اي استفسار انا حاضره يا حبايبي لان امي و جدتي يعالجون

[فراولة زرقاء]

فتنتيهم ارسلي لي حالتك بالتفصيل انتي متزوجة - كم عمرك - تحسيين بالم و قت الدورة - ينزل معك سوائل و رطوبة - عندك الغدة الدرقية
علشان اقدر اوصف لك العلاج نفس الشي الغازت ما اقدر اقولك تاخذين شي الا اذا جاوبتي على هالاسئلة

بالنسبة للصدر فديتك ما افي اعشاب تكبر الصدر في طريقة الثلج كل يوم الصبح تمسحين على كل واحد بقطعة ثلج و تستمريين عليها هالطريقة تخلي الدم يتجة للصدر و يتغذى و يزيد حجمة

 

[بسمة خجلِِ]

مشكوره على الموضوع

انا بنت مومتزوجه

ويطلع مني هوا من جدام فهمتيني

واحس دايما مبلله وفيني افرازات شفافه واحيانا بيضه

مع اني اهتم بنفسي وقت الدوره وبعدها وكل اشرب اعشاب وشاي اخضر

ودورتي كل 28 يوم تنزل

 

[فراولة زرقاء]

هلا فراشة الكويت الاعشاب الي ممتازة وقت الدورة الدارسين و الزنجبيل و الزعتر و المرامية بس لا تكثريين من المرامية
بالنسبة للهوا من جدام انتي فيك خراب بس مو قوي بسيط انا ذكرت في اول صفحة طريقة التمر و الرشاد و طريقة الحليب هاذي الطريقتين ممتازة و انا ما استغني عنها صدقيني بتشوفيين العافية اذا استعملتيهم
و بالنسبة للمشروبات الغازية ابعدي عنها تماما ماراح ينفع العلاج و انتي تشربين مشوبات غازية و لا تاكلين مثلجات كثير ولا تتعرضيين لهوا التكييف بالذات و انتي متسبحة و اذا جتك الدورة دفي رجولك و بالنسبة للشاي الاخضر انا الصراحة ما احب انصح احد فية لان له اضرار اذا كثرتية
وما تشوفيين شر

 

[بسمة خجلِِ]

هلا فراشة الكويت الاعشاب الي ممتازة وقت الدورة الدارسين و الزنجبيل و الزعتر و المرامية بس لا تكثريين من المرامية
بالنسبة للهوا من جدام انتي فيك خراب بس مو قوي بسيط انا ذكرت في اول صفحة طريقة التمر و الرشاد و طريقة الحليب هاذي الطريقتين ممتازة و انا ما استغني عنها صدقيني بتشوفيين العافية اذا استعملتيهم
و بالنسبة للمشروبات الغازية ابعدي عنها تماما ماراح ينفع العلاج و انتي تشربين مشوبات غازية و لا تاكلين مثلجات كثير ولا تتعرضيين لهوا التكييف بالذات و انتي متسبحة و اذا جتك الدورة دفي رجولك و بالنسبة للشاي الاخضر انا الصراحة ما احب انصح احد فية لان له اضرار اذا كثرتية
وما تشوفيين شر

الشكر مايجيج حبيبتي ومشكوره

 

[* الجليلة *]

يعطيج العافية حبيبتي
وجزاج الله خير

اختي انا معاي الم بالظهر من كنت صغيرة ومو عارفة السبب شنو
سويت تحاليل واشعة وكل شي سليم
في علاج لالم الظهر؟

والله يخليلج الوالدة والجدة ويطول بعمرهم وعمرج

 

[فراولة زرقاء]

الجليلة الم بظهرك من وانتي صغيرة كم كان عمرك بالضبط مو شرط يكون الظهر يمكن عندك شد في بعض العضلات و بعض الشد يكون معه مزع يعني تمزق و يمكن يكون اثار بروودة انتي تعرضتي لها اول شي لازم تعدليين الجلسة و ما تنحنيين فترات طويلة بالجلسة و اهم شي لا تشيلين شي ثقيل
و اذا الدورة عندك مو منتظمة او تحسيين با الالم ترى يأثر على الظهر و شوفي نسبة الكالسيوم عندك احيانا نقص الكالسيوم يأثر اول شي على الظهر و الرجول و اذا انتي متزوجة يأثر اكثر مع الحمل

