جميع المشاركات في مسابقة كويتيات للأجمل سفره رمضانيه

[الطموحه]

ماركونه
حفظت الرابط بالمفضلة
صرااااااااحة موضوع يشرح النفس ربي يوفقكم جمييييييييييييعا
والله كلكم تستاهلوووووووووون

 

[<< أزيان >>]

بعد قلبي الطموحه

هذا من ذوقج يالغاليه

 

[طيرشلوا]

​

تبارك الرحمن يسلمو الايادى بنات :ggdw:
شغل مرتب ويشوق
ياعلة مداخيل العافية على قلوبكم ومعدتكم :tek::tek:

 

[ريم الصبايا]

بالتوفيق ماركيه كل طبق يقول الزودعندي

وتسلم ايدج وعليكم بالف عافيه


اتمنى لج الفوز ياحياتي

 

[ماريوتا]

يه يه يه شهالزيييين

يعطييكم العااافيه بنااات

وبالتوفيييق للجمييع يااارب


ماركيوووو عليكم بالف عاافيه حبيبتيييي

سفرتج تشوووق ماشالله مو شي يدييد عليييج

تسلم اييييدج

وبالتوفييييق

 

[||الجـــواهـــــر||]

ماشالله مااااااركيه
تبااااااااااارك الرحمن
تسلللللللللللم ايدج ماشالله شي حلو ورااااقي بصراحه
شوقتيييييني

 

[أوراد التميمي]

ماركية تسلم يمناج يالغلا

ماشاء الله سفرة مرررة مرتبة واطباقج لذيذة

تسلمين يا ذوووق الله يخليج لعين ترجيج وترجينها

 

[<< أزيان >>]

طير شلوا

الله يسلمج ويعافيج حبيبتي

مشكوره وايد

ريم الصبايا

مشكوره حبيبتي وماعليج زود يالغاليه واتمنى التوفيق للجميع

ماريوتا

هلا بحبيبة قلبي هلا بالزميله لوووووووول

بعد قلبي وحياتي خلاص عيل بسويلج صينية لزانيا ادري تحبينها

الجواهر

هلا حياتي مشكوره وايد ياعمري

يسلمج ربي ويعافيج


اوراد البراري

مشكوره حبيبتي ماقصرتي كلج ذوق يالغاليه

 

[شاي مهيل]

:ggdw::ggdw::ggdw:

​

ماشاءالله ماركوووووووو يمي يمي يمي الاكل شكله يهبل وانا بعد ذقته طعمه عجيب تسلم ايدج اتمني لج الفوز حبيبتي

 

[حصوص الكويتية]

انتظروا سفرتي باجر

اليوم حسافه نسيت اصورهااااا

وتونى ادري انكم بديتوا تصورون وتحطون سفرتكم

ادري ماراح افوز بس يلا بنشارك ونستانس مع بعض لوووووووووووووووووووووووول

 

[<< أزيان >>]

شايونه

بعد قلبي مشكوره حبيبتي

بالعافيه عليكم ياحياتي

 

[البلوره]

يعطيكم العافيه بنات

هالمسابقه غير عن المسابقه الكبرى؟ الي معلن عنها.؟ منيو كويتيات

لاني اشتركت هناك ومدري وش السالفه وين انزل الموضوع

هنا ولا هناك؟

 

[البلوره]

بالتوفيق للجميع

والشيف نانا مره خطيره

عجبتني فطاير الشوايه

ماقصرتوا بنات

وصفا وترتيب روعه

 

[جارة القمر]

البلوره



حبيبتي هذي مسابقة غير



وهذيج غير حبيبتي






موفقه حبيبتي

 

[شيهانه]

ما شاء الله يعله سفره دايمه باهلها .. تسلم ايدياتكم بنات

 

[زوجي نظر عيوني]

مساء الخير يالغاليات
اخليكم مع سفرتنا طبعا الاكل من تطبيقي والتزيين من تطبيق خالتي الله يعطيها العافيه
والتصوير من تطبيق حماتي
يعني الموضوع مشتركين فيه ثلاثه :gathering:
بسم الله نبدي

المقبلات :
1- كبة افخاذ الدجاج
2- كبة ربيان طري
3- كبة نخي
4- كبة بطاط ولبنه
5- كرات الزيتون
6- كرات جبن كرفت
7- كبة جبن كيري مع بطاط
8- كبة معكرونه بالبشاميل
9- سمبوسة جبن + سمبوسة بيتزا + سمبوسة بطاط + سمبوسة نقانق
10- توست بالاعشاب وجبن كيري


والشوربات كنا مسوين نوعين شورية الشوربة الاولى :
شوربة المشروم
المقادير :
باكيت شوربة مشروم
مشروم مقطع + ثوم مفروم
بصل مقطع مربعات
الطريقه :
يحمس البصل مع قليل من الثوم ثم نضيف باكيت الشوربه مع الماء

والشوربه الثانيه
شوربة البصل الاخضر والليمون :
المقادير :
زبده – 3 ملاعق زيت زيتون – الاجزاء الخضراء للبصل الاخضر مفرومه– 1\2 مكعب ماجي – رؤوس بصل ابيض مفرومه – رشة ملح – رشة سكر
3 ملاعق شوفان ( كويكر) – ثوم- بهارات- ماجي – 3 اكواب ماء ساخن – ليمونه واحده يبشر قشرها – عصير ليمونه
الطريقه :
1- توضع الزبده وزيت الزيتون ورؤوس البصل الابيض عالنار حتى تشقر ثم يضاف الثوم والاجزاء الخضراء المفرومه من البصل الاخضر لمدة دقيقتين ثم يضاف الشوفان والملح والسكر والبهارات ومكعب الماجي وتخلط لمدة دقيقتين
2- يضاف الماء الساخن وتترك الشوربه لتغلي على نار متوسطه الى هادئه
3- يطحن ربع مقدار من الشوربه بالخلاط ثم يعاد الى القدر ويضاف بشر الليمون وعصير الليمون وتترك الشوربه عالنار لمدة 5 دقائق
4- تزين بالكريمه الحمراء او البقدونس او البصل المقرمش

وهذي سلطة الريفيولي المقلي
المقادير :
مربعات ريفيولي يغمس بالطحين ثم البيض والبقسماط ويوضع بالثلاجه لمدة نص ساعه ثم يقلى بزيت ساخن حتى تنتفخ وتتحمر
شرائح جبن برميزان
مربعات بيذنجان مقلي
مشروم طازج مقطع شرائح يشوى بملعقه ونص زيت زيتون
خس ملون ( الاحمر + الاخضر الفاتح )
بقدونس

الصلصه :
زيت زيتون \ خل بلسمك \ عصير ليمون \ بهار ايطالي \ فلفل اسود \ ملح \ سكر

الطريقه :
يوضع المشروم بالطبق ويرش بقليل من الملح ثم نضيف نوعي الخس والباذنجان ثم نضع نص كمية الصلصه على السلطه ثم تخلط ثم نضع حبات الرفيولي وشرائح جبن البرميزان

وهذي صوره ثانيه للسلطه

وكنا مسوين
ربيان بالبقسماط
يفضل تتبيل الربيان قبل طهوه بليله كامله او قبلها ب ساعتين
مقادير التتبيله :
ربيان حسب الرغبه
ملعقه صغيره كاري + ملعقه صغيره فلفل اسود + ملعقه صغيره كمون + ملعقه صغيره ملح + ملعقه صغيره فلفل احمر حار بودره + ملعقه صغيره كركم + ملعقه صغيره هيل مطحون + بهارات برياني + ملعقه صغيره كزبر ناشف + ملعقه صغيره دارسين + عصير 3 حبات ليمون
الطريقه :
ثم يوضع بالبيض ثم الطحين ثم البقسماط ( ممكن استعمال البقسماط العادي او البقسماط الخشن الموجود في ستي سنتر او مركز سلطان )
ويقدم مع صلصه التار تار :
بصل ابيض قطعه صغيره و4 ملاعق متروسه مايونيز
3 حبات خيار مخلل يقطع صغار جدا ويوضع بالخلاط
ممكن اضافة القليل من البقدونس

وهذي صوره ثانيه

وهذا دجاج بالشعريه مع الصلصه الحلوه
المقادير :
صدور دجاج بدون عظم \ نودلز الارز او فول الصويا
طحين كميه كافيه للتغطيه \ بيض كميه كافيه للتغطيه \ كوب صلصة فلفل حلوه ( موجوده بالجمعيات) تشيلي صوص \ نص ملعقة شاي زنجبيل طازج مبشور\ فص ثوم صغير مفروم

مقادير نقيع الدجاج : يفضل قبلها بساعتين
ثلث كوب عصير بصل مبشور
3 ملاعق طعام خل ابيض
2 ملعقة طعام صلصة صويا
2 ملعقة طعام زيت
ثلث ملعقة شاي زنجبيل بودره
ثلث ملعقة شاي بهار بودره حلو
نص ملعقة شاي ملح

الطريقه
1 - يقطع النودلز بالمقص الى قطع بطول واحد ونص سم ثم يصفى الدجاج من النقيع ثم يغمس الدجاج بالطحين ثم البيض ثم النودلز ثم يوضع بالفريزر لمدة نص ساعه
2- يقلى بزيت عميق ساخن ثم تخفض النار حتى تنضج القطع
3 – تخلط الصلصه الحلوه مع الزنجبيل الطازج والثوم وتقدم بجانب القطع
طبعا هالشعريه طلعت عيني بالمقص وهم ماكفاني كيس واحد مع اني يبت كيس ثاني احتياط بس ماكملته فغلفت الدجاج الباقي بالبقسماط والنوع الثالث بالشوفان

وهذي صور للسفره بشكل عام

والحين اخليكم مع الحلو من ايد خالتي
وكان الحلو
حلو الجلي الملون
المقادير:
جلي ليمون اخضريقطع مربعات \جلي مشمش او برتقال يقطع مربعات \جلي فراوله يقطع مربعات
1 عصير اناناس كي دي دي
1 علبة جلي اناناس
2 كريمه حمراء
الطريقه :
1 - تخلط الكريمه بالخلاط اليدوي مال الكيك حتى تتكون رغوه
2- يسخن العصير على النار ثم نضع جلي الاناناس على العصير حتى يذوب ثم يضاف الى الكريمه
3- تغلف طاسه بنايلون شفاف ثم نضع مربعات الجلي الملونه ثم نصب خلطة الكريمه ويترك بالثلاجه لمده ليله كامله

وصوره ثانيه

والحلو الثاني كان
صب القفشه
2 كاس طحين \ 2 بيضه \4 ملاعق حليب بودر
2 ملعقه صغيره خميره \ 2 ملعقه طحين نخي
1 كاس زيت \ 1 كاس ماء للعجن
نص ملعقة هيل
رشة زعفران
شيره

الطريقه :
1-تخلط المقادير مع بعض ثم تعجن بالماء وتترك لتتخمر
2- قبل الصب تكسر بيضه اخرى ثم تخلط العجينه
3- يوضع الزيت بالمقلاة وتكون الكميه قليله ويقلب على الوجهين حتى تتحمر
4 - تصب عليها الشيره

وسلامتكم​

 

[ام سلومd]

مشاء الله عليكم كل وحدة تقول الزود عندي امي مراح افوز المهم التوفيق للجميع يالله شدوا حيلكم

 

[حصوص الكويتية]

ماشالله شهالزين والسفر والاكل الى يفتح النفس

 

[<< أزيان >>]

زوجي نظر عيوني

تسلم ايدج حبيبتي انتي وحماتج وخالتج وعليكم بألف عافيه

ماعليج امر بغيت اسألج من وين شاريه الكبب شكلهم حلو بس حسافه ماصورتيهم بروحهم


ام سلوم

مشكوره حبيبتي وحتى انتي ماعليج قاصر ماشاء الله شغلج يهبل

واحنا هني مو القصد الفوز وبس القصد ان نشجع بعض ونستانس ونوسع صدورنا

كلنا خوات وكل وكل وحده تتمنى الفوز لختها

 

[nono78]

زوجي نظر عيوني

ما شاء الله سفرتكم حجدها حركاااااااااااااااات وشموع

عليكم بالف عافيه


وحصووووووووووووووووووووووووص ناطرينجججججججججججججججججججججججججج


وناسه الكويتيات مبدعات الله يحفظكم من العييييييييييين