مسوية جراحة فك .....قولي تجربتج هني

[سارة252]

اهلا غلاه
رفع الفك العلوي يعني اذا كانت لثتك واظحة يرفعون الفك عشان تختفي
انا قعد في المستشفى 5 ايام .. ( بس ترا المفروض 3 بس تدلعت عليهم :d)
يعني بيرجعون فكك العلوي والسفلي ... وانصحك سويها عند عثمان الطويرقي تراه ما يغير شكل الخشم يحاول يحافظ عليه خاصة انك بتحركين فكك العلوي فيمكن اذا رحتي عند احد ثاني ممكن يتغير خشمك للاسوأ
واي اسالة ثانية انا حاضر ×)

 

[سارة252]

رديت رد واختفى

يالله بعيد

اهلين غلا رفع الفك يعني اذا كانت لثتك باينه يرفعونلك فكك عشان تختفي
قعدت بالعناية 5 ايام بس ع كلام الدكتور اكثر الناس يقعدون 3 ايام
ما قعدت في العناية ابدا ع طول ودوني للغرفة يمكن كنت في العناية قبل ما اصحى من المخدر .... لأنهم دخلوني العملية 9 الصباح ورحت لغرفتي 5 العصر فاكيد مو كل هذا عملية كان فيه وقت كنت في العناية (يعني المدة ساعات فقط)


وع جراحتك اكيد بيرجعونهم كلهم لورا بس انصحك روحي لدكتور زين عشان تحريك الفك العلوي راح غير شكل خشمك ( الدكتور عثمان ترا يحاول قد ما يقدر ما يغير شكل الخشم )

 

[سارة252]

هلا فيك والله (غلااه)

كم يوم ظلتي في العنايه ؟
وكم يوم بالمستشفى ؟

في العناية بس يوم وحتا كل الوقت الي كنت في العناية كنت فاقدة الوعي يوم رجعلي الوعي ودوني غرفتي وقعدت من الاحد للخميس

وفيه شغله مافهمتها .. يعني شو رفع الفك العلوي ؟

رفع الفك يعني الناس الي لثتهم باينه يرفعون الفك عشان تختفي

انا فكي العلوي والسفلي بارز ؟
كيف يعني بتكون الجراحه ؟

راح يرجعوون الفكين بس انتبهي روحي لجراح زين لأنك بتحركين فكك العلوي وهذا بغير شكل خشمك ( عثمان الطويرقي مررة يحافظ ع شكل الخشم روحله لو قدرتي )

واي شي ثاني انا موجودة

 

[سارة252]

هلا

كم يوم ظلتي في العنايه ؟
وكم يوم بالمستشفى ؟

ظليت اقل من يوم بس الين ما رجعلي الوعي بعدين ودوني غرفتي وقعدت في المستشفى من الاحد الى الخميس

وفيه شغله مافهمتها .. يعني شو رفع الفك العلو

اذا كانت لثتك تبان يرفعونلك الفك عشان تختفي

انا فكي العلوي والسفلي بارز ؟
كيف يعني بتكون الجراحه ؟

بيرجعونلك الفكين بس انتبهي انك تروحين لدكتور زين عشان ما يتغير شكل خشمك اذا حركتي فكك العلوي ( ارشحلك عثمان الطويرقي تراه يهتم بهذي الاشياء)


وا شي انا موجودة

 

[dantella]

السلام عليكم ورحمة الله وبركاته
واسعد الله الجميع بخير

بصراحه بحثت كثيييييييير عن هذا الموضوع لكن لم أجد مايروي عطشي عن هذا الموضوع إلا هنا

جزاكم الله خير يا بنات الكويت

بصراحه اقرأ الردود صفحه صفحه وانا مستمتعه كثييييييييير واستفدت أكثر واكثر
ولسى ماخلصت قراءه لكن ماعندي صبر لأني حابه اسئل


عندي كم سؤال للأخت دانتيلا ولا يهنون الباقين

سويت التقويم من كم سنه ونصحوني الأطباء عمل تقويم جراحي للفك لكن تجاهلت الموضوع

والآن رجعت اسعى لعمل هذه العمليه

الآن الاسنان مسكره ولا توجد أي فتحات بينهم


وفهمت من كلامكم أن هناك خلع أيضا للأسنان لأجل العمليه

سؤالي .. أي الأسنان تخلع ؟
وإذا كان يوجد ضرس عقل هل أيضا يخلع ؟؟
إذا كذا اجل كم باقي من أسناني !!!!!!!!!!!!

وهل الخلع قبل العمليه وكم المده ... أو أثناءها ؟






سؤالي الثاني .. وتحمليني والله يجزاك خير

بعد العمليه أعرف المريض يستفرغ البنج

كيف استفرغتي والفم شبه مسكر !!!!

أتخيل احيانا وقت فتره العمليه أن الدم سينزل للبطن وبعدها قد أستفرغ لذا سألت هذا السؤال هههههه




سؤال آخر ..... هل الأطباء حذروك من أن هناك أثار جانبيه خطره قد تحدث مثل شلل عصب في الوجه ؟
(الله يستر)




امممممم وش كمان باقي اسئله
ايه صح أنا وزني 48 تتوقعين كم بنقص خخخخ ؟؟؟؟




اختم اسئلتي بصوره

هل العمليه بهذا الشكل ؟




وبعد العمليه نوع التقويم متحرك ولا مثل الأول !؟



ولك مني جزيييييييييييييل الشكر




​

هلا حبيبتي
انا قبل الجراحه خلعو اخر سنين من فوق مع اني كنت خالعه سن العقل من زمان لكن الى يومك هذا مو عارفه سبب الخلع
بالنسبه للاستفراغ يعطونج حقنه تمنع الاستفراغ لان مافي مجال انج تستفرغين بسبب ان الفم مسكر مشكله هالحقنه انك راح تحسين بشويه غازات
بالنسبه للصوره لا ابدا كانت الجراحه بهذا الشكل ابدا عالاقل بالنسبه لي حتى ان ماشفت اي اثر للون الاحمر

 

[Blonde B]

هلا بنات

انا رحت للطبيب اليوم وحدد عملتي قال بتكون شهر 1

ونااسه يعني يمديني اخلص الكورس الاول =)

 

[سارة252]

مككرر خبص معي

 

[غلاااه]

هلا ساره

الله يجزاك خير ويعطيك ربي العافيه

ومعليييييييييييييش تعبتك في الرد آسفه حبيبتي

انا مقدر أسويها في الرياض لأني بسويها إن شاء الله في جده في مستشفى الحرس مستشفى الملك عبد العزيز

بصراحه على صعوبتها إلا أني ودي .. بس ما أخفيك خففففففففففففت مره لما قرأت موضوع الطويرقي لما ماتت البنت
فعلا الوجه فيه كل الاعصاب والاحاسيس ..

مررررررره خفت

انا بنتظر ملفي يفتح واقابل الدكتور إن شاء الله بعدها أقرر قرار نهائي بس مرررره ودي اسويها


تيب سؤال ... انتي تعانين من التنفس مثل دانتيلا ؟


..........

غاليتي دانتيلا
جزاك الله خير والله يسعدك

والله خايفه يشيلون أضراس العقل فوق وتحت وغير الضروس إللي تحتاجها العمليه وبكذا مايصير عندي أسنان ؟!!

الله يسهل

والحمد لله مريتو بالكابوس أنتي وساره بالسلامه وإن شاء الله دورنا .

لكم ودي..


...
تدرون بنات وش همي ..
ما اهتم لا بالورم ولا بازراق ... همي إني أقوم بالسلامه وانجو من أخطار العمليه
وعاد الباااااااااااااااااقي يهوووووووووووووووووووووووووووووووووووووووووون

الاكل لاحقه عليه
والورم والزراق خليه ياخذ وقته
والكلام كمان لاحقه عليه



.​

 

[غلاااه]

هلا بنات

انا رحت للطبيب اليوم وحدد عملتي قال بتكون شهر 1

ونااسه يعني يمديني اخلص الكورس الاول =)

إن شاء الله تسوينها على خير
وتقومين بالسلاااااااااااااااااااامه ​

 

[سارة252]

مدري وشفيه عندي يختفي ردي

عاد ان شاءالله ما يقعد يعيد زي تو

اهلين غلاه ما تعبتيني ولا شي بس الردود تختفي واقعد اعيد

وعن التنفس لا ما جاني شي الحمدالله

 

[غلاااه]

جزاك الله خير سارونه :eh_s(6):

والله يسهل إللي فيه خير .​

 

[سارة252]

غلاه وش اسم دكتورك ؟

 

[غلاااه]

آآآآآآآآآآه يا ساره

جيتي ع الجرح

لأني متري مين دكتوري

انا من زمان طالبه فتح ملف هذاني انتظر

انا طالبه على مستشفى المللك عبد العزيز بجده

وإللي حولتني قالت فيه الدكتور فلان وفلان شاطرين مره

بس نسيت أسماءهم هههه


انتي تعرفين أحد في مستشفى الملك عبد العزيز شاطر ؟


سارونه حبيبتي بالله ماخفتي لما قرأتي وعرفتي فيه آثار جانبيه ممكن تكون خطره ؟

حدي خايفه






​

 

[أحب أمي]

انا خلصت تقويم

وبديت مراجعات للبابطين عشان العمليه

بس خرعتوني شنو آثار جانبيه !!



ماكو تشجيع ابد

 

[dantella]

هلا فيج احب امي
حرام عليج كل هالموضوع الي شطوله وقاعدين بكبر الموضوع نقول شحلاتنا صرنا عقب هالجراحه واخرتها تقولين ماكو تشجيع؟
فديتج والله
لاتخافين ولاتحاتين كل جراحه لها اثارها لكن مقدور عليها دامج مقتنعه بالي تسوينه
الله يوفقج يارب
عند اي دكتور بالبابطين راجعتي؟

 

[سارة252]

غلاه صراحة توي ادري انه فيه اثار جانبية كيف يعني اثار جانبية ؟
ما اشوف فيها شي ؟ احس مشكلتها الوحيدة هي الخشم
فيه شي ثاني ؟!

 

[سارة252]

خوفتوني ردو بلييز

 

[غلاااه]

غلاه صراحة توي ادري انه فيه اثار جانبية كيف يعني اثار جانبية ؟
ما اشوف فيها شي ؟ احس مشكلتها الوحيدة هي الخشم
فيه شي ثاني ؟!

كيف محد قالك عن الآثار الجانبيه !!

يعني أقصد يمكن يقولك يصير شيء بالأعصاب ... مثلا أخاف يصير مثل ماصار للبنت الله يرحمها

أنقطع عرق البصر عندها والعرق المغذي للمخ وماتت !!!

هذا خوووفي


يعني ماهمني الخشم والورم والزاراق .. كلها مع الوقت تروح

..

تيب معليش انا اسأل من خوفي ... انتي استفرغتي بعد العمليه ؟
وكيف قدرتي والفم مسكر ؟
لأنو فيه وحده هنا قالت استفراغ دم !!

..

مع كل الحب​

 

[سارة252]

اهلا تدرين ما قالي عن كذا ... تخلت وانا ما ادري عن شي
بس الحمدالله عدت ع خير اذكر جاني غثيان واستفرغت شي بسيييييييييط مررة زي الموية لأن بطني كان فاظي
و لا ما استفرغت دم واصلا ممرضة تسير ورا راسك طووول الوقت اول الايام حتا وانتي نايمة كانو يخافون اختنق او شي لأن خشمي كان معبى دم جاف وكل شوي ينظفونه لي
اول الايام الي هي كانت في المستشفى كانت اصصصعب شي بعدين خلاص مررة يسهل الوضع
ولا تهملين صحتك اببد في الشهر الاول الي تكونين فيه مسكر فمك مثلا اشربي شربة عدس لأن فيها بروتين وكان يقولي الدكتور اقل شي 6 كاسات عصير في اليوم واحسن شي نصحني عليه الدكتور كان شراب تشترينه من الصيدلية اسمه انشور فييه الفتمينات الي يحتاجها الجسم احسة اكثر شي حافظ ع صحتي الحمدالله لأن لو اهملتي بيطيح شعرك ممكن يجيك فقر دم ويسيرلك بلاوي شهر بدون اكل شي موب سهل فحاولي تجمعين كل انواع الفتمينات

 

[سارة252]

وكيف قدرتي والفم مسكر ؟

عادي لأنه كان سايل مرة وخفيف وقليل فعادي طلع من بين السنون ( ادري قرفتكم )
بس هم مررة بيحاولون انك ما تستفرغين واظن يعطونك شي ضد الاسفراغ