 

[مسك الحلوة]

أهتم بنفسي وقت الدورة واااايد بس أعاني من الهوى بعد ما تخلص دورتي؟؟؟ غير متزوجة
وشكلي أصفر وشاحب؟؟؟؟؟ سأليهم وردي علي حبوبة

 

[7ayrah]

الله يعطيج العافيه

انا عندي ولدي .. ذاكرة وايد ضعيفه .. ينسى وااااااااااااااايد وماعنده تركيييييييييز - ولدي عمره 7 سنوات

ويزاكم الله خير

 

[فراولة زرقاء]

مسك الحلو اهتمامك اكيد جاء متاخر يعني جاك خراب بسيط او يمكن اهتمامك مو بالشكل المطلوب شوفي انا ذكرت طريقة التمر و الرشاد ممتازة في بداية المشاركة و في طريقة الحليب تحطين معه ماش + زنجبيل + فلفل ابيض مو اسود تطحنينهم بكميات متساوية و تحطين كل صبح على الريق ملعقة في كوب حليب دافي و تكررين هالطريقة ثلاث مرات صبح و عصر و ليل لمدة شهريين لا تقطعينهم اما طريقة التمر بس وقت الدورة بعد الدورة لا صدقيني انا بنت بس لايمكن اترك طريقة التمر و الحليب لانها مررررررة ممتازة

7ayrah حبيبتي عمر ولدك صغير توه و عادي الاطفال انواع بس مو معنى هذا ان النسيان و قل التركيز مشكلة كل الي اقدر اقولة لك اهتمي بااكلة و الوجبات السريعة لا يكثر منها ترى حراااااام دمر العقل و تجيب الخمول حاولي تعطينه اكل مفيد مثل العسل مع الحبة السودة مفييدة للاطفال و لجسمهم
الحين الابحاث في امريكا و قفوا الوجبات السريعة في المدارس و استبدلوه بالشوربة و الخبر و الارز و ااشياء مفيدة لانهم لاحظوا اختلاف و تراجع و خمول و امراض في عقل هالاجيال و كله بسسب الاكلات المصنعة

 

[* الجليلة *]

الجليلة الم بظهرك من وانتي صغيرة كم كان عمرك بالضبط مو شرط يكون الظهر يمكن عندك شد في بعض العضلات و بعض الشد يكون معه مزع يعني تمزق و يمكن يكون اثار بروودة انتي تعرضتي لها اول شي لازم تعدليين الجلسة و ما تنحنيين فترات طويلة بالجلسة و اهم شي لا تشيلين شي ثقيل
و اذا الدورة عندك مو منتظمة او تحسيين با الالم ترى يأثر على الظهر و شوفي نسبة الكالسيوم عندك احيانا نقص الكالسيوم يأثر اول شي على الظهر و الرجول و اذا انتي متزوجة يأثر اكثر مع الحمل

يعطيج العافية حبيبتي

الالم اسفل الظهر ومعاي من كان عمري 8 سنين تقريبا وانا الحين 26 يعني من 18 سنة:0bee2e8d89:
وكان الالم فظيع وكل ماله يزيد ما اقدر انام او حتى انسدح على ظهري والالم مستمر طوووول اليوم بس يخف اوقات ويزيد وبدت ركبي تعورني من صار عمري 18 تقريبا واحس بحرارة داخلها
استخدمت كريمات مسكنة وما نفع
وسويت حجامة اكثر من مرة والحمدلله خف بس هم الالم موجود
ودورتي زينة ومنتظمة الحمدلله وانا اهتم بنفسي بالدورة من كنت صغيرة
وصاجة لمن حملت زااااااد الالم وعطوني حبوب كالسيوم بس تركتهم من ولدت

انصحوني ناس بالحلبة بس ريحتها اهي اللي مخليتني ما اشربها
في اعشاب او حل غير الحلبة ؟

 

[sozeeta]

مشكورة اختي

بسأل عن الماش سمعت انه يسبب زيادة وزن ، هل هالشي صحيح ؟

 

