اسعارالولاده بالمستشفيات الخاصة(تم تجميع المواضيع المتشابهه)

[cawcaw]

رد: محتاره وين أولد ؟؟؟؟

مشكوره حبيبتي فيلسوفه.. والله يسهل عليج ..
بس بغيت اسألج انتي شايفه غرف دار الشفا؟؟ يعني اول 3 غرف في رويال حياة مقارنة بدار الشفا يقابلون اي غرف؟ العاديه ولا المميزه ولا الملكيه؟؟ لان احسهم بعد موكبار وايد عاديين.. ومن حيث الفخامه والديكور والتأثيث شنو الاحلى بينهم؟(دار الشفا ورويال حياة)

 

[كيت كات]

رد: محتاره وين أولد ؟؟؟؟

فيلسوفة عيوني انتي ترا الاسعار شاملة اتعاب الطبيب اقري ورقة الاسعار تلاقين خانة الولادة تشمل اتعاب الطبيب 200دك والعملية 300
بالنسبة لي الغرف كانت حلوة لاني ماني مسوية استقبال
وبالنسبة للي بتسوي استقبال عدل مثل ما قلتي يالغالية والله يسهل علينا ياااارب

 

[فيلسوفه]

رد: محتاره وين أولد ؟؟؟؟

السلام عليكم ...
الاخت cawcaw .. أول شي اشلونج عساج بخير ؟ و ثانيا انا شفت غرف دار الشفا المستوى المتوسط ماني ذاكره الاسم لكن الي ليلته اعتقد ب 100 و اشوي من ناحية الحجم ممكن اقارنه بحجم غرفة الياسمين لكن الفخامه طبعا رويال حياة ماشاء الله اثاثهم حلووو وايد ..
الله يهداهم لو يرخصون اشوي اسعارهم الواحد يتشجع لانه مكان وااايد حلوو لكن لي انا كان الي يناسبني لوتس لكن سعره مبالغ فيه ...
أم بدوري صح كلامج لكن انا لي دكتورتي الخاصه معصومه مخصيد و اذا بتولدني اهناك راح ازيد على السعر 200 ازياده لانها تاخذ 400 يعني بكلا الاحوال السعر مو هين لو الدكتور منهم .
و شكرا

 

[ألوي الكويت]

رد: محتاره وين أولد ؟؟؟؟

حبيبتي
انا ولدت بالهادي وانا يبت دكتورتي من بره المستشفي
بصراحه الكمام عجيب وعنايه بغرفة الولاده

 

[Brounzi_girlly]

رد: الي يبي يشوف رويال حياة ويعرف عنه

شكله حلو وروعة ويستاهل الي عنده يحط فلوسه وإلي ماعنده يمده ريوله على قد لحافه
مع تحياااااااااااااااااااتي................

 

[jojo]

رد: الي يبي يشوف رويال حياة ويعرف عنه

مستشفى يذخ في الحياة
صراح كل من يمد يروله على قد اللحافه مو تاخذ قرض
احم احم احم اذا تزوجت ملياردير من يضمنلي انه راح يخليني اولد فيه تعرفون الكويتين كل مازادت افلوسهم صاروا مايندون

 

[أم بدير]

رد: الي يبي يشوف رويال حياة ويعرف عنه

تسلمون عالمرور حبايبي

طبعا من بعد ما ولدت مرت اخوي فيه
اكتشفت ان مو بس المستشفى روعه
طبعا البيبي اربعة وعشرين ساعه جدام عيونج عالشاشه متابعته وتعرفين شيسوون فيه وشيعطونه ومجابلينه والا لأ
هدية عباره عن سلة كبيرة فيها كل لوازم البيبي... (مو مثل السلام والمواساة ودار الشفا والهادي سوالف هدايا دعايات دارلينغز وبامبرز خخخخخخخ)
و هدية كريستالة عوده فيها صورة البيبي محفوره حفر (اكشخ مستشفى خاص يايبين مصورة، لا وصورها كله الياهل ويهه معفوس ومغرقينه بحديقة ورد جنه مصورينه بمباي مو بالمستشفى. وتاخذ فلوس عالصورة مو هديه)​

 

[قمر ضاوي33]

رد: الي يبي يشوف رويال حياة ويعرف عنه

وايد حلو ما شاء الله

جنة فندق

يعطيك العافية حبيبتي

 

