اسعارالولاده بالمستشفيات الخاصة(تم تجميع المواضيع المتشابهه)

[فيلسوفه]

محتاره وين أولد ؟؟؟؟

السلام عليكم يا احلى بنات
انا حامل بالشهر السابع و ليلحيني محتاره وين اولد ؟؟:eh_s(2): ؟ ابي رأيكم وين تنصحوني بين الهادي و المواساة و دار الشفا ؟؟ عفيه ابي كل وحده تعطيني رأيها بكل صراحه و يفضل عن تجربه شخصيه

و شكراااااااااااااا:eh_s(8):

 

[كيت كات]

رد: محتاره وين أولد ؟؟؟؟

حبيبتي ...عليكم السلام
شوفي انا بالثامن ومن اول شهر وانا اراجع بالمواساة عند لينا وقطيت قط على التحاليل والسونارات المهم ..
انا كان عاجبني حييييييييييل ومرتاحتله علشان جذي رحتله وخواتي 3 ولدو فيه تقريبا 6 ولادات ومن قبل كانو مجربين الهادي بس المواساة يمدحونه وااااايد والهادي يقولون ميزته بس الكمام ..
عموما انا دار الشفا رحتله مرتين وانقمت قلبي من الله
ذاك اليوم اللي اهو السبت اللي فات رحتلج رويال حياة وااااااااااااو دخت عليه والله جني باولدفيه صراحة معامله قممممممممممة بجرب اول مراجعه بعدين اعطيج النتيجة لان عندهم دكتورة كيوتية الصبح تشتغل بالصباح والعصر عندهم اسمها خالدة المجبل والله ان انا وريلي طول ما انا قاعدة الابتسامات من الموظفين مالها والي وصواني الحلو دايرة عليج بالانتظار طبعا يلحقها الماي وراه العصير الفريش وريحة البخور دايرة وهذا ترا مو عشان يديد لا لان اهو مستشفى فندقى يعني معامله الفنادق الخمس نجوم واي استفسار عن دكاترته واسعارهم وغرفهم ترا عندي حتى المواساة عندي وبيني وبينج انا عقب موعدي يوم الخميس الياي عندهم راح اقرر وين اولد بالمواساة ولا عندهم طبعا بعد الاستخارة

 

[ساره ستايل]

رد: محتاره وين أولد ؟؟؟؟

انا والده البجر والثاني بدار الشفا

بالبجر كانوا لوعه.. تأذيت وايد عندهم .. بس عقب تعدلوا وااااايد لأن زادت الشكاوي عليهم

ابصراحه دار الشفا هالمرة واااااااااااااااااااااااايد ريحوني
السسترات قممممممممممممممة بالرعاية والاهتمام والنظافه
مايمديج تطقين الجرس الا ويولج ركض
ويحاولون يرضونج كثر ما يقدرون.. وتكرمين حتى روحتج حق الحمام يساعدونج فيها
والابتسامه من اهنيه لي اهنيه :eh_s(15):
ودكتور (حسام كامل) من نفس المستشفى بعد .. استشاري
ولدني بالبجر والبالثاني .. ماشالله عليه صج انسان فاهم ومحترم وخلوق وذرب وماتهمه الفلوس (نفس بعض الدكاترة اللي بالخاص) كثر ماتهمه مريضته وراحتها بالدرجه الاولى..

انصحج بدار الشفا .. صج صج صاروا روووووووووووووووووعه
وراااااااااااااااااااااااااااااااااااااااااااااااااحه :eh_s(9): :eh_s(9):

 

[OmZizo]

رد: محتاره وين أولد ؟؟؟؟

والله أهم شيء شنو انتي تبين؟ تبين دكتور معين؟ تبين الراحه وقت الولادة ؟ تبين الغرف الحلوة؟ والممرضات الزينين؟ على حسب!

انا جربت الهادي...الغرف قديمة و مستهلكة...بس أهم شي عندي ان دكتةرتي معاي اتييني هناك ...و الكماااااااااااااااااااااااام عجيب!! هذا أهم شي عندي صراحة..اني اكون مرتاحة وقت الولادة .. و الممرضات ملوت غرفة الولادة خبرة!!! ....و انتي شوفي باجي البنات

 

[فيلسوفه]

رد: محتاره وين أولد ؟؟؟؟

مشكوورين بنات ما قصرتوا .. انا اراجع عند معصومه مخصيد و اهي ماشاء الله عليها تينن بس المشكله اني رحت كل المستشفيات و كل ما ادش اي مستشفى انقمت و يضيق خلقي ما ادري ليش عشان جذي محتاره .. انا بسوي استقبالي بالمستشفى يعني ابي غرفه زينه حلوه و ابي اكيد رعايه و عنايه .. شكلي راح اسوي جوله ثانيه على المستشفيات يمكن اقدر استقر .

 

[كيت كات]

رد: محتاره وين أولد ؟؟؟؟

حبيبتي ترا بدوخين لمن تشوفين رويال حياة صج صج مالت استقبال ومعصومة تولد هناك

 

[الشقردية]

رد: محتاره وين أولد ؟؟؟؟

انا بعد محتاره بس ياربي الهاادي تكرمون ريحته مجاااري وااي انا سويت الربط فيه قعدت نص يوم بغيت اموت
و كنت بالثالث يعني اتنسى وييييييييييع تنسيت فيه
كلللللللش مافكر فيه

انا ابي الراحه و كمام سنع

الكل مدح لي دار الشفا و بعد بسوي استقبالي هناك

اللي اتعرف دكتور زين و بالاصح دكتوره غير حسام كمال يولد بدار الشفا وزين اتفيدنا

ممممممم

ياريت مشاركات اكثر لان محتاره مثل فيلسوفه

 

[supermarket]

رد: محتاره وين أولد ؟؟؟؟

يمدحون رويال حياة والكويتيات يهبون باليديد

جربيه

 

[توته]

رد: محتاره وين أولد ؟؟؟؟

عن تجربه دار الشفا روعه والله يهون عليج

 

[فيلسوفه]

رد: محتاره وين أولد ؟؟؟؟

تسلمون على النصايح و شكلي برووح رويال حياة اشوفه انا سامعه عنه وايد لكن مو سامعه عن عنايته بس عن فخامته شكلي بروحله و اعطيكم الأخبار ..

