها الجنه صج استفت منهنا شغلات
ادعوا لوليدي تكفون بنات

 

[ريحانة_14]

السلام عليكم ورحمة الله وبركاته

أنا آسفة عالتأخير يابنات أعتذر وأتمنى إنكم تقبلون إعتذاري

مثل ما إنتوا عارفين كنت حامل وقبل إسبوعين تقريبا ولدت ولله الحمد والشكر والله سبحانة وتعالى رزقني

بتوأم ولد وبنت ..

وشاغلين كل وقتي الله يحفظهم ويحليلكم أولادكم يارب

وراح أرد بإذن الله على أسإلتكم وحده وحده

 

[ريحانة_14]

السلام عليكم
انا ولدي عمره سنه وعشر شهور
مايرد على اذا ناديته .... يلعب بروحه.. يحب يطالع التلفزيون وعادي لو يقعد اليوم كله مجابله مايمل منه ...صرت اسكر التلفزيون وحرصت على اخوانه مايشغلون التلفزيون وهو موجود.. بس صار يبجي ويروح جدام التلفزيون يلصق فيه يبي يشغله
النطق .. بس يقول أته ومرات ماما وبابا بس يقولها مايقصدني فيها ولا ابوه يعني ماتكون موجهه لنا بس مجرد كلمه
مايطلب شي حتى لو جاع بس يبكي
ولا يؤشر على شي بايده ....بس يضحك لما الاعبه وسوى حركات بلساني يقلدني ويستانس على هالشي ...يحب احد يلحقه ويركض بسرعه ..
من ناحية النظر ,,, عادي يطالعني اذا لاعبته وكلمته ,, بس يمل بسرعه ويروح يركض..يحب يطالع المرايه ويشوف نفسه
دايم يركض وهو يضحك جنه احد وياه ...ولما اناديه مايلتفت ولا يوقف .... بس لما يسمع صوت حركه اسويها بلساني واهودايم يسويها اهني يوقف ويجي جدامي يسويها لي ... يعني مرات احس يسمع ويلتفت بمزاجه بس لما اناديه باسمه مايلتفت لي

من الناحيه الحركيه الحمد لله مافيه شي يحب يلعب ويركض ويدور بين الغرف ويحب يتصفح الكتب والمجلات

مادري ولدي فيه توحد او لا ... خصوصا بهالعمر شلون اعرف ... اهلي يقولون لانه يحب التلفزيون واغلب وقته كله جدامه يمكن اهو
اللي مؤثر عليه

وحتى دكتور المستوصف العادي لما كان عمر ولدي سنه ونص قلت انه ما يقول غير اته سالني هو يطالع التلفزيون كثير قلت ايه قال امنعي التلفزيون عنه
انا حاولت الهيه عن التلفزيون صرت اشتري له العاب .. بس مايهتم فيها ... شريت له خيمة فيها كور هذي استانس عليها صار يحب يقعد فيها..... مشكلة ولدي بالنطق وانه مايلتفت لي لما اناديه
ناطره ردج وتحليلج لحالة ولدي

السلام عليكم حبيبتي ترف
واضح إن ولدج الله يحفظه تواصله ممتاز ولا بأس فيه .. ومافيه غالبية الصفات إللي تتواجد في الطفل التوحدي ..
أما من ناحية النطق فتأخر النطق بالنسبة لطفل عمره سنتين إلا ممكن يكون طبيعي في بعض الأحيان .. وإندماجه بالتلفزيون لساعات طويله لا يعني إنه فيه توحد .. لأن غالبية الأطفال يندمجون بالتلفزيون لساعات ..

فمن وجهة نظري الشخصية ما أشوف أي صفه من صفات الطفل التوحدي متواجده بطفلج ..

ولزيادة التأكيد تقدرين تعرضينه على طبيب مختص إذا ماكنتي مرتاحه للتحليل وشايفه في ولدج أعراض ثانيه

وإن شالله مافيه إلا العافيه يارب

 

[الصابرة المحتسبة]

 

[ريحانة_14]

السلام عليكم ورحمة الله وبركاتة&&&&&&&&&
انا ام وعندي اربعة اولاد اول ولد عندي دائما يقعد لوحده ويسب كل اخوانه وذا قلوله تعال العب معنا احيانا
يقل ايوة واحيانا لا ويتكلم لوحدهوانا مني عرفه اشفيه
ممكن تقولي لي

حبيبتي الفتاة الناعمه

ياريت تقرين أول صفحات الموضوع علشان يكون عندج خلفية واضحة عن صفات أطفال التوحد

شاكرتلج مرورج عزيزتي

 

[ريحانة_14]

مرحبا
صدمت حياتي كانت يوم 3 /8 يوم راجعت الطب التطوري وقالولي ان ولدي معاه توحد والله تعبت ونفسيتي اتعبت
المهم اختي ترف لا تخلين ولدج ترى وانا اقرى كلامج كانج تتكلمين عن وليدي اما بالنسبه للاخت ريحانه الله يجزاها الجنه صج استفت منهنا شغلات
ادعوا لوليدي تكفون بنات

الله يوفقج حبيبتي بكل خطوة تخطينها لولدج الله يحفظه وينولج إللي فبالج
وما سوينا شي بعد قلبي

 

[حوري2004]

اختي ريحانه والله نفسيتي تعبانه
ابي احد يطمنى ويقولي ولدج مافيه شيء
وكلام الاخت ترفل كانها توصف وليدي والله تعبت والدكتوره اللي بالطب التطوري قالتلي انه معاه توحد وخذو منه تحاليل دم وقالت اذا فيه شيء راح ندق عليج
والله قلبي يعورني ومتقايقه حدي