اسياخ الدجاج الحلزونيه المشويه مع الصلصه

[ريمه الكويت]

اولا تاخذين صدور الدجاج المخليه وتقطعينها بالطول على شكل شرايط طويله وتدقينها بالمطرقه مالت المطبخ وتبلينها بالخل مع الليمون وبشر بصله صغيره وفص ثوم مبشور مع قفشه صويا
وتحطين عليها بهارات وملح حسب رغبتج

بعد مرور ساعه واكثر للتتبيله شكيها باعواد الخشب على شكل حلزوني يعني شكي طرفها وبين لفيها على العود وشكيها وانتي تلفينها


تحطين 3 اطباق

اول واحد فيه طحين

الثاني بيضتين خفقيهم مع ربع كوب حليب ورشه فلفل اسود وملح

الثالث كوب بخصمات مع علبه صغيره كورن فلكس الي على ديك( مافيه سكر) بس كسريه بايدج

**************

غمسي الدياي المشكوك اولا بالطحين بعدين بخلطه البيض وعقبها بخلطه البخسماط

وخليها بالثلاجه ساعه تقريبا



+++++++++++++

حطي الاسياخ بصينيه فرن ورشي عليها 2 ملعقه زيت ذره مع ملعقه زبده وشغلي النار من الجهتين وقلبيها بين فتره وفتره لتحمر من الجهتين



قدميها مع بطاط شبس وصلصه الزبادي بالصوم والنعناع



او مع صلصه التشيليز الحاره



وقدميها حاره

بالعافيه

 

[a3andho0om]

way mo 9j w mo wgta ;P
tslm eedch shklaa 7da nice

 

[pama girl]

يعطيييييييييييييييييييييييييييييييييييييييج الف الف عاافيه حبيبتي شكله لذيذ

 

[جارة القمر]

ماشاء الله

تبارك الرحمن


رووووووووووووووووووعه

 

[mngo67]

تسلم ايدج

 

[JnJoOona]

تسلم ايددج

 

[<<لمار>>]

تسلم ايدج

 

[ريمه الكويت]

way mo 9j w mo wgta ;P
tslm eedch shklaa 7da nice

من ذووووقج

 

[ريمه الكويت]

العفو بامااااااااااا كلج ذوووووق

 

[ريمه الكويت]

ماشاء الله

تبارك الرحمن


رووووووووووووووووووعه

 

[ريمه الكويت]

تسلم ايدج

الله يسلمج

 

[ريمه الكويت]

تسلم ايددج

ياهلا بهالطله

 

[ريمه الكويت]

تسلم ايدج

اهلا ومراحب

 

[ام سلومd]

قوة ريوم اشلوج حبيبتي بس ممكن سؤال و انا قاعدة اشك بالدياي يعني على كل لفة اشك و لا بس بداية ونهاية

 

[ريمه الكويت]

ام سلوم هلا وغلا حبيبتي اي وانتي تلفينه هم تشكينه علشان لايفتل عليج

 

[digital]

تسلم ايدج رمرومه ماشاء الله عليج

شكلهم مقلي مو مشوي

الاسياخ ما يحترقون ؟؟

 

[ريمه الكويت]

اي شغتي ديجتال اهي الطبخه لازم تقلينها بس قلت خلي اجربها بالفرن وطلعت وايد لذيييذه حتى خواتي اخذو طريقتها
والعواده اذا ماتبينهم يحترقون نقعيهم بالماي قبل لاتشكينهم وبعدين انتي لما تحطين عليهم شويت زيت وزبده جنج تقلينهم بس بزيت اقل وتطلع كلش مودسمه

 

[digital]

تسلم ايدج

دام شوي لالازم اجربهه

 

[ريمه الكويت]

اي حق الرجيم جربيها ديجتال

 

[أوركيد]

تسلم ايدياتج ...شكلها لذيـــــــــــــــذ ...