يومياتي مع خلطة ابو جميل لتخفيف الوزن..... استفيدوا قبل ما تسوون اي شي

[تاجي أخلاقي]

الغدير.. الف لاإله الا الله عليج ..ما شاء الله عليج مليوووون مرة
الله يحفظج ويسعدج ويوفقج ...

<<انا خاطري انحف بس اخاف من الخلطات .. فيه احد يقدر يساعدني وانحف من دون اي خلطات وربي بالي طول راح اصبر مهما كانت المدة بس ابي مسااااعدة

 

[om.5doja]

حبيبتي والله ماقصرتي والله يعطيج الف عافيه

والله يجعله بميزان حسناتج اللهم امين

والله يضعفنا على عافيه

حبيباتي امشوو على رجيم معين وشويه رياضه او تخفيف اكل وان شاءالله بتنزلون من غير هالسوالف ترى والله مضره ماهي منفعه

وموفقين يارب

والله يحفظكم يارب

 

[عيون تعانق بصمت]

اهلين بنات ..
انا مشتركه جديده وسجلت عشان هالخلطه <<<< ودها تنحف ..
وحده كتبت مقاديرها بمنتدانا لكن فيه مقدارين مو واضحين ورابط الموضوع اللي فيه المقادير مو راضي يفتح معي ..
بليز اللي تقدر تجيب المقادير بالضبط لا تبخل علي..

 

[L a w y e R]

انشالله تضعفين بصحة وعافية حبيبتي

انا جربت الخلطة بس مافادتني

والطعم الله لايوريج !! قمت ازرط الروب زراط لوول

وللاسف مافي ادنى تاثير :|

وسوري حسيت ان الموضوع دعاية من صاحبة الشان اللي سوقت للخلطة والحواي بمواضيع سابقة

والا شدعوة 100 كيلو بيومين ! < صيغة مبالغة لوول

والله انا من استخدمتها لانزل وزني ولاهم يحزنون

وفي شي محيرني

انا فيني لخبطة بالهرمونات وتكرمون الخلطة ماتنزل علي ! من جربت الخلطة اليوم اجيك والا تكرمون نازل علي دم !!!!!

شالسالفة مادري ! والله حرام هالـ 13 دينار !!

قلعتي انا اللي اشتطيت وايد لوول

انشالله نضعف بصحة وعافية حبيبتي

 

[L a w y e R]

امبيه يعني مو بس انا اللي مافادتني الخلطة !!

وعسى كلكم دفعتوله 13 دينار !!

صاحبة الشان خترد علينا وينها ؟؟؟

وجودج ضروري اختي الكريمة

 

[MoOn_STaR]

لوووووووول L a w y e R اي والله حسافه هالفلوووووس بس انا احسن منج بس اخذ مني 10 دنانير لاء وشنو يقول انا اوصل باليوم 20 علبه تخيلي الطلب الي صاير جان شريت فيها من اج اند ام حبيبتي والله انا استعملتها 8 ايام وتخيلي ولا غرااااااااااااااام وكنت راح ازيد الجرعه الي قبل الفطور وبعد اللفطور لان قلت مستحيل الاخت قالت 9 كيلو ويارتها وامها واهي نفسها قالت انا العطار اهو الي يسويبي مكس ومكانه بالجليب نسألها وندز خاص ماتتترررررد علينا لين طلع ررقم بو جميل بس اقولج شي قطي الخلطه بالزباله ابوي وسوي رجيم حالج من حالنا وانا قاعده استعمل جاي بايونجي ماادري شنو سالفته بعد هذا بس يالله جربنا هالخطله نجرب بغيرها شنسوي بعد امرنا لله وتاجي اخلاقي حبيبتي في تجمعات اهني وااايد حلوين وبنات يشجعون بعض ويساعدون بعض وانا دشيت بواحد من هالتجمعات نقس تجمع ودشي فيه قلبي

 

[L a w y e R]

يا انا يابو جميل افندي لوول

صج محد طقنا على ايدنا بس على قولتج اذا باليوم 20 !!

يطلع معاش شهر بيوم ماشالله !

انا متحلفه فيه لوول

خترد الاخت اللطيفه عالاقل تبرر موقفها وموقف بوجميل

لان مو معقولة ، كذا وحدة شكت من هالشي !!

يلا معوضيييين بنات لوول

.
.

