دكتورة انت عارفة انو بنتي ما بتشرب الحليب ابدا و انا ناوية أجرب معها مرة أخيرة يمكن تحبه و تشربه سبحان الله و لهيك سألتك أي نوع تختارين ايهم الأفضل النيدو 1 بالعسل و لا سيميلاك 3 و عموما مشكورة كتير دكتورة و آسفة على الإزعاج و الله يعطيكي العافية
الله يعافيج
حياج الله
السلام دكتورة شلونج .... انا راح انطر الجمعة على نار ...
بنتي عمرها 10 شهور دكتورة كلللش ماتاكل ولا شي... وايد احاتيها شهيتها بالاكل كلش مافي الاكل اللي اسويلها ياه كله ينقط ويخترب لانها ماتاكل...
عفية دكتورة عطيني الحل اذا عندج
ومشكورة ويعطيج الف عافية
بنتج جم وزنها ؟
عموما احنا كأمهات نحب عيالنا ياكلون حسب رغباتنا احنا مو حسب شهيتهم
وايد يصادفني امهات يشكون ان البيبي ما ياكل و لما اجيك الوزن القاه طبيعي
و الأم تحلف انه ما يذوق الأكل
انزين بالعقل من وين ياب الوزن الطبيعي
معناه قاعد ياكب الكمية المناسبة و الكافية بالنسبة له
بس احنا مو عاجبنا هالشي و نبيه يخلص الصحن
او ياكل الشي اللي احنا نبيه ياكله
عموما
عطيني وزن بنتج
و جدول اكلها و الرضاعة مالتها و نوع الحليب
و اهم شي
ابتعدي تماما عن المشهيات و الفيتامينات
ترى مالها داعي الا اذا كان الوزن في مشكلة
ناطرة ردج
السلام عليكم يعطيج العافيه دكتوره... ولدي عمره سنتين و3 شهور ووزنه 12 وشي وشهيته للأكل حييييل ضعيفة أعطيه مكمل غذائي الي اهما فيتامينات الصيدليه بس خايفة عليه احسه ماياكل الا شي بسيط وليلحين يشرب حليب ميلوبا 3 قبل النوم بس.... بس ماكو الغدى شي بسيط والريوق اقل بعد هم الععشا يعني التوسته الوحده مايكملها تخيلي عمره ماكمل الاكل كله يقرم شوي ويقطه احس شهيته مو زود شالحل وياه؟واذا انحط الغدى ياكل السلطة وبس لا لحوم لا نشويات بس سلطة
ساعات يطلب مني الاندومي واذا سويته بس يشرب الماي مال الاندومي !!!!! والله مظيق خلقي
ووايد وبسرعه يمرض احس مناعته ضعيفة من قلة الأكل ماحس فيه صحه ولدي مع انه اسم الله عليه واااااايد حركي
الله يخليلج ولدج
وزنه طبيعي عزيزتي
لا تحاتين
سويله تحليل دم شوفي نسبة دمه اذا طبيعية
خليه براحته
اهو شهيته جذي
و قاعد ياخذ اللي يكفيه
دكتورة لو تكرمتى وين اقدر احصل تطعيم الروتا فى الكويت ---- وهل هو ضرورى للرضع وما فائدتة ..... ومتى يتم اخذة بالضبط؟؟؟ بنتى عمرها شهرين و15 يوم يصير اعطيها الحين ووين اقدر اعطيها.
مشكورة على ذوقك الرفيع ومبارك عليكم الشهر
بالنسبة لتطعيم الروتا
انا شخصيا ما اشوفه ضروري
اقول لج ليش
الروتا فايروس هو فايروس يسبب النزلة المعوية عند الرضع
و اللي تكون عبارة عن اسهال و ترجيع و حرارة
تاخذ لها يومين او ثلاثة و تروح
هل الروتا فايروس هو المسبب الوحيد للنزلة المعوية
لا
مليون فايروس و فايروس يسببون النزلة المعوية غير الروتا
و التطعيم يمنع الروتا فقط
يعني ممكن تعطين الطفل الطعم مال الروتا و تييله نزلة معوية مرة و مرتين و ثلاثة من فايروسات ثانية بكل بساطة
بالنسبة لوجوده بالكويت
بصراحة ما عندي فكرة وين تحصلينه
ممكن بالمستشفيات الخاصة تسألين بس بالحكومة مو موجود لي الحين
و الوقت ماله يكون
شهرين ثم اربع شهور و اذا احتاج الطفل 6 شهور
سلام عليكم دكتورة رشا ..انا عندي بنتي عمرها سنة ونص بس اهي متاخرة في كلش شي بدت تقعد يوم عمرها 11 شهر ويوم صار عمرها سنة و4 اشهر تقريبا بدت تحبي وللحين اهي ماتمشي .. ومن صغرها لما كان اي احد يشيلها كانوا يقولون لي بنتج وايد رخوة .. شنو يكون السبب حق كل هذا مع العلم انه بنتي سننت مبجر وطلعت كل اسنانها كاملة يوم كان عمرها سنة و3 اشهر ..