[soso.haji]

الله يجزاج خير انتى وامج وجدتج
ومشكوره علا الموضوووع وانشالله الكل يستفيد
وانا عندي مشاكل نفس العضوات تقريبا وانشالله راح اجرب الخلطات وتنفع معاي

 

[soso.haji]

بس عندي سؤال

الطريقة الثانية حليب مع الماش ؟ اشربه علاطول او وقت الدوره بس ؟؟؟

 

[7ayrah]

تسلميييييييييييين فراوله وكلامج عين العقل حبيبتي

بس ولدي شي مو طبيعي .. مثال ( يحط لعبته بمكان تمر اقل من 5 دقايق ينسى وين حطها)



عموما خيتو ان شاء الله نتبع النصائح .. ويزاج الله خير انتي والوالده ويدتج .. ويطولج بعمرهم يااااااارب

 

[sosa2004]

مشكورة حبيبيتي بس انا ما اكل وجبات سريعة كلش

يعني اخذ عجينة الحلبة مع شوية ملح صح؟

اتعرفين شي حق البلغم وشي يصفي الصوت

 

[قطوة@@]

الله يعطيج العافية

 

[روروو]

يعطيك العافيه
تكفين اسالي امك او جدتك عن طريقة الماش للسمنه؟؟
انا وقت الدوره اكثر شي يالمني المبيض اليسار الم قوووي الشي ذا عادي؟؟
واوقات تنزل مني مويات طبعا مو وقت الدوره اش علااجها انا مطلقه ؟؟
آسفه ثقلت عليك​

 

[فراولة زرقاء]

الجليلة ما ابي اخوفك بس من كلامك و اشك انه عندك نقص في السائل بين فقرات العظام و علشان كذا الركبة بعد تعورك انتي غلطانه المفروض ما توقفين حبوب الكالسيوم احتمال يصيبك شلل اذا نقص الكالسيوم بكميات كبيرة و الحلبة احسن شي للعظام متازززززززززززة مرة و اذا ما تحبين ريحتها حطي معها اوراق نعناع ماراح تحسيين بالريحة و تقلل من ريحتها بالجسم و اهم شي الصحة

سوسو طريقة الماش انا بنت بس لايمكن اترك هالطريقة لانها مرررة ممتازة للبنات و المتزوجات و الحليب تحطيين معه ماش + زنجبيل + فلفل ابيض مو اسود تطحنينهم بكميات متساوية و تحطين ملعقة على الحليب ثلاث مرات باليوم صبح و عصر و ليل و على طول لمدة شهريين لاحد ما تشوفين ان الرحم صار اوكي وماعاد فية افرازات و بعدين خلاص يكفي ثلاث مرات بالاسبوع بس التمر و الرشاد وقت الدورة بس

eetasoz الماش يسمن شوي مو كثير و مايسمن سمنه مفرطة لا سمنه حلوة تنفخ الوجة

sosa2004 بالنسبة للصوت و البلغم بالذات كوب ماي دافي فية ملعقة عسل مع ملعقة صغيرة حبة سوداء مطحونة مرتيين باليوم
النعناع و الدارسين و الحلبة حلوة للبلغم

7ayrah بالنسبة لولدك افضل شي وديه عند طبيب اطفال احسن و ملاحظة ترى هواش الاطفال و ضربهم ضرب قوي و على اتفة شي يسبب لهم قل تركيز و تردد

روررو الي فيك خراب بسييط بس انا ما فهمت انتي تبيين طريقة الماش علشان تسمنين و ضحي فديتك

 

[روروو]

ايه يالغلا ابيه عشان اسمن انا وزني 45
طيب اش علاج الخراب ؟؟
بتعبك معي شوي تحمليني

 

[صمت ودموع]

اختي الغاليه انا عندي هرمون الحليب كله مرتفع ومسبب لي منع الحمل خصوصا ني صار لي 10 سنوات اتعالج منه للحمل ولما الحين ما تعالجت منه نهائيا يعني كل دوره لازم اخذ حبوب تنزل لي الهرمون تعبت منه لانها تسبب دوخه والم في الراس ما في شي طبيعي ينظم لي الهرمون الله يجزاج كل خير