اسعارالولاده بالمستشفيات الخاصة(تم تجميع المواضيع المتشابهه)

[* LOVE STORY *]

رد: الي يبي يشوف رويال حياة ويعرف عنه

حلو والأحلى انه هاااااااااااادي

يعطيج العافيه

 

[أم بدير]

رد: الي يبي يشوف رويال حياة ويعرف عنه

بنات بجم شوقتوني جم يعني الولادة فيه ؟

من عيوني بحطلكم الأسعار ​

 

[أم بدير]

رد: الي يبي يشوف رويال حياة ويعرف عنه

أسعار مستشفى رويال حياة بكشف الأسعار من عندهم

طبعا اذا مو واضحه
الولاده الطبيعيه بغرفه خاصه تبدي من 660 وانتي طالعه
الولادة القيصرية تبدي من 1270 وانتي طالعه
طبعا هذا سعر غرفة ليلى (أرخص غرفه)
من بعدها كاميليا وبعدين ياسمين
وبعدهم لوتس ومن بعدها اوركيد
واخر شي الاوركيد مع حديقه​

 

[أميرة الورد]

رد: الي يبي يشوف رويال حياة ويعرف عنه

ما شالله تبارك الرحمن صج فخم بس الاهم من هذا رعايتهم الطبيه شلونها منو الدكاترة الزينين عندهم؟

بس وايد حلو الله يرزقنا بريل صالح وبعدها التوافيق من الله

 

[فرحانه]

رد: الي يبي يشوف رويال حياة ويعرف عنه

المكان حلو وروعه بس اشفيهم الهادي ودار الشفا
الفسق مو زين

 

[شكليطه]

رد: الي يبي يشوف رويال حياة ويعرف عنه

ياحلاتكم والله بنات

هذا مو يبيله قرض.....يبيله قرضين حق ربعنا

انا اعرف وحدة تشتغل في بنك ومعاشها محترم ماقدرت على المواساة
وخذت قرض عشان تولد فيه


هالمره هذا.............

اعرف وحدة فقيره.....مو كاسر خاطري الا ريلها.......معاشه يادوب يوصل300 تخيلو.........واهي الحبيبه تبي تولد فيه

يعني ما اقول تتحلم والا امنيه حياتها.......لا الحبيبه خالصه ابوها ماخذ لها قرض محترم


الله لايبلانا.....بدال لا تحاتي قومتها بالسلامه والا هالياهل يطلع صاحي والا لأ
قاعده تاخذ قروض وسلف


عيال الفقر(فقر القناعه والرضى) الله يعينهم على روحهم

 

[$$مذهلة$$]

رد: الي يبي يشوف رويال حياة ويعرف عنه

روعه

اللي عندها عليها بالعافية

واللي ما معووووووش مايلزمووووووش

 

[أم بدير]

رد: الي يبي يشوف رويال حياة ويعرف عنه

[

quote=أميرة الورد;1060452]ما شالله تبارك الرحمن صج فخم بس الاهم من هذا رعايتهم الطبيه شلونها منو الدكاترة الزينين عندهم؟

بس وايد حلو الله يرزقنا بريل صالح وبعدها التوافيق من الله[/quote]

دكاترتهم من طبعا كلهم شطار بس ماكو عرب
من جنوب افريقيا وامريكا وكندا

بس اذا انتي عندج دكتورج او دكتورتج من بره المستشفى
عادي تتفقين معاهم بس الولاده هناك

مرة اخوي دكتورتها كويتيه بس بتولدها برويال حياة
باجر او عقب باجر بيولدونها
عاد بنشوف هل فعلا رعايتهم مثل مايقولون والا بس حجي جرايد​

 

[عناااقيد الحلا]

رد: الي يبي يشوف رويال حياة ويعرف عنه

يعطيج العافيه

 

[الاسطورية]

رد: الي يبي يشوف رويال حياة ويعرف عنه

اسعاره عاديه عاد بس الي مع حديقه الغاليه والا الباجي نفس باجي المستشفيات

واي لايعه جبدي من المظاهر

 

[جارة القمر]

رد: الي يبي يشوف رويال حياة ويعرف عنه

:eh_s(17):

لا عاد شحادني اخذ قرض
اذا عندي اولد وانا مرتاحه
ماعندي ماله داعي اتقصقص واخذ قرض يقصون مني جم سنه عشان ولادة يوم؟
وعشان ياهل كل يوم بيطين عيشتي بجي وتررجيع وحنه وباجر بدرسه واكفخه ويرفع ضغطي وييبلي السكر

عساني ماولدت هناك
خخخخخخخخخخخخخخخخخخخخخخخخ

يالله انشالله ربي يرزق الجميع وكلنا نولد هناك بدون قروض قولوا امين
:eh_s(17):​

أم بدير

خخخخخخخخخخخخخخخخخخخخخخ

فصلت من الضحك علي كلامج

تذكرت ولدج


وصاجه الله يرزق الجميع

ويولدون بدون قروض

مشكووووره
:eh_s(17):

 

[زيـنـه]

رد: الي يبي يشوف رويال حياة ويعرف عنه

اللي عنده علية بالعافيه و اللي ما عنده مو مضطر .. و الاسعار في متناول الجميع .. حتى المواساة عندهم غرفه ليلتها الف دينار .. المهم التساهيل من رب العالمين .
و دكاتره الولاده عندهم ريايل و في عرب .. و في دكاتره من بره تعاقدوا وياهم على توليد مرضاهم فيه .

و الله يسهل على كل حامل و يرزق كل محروم ان شاء الله .

 

[Raveena]

رد: الي يبي يشوف رويال حياة ويعرف عنه

عجيييييييبة


هالمستشفى ورانا و ليلحين ما شفتها


بس يقولون غاااالية

 

[bent OboOoha]

رد: الي يبي يشوف رويال حياة ويعرف عنه

الللللللللللللللله ماشاءالله اينن.... فندق درجة اولى مو مستشفى هذا
مشكورة وايد على هالصور حبوبه:eh_s(15):

 

[أم بدير]

رد: الي يبي يشوف رويال حياة ويعرف عنه

يسلمو الجميع عالمرور
:eh_s(17):​

 

[dhen3oood]

رد: حصريا عندي( رويال حياة)

بصراحة مريت على هالمستشفى اسعاره مووت والناس اللي يدخلونه ناس ذربه وشكلهم اهل خير والمواتر اللي بره فظيعه بس اقول خلونا على المواساة وايد زيييين

 

[جنتي^و^ناري]

رد: حصريا عندي( رويال حياة)

اللي تبي الأسعار تدخل هونيييي​

http://photos1.blogger.com/x/blogger2/5169/1110/1600/782062/Royal%20Hayat.jpg

ونسألكم الدعاء بالتساهيل

 

[ضحكة الدنيا]

رد: حصريا عندي( رويال حياة)

مشكووره حبوبه على التقرير الوافى ويعطيج العافيه
والله يهون عليج ان شاء الله

 

[ساره ستايل]

رد: حصريا عندي( رويال حياة)

انتوا من صجكم اعيال الهوامير يولدون بمستشفى خاص يروحون مستشفى الولاده ويقعدون بجناح كشخه وماتدفع ولا فلس
انا اعرف وحده مصممت ازياء معروفه وعندها اتليه وماتولد الا بمستشفى الولاده وماتقعد بالغرف العاديه لا عندها واسطه وتقعد بغرفه جنها بالخاص وابلاش واهيا ماشالله مو ناقصها حتى لو تدفع 6000 ولا شي عليها بس اهما يعرفون يوفرون احسن منا

صاجه الحنونة

هالناس اللي ما يولدون الا بالولاده .. موبس ايوفرون ..لأ
اللي عنده واسطه بالولاده .. يحطونه ابجناج نفس الملكلي اللي ابدار الشفا تقريبا
وبعد مو سسترات اللي ايولدونهم .. لأ ،،احسن الدكاترة الللي عندهم ايولدونهم
.. واحسن معاملة - واحسن اهتمام ورعاية

بس اللي ماتعرف احد اهناك ..لها الله -حسبي الله ونعم الوكيل-

 

[سيدة الكويت]

رد: حصريا عندي( رويال حياة)

يعنى دار الشفاء طاحت سكته