 

[الفرحه السجينه]

رد: محتاره وين أولد ؟؟؟؟

اللي يمدحونه هو السلام وبنات عايلتنا ولدوا فيه وانا ناويه اولد ان شاءالله بس ودي بدكتوره من برا

بس ما يمنع نستفيد من تجاربكم

 

[Queen-q8]

رد: محتاره وين أولد ؟؟؟؟

جم اسعاره الرويال حياة للقيصرية ؟؟؟

انا قريت جناح ليلى 660 دك يعني قيصرية يطلع 1320 لان القيصرية دبل الطبيعي ؟؟

وهالجناح حلو ولا عادي وشكبر حجمه يعن كبر ال في اي بي اللي بالمواساة والا الجونيور سويت؟؟؟

والاغلى منه جم وشكبره بالبت تحطون لنا الاسعار ؟؟

 

[nanosa78]

رد: محتاره وين أولد ؟؟؟؟

دار الشفا ما اشتهيهم بعدين حبوبه معصومه ما تولد بدار الشفا والله تعرف
اللي اعرفه انها في السلام والمواساة والهادي والحين برويال حياة

جربت السلام روووعه الاجنحه اليديدة وكل من زارني عجبتهم الغرفة تطل على البحر حتى ما ودهم يطلعون من المنظر) والسسترات حنونين هنود
ومعاهم د.معصومه الله يعطيها العافيه

 

[ryoonah]

رد: محتاره وين أولد ؟؟؟؟

انا ولدت بدار الشفا مرة ومرة فى الهادى الصراحة كلهم زينين بس دار الشفا افضل عندى

 

[الغاليه نونو]

رد: محتاره وين أولد ؟؟؟؟

جناااااايني الثنتين ولدوا بدار الشفاااااااااا روعه بكل المقاييس

 

[choclatecho]

رد: محتاره وين أولد ؟؟؟؟

مممممممممم انا بعد محتارة

 

[makeup story]

رد: محتاره وين أولد ؟؟؟؟

انا ولدت بالهادي وبصراحه احبه لانه اهم شي وقت الولادة واهم السسترات اللي في غرف الولااادة واايد زينينن وتعوددت على دكاترتهم كمامهم روعه

 

[رفرف]

رد: محتاره وين أولد ؟؟؟؟

انا بعد محتارة ...
قررت بعد تفكييير اني اولد بطيبة كلينك لأن دكتورتي واااااااايد مدحته واعرف كذا وحدة ولدت عندهم تمدحهم تقول مو زحمة والستاف كلهم فوق راسج من الفراغة ... بس الحلو مايكملش ..
اليوم قالتلي دكتورتي انهم مايدخلون احد معاي غرفة الولادة ..
وهذا أهم شي عندي الصراحة ريلي يدش قبلي والا ما اولد ..
غيرت رايي ومحتاااااااارة مادري وين اولد أبي مكان رعايتهم زينة وهم ابي غرف زينة بس الغرف مو وايد مهمة ان ما عجبتني ماني مسوية استقبال ..

 

[كيت كات]

رد: محتاره وين أولد ؟؟؟؟

اهلين بنات..
الي سأـلت عن رويال حياة ...اليوم كنت عندهم عندي موعد وناااااااااسة
سونارهم فظيع اقوي من سونار المواساة ..والدكتورة عجيييييبة استشارية حبوبة ..المهم
الاسعار ليلي تقريبا كبر جونيور المواساة وكاميليا كبر الفي اي بي بس قمة بالاثاث وكل منهم داخله اكسسوارات وشوامبو وعطورات الغرفة وروب مع شبشب مع جنطة مالت مكياج طقم بس استحيت ابطلها يمكن فيها فرشة اسنان وهالسوالف وسعر الكامليا 1200وكلهم معاهم مطبخ بس كامليا كبير وعلى فكرة عندهم نظام عمري ما سمعت عنه واللي اهو تقدرين تشوفين البيبي على محطة من محطات التيفي 24 ساعة

 

[فيلسوفه]

رد: محتاره وين أولد ؟؟؟؟

السلام عليكم و رحمة الله و بركاته
حبيت اعطيكم اسعار غرف رويال حياة رحتله و الصراحه استقبالهم حلوو رحبوا حيل و المكان شرح و الاسعار كتالي طبعا حق ليلتين شامل سعر الولاده بدون سعر الدكتور و الاسعار اهي :
الولادة الطبيعيه الولاده القيصريه
ليلي 660 1320
كاميليا 1200 2400
الياسمين 1650 3190
لوتس 2650 4650
اوركيد بدون حديقة 3150 5650
اوركيد مع حديقة 3650 6650
الصراحه اول 3 غرف عادية و صغيره و خاصه لاني بسوي استقبالي بالمستشفى و اهلي و اهل خالتي وااايديين ماشاء الله يعني هل غرف ما تنفعني الغرفه الي اعجبتني لوتس كبيره و حلوه .. لكن المشكله اني مو ضامنه اني اولد طبيعي لان لو فرضا ولدت قيصيريه السعر راح يكووون واااايد بزياده الصراحه .. يعني هذي نبذه لكن ما اعتقد اني راح اولد اهناك قلت احط الاسعار حق الي تبي تستفيد
و شكرا