حبي مون ستار

شيطلع جاي بايوجي ؟

ووين ينباع ؟

انا خقيت برمضان ولله الحمد بس مايبين لاني وايد بطه

ابي اضعف باي طريقة حتى لو ابيعها واخذ حبوب لوول

فـ فيديني يزاج الله خير

 

[الهبه88]

:eh_s(14):خواتي انا قبل كم يوم قريت منتديات كويتيه وحده اسمها ام نواف نفس الكلام كتبته عن ابو جميل وان وزنها 130 ولان ديرو بالكم من ها الشكال لي ماتخاف ربها

 

[وهج-البندري]

مراااااااااااااااحب

>>أحس انضربت على أفاي

أنا من عمري اسوي رجيم وأنحف الحمدلله ولكـــــــــــــن

مدري شاللي قردني وخلاني امشي ورى هالدعاية...سبحان الله أول مرة

وسويت الهوايل وناس جابوها لي من الكويت وحوسة

وطعمها اللي يديم النعمه ولا نزلت الا كيلو على رجيمي ونظام رمضان



بس ملاحظة الله يخليكم بقول شي غريب

غير طعم الرشاد اللي تأكدت منه.......لاحظت فيها

كمون...وكزبرة

لان الدورة عزكم الله متأخرة من شهرين واسبوع وبعد ماتسحرت عليها

الساعة 8 الصبح نزلت علي وبقوة وربي تكدر خاطري حتى النادي الرياضي مارحت له

من ألمها...

عاد ما أقول الا حسبي الله ونعم الوكيل

أول وآخرمرة امشي ورى هالخرابيط وزقووووم الفلوس اللي شريت بها كمية لي ولصديقتي واختي

وبتم على نظامي والنادي أبرك لي ولصحتي...

تحياتي للكل

 

[MoOn_STaR]

صبااح الخير حق الي قعدو هالصبح ونوم العوافي حق الي امثالي سهرانين :gathering:
اهم شي انا كل يوم ادش الموضوع حدي متفاعله غربل الله ابليسه
يالله وحده وحده بنات بالدور لووول :tomato2:

L a w y e R

اي من صجج انا اول ماقال 20 علبه قلت بس بتزوجه صار مليونيررررررررر من ورانا :eh_s(14):
والبنت ماادري عنها والله بس اهي قالت تجربتها وحطت الاسماء فا ماادري والله شنو وضعها بس اتوقع نيتها صافيه
وشوفي جاي بايونجي اختي وااايد مدحته تقول واايد حلو وزين واليوم راح يكون اول يوم استعمله نطري اسبوع واعطيج النتيجه بما ان انا شريته وخلصت فوق 13 الي راحو لا تروح 13 ثانيه خخخخخ ... تخاف علي فلوس الناس :ggdw:
وحبي انتي لا تشوفيني الله يخليج اذا انتي متينه شتقولين عني انا الله يخليييج دشي تجمع والله وبلشي رجيم انا بتجمع الحين واليوم ابلش الرجيم والرياضه وانا بعد بضعف صدقييييني امنيتي صارت هذي :0bee2e8d89:
بس مبلشه عمليه التغير الشامل انا خخخخ اي ماساعده ياصديقتي المتعذبه بفضاء المتن انا موجوده وانا يبته بوحده من المنتدي 10 دنانير و التوصيل 3
لا تهورين بسالفه الحبوب نطري فاره التجارب تعطيج النتيجه وبالمبارك عليج الي نزلتيه وشدي حيلج ابوووي :ada:

وهج-البندري

انتي نفسي بالضبط اول مره احنج علي شي وحنجت علي هالخلطه فحجيج صح ردي علي النادي والاكل الصحي تري احسن اذا فكرتي فيها عن الترهلات والبلاوي وصج شخصيتج تغير اراده وشغل عدل والله يعوضج ابوي الله ياخذ بحقنا من ابو جميل ويطيحون عليه المباحث يودونه بوزعبل وختفيده خلطته هناك خخخخخ ..حقووووده _03BA:
وعلي الدوره اذا تمت غزيره او شي جذي روحي الطبيب انا دورتي مو منتظمه ومانزلت علي فا نطري يوم اذا الالم روحي الطبيب وسلامتج حبي

الهبه88

اي والله تلعوزنا بهالخلطه شافونا نبي نضعف وحدنا متشوقين وبنفتك استغلو برائتنا لووووول اهم شي برائتنا الله يجازي كل واحد يحط شي ويأذي في الناس غربل الله ابليسهم ماادري شلون ينامون واهما مرتاحين :eh_s(14):

 

[آلسحرآلحلال]

قوة بنات شلونكم


حتى انا قريت الموضوع ... وشريت الخلطة حق خالتي ...

بقول راي بكل صدق وامانة ...


خالتي تقول مشالله حاسة انة بطنهاا خااااااااااااااااااااف وصغران واهي لهاا اسبوع بس .....


