% كـل وحـده مـركـبـه تـقـويـم تـتـفـضـل ( تجمع خاص لبنات التقويم ) %

[* مـذهـلـه *]

سلام بنات انا عمري فوق الثلاثين واللي صاير عندي ان في فتحات مضايقتني بين اسناني وكلمالها وتكبر الفتحات

وبعدين اسناني اللي فوق مو متطابقة مع اسناني االي تحت

هل احتاج تقويم؟؟؟؟؟

وانا خاطري اروح عيادة بهبهاني في احد سمع عنها؟؟؟؟؟

وهم خاطري احط التقويم المخفي مابي الظاهر

يعور؟؟؟؟

حبيبتي الخاص ماكو عندهم شي اسمه مستحيل طالما تدفعين فلوس لو تبون يشيلون كل ضروسج ما يقولون لأ انتي روحي و استشيري الدكتور و اهوه بيطعيج الخبر الاكيد ..
​

 

[DooNy]

مذهله حبيبتي عند منو تعالجين؟

 

[* مـذهـلـه *]

قوة بنات اشلووونكم

انا مشكلتي مثل ما قلت بروز بالفكين

فييييييييه وحدة حالتها مثلي و عالجت بالتقويم و ردوا أوووكيه ولا شافت أحد لاني متخوووفة حددددددددددي

احس ان النتيجة بسيطة و بطيئة مدري ليش

انا كانو ضروسي مو متساويين و فيني بروز و ضروسي اللي فوق مو متطابقه مع اللي تحت حطيت تقويم و شالو مني 4 ضروس اثنين من فوق و اثنين من تحت و الحمدالله الحين كل مالهم و يدخلون و يروح البروز ..

بالعكس النتيجه بسرعه تبين و بتنصدمين منها ..

انتي توكلي على الله قبل لا يروح الوقت منج ..
​

 

[* مـذهـلـه *]

مذهله حبيبتي عند منو تعالجين؟

هلا حبيبتي ..

انا اعالج بعيادة الحكمه اللي بشرق دكتور اشوك اختصاصي تقويم
​

 

[* مـذهـلـه *]

عندي سؤال في احد يعرف عياده لتقويم يكون شغلهم زين وما يكلف وايد
لان انا بصراحه مليت من نطرت الحكومه صاري 9 شهور وانا ناطره؟

انتي مثلي انا اول شي رحت قدمت على الحكومه من شهر 6 اللي طاف شهرين و لا نادوني انصدمت صار شهر 8 و طنشتهم و رحت عيادة الحكمه اللي بشرق ما شاء الله زينه تعامل حلووو اول شي تدفعين مقدم 250 دينار و يركبولج التقويم و بكل زياره لج اللي اهيا تصير شهريه يعني كل شهر تروحين يشده لج تدفعين 50 دينار ..
​

 

[DooNy]

شلونهم ؟ تنصحين فيهم ؟ وشلون مواعيدهم زحمه وتنطرين دورج ولا أول ما توصلين على موعدج تدخلين ؟

وهل عندهم التقويم الداخلي الي يصير على الضروس من داخل؟

وعندهم خدمة طوارئ إذا فلت شي من التقويم ؟

جني كثرت بالأسئله

 

[* مـذهـلـه *]

عيادة الميدان 2242888
مركز البيان د.الخياط 2497797
فيرجينيا د.الكندري 5665131
البخيت كلينك د.أوس 2618255
مركز المباركيه 5630509
مركز الفوزان 2619557
مركز الحكمه 2641442
عيادة الخليج 2561444
مركز الطبي الكويتي 5759044
د.نعمت عيد 2525334
مستشفى الهادي د.ايراج
بيرفكت دنتل كير
دنتل كير الانصاري

مشكوره يا عمري ما قصرتي على ارقام العيادات ..
​

 

[* مـذهـلـه *]

شلونهم ؟ تنصحين فيهم ؟ وشلون مواعيدهم زحمه وتنطرين دورج ولا أول ما توصلين على موعدج تدخلين ؟

وهل عندهم التقويم الداخلي الي يصير على الضروس من داخل؟

وعندهم خدمة طوارئ إذا فلت شي من التقويم ؟

جني كثرت بالأسئله

و الله تعاملهم يجنن ..

