هل لديكم طفل يعاني من التوحد- خلونا نتجمع

[الأنيقهـ]

حياج الله معانا

بس ليش ما عطوا ولدج مخدر انا حمودي عطوه مخدر علشان يسوي الاشعه الرنين المغماطيسي و بس خلص الاشعه قعدوه

و سويناها في مستشفى مبارك

عزيزتي حبيت اوضح لج اني من البحرين .. وان شاء الله لما اروح حق الدكتور راح اتفق معاه انه يخدرونه وان شاء الله الله يسهل ... ومشكوره على الاهتمام ...​

 

[الأنيقهـ]

درس جميل جدا يمكن كل ام تفيد طفلها فيه ...

عند الدخول للاستحمام يمكن ملى القليل من البانيو بالماء مع بعض الالعاب اللي يحبها الطفل ..

انتي تكونين لابسه بجامه ويمكن انه الملابس تمتلى ماء بس اهم شي الاستمتاع مع الطفل ..

تكونين متفرقه ساعه كامله له وحده وما يشغلج لا تلفون وله طفل ثاني وله زوج وله شي ...

تملئين زيله غسيل الملابس باليد ماء وتحطين بعض من ملابس طفلك .. (( بنطلون جينز- فانيله بلون واحد - ملابس داخليه - جوارب - شورت - قبعه )) واللي يكون موجود عنده ...

تضعينهم في الماء ... وتلعبين معاه لعبه الملابس ... يتعلم يحركهم في الماء لتقويه العضلات .. يقلدك في الغسيل يعرف معنىالغسيل .. وفيها فائده كثيرا ..

يستفيد الطفل من هذا الدرس ما يلي ..

يتعلم المتعه في الساعه المصاحبه للام فيها ويحس بوجودك

يستمتع بوقت الاسحمام لان اغلب الاطفال التوحديين لا يحبون الماء

يتعلم اسماء ملابسه فتخبرينه هذا جينز فلان ويتعرف على اسماء ملابسه الداخليه لنعلمه لاحقا طريقه لبسهم ويتعلم الجاف والمبلول ..

يتعلم الالوان حيث تخبرينه ان الفانيله حمراء والجينز ازرق ويتعلم مع التدريب والحث المستمر ...

يتعلم ملامسه الملابس والماء واللعب به ..

يتعلم طريقه غسيل الملابس ويتستمتع بذالك ..

ابني استفاد كثيرا من الدرس وان شاء الله تطبقون الدرس وتخبروني عن ما حصل معكم ...

وانتظروني في درس جديد ...

 

[& الذاهبه &]

روعه بانتظارج يا الأنيقه

 

[حوري2004]

مرحبا اختي الانيقه
طريقتج هذي انا مسويتها مع وليدي دايما ليمى اقوله يالله نروح نتسبح يقعد يقحص وعلى طووووووووووول يفصخ فلينته ويقول ماي سبح (اهو فديته يحب يسبح )ويموت بكي لاطلعته من الحمام بس انا ادخل اخوه معاه لان الكبير يقعد يتحلطم ومرات يبكي ليش ما تسبحيني مع سعودي واخاف يغار منه واحط مكعبات فلين واقول احمر اخضر اصفر واهو طاف كاني العب بروحي ويلعب معاي اولدي الكبير واهو بس يا يطشر علينا الماي ولا يلعب وبالماي بدينه بس بصراحه ما اقعد ساعه اقل وكنت اشيله من البانيو ويستخف بكي يبي يرد يلعب واهو على صيحه وحده صفارة انذار الله يصلحه
والشغله اللي استفدت منها بوجود اخوه امس كنت اسبحهم والعب معاهم وجيت ابي اطلعه قلت لاخوه اطلع انت قبله وخلني البسك الروب واطلع قدامه وفعلا سويناها ولما شليته ساكت ولا احلا منه حتى ابوه يقول اليوم متسبحين ما سمعة صيحه ( ما نتسبح إلأا وقت الظهر حركة نذاله )
وان شاء الله بسوي حركة الملابس وبحطها معاهم

 

[& الذاهبه &]

حوري وليدج اسم الله عليه جم عمره؟

 

[الأنيقهـ]

درس المعكرونه

تعملين معكرونه بالمكونات اللي يحبها طفلج ... بالطماطم او باي شي يحبه او حتى مسلوقه بدون شي ... وتعطينه الشوكه .. وانتي تطبخينهاطبعا يكون معاج طبعا بعد السلق تقعدينه معاج وتقولين له معكرونه بناكل معكرونه وتعيدين كلمه معكرونه وانتي تلفتين انتباهه بها علشان يعرف ان اسمها معكرونه ... بعدين تقولين له صحن وتكررين الاسم الى ان تضعين المعكرونه بها ... تعطينه شوكه وتكررين اسم شوكه الى ان يحفظها .. بعدين تعطينه الشوكه البلاستك ويحاول يلتقط المعكرونه وياكلها ... بنفسه ..

ذي التمرين يساعد على التعرف على الاكل واسم الطبق ويتعرف على الاواني اللي يحطون فيها الاكل واسم الشوكه ...

يتعرف على الطريقه الصحيحه للاكل ويتعلم الاعتماد على النفس بالاكل لوحده ..

يشاركك الاكل وتكونين بجانبه ..

تقوى عنده القدره على التركيز و الانتباه ..

تقوي القدره الذهنيه والبصريه والانتباه ...

اتمنى من الامهات ان يطبقوا الدرس ويخبروني ما حدث معهم



انتظرووووووووووووووني

 

[& الذاهبه &]

مشكورة

 

[المستغفرة 74]

اللة يصلحهم .حوري تصدقين جنج تسولفين عن ولدي. وضويري ولدي عمرة 11 واكتشفت مؤخرا انة يدل الاماكن مثلا اذا طلعنا مكان معين يصيح صيحه مطافي ويقول ( روووح حديكة)يعني حديقة .لان يكون قريبين عند الحديقة الي يلعب فيها .وساعات لبيت امي .يدل ماشاء اللة علية والله يسعدة ويعافية.

 

[& الذاهبه &]

صبااح الخير

 

[حوري2004]

حوري وليدج اسم الله عليه جم عمره؟

سعودي عمره سنتين تسع شهور 7 \11 يتم الثلاث سنوات

 

[حوري2004]

درس المعكرونه

تعملين معكرونه بالمكونات اللي يحبها طفلج ... بالطماطم او باي شي يحبه او حتى مسلوقه بدون شي ... وتعطينه الشوكه .. وانتي تطبخينهاطبعا يكون معاج طبعا بعد السلق تقعدينه معاج وتقولين له معكرونه بناكل معكرونه وتعيدين كلمه معكرونه وانتي تلفتين انتباهه بها علشان يعرف ان اسمها معكرونه ... بعدين تقولين له صحن وتكررين الاسم الى ان تضعين المعكرونه بها ... تعطينه شوكه وتكررين اسم شوكه الى ان يحفظها .. بعدين تعطينه الشوكه البلاستك ويحاول يلتقط المعكرونه وياكلها ... بنفسه ..

ذي التمرين يساعد على التعرف على الاكل واسم الطبق ويتعرف على الاواني اللي يحطون فيها الاكل واسم الشوكه ...

يتعرف على الطريقه الصحيحه للاكل ويتعلم الاعتماد على النفس بالاكل لوحده ..

يشاركك الاكل وتكونين بجانبه ..

تقوى عنده القدره على التركيز و الانتباه ..

تقوي القدره الذهنيه والبصريه والانتباه ...

اتمنى من الامهات ان يطبقوا الدرس ويخبروني ما حدث معهم



انتظرووووووووووووووني

ودي اطبق الدرس بس مشكلته ما يردد الكلام ابدا ( إلا إذا اهو يبي يردد ومزااااااااااااااااااااااااااااااجي ) والله تعبيني فديته

 

[حوري2004]

اللة يصلحهم .حوري تصدقين جنج تسولفين عن ولدي. وضويري ولدي عمرة 11 واكتشفت مؤخرا انة يدل الاماكن مثلا اذا طلعنا مكان معين يصيح صيحه مطافي ويقول ( روووح حديكة)يعني حديقة .لان يكون قريبين عند الحديقة الي يلعب فيها .وساعات لبيت امي .يدل ماشاء اللة علية والله يسعدة ويعافية.

الله يسعدهم ويشافيهم فديتهم
عفيه بنات ادعولي يوم الاربعاء عندنا موعد عن الدكتوره فاطمه وراح تقيم حاله سعودي
وبخليها تشوفلي شنو سالفة انزيم العظم المرتفع ( عسى الله يستر )
اللهم لا اسالك رد القضاء ولكني اسألك اللطف فيه
بالله يا بنات اقرو على عيالكم احس سعودي صار احسن من قعدت اقرى عليه فديته ( والله مرات اخاف منه يطقني على حلجي )يبيني اسكت يشككني انه فيه شيء سم الله على وليدي
وابي رقم او مكان الحداد ومحد قالي وين احصله

 

[Emanova]

السلام عليكم

اليوم اخيرا سوينا عمليه حق حمودي حق اسنانه لان عنده سوالف وايد و فراغات فما نفع ان يتعالج في بنيد القار فحولوني على الاميري و سوينا ضروسه كلها مره وحده تحد تخدير كامل و حطوا له طبقه فلورايد علشان تحمي اسنانه

 

[& الذاهبه &]

الحمدالله على سلامه حمودي يا ايمانوفااا

حوري ياقلبي انا قتلج الحداد ما ادري وينه الحين اناا انشاء الله راح اودي بنتي لمطوع الخفجي وفي وحده يمدحونهاا بالجليب اسمها ام احمد وفي بوطلال اللي بالأندلس

عسى ربي يخليلج وليدج ويقر عينج فيه

 

[الأنيقهـ]

ناخذ درس يديد ...

علمي ولدج طريقه صب العصير في الكاس ... حيث يتعلم التوازن ويتعلم طريقه التركيز ويعرف ان العصير يصب في الكاس ... وبعد فتره تعلمينه يفتح الثلاجه لوحده ويأخذ الجيك العصير ويصب العصير في الكأس ويشرب فيتعلم بذلك مهارات الحياه اليوميه ويتعلم التركيز ويساعد نفسه في تحمل مسؤليه الشرب وشوي شوي راح يتعلم ...

لا تزعلين اذا سكب الكثير من العصيير في البديه لكن مع التدريب سوف يتطور ويتعلم الاعتماد على نفسه في عمليه الشرب ...

الله يساعدكم على هالتدريب ...

وفي انتظار ما حصل معكم في هذا التدريب ...

انتظروني في تدريب جديد ... ان شاء الله ...

 

[حوري2004]

اختي امانوفا حمد الله على سلامة حمودي
وابشركم رحت اليوم حق الدكتورد فاطمه العوضي والله كلامها حيل ريحني ولله الحمد تقول التوحد اللي عند ولدج بسييييييييييييييط ولله الحمد تقول اهو عنده صفات توحديه بس مع شويه انتباه واهتمام اكبر يكون طبيعي اميه بالاميه ( الف الحمد لله والشكر يارب )
ومن ناحية الدايت قالتلي ما انصحج فيه لانه غالي ونتايجه مو مضمونه وولدج ما يحتاج شغل وايد وان شاء الله مع الاهتمام والرعايه مثل ما اشوفج تسوين له لاني اكنت اكلمه عندها مثل طريقتي في البيت وقالت استمري معاه وبس
وبالنسبه لانزيم العظم قالت بعد العيد بتشوف ملفه اللي بالوطني وتردلي خبر لان حرام ناخذ منه دم ثالث مره وقالت ممكن ينزل من نفسه لان الانزيم يرتفع عند بعض الاطفال في طور النمو فعلا ريحتني
وطبعا انا طلعت حدي مستانسه وزوجي طلع حده معصب يقول ما عطتنا دوا ولا سوت تحاليل وبس تراقبج انتي وياه وتقول كل اللي تسوينه صح بس ( شنو سوت ) قلتله راحتي النفسيه ما تسوى ( طبعا افحمته وتوهق ابو الشباب وقالت يبا اسفين تسوى بس مو سعرهم مبالغ فيه شوي ) قلتله ايوالله بس الله يعين والحمد لله وختمها الاخ برد رومانسي طبعا لعيون الغلا كله ادفع روحي علشان ترتاح

 

[& الذاهبه &]

احس هالتمارين لطفل بعمر اربع سنين انا بنتي توهاا صغيرونه احسهاا ماتفهم علي عممرها سنتين بس تحب تلون وتحب لعبه البابلز الحمدالله شوي شوي قاعده تتحسن

مشكورة يا الأنيقه

 

[& الذاهبه &]

الله يطمنج بالخير ياحوري

وانشاء الله الله يبلغج فيه... الحمدالله ربج كريم والتوحد البسيط في امل كبير انه يتشفى بس بالرعايه والإهتماااام

زين انا بنتي عند عبير وودي اعرضها على فاطمه بعد عشان اطمأن اكثر بس ماني قايلتلهاا اني اراجع عند عبير بشوف شتقولي,,شرايج تنصحين اروحلهااا

اي والله ياوخيتي فلوس الدنياا ماتسوى شي بس نتطمن على عيالناااوالله يخليلج زوجج وعيالج

 

[حوري2004]

ام خالد
ما انصحج تروحين لفاطمه مو قصور فيها لا والله حشا الدكتوره الله يجزاها الجنه ريحتني بس بنتج صغيييييييره حيل وتوها وهي الدكتوره بنفسها امدحتلي الدكتوره عبير بس اهم شيء لا تخلين بنتج والله انا ما اعاد انام لا واهو عندي ولا انا عنده معاه بفراشه
واليوم منومه معاه اخوه ولحد الحين ما قعد العاده الساعه 4 بالكثير 5 قاعد قلبه يرقع ومخترع ويبي يلبد عندي ويا ويله ابوه لا حاول يمسكه ولا يشيله
وحاليا محتاره شلون اوديه حضانه وهالفلونزا طلعتلنا حظ نصيب (قالتلي وديه حظانه ولا تقولين لهم معاه توحد قولي لهم تاخر بالنطق )

 

[الأنيقهـ]

الله يطمن قلبج عليه يا حوريه ...

ومتى بسجلينه يعني بالمدرسه ... احين بيبتدون الدراسه ...

الله يعينه على محاتاه هالانفلونزا اللي بتعطل شغلنا مع عيالنا...

طلبوا لي فحوصات ولدي تطلع يوم الاحد وان شاء الله ما عليه شر ... ياررررررررررررررررررررررررررررررب