وانا مستغربة ليش مافادت وياكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معقولة من جسم لجسم تختلف ؟؟؟؟؟؟؟؟؟؟؟؟؟

 

[همامة]

مرحبا بنات


انا صاحبة الموضوع هي اللي طرشتلي رقم ابو جميل على الخاص
بس الحمد لله على كل حال ما ابي اظلم احد بس بصراحه ودي اجرب شاي بايوجي إختي انزلت على العلبه الاولى ب 18 يوم 5 كيلو و البنات بالمنتدى هنيه كلهم يمدحونه احتمال اجربه

 

[ام عزيزان3]

مسالخير عليكم كلكم
والله انا مادش مخي كلش موضوع بو جميل هذا بالمره من قريت موضوع البنيه وانا شامه ريحة دعايه
اتوقع الي خذو الخلطه منه بالميات بيومين
انا بقولكم علي شي ب3دنانير وراح تشوفون جسمكم كل يوم يخق علي اليوم الي قبله والله عن تجربه انا مومتينه وايد بس ابي اقط 4او5كيلو وصارلي فتره جسمي مو راضي يتزحزح الميزان((بس لاتستعيلون الوزن خلوا الجسم ياخذ راحته))
وحتي لو بين الوزن مو نازل وااايد يفرق عليكم جسمكم حييييييييل لان يشتغل علي الشحوم بالجسم مو السوائل وهذا الي يفرق بالوزن

والله يابنات لما شفت ردودكم وانتوا تشتكون من الخلطه قلت حرام اقولهم خل يستفيدون

ادري قرقت وااايد بس الي اقصده حبوب الشاي الاخضر ملوت مركز سلطان,,عجيييييييييييبه
صدقوني انا خبره بكل انواع البلاوي والخلطات والاعشاب بس هالحبوب صج فادوني ولنا من النوع الي جسمي مسوي مناعه علي اي شي اخذه مايتحرك,,,
بس نفس ماقلت لكم عطو جسمكم فرصه يحرق يعني مو اسبوع وتقولون مانزلنا
انا مابين علي باسبوع بس لما خلصت علبه حسيت فجأه قاعده اضعف وبلشت بالثانيه علي طول لما شفت مفعوله
وان اقولكم طريقتي اخذ حبتين مع الفطور,,اكل تمرتي والشوربا واصلي واكل الحبوب واكمل فطوري
بس حاولوا تاكلون خفيف او تتبعون ريجيم مفعولها يصير اقوي

بس نصيحه بنات وخروا عن البايوجي والقهوه الخضره قايلي الدكتور مو زييييينيييين كلش يسحبون الماي من الجسم يعني ينشفونه وانتوا عبالكم دهون الي نزلت واهي سوائل
بالنسبه للحبوب وايد مدحها وقالي ممتازين واخذيهم اثناء الوجبه

 

[الغدير82]

الله يجزااااج خير ..

بس والله يابنات .. صحتي أهم شي بحيااتي .. وما يحس فيها الا اللي فاقدها ..
وعساااااااااااانا ما نفقدها يااارب ..

المفروووض مو كل من هب ودب قااال اي سالفه ركض اشتريه او حتى اسويه ..
انا ما اعني المووضوع نفسه .. انا اتكلم عمووووما ..

يا اسأل دكتووور ويخاف ربه بعد ..
او اوديه لمختبر ..

وبجذيه اضمن اني ما اضر نفسي ...
ديروا بااالكم .. ورااااكم اهل يبونكم ..

والله العااام توفت وحده والسبة الحبووووب الصينيه مادري التايلندية .. كلت معدتها ..
وسفروووها .. وقالوا البنت خلاااااص راحت .. الله يرحمها ويغفر لها ..

ديروا باااالكم والله ... واللي مو راااضية على جسمها .. روووحي لدكتووور .. والتزمي معاااه
الله عرفناه بالعقل .. انزل مليووون كيلو بشهر !!! وين قاعدين ... !!!

الطبيعي وبريجيم من 5 - 12 كيلو ..

بس انتبهوا بنات ... والله يجزااااج ألف خير على نصيحتج ... ما قصرتي ...
وان شاء الله تنزلين بصحه وعاااافية يا رب ...


رااااايي ... ولــ حد يزعل

الله يجزاك خير حبيبتي

ماقصرتي على هالكلام اللي يبر الخاطر

ويلا بنات خلونا ننزل وزن بدون خلطات وخرابيط ناس مايخافون الله

خلونا على الجاي الاخضر وطقته

 

[الغدير82]

السلام عليكم
انا صارلي تقريبا اسبوع مستخدمه الخلطة ووالله ما نزلت ولا كيلوووووووووووو
بس بطني ماشية

الحال من بعضه حبيبتي

 

[الغدير82]

اتمني ان افيدكم يابنات اليوم شفت الموضوع انا صارلي الحين 8 ايام استعملها وجابره نفسي علي طعهمااا الي اللهم زيد نعمه لووووووووووعه اول مره اسويها بحياتي واكل اعشاب جذي
المهم انا نفسج الغدير يبتها من ابو جميل وعشمت نفسي وقعدت غصب نفسي عليها وجم مره كنتب برجع من الطعم
المهم والله وللامانه حق الي راح تقري موضوعج الله يعطيج العافيه عليه صججج لان شكيت بننفسي ان مانزلني ولا حتي غرام واحد واهو مفروض ينزل 9 كيلو كل يوم اوقف علي الميزان مااافي شي ولا بطني مشت الا مره او مرتين لا اكثر :eh_s(14): شكله احد حط الرقم دعايه او استغل الموضوع والمشكله ان صاحبه الموضوع مافادتنا بعنوان المكان الي تاخذ منه بس الله يعطيها العافيه ان ذكرت بس للامانه انا وحده من الناس الي ماحرك معاي غرام واحد
حساافه علي التعصر والطعم الخايس الي استحملته:0bee2e8d89:

خساره على الثقه اللي عطيناها لهم.....وعلى فليساتنا اللي راحت.....وعلى الطعم اللي يلوع الجبد

وربي طعمها كان يقعد بريقي طول اليوم ومتحمله......

ماقول الا منهم لله

 

[الغدير82]

الغدير.. الف لاإله الا الله عليج ..ما شاء الله عليج مليوووون مرة
الله يحفظج ويسعدج ويوفقج ...

<<انا خاطري انحف بس اخاف من الخلطات .. فيه احد يقدر يساعدني وانحف من دون اي خلطات وربي بالي طول راح اصبر مهما كانت المدة بس ابي مسااااعدة

والف لا اله الا الله عليج انتي بعد حبيبتي

يلا خلينا بندا ننزل وزن بدون خلطات......بنات خلونا نستعمل الكمون.....او الجاي الخضر


الكمون يوخر البطن.....والجي يخسس

بس مشكلتي ماحب طعمهم

 

[الغدير82]

حبيبتي والله ماقصرتي والله يعطيج الف عافيه

والله يجعله بميزان حسناتج اللهم امين

والله يضعفنا على عافيه

حبيباتي امشوو على رجيم معين وشويه رياضه او تخفيف اكل وان شاءالله بتنزلون من غير هالسوالف ترى والله مضره ماهي منفعه

وموفقين يارب

والله يحفظكم يارب

مشكووووووره حبيبتي
ماقصرتي واالله يجزاج خير على هالدعوه الطيبه

وانتي صاجه....مافي اهم من العافيه.....والله اقعد عمري كله بطبوطه....بس بعافيتي

والحمدلله على كل حال

 

[الغدير82]

اهلين بنات ..
انا مشتركه جديده وسجلت عشان هالخلطه <<<< ودها تنحف ..
وحده كتبت مقاديرها بمنتدانا لكن فيه مقدارين مو واضحين ورابط الموضوع اللي فيه المقادير مو راضي يفتح معي ..
بليز اللي تقدر تجيب المقادير بالضبط لا تبخل علي..

هههههههههههههههههه كلنا ودنا ننحف

يارب انشالله ننحف وحنا بصحتنا وعافيتنا

وبالنسبه للخلطه اتمنى البنات يفيدونك....لاني ماعرفها حبيبتي

 

[الغدير82]

انشالله تضعفين بصحة وعافية حبيبتي

انا جربت الخلطة بس مافادتني

والطعم الله لايوريج !! قمت ازرط الروب زراط لوول

وللاسف مافي ادنى تاثير :|

وسوري حسيت ان الموضوع دعاية من صاحبة الشان اللي سوقت للخلطة والحواي بمواضيع سابقة

والا شدعوة 100 كيلو بيومين ! < صيغة مبالغة لوول

والله انا من استخدمتها لانزل وزني ولاهم يحزنون

وفي شي محيرني

انا فيني لخبطة بالهرمونات وتكرمون الخلطة ماتنزل علي ! من جربت الخلطة اليوم اجيك والا تكرمون نازل علي دم !!!!!

شالسالفة مادري ! والله حرام هالـ 13 دينار !!

قلعتي انا اللي اشتطيت وايد لوول

انشالله نضعف بصحة وعافية حبيبتي

حبيبتي اتوقع اللي نزل عليج الدم هو الرشاد.....اللي ماجابو له طاري

كلنا اشتطينا وصدقنا..... لأن الصادق يصدق كل كلمه.....بصراحه بعد هالموقف المفروض ناخذ حذرنا من الناس اللي لهم اطماع تجاريه بعيده عن الذمه....

ومانراكض وراهم قبل مانتأكد.....بس الحمدلله اللي جات لحد كذا

ويارب كلنا نضعف ونوصل للمستوى اللي نبيه

مشكووووووووووووره حبيبتي عالتعليق الحلو والمرور الاحلى