ثقافتي اهم من رواياتي

[Blue BerrYa]

السلام عليكم ورحمه الله وبركاته



ببجي صارلي ساعه اكتب موضوع واخرتها راح بدقيقه


المهم هالقسم كل ما ادخله ينشرح صدري والله استاااااانس وان شاءالله ايي اليوم اللي مقوله

" امة اقرأ لا تقرأ "

تختفي من الوجود ونصير شعوب تعشق القراءة


ماشاءالله لاحظت ان هالقسم اغلب القارئات فيه يقرون روايات مع انه الكتب فيها اشياء اكبر واعم واحلى من الروايات بس






فـ حبيت اطرح موضوع يختص بالكتب المتميزه والمفيده واللي ترفع من مستوى ثقافتنا ونستفيد اكثر ترى مو معنى كلامي اني ما اقرا قصص بالعكس استانس عليهم واقراهم بس موشي ضروري يعني لما ادش اهني احس جني داشه مو نادي الكتاب لا نادي الروايات




الوحده كثر ما تقدر المفروض تزيد من ثقافتها وانا اشوف الروايه ما تشبع حيل هالجانب



المهم ببدأ معاكم في اول كتاب



هالكتاب ممميز الى ابعدد درجه حبيت التاريخ بسبته يناسب جميييييع الاعمار فيه من الصور والقصص والادب والشعر والسير يعني نقدر نقول عنه شبه موسوعه ونستفيد منه في معرفه تاريخنا



اسم الكتاب: تاريخ الاندلس المصور
للكاتب : د. طارق السويدان

==============






كتابي الثاني لما تقرينه تحسين نفسج نمله في هالكون,ا,,صج الكتاب عود وشكله يخرع بس والله لما تقرونه ماودكم تهدونه من ايدكم لانه حيل اسلوبه سلس وسهل والمعلومه بسرعه تووصل
واحلى مافيه يزيد من مستوى التأمل والتفكير بمخلوقات الرحمن




اسم الكتاب : للكون اله
الكاتب : د.صبري الدمرداش

<-- يطلع الحين مع العوضي في بيني وبينكم وقبل فتره طلع في اذاعه القران اسلوبه ايونس

===========



هالكتاب بس اقراه تخنقني العبره والله ودج تعيشين مع صاحبته باللحظات اللي مرت فيها وتتعلقين فيها حيييييل
عسى ربي يجمعني واياها بالجنة قولو اميييييييييييييييييييييييييييييييييين :")

اسلوب الطرح عجيب وطريقته نثر مو سرد عادي ايونس, بكتب لكم جزء منه

"" وادعوك الى حجرة العلم والادب ,وحجرة صاحبة الحرير الاخضر, لنجلس مع الجالسين وراء الستر المضروب بينها وبين الناس, لنتعلم منها كيف يكون الادب ,سموا في المعنى ,وجمالا في العبارة, نزاهه في الفكرة ,ولنستمع اليها وهي تعرض معاناتها في ارقى عبااره واجمل اسلوب ""





اسم الكتاب : صاحبة الحرير الاخضر
الكاتب : د. عبدالرحمن العشماوي

طبعا ماراح اقول لكم منو اهيه اشتروه واقروه

=============





كتابي هذا للي ودهم يثقفون نفسهم من ناحية الزواج والحياة الزوجيه واتوقع كل بنت لازم تقراه سواء متزوجه او غير متزوجه



اسم الكتاب : اسعد زوجين في العالم
الكاتب : عبدالرحمن بن عطا لله المحمدي

تعبت وانا اكتب ان شاءالله اذا عجبكم الموضوع راح استمر في تنزيل كتبي المفضله وشويه خل نهد القصص :tek:

 

[C'est La Vie]

الله خوش موضوع
انا بعد احب الكتب التاريخية والواقعية اكثر من الروايات
اقدر افيدج بكتب انجليزية؟

 

[Blue BerrYa]

اييي اكييييييد حبيبتي اخذي راحتج

 

[C'est La Vie]

اسمحيلي اقتبس من ردودي السابقة
اليوم بتكلم بس عن كتب التاريخ اللي قريتها
وانشالله المرة الياية بتكلم عن تطوير الذات

المهم الحين نبدي ب my favourite
biographies and history

م

من عقب ما خلصت راسبيوتن
قلت لااااازم اعرف شنو مصير العائلة المالكة الروسية
ekaterinburg by helen rappaport
يتكلم شصار بالعائلة المالكة عقب ما طلعوهم من قصرهم
ونقلوهم لمنطقة بعيدة كلها ثوار ما يحبونهم
شلون حالتهم بالسجن واغتيالهم
توني بادية فيه حدهم كسرو خاطري

the life of mahatma gandhi by louis fischer
بيوغرافي عن حياة غاندي المجاهد لتحرير الهند

mao zedong a life by jonathan spence
يتكلم عن حياة مؤسس جمهورية الصين الشعبية ورئيسها

بيوغرافي عن مؤسس تركيا الحديثة

an enduring love my life with the shah by farah pahlavi
بيوغرافي عن زوجة الشاه الايراني وحياتهم قبل الثورة

la belle france by alistair horne
مختصر عن تاريخ فرنسا من ايام قيصر لي الرئيس السابق ميتران

great stories from histories 365 by w.b. Marsh & bruce carrick
نفس حدث في مثل هذا اليوم
ماراح اقراه كله مرة وحده
راح اقرا كل يوم بيومه اونس



وسلامتكم :eh_s(8):

 

[Ms.PeRFeCT]

حتى انا اهتم بالكتب الثقافيه والاجتماعيه اكثر من الروايات

لانه الروايه مادري حالها حال فلم تطالعينه.. بس الكتب لا غير كل صفحه تقرينها فيها اكثر من معلومه تستفيدين منها!!

انا حاليا خلصت من كتاب happiness now وكتبت عنه هنيه بالقسم =)

وان شاءالله فيه كتب يايه بالطريج وراح اكتب عنها..

تسلمييين موضوع روعه;**

 

[C'est La Vie]

جنه من زمان ما يبتلكم كتاب يديد

كتابنا اليوم

Marie-Therese: The child of terror by Susan Nagel


قصة حقيقية عن بنت ماري انطوانيت الوحيدة اللي بقت بعد الثورة الفرنسية
يتكلم عن حياتها ايام العز بالقصر
والثورة ومحاولة هربهم
واعدام امها وابوها ومرض اخوها
وشلون طلعت من فرنسا وحاولت مع عمها ان يستردون الحكم ويحاربون نابليون
وايد قصة حلوة ومؤثرة انصح فيها
حدها كسرت خاطري

...

 

[Blue BerrYa]

C`est la vie

تبارك الرحمن كتبج اغلبها سير ذاتيه عاد هالجانب يشدني بس مو على الكل في شخصيات صج احب اعرف عنها شوقتيني اقرا عنهم


و كتب تطوير الذات اوف صج عجيبه تحتارين شنو تختارين من كنت مراهقه وانا بس اقرا فيهم وشخصيتي في تغيير داااائم للافضل



يعطيج العافيه يالغاليه ونبي بعد






Ms.Perfect

ماشاءالله زين الحمدلله صديقاتي كثرو اشوه عيل انا عبالي الاغلبيه اهني بس روايات

توني كنت قاعده اطالع عنوان الموضوع وبدخله ان شاءالله من اسمه ايشوق

مشكوورة

 

[C'est La Vie]

كتب تطوير الذات مو ميولي وايد
يعني اذا كان النفسية مو زود اتجه لقراية كتب الذات
بس بالحالات العادية اكثر شي يشدني فيهم اهم استراتيجيات التخطيط
والتعامل مع الناس للوصول الى حل للمشاكل
وانشالله اصورلج اياهم باجر اذا الله اراد

 

[C'est La Vie]

just finished reading the Rasputin file
i think the author worked hard in assembeling the evidence and testimonies
which he will used to describe the life of rasputin -the mad monk and the villian
Rasputin was a peasent in far siberia
he became a religious healer
the Tsarina of Russia brought him to cure her son
and it worked
from then on he started interfering in the countries internal and external affairs
he appointed and fired ministers
even some prime ministers
all through the tsarina's command
then he describes the failed assanination attempts on his life
and the mystery of his murder
recalls the account of the murderer's
and analysis it and gives his opinion about the event that happened in that night
very interesting book I would recommend it for history fans

...

 

[C'est La Vie]

والحين بنات اقدملكم حصيلتي اليديدة :eh_s(6):
انا حاليا قاعدة اقرا عن تاريخ ايران
وهذي الكتب اللي قريتهم

All The Shah's Men by Stephen Kinzer
هذا الكتاب يشرح تاريخ ايران من اوله لي الثورة
ويركز على رئيس الوزراء مصدق ومحاولته لتأميم النفط الايراني
mossadegh my hero :hjy5jewf:
اول مرة اقرا عن شخصية وتعجبني لهدرجة
حسيت انه قدوة بكفاحه عشان وطنه

Shah of Shahs by Ryszard Kapuscinski
هذا كتاب واحد روسي كان عايش بايران ايام ثورة خميني
ويقول شلون كانت ايران على حكم الشاه وشنو العوامل اللي ساهمت حق الثورة

The Soul of Iran: A Nation's Journey to Freedom by Afshin Molavi
هذا امريكي من اصل ايراني سافر ايران
ويقعد يشرح عن الاماكن التاريخية اللي زارها مثل قبر فردوسي والامام رضا
ويشرح عن كل مكان وشنو اهميته عند الايرانين
ويحاول يفهم اهل بلده وبعض الاحداث اللي مرت عليهم واثرها
مثل الثورة و الحرب العراقية الايرانية

>>>

 

[noor_alfala]

واااااااو ما شاء الله وناسه حتى انا احب اقرى كل شي و عندي كتب واااااايد بس وقفت قرايه من دش رمضان و ان شاء الله عقب العيد برد اقرى و بقوه