حبيبتي بنتج تحتاج تراجع طبيب اطفال يشوف سبب هالتأخير
و يحدد التحاليل و الفحوصات اللازمة
التسنين المبكر ماله علاقة بالتأخر بهالطريقة
دكتورة ما هو رايك فى ماء غريب لانى سمعت اقاويل كثيرة لانى بنتى يحوشها مغص فى الليل .....
سمعت انة مضر للرضع - للعلم بنتى عمرها الحين شهرين و15 يوم.
ارجو ان تفيدينى بالجرعة المناسبة لهذا العمر وهل هناك بدائل ام هذا صحى وليس لة اضرار كما قرات فى المنتديات والانترنت !!!!!
اشكرك جزيل الشكر
تحياتى ام يارا
بالعكس ماء غريب امن للرضع و هو عبارة عن زيت الشبت
و ليس له اضرار
بالنسبة للجرعة لعمر الشهرين تكون 5 مل ثلاث مرات يوميا
و البدائل متوفرة بكثرة
مثل نقط الديسفلاتيل و غاز بمبي و غيرها بالصيدليات
السلام عليكم ورحمه الله وبركاته
اشلونج دكتوره انا حدي مضايقه وانا يمكن والا أكيييييييييييييد سؤالي غير عن البنات ...
آنا يادكتوره ولدي عمره 7 شهور ، يبت خدامه لما كان عمره 4 شهور وامس مكتب الخدم دقوا علي وقالو الخدامه لاااااااااااااااااااااازم اتسافر طلع فيها (سل)
دكتوره انا خايفه على ولدي وهو دايم معاها ،،، تتوقعين تطعيماته راح تفيده للوقايه ؟؟؟؟
رااااااااااااااااااااااااااااااااااااااااارب ترحمنا والله خايفه
وشكرا
بإذن الله تفيده التطعيمات
بس لازم كل اللي بالبيت يروحون الصحة الوقائية تسون الفحص مال الدرن مو بس الولد
اذا ما كانت تكح بصورة واضحة غالبا ما تكون معدية
يعني الدرن مو مفتوح
بس لو كانت تكح ببلغم تكرمين لا الفحص ضروري
ما تشوفون شر
مرحبا دكتوره ومبارك عليج الشهر عندي بنتي عمرها5 شهور وحليبها سيميلاك ادفانس1 ومن كم يوم صارت ترفض الرضاعه حيل وخروجها اخضر له ريحه وتحط ايدها على طول بحلجها مااظن تسنين تقعد كم ساعه بس ترضع 2 رقم وبالمهاوش تتوقعين ماناسبها الحليب وقبل كم شهر شفت مع بولها عزج الله لون برتقالي وخفت وماادري ليش موراضيه ترضع هل من الحليب نفسه او من الرضاعه ماتحب ؟ اذا تعطيني اسم راس رضاعة كويس لان حتى رضاعات دكتور براون مااحس تقبلتها وابي الاكلات المفضله بعمرها ومتى اغير حليبها بعد كم شهر؟؟؟؟ وتسلمين ياقلبي
مراحب حبيبتي
علينا و عليج يتبارك
بالنسبة للتسنين مكن يبدا من الشهر الرابع حتى مو شرط الخامس
الاشياء اللي تقولينها اعراض تسنين بس مو معناته انه الضرس بيطلع هاليومين
لأ
معناته انه قاعد يصعد باللثة شوي شوي
و راح تشوفينها تتحسن و عقب جم يوم ترد نفس الشي لغاية ما يطلع الضرس
الحليب كانت تشربه عدي ما يصير فجأة ما يناسبها
اذا كنتي تحطين لها بسكوت بالحليب و بطلتي ممكن هذا يخليها ترفض الحليب
او بديتي تحطين لبسكوت بالحليب مكن ما حبته
المهم اي تغيير بطعم الحليب مكن يخليها بعد ترفض الرضاعة
بالنسبة للون البرتقالي بالبول
هذي املاح تصير في بول الرضع
مالها سبب معين و ما منها ضرر
بالنسبة للرضاعة
مافي نوع معين اقدر انصحج فيه
انتي اخذيلها جم نوع و شوفي تتقل شنو
و الحليب لا تغيرينه الحين ماله داعي
لما تكمل السادس عطيها رقم 2
و الأكل لما تكمل 6 شهور مو الحين
و الأنواع و الطريقة راح تلاقينها بهالموضوع بردود سابقة
تحياتي للجميع
و
مبارك عليكم الشهر الفضيل