[نــمــاري]

رد: الي يبي يشوف رويال حياة ويعرف عنه

تصدقوووون حلوووووو <<<<<<<<<<<تكفين حلفي

ام بدييير عااد جم كلفت فلووس الولاده وكل شي

 

[aBoOoRa]

رد: الي يبي يشوف رويال حياة ويعرف عنه

والله شكله روعه مشكووووره حبوبه ​

 

[أم بدير]

رد: الي يبي يشوف رويال حياة ويعرف عنه

تصدقوووون حلوووووو <<<<<<<<<<<تكفين حلفي

ام بدييير عااد جم كلفت فلووس الولاده وكل شي

ألف وسبعمية (غرفة ياسمين)
كاملة متكاملة مع كل الخدمات
واللي منها المساااااج وكاميرات البيبي والهدايا وأبرة الظهرررررر وجميع الأدوية وصورة البيبي اللي على كريستال​

 

[girl_in_abottle]

رد: الي يبي يشوف رويال حياة ويعرف عنه

وايد راقي
بس كلها ولادة
و المواساة و دار الشفا اشزينهم
حتى مستشفى الولادة يمدحونة
الي عندها عليها بالعافية
و الله يسهل على الجميع
مشكورة على الموضوع المميز

 

[black_eyes]

رد: الي يبي يشوف رويال حياة ويعرف عنه

تصدقين انا علبالي فندق
اخر شي طلع مستشفى

 

[قلب راشد]

رد: الي يبي يشوف رويال حياة ويعرف عنه

هذا مستشفى اللي يدخله يطيب وينسى المرض

رووووعه

 

[makeup story]

مقارنه اسعار المستشفيات الخاصة

بنات ابي كل وحدة والدة بمستشفى خاص تكتب
1 بجم كلفتها الولادة
2 طبيعة ولا صناعية
3 الغرفه اللي قعدت فيهاا شنو نوعها عادية ولا vip واللي منووو
4 جم يوم قعدت بالمستشفى


ضروري بقارن الاسعااار علشان اعرف الفروق بينهم

 

[makeup story]

مقارنه اسعار المستشفيات الخاصة

بنات ابي كل وحدة والدة بمستشفى خاص تكتب
1 بجم كلفتها الولادة
2 طبيعة ولا قيصرية
3 الغرفه اللي قعدت فيهاا شنو نوعها عادية ولا vip واللي منووو
4 جم يوم قعدت بالمستشفى


ضروري بقارن الاسعااار علشان اعرف الفروق بينهم

 

[makeup story]

رد: مقارنه اسعار المستشفيات الخاصة

زين وحده ترد على الاقل

 

[سبائك]

رد: مقارنه اسعار المستشفيات الخاصة

ولا يهمج أفا عليج

آنا ولدت بالمواساة

خذيت غرفه vip

ودكتورتي كانت نداء بو خضور يعني من بره المستشفى

الولاده طبيعيه لله الحمد

تميت عندهم 3 ليالي

طلع علي النول تقريبا 1000 وشي.........

ترى انا مو متأكده من الرقم لان هالكلام من أكثر من سنه

راح أتأكد أنشاءالله وارد لج الخبر

 

[رنين]

رد: مقارنه اسعار المستشفيات الخاصة

على ما يردون عليج البنات دقي طلعيلج ارقام المستشفيات الخاصه و دقي عليهم واحد واحد و سأليهم.... لأن ممكن الأسعار تتغير ما تدرين.

أو اخذي لج دوره عليهم طلبي من العلاقات العامه يعطونج فرة و يعلمونج عن اسعارهم...

لكن عموما حطي في بالج ان الولاده القيصريه تطلع عليج حول ضعف الولاده الطبيعيه.

 

[شمس و قمر]

رد: مقارنه اسعار المستشفيات الخاصة

اول ولاده بمستشفى المواساة..........عام 2003

ولدت ولاده طبيعيه

الدكتور من عندهم

غرفه عاديه مدة يومين

تكلفة العمليه 370 دينار



ثاني ولاده بالهادي......... سنة2005

ولاده طبيعيه

الدكتور من برى

حجزت جناح يومين.. لان غرفهم موشي حيل صغار

اذكر انها كانت 600 دينار او 500وزود بس بحدود ال600