و حدي مستانسه ان اكو واااايد بنات يحبون يقرون جذي كتب مو بس روايات عسى الله يزيدكم

 

[dreamer_33]

يعطيج العافيه .. اختياراتج روعة .. وتشوق =)


انا على حسب مزاجي اقرا كتاب ولا رواية .. ماادري نفسيتي تتحكم بنوعية اللي بقراه حزتها :eh_s(6):


بس صج شوقتيني عالكتب اللي حاطتهم .. ماقريتهم من قبل .. بس الكتب مبين من عنوانه ؛)


كملي بعد .. ناطرينج :>

 

[lailosh]

صح كلامج الكتب تزيد ثقافتنا بس هم انا مع الروايات في زياده الحصيلة الثقافيه يعني وايد عرفت اشياء ماكنت اعرفها

وبالنسبه للكتب

احب وايد الجانب ما وراء الطبيعه

مثل كتاب
هادم الاساطير
كنا متوقعين هل اساطير يوم من الايام صجيهه ولكن هل كتاب يوضح انها كانت خرافات ويبين لنا الدليل

وكتاب خلف اسوار العلم
حده كتاب روعه وفيه معلومات مفيدة

وغيره وغيره من هل كتب

مشكوره على الموضوع الحلو : )

 

[lovemyself]

فعلا اختى
كلامج عين العقل انا احب الروايات بس احب اكثر الكتب احب شى يزيد ثقافتى ويخلى عقليتى تتفتح اكثر
برافو انا راح اشتريى الكتب بس ودى اعرف عن شنو يتكلم كتاب للاله كون بالضبط لان انا عندى اكثر من كتاب عن الاعاجز العلمى فى القران والحديث

 

[.]

توني هابه اقرا كتب شريت لي لغة الجسد ..

وعندي كتب عن الظواهر الغريبه مثل الحافه والخ..

بس يشدني السرد القصصي اكثر..

وفي روايات مفيده وممتعه بنفس الوقت حسيت هالشي بكتابات د. احمد توفيق ..

ومشكوره..

ماشاءالله سي تشكيلة كتبج حلوه ..

تتهنين فيهم يارب..

 

[Little_Queen]

ماشالله عليكم بنات خوش موضوع ..

بس كان عندي ملحوظة صغيرة

لاحظت أغلبكم و من ضمنكم كاتبه الموضوع .. عندهم رؤية " مغلوطة " للأسف عن الروايات .. و ان الثقافة شيء و الروايات شيء ثاني


الرواية فن أدبي عريق شأنها شأن باقي الفنون الادبية .. كالقصة و الشعر و الخاطرة و المقال ..

و الفنون الادبية تندرج تحت شجره الفنون الي تضم الموسيقى و الرسم و التمثيل و الغناء و غيره ..

و الرواية تكسب القاريء ابعادا ثقافية عديده ..

فهي تزيد الثروة اللغوية للإنسان ، و تخليه قادر على تنشيط مخيلته ، تلهمه افكار و مشاعر و آفاق جديده ..
العديد من الروايات تعتبر نافذة على المجتمع التي خرجت منه هذه الرواية

بعض البنات يحبون قراءة أدب بلد معين .. و هالشي يخليهم يكتسبون معرفه عن عادات و تقاليد و ثقافة سكان هذا البلد
هذي بحد ذاتها فائده

و أيضا بعض الروايات تتطرق لجوانب تاريخيه و جوانب سير ذاتية من الاشخاص

هذي كانت وجهة نظر لتوضيح بعض الاشياء بخصوص الروايات ..

و اتمنى انها تجد مكان رحب في صدوركم لتقبلها و شكرا

 

[Blue BerrYa]

تبارك الرحمن ما توقعت هالردود :d

ان شاءالله بس اخلص من تنظيف البيت برجع ارد عليكم خواتي

 

[كاتبه حيرانه]

خوووش موضوع وفكرتج حلوه صج
انا مدمنه روايات وفكرت بما ان احب القرايه ابي اغير توجهي يعني مو كل روايات عاطفيه ابي استفيد شوي حاولت اقرى كتب اسلاميه مثل مؤلفات عايض القرني وكتاب بهجه المجالس وانس المجالس واتحاف الجماعه في علامات الساعه واهى عباره عن مجلدات
وانا بخاطري بعد اطور ثقافتي بكتب ثقافيه شريت كتب تطوير الذات
بس انا ابي اشتري كتب صح تشد واستفيد منها ويكون اسلوبها شيق يا ليت اللي تعرف تكتب لنا اسماء
وشكرا

 

[F.a.r.a.7]

بغيت اسألج @@ C'est La Vie ​

إذا عندج فكره هالكتاب في منه نسخه مترجمه بالعربي؟​

 

[C'est La Vie]

بغيت اسألج @@ c'est la vie ​

إذا عندج فكره هالكتاب في منه نسخه مترجمه بالعربي؟​

ما اعتقد
انا شريته من فرنسا وتلاقينه موجود بموقع امازون
بس ترا انجليزيته سهله