تجمع طالبات كلية الدراسات العليا ماستر ودكتوراه

[الحورية الصغيرة]

بطاطا إيميدست يعطي دورات و جنه تقدرين تاخذين منهم التوفل

الأمتحان الشامل ما عندي فكره عنه

 

[wardia]

حبيبتي انا اتوقع اشاعات مالها اي اساس من الصحه

واذا تبