هل لديكم طفل يعاني من التوحد- خلونا نتجمع

[حوري2004]

الله يطمن قلبج عليه يا حوريه ...

ومتى بسجلينه يعني بالمدرسه ... احين بيبتدون الدراسه ...

الله يعينه على محاتاه هالانفلونزا اللي بتعطل شغلنا مع عيالنا...

طلبوا لي فحوصات ولدي تطلع يوم الاحد وان شاء الله ما عليه شر ... ياررررررررررررررررررررررررررررررب

عسى الله يطمنج عليه ان شاءاالله
بس قوليلي فحوصات شنو ؟
وبالنسبه لعيالي بحاول ادرسهم في البيت الكبير معاه صدر (ربو ) واخاف عليه لانهم يقولون خطر على اهل الصدروالمفروض يبلش دراسه بالصف الاول الابتدائي والصغير (سعودي ) توه على المدرسه ودي ادخله حضانه وخايفه من هالافلونزا
عسى الله يرفع عنا البلاء يا رب العالمين

 

[alaa zain]

السلام عليكم أخواتي:
حبيت أشاركم بالموضوع لاني أخصائية علاج بالعمل و اتمنى ان أضيف معلومات او أنشطة قد تساعدكم وقبل البدء احب ان ارفع تقديري و فخري لانكن امهات مجاهدات و ان شاء الله لا يضيع تعبكن و يشفي ابنائكن
حبيت اليوم ان اناقش موضوع التكامل الحسي و أهميته عند الأولاد المصابين بالتوحد

التكامل الحسي هو:قيام الدماغ بتنظيم الاحساسات القادمة من جميع الحواس بالاضافة الى حاسة التوازن(vestibular) و المعلومات الداخلية المرسلة من المفاصل (proprioception) و حاسة اللمس (tactile) حتى تتم عملية التعلم و الاندماج بالعالم الخارجيز

نلاحظ كثير من اطفال التوحد انهم يستجيبون بشكل اكثر او اقل من غيرهم للمؤثرات الخارجية فمثلا هناك من ينزعج من ملامس عادية كملمس الملابس مثلا و هناك من لا يستجيب للمؤثرات كالألم..هناك من يحب لعبة الأرجوحة و يطلب المزيد المزيد و هناك من يخاف و يرفض الالعاب التي تتطلب دوران و حركة.

كما يعاني اطفال التوحد من ما يسمى التخطيط الحركي (motor planing) فمثلا لا يستطيع ان يؤدي نشاط معين ليس لوجود عيب بالعضلات و لكنه لا يعرف من اين يبدأ أو لا يعرف المطلوب بالرغم ان ما نطلبه منه هو نشاط يومي لم نعتاد على تعلمه (كنط الحبل او التسلق)...

طبعا للتكامل الحسي أهميه باااااااااااااااااااااالغة للطفل التوحدي لكي يتعلم و يتحسن بشكل أفضل...فلاحظو هنا ان الاحساسات ترسل معلومات صحيحية للدماغ و لكن الدماغ يخفق بتفسيرها بالشكل الصحيح و بالتالي ينتج سلوك غير طبيعي مثلا ممكن ان يبكي الطفل اذا لمس رمل او ماء .....الخ بينما يمكن لطفل اخر ان لا يستجيب حتى لمؤثرات المفرض ان يبكي منها كالوقوع او التألم..

ما اطلبه منكم أخواتي ان تشاركوني بخبراتكم او تسألوني بشكل منفرد (لان الموضوع واسع و كل طفل يختلف عن الأخر) حتى اساعدكم بأنشطة قد تفيدكم ان شاء الله

 

[& الذاهبه &]

هلا بج يا الزين

انا بنتي الله يخليها لي حركيا ممتازة مشاء الله تحب تمسك القلم وتلون على البورد بس مشكلتهاا اعتذر عن هاللفظ حيل تتقرف من انها تمسك اي شي جديد مثل الطين والوان الأصااابع بس ماشاء الله حركيا زينه تحب تطلع على القعدات والطاولات وتحب تنط على السرير...

ابي اي تمرين يفيد بنتي من واقع خبرتج

 

[alaa zain]

هلا بج يا الزين

انا بنتي الله يخليها لي حركيا ممتازة مشاء الله تحب تمسك القلم وتلون على البورد بس مشكلتهاا اعتذر عن هاللفظ حيل تتقرف من انها تمسك اي شي جديد مثل الطين والوان الأصااابع بس ماشاء الله حركيا زينه تحب تطلع على القعدات والطاولات وتحب تنط على السرير...

ابي اي تمرين يفيد بنتي من واقع خبرتج

السلام عليكم ام خالد:
بنتك عندها حساسية عالية تجاه الملامس المختلفة (hypersensitivity to tactile stimulation) وطبعا وجود هذه الحساسية يمنع الطفل من استكشاف العالم من حوله لذلك اول شيْ: لا نجبر الطفل على لمس شيء لا يحبه,,,ثانيا نبدأ بتعريض الطفل لملامس مختلفة بدأا بالاشياء التي تحبها و تتقبلها و من ثم نبدأ بتعريضها لتجارب جديدة ....تستطيعي مثلا ان تشاركيها التلوين بالاصابع او احضار دميه و ان تقولي لها ان لعبتها تريد ان تلون ايش رأيك تعلميها....الخ
...كم عمر بنتك و هل تذهب للمدرسة؟

 

[alaa zain]

هلا بج يا الزين

انا بنتي الله يخليها لي حركيا ممتازة مشاء الله تحب تمسك القلم وتلون على البورد بس مشكلتهاا اعتذر عن هاللفظ حيل تتقرف من انها تمسك اي شي جديد مثل الطين والوان الأصااابع بس ماشاء الله حركيا زينه تحب تطلع على القعدات والطاولات وتحب تنط على السرير...

ابي اي تمرين يفيد بنتي من واقع خبرتج

هذه بعض الانشطة المفصلة:
استخدمي الفرشاة الناعمة على يدايها و رجليها
استخدمي الالعاب التي تستلزم عصر و ضغط (هناك ترابط بين الضغط و اللمس)
اخفي اشياء صغيرة داخل رغوة الحلاقة,البودرة,الرمل...الخ و شجعيها لتجدها
استخدمي كريم الجسم لعمل مساج على يديها و رجليها
استخدمي العاب تحتوي على هزاز (هناك ترابط بين الهزاز و اللمس)
اذا رحتي مول و كان عندهم بركة الكرات لعبيها هناك
عند شرائك العاب لابنتك تقصدي شراء الالعاب ذات الملامس المختلفة,كالبروز ,خشنة,صوفية,,,,الخ
اذا عندك ولد ثاني خليه يلعب معكم ممكن تتشجع أكثر

 

[Emanova]

السلام عليكم امهات

اشلونكم و اشلون الحلويين

 

[& الذاهبه &]

هلا بج ايمانوفااا الحمدالله طيبين

شلون كتاكيتج

 

[MaSOo]

إحنـــا بالبحريـــن فتحوا مركز عاليه لأطفال التوحد ..!!

و أختــي تدرس فيـــه ..!!

فيه جنسيات مختلفه موب بس ((بحرينيين))

و صج في حالات وايد و متنوعه يعني ..!!

و يبــي لهم مراقبه و طول بــال ..!!

و المشروع كل ماله يكبر ..!!

طبعا المركز صاحبته الشيخه من الاسره الحاكمه يعني ،،!!

و ولدها نفسه يعاني من هالمرض ،، عشان جذي فتحت المركز ،،، و ما كنت ادري ان المصابين بهالحاله وايد :s

الله يشافيهم ان شاء الله

 

[مشاعل الشمري]

الله يتمم عليهم وانشاء الله بيكبر هالمركز

 

[مشاعل الشمري]

شلونج ايمانوفا وام خالد شلون حبايبنا
الله يفتح عليهم وتشوفونهم متطورين بزياده

 

[& الذاهبه &]

هلا حبيبتي شعوووله

جزاج الله خير على هالدعوه ولج مثلهاا يا الغاليه

الله يفتح على عيالنا فتوح العاارفين

 

[الأنيقهـ]

إحنـــا بالبحريـــن فتحوا مركز عاليه لأطفال التوحد ..!!

و أختــي تدرس فيـــه ..!!

فيه جنسيات مختلفه موب بس ((بحرينيين))

و صج في حالات وايد و متنوعه يعني ..!!

و يبــي لهم مراقبه و طول بــال ..!!

و المشروع كل ماله يكبر ..!!

طبعا المركز صاحبته الشيخه من الاسره الحاكمه يعني ،،!!

و ولدها نفسه يعاني من هالمرض ،، عشان جذي فتحت المركز ،،، و ما كنت ادري ان المصابين بهالحاله وايد :s

الله يشافيهم ان شاء الله

عزيزتي انا بعد من البحرين يا ريت تخبريني وين يصير المركز وعلى اي اساس يقبلون الحاله وكل التفاصيل علشان اول مره اسمع عنه ...​

 

[Emanova]

السلام عليكم

عيدكم مبارك و تقبل الله طاعتكم

شنو راح تسوون مع اليهال على ما يبلش دوامهم افكاركم يا حلوات

 

[الصابرة المحتسبة]

 

[حوري2004]

مرحبا امينوفا
بالنسبه لسؤالج بالنسبه لي
الكبير راح اجيبله مدرسه تدرسه في البيت
والصغير مجابلته ركض ولعب ومصارعه (حج وحاجه منها اهتمام بالولد ورياضه
وشاريه عدة لعاب جديده من التعليم المبكر اللي بالافنيوز ولاندمارك (وحده قديمه ضد التطور لووووووووووول(سنتر بوينت ا(الالعاب الخشبيه اللي تدخلين خيط فيها والوان مائيه وطيين وبزل تركيباته كبار حلو والله ماخذته من الخبر بس يوم رحت هذاك اليوم لقيت عند التعليم المبكر نفسه

 

[Emanova]

هلا والله جوري

انا ولدي المدرس اللي كان ايي لنا رجع الكويت و راح نبلش الاسبوع الياي ....... و الالعاب انا مثلج الله يعافي سنتر بوينت و مجمع دسمان

و سوالف يايبينها اهل زوجي من امريكا

و قلت مادام الجو صار حلو ابلش اطلعه مع اخوانه الكتاكيت علشان يتعد على وجودهم

 

[الأنيقهـ]

انا شريت له مجموعه من الالعاب منها البازل وبازل المزرعه يحط الحيوانات مكانها الصحيح وكروت التضاد 00 كبير _ صغير000 ضعيف - متين 0000 الخ

 

[& الذاهبه &]

الله يخليلكم عيالكم وتشوفونهم بأعلى المراتب

 

[الأنيقهـ]

اللهم امييييييييييييين ...

حبيباتي الامهات ياريت كل وحده تخبرنا عن تصرفات ولدها اليوميه وكيف حاولت تغيير فيها الى الافضل علشان الكل يستفيد من التجارب ... وشاكره لكم مشاركاتكم القيمه التي استفدت منها حقيقا ...

وحبيت اسال الامهات اللي سوو التحاليل الدم عند الدكتور واخبرهم انه فيه توحد على اي اساس خبروج انه فيه توحد هل من الدم اتضح او شنو ...؟؟؟؟

وانتي اول زياره لج حق الطبيب رحتي على اي اساس مثلا علشان انه متاخر في النطق او على اساس تصرفات معينه او شنو ؟؟؟؟


اشكر مقدما من ترد على استفساراتي وشكرا ...

 

[Emanova]

الانيقه: انا كنت حاسه ان فيه شيء غلط لان كان يتكلم و كل شيء ماشي عدل لحد ما صار عمره سنه و نص صار واحد ثاني لا يلتفت علي لما اناديه و ما يطالعني عين بعين

و اهم شيء و لا تحليل فيه شيء كل التحاليل ما فيها شيء