صور أكلات من تطبيقي متجدد

[krkooora]

تسسسسسسسسسسسلم ايدج

 

[++The DuchesS++]

كل عام وانتي بالف خير حبوبه
وينعاد عليج كل سنه بصحه وعافيه
واليوم سويت صينيه دياي بالفرن مع الخضار
على طريقتج طلعت وااااااااااااااو

 

[sindrella]

يعطيج العافيه نونو أكلاتج حدهااا تشووق


اليوم سويت حلوو الكابتشينو مالج و طلع حده لذييييييذ مشكووره

 

[ABEER FLOWER]

نونو مباااااارك الشهر علينا و عليج يارب
و على الأمة الإسلااااامية أجمعين يارب

و ألف شكر لج على طريقة الرنجينة
حدهااااا سهلة و ما يبيلها شي
و تسلم الأيااااااااادي

 

[nono78]

هلا حبيابي

مشكورين عالكلام الحلوووو

وبالف عافيه عليكم

واليوم ان شاء الله

مسويه خبز عروق

وباستا بطريقه يديده نوعا ماااااا

وان شاء الله ان الله قدرني انزل لكم الطريقه بعد الفطور

 

[mngo67]

بانتظااااااااااااااااارج يا النونو

 

[وردة-الكويت]

يعطيج العافيه وناطرين يديدج
ومبارك عليكم الشهر

 

[ror44]

يعطيج الف الف عافيه
وصلت 71 عشان مانسى

 

[nono78]

خبز العروق


نحتاج

كوب طحين

كوب طحين نخي (حمص)

الماي حسب النظر لمن يصير الخليط قوامه مناسب لا ثقيل ولا ماي مايو

خضار حسب الرغبه مقصصه صغار ( بصل- فلفل ملون- بقدونس- مشروم فرش- طماط جزر مبشور) الي يحب الحار يحط فلفل حااار

في ناس يحطون ربيان مقصص صغار او لحم مفروم ( انا ما احب)

بهارات مشكله
قفشة صغيره خميره

ملح ( ااو مكعب ماجي خضار)

فلفل اسود






الطريقه تنخلط جميع المقادير مع بعض وتترك تقريبا لمده نص ساعه عشان تتخمر العجينه السائله



تنصب بالقفشه الأكل في زيت نص عميق وتقلب حتى تتحمر وتقدم ساخنه




وبألف عافيه

 

[nono78]

باستا الربيان بالخضار





بنات سامحوني ماصورت الخطوات تدرون يهال وحوسه ومطبخ ورمضان والواحد بيقره قران مو بس بلعه


يالله نبلش المتطلبات

ربيان مفيوح مع المطيبات ( عود دارسين - قرنفل - هيل- بصله مقطعه انصاص- ورق غار ) بعدين يقصص نصين واذا كان الحجم جامبو 3 انصاص


خضار مقصصه (بصل - بروكلي - ذره - مشروم فرش - بيبي كورن ) ( صوره من النت )

الطريقه نحمس البصل ومن ثم الربيان لمن ينشف الماي اشوي

تضاف بهارات المأكولات البحريه ..... الخ من البهارات

وتضاف باقي الخضار

وتحمس
ويضاف صويا صوص ومكعب واحد ماجي وتقريبا نص علبه كريمه كي ديد دي


ولمن يستوي

تضاف عالباستا المسلوقه وتغلف بالقصدير والى الفرن لمدة ساعه على 180

يمكن بدال الربيان يبدل بالدياي

وبالف عافيه

 

[nono78]

طبق البسبوسه على الرابط هذا ( جنه ما يصير احط حلويات اهني )


http://q8yat.net/showthread.php?p=11757273#post11757273

 

[sindrella]

يعطيج العافيه نونو و تسلم إيدج


أنا برووح أسوي الستيك اللي خذيت وصفته منج

 

[nono78]

سندريلا

الله يعافيج ويسلمج حبيبتي

وان شاء الله يعجبج يارب

 

[++The DuchesS++]

مرررحبا

امس سويت مرقوقه بالصاج طلعت مووووصج
واليوم سويت البريوش مع الدياي + مرقه الربيان الخاثره
بس انا ضفت لها كزبره طلعت وااااااااو ريحتها مو صج الله يستر من الطعم لووووول

الله يعطيج الف عافيه حبيبتي
وبشوف شنو الاضافات اليديده

 

[مرمر75]

نونو تسلم الأيادي ... بس حبيت أقولج بخبز العروق تحطين باكن باودر ولا خميرة ؟؟؟؟ لأن أختي تحط باكن باودر!!! أرجو الرد بأسرع وقت ... وجزاج الله خير على الاطباق المميزة

 

[مس اموله]

باستا الروبيان شكلها فضيييييييييييييييع

تسلم يدينج على الوصفات الحلوه

 

[nono78]

نونو تسلم الأيادي ... بس حبيت أقولج بخبز العروق تحطين باكن باودر ولا خميرة ؟؟؟؟ لأن أختي تحط باكن باودر!!! أرجو الرد بأسرع وقت ... وجزاج الله خير على الاطباق المميزة

هلا حبيبتي يصير يا بيكنج بودر او خميره عادي

وفي ناس يحطون الأثنين

كل الطرق تؤدي الى رومااااااااااا :eh_s(6):

 

[nono78]

مشكورين حبايبي

عليكم بالف عافيه يارب

 

[باونتى]

نونو حبيبتى يعطيج العافيه .. أول يوم رمضان سويت الهمبرجر بصلصة المشروم وثانى يوم سويت تتبيلة الدجاج واليوم سويت فيليه هامور .. وباجر باذن الله تعالى بسوى طريقتج كباب بالفرن مع عيش زعفران

 

[أم الروووووون]

تسلم ايد الي عملها