و موعدج راح يصير شهري يعني كل شهر تروحين و اول ما توصلين تدخلين على طول ما تنطرين و لا شي و حتى ماكو زحمه حيل لانه مواعيدهم بالساعات يعني تجين على موعدج بالساعه و على طول تدخلين على دكتورج ..

و بالنسبه للتقويم المخفي و الله ما عندي فكره تقدرين تدقين عليهم و تسألين بس اعتقد موجود لانه اغلب العيادات الخاصه عندهم ..

اي خدمة طوارئ عندهم لاني لما كنت اروح كانت تقولي السكرتيره اذا صار معاج شي على طول تعالي او اتصلي تلفون ..

لا حبيبتي ما كثرتي حياج الله
​

 

[* مـذهـلـه *]

ان شاء الله ضروسكم كلكم يصيرون صف الرمان ثبت الموضوع عشان تخلونه دوانيه حقكم


دوانيه بنات التقويم::eh_s(9):

آمييييييييييييييين يارب تسلمين حبيبت قلبي

و مشكوره يا عمري على التثبيت ..
​

 

[DooNy]

مشكوره حبيبتي ما قصرتي

 

[* مـذهـلـه *]

هااي بنات .. صج التقويم ينحط مو مره وحده .. يعني اول شي فوق و بعد مده احطونه تحت ؟؟

و الله انا اللي اعرفه انه التقويم ينحط على كل لضروس مره وحده الا اللي ما تحتاج ينحطلها فوق و تحت انا اعرف وحده حاطه بس فوق تحتاج حق ضروسها اللي فوق و اللي تحت زينات ما فيهم شي و لا يحتاجون ..
​

 

[* مـذهـلـه *]

انا اعااني

سويته وخلصت وبعد ما شلته سويت

حادث وانكسر فكي وتفرقت اسناني

الحين ابي عياده خاصه بس اقل من 1000

ما عندي ميزانيه ممكن تفيدوني

يا عمري الف سلامه عليج حبيبتي و ما تشوفين شر ..

ممكن تلاقين بعيادة الحكمه اقل من 1000 يعني يحطه لج بـ950
​

 

[* مـذهـلـه *]

مشكوره حبيبتي ما قصرتي

حياج الله يا عمري ما سويت شي
​

 

[noty]

هلا مذهله شلونج ..يعطيج العافيه حبيبتي

امس رحت موعدي .. و قالي راح ياخذ سنه الى سنه و نص .. ومن فتره رحت حق دكتور ثاني عشان اقارن بينهم .. نفس الكلام ..

التطابق سليم .. مافي بروز .. ماراح اشيل اضروس

المشكله انه اسناني اللي تحت متحركين متزاحمين اللي بالويه .. انا حسبت السالفه ما طول جذي لانه مشكلتي مو معقده وايد انصدمت انه هالوقت كله

قالي اركب فوق الاحد الياي و بعد شهر اركب تحت .. ماراح اركبهم مع بعض .. انا فوق اوكي بس قالي اذا بحرك تحت لازم احرك فوق لانه بعد تحريك الاسنان اللي تحت لازم انضبط التطابق

 

[noty]

في وحده من البنات اطلبت صور .. هذولوا جم صوره .. حصلت وايد فمادري شختار

 

[^كويتية^]

سلام عليكم..،

بنات صج في شي يحطونه بدال الريتينر ؟
يعني اذا شلت التقويم ما يحتاي احط ريتينر!!

يقولوون تربطينهم !! بس مادري !! سامعين بالهكلام ؟!

لأن الريتينر صعععب !!

 

[SuGaR_VaNiLLa]

ماشاء الله شلون تغيرت ضروسهم من التقويم بس اشكالهم احس هي هي بس الضروس تعدلت



اخت غلا الدنيا
شلونج مع التقويم؟ انتي حاطة تقويم للفك عدل؟ ودي اعرف شنوالفرق اللي حسيتيه بهالفترة تحسين فكج تعدل شوي؟

 

[noty]

بحاول بين فتره و فتره اييبلكم معلومات عن التقويم .. وهذي اول المعلومات

تقويم الأسنان (orthodontics)
فرع من فروع طب الأسنان يتعلق بتقويم الأسنان والفكين من أجل تحسين الابتسامة وصحة الفم. تعني كلمة "أورثو" أن الشيء سليم أو مستقيم في قوامه وتعني كلمة "أودونت" سنا. في العادة يوصي طبيب الأسنان بتركيب أجهزة تقويم الأسنان لتحسين المظهر الطبيعي لوجه وفم المريض. فمن خلال العلاج بتقويم الأسنان يتم معالجة المشاكل الناتجة عن الأسنان المتعوجة أو المتزاحمة وبروز الفك العلوي أو العضة المفتوحة وسوء وضعية الفك واضطرابات مفاصل الفك.

* فوائد تقويم الأسنان:
- فائدة مباشرة وواضحة: استقامة الأسنان.
- فائدة غير مباشرة وغير واضحة: ضبط عظام الفكين، تغيير في شكل الوجه.

* مشاكل تقويم الأسنان:
من الممكن أن يسبب التقويم مشاكل عديدة للأسنان واللثة وخاصة إذا كانت الأسنان متراكبة فوق بعضها لأنه من الصعب تنظيفها وبالتالي تقع البكتريا في شراكها مما يؤدي إلي تسوسها والوقوع فريسة لأمراض اللثة وتآكل عظامها.

* تقويم الأسنان والكبار:
تقوم الأسنان في أي سن ولا ترتبط بعمر معين، وتستغرق مدته من 18 شهراً – عامين.

* تقويم الأسنان والأطفال:
أفضل سن ما بين 5 – 7 أعوام لفحص الأسنان لمعرفة ما إذا كانت تحتاج للتقويم من عدمه. وكلما كان ذلك في مرحلة مبكرة كلما كان أفضل لأنه يعني أسنان صحية وتكلفة أقل ونتيجة فعالة.

عملية تقويم الاسنان
هي عملية تصحيح العيوب الاطباقيه سواء كانت ناتجه عن اسباب تتعلق بالاسنان او بالفكين تتم المعالجه عن طريق الاجهزه الثابته او المتحركه للحصول على النتائج المرجوة.
لا يساعد تقويم الاسنان في الحصول على ابتسامة جميلة فقط، بل يساعد المريض على تحسين الناحيه الوظيفية مثل مضغ الطعام بسهوله، ويكون في بعض الحالات عاملا مهما في المساعدة في حل بعض حالات صعوبات التنفس ومشاكل المفصل الفكي الصدغي T.M.J.

هل ينبغي الامتناع عن أطعمة معينة أو التخلص من عادات شخصية معينة؟
نعم. يجب أن تقلل من الحلويات والبطاطس المحمرة (شيبس) والمشروبات الغازية. تسبب المأكولات السكرية والنشوية إفراز أحماض وتكوّن اللطخ الذي يمكن أن يسببا تسوس الأسنان والإصابة بأمراض اللثة.
بالنسبة للمأكولات الصحية الصلبة كالجزر أو التفاح اخرطها قطعاً صغيرة.
أما الحلويات الدبقة التي تمضغ كالكراميل فيمكن أن تسبب تلف الأسلاك وتفكك المشابك.
امتنع عن الوجبات الخفيفة الصلبة والمقرقشة التي يمكن أن تسبب كسر أجهزة التقويم بما في ذلك الفشار والبندق والحلوى الصلبة.
محاذير أخرى: مضغ مكعبات الثلج، امتصاص إصبع الإبهام، الإفراط في التنفس عن طريق الفم، عض الشفاه، ودفع الأسنان باللسان إلى الأمام

 

[noty]

[/IMG]

 

[Suki_Candy]

يزاج الله خير
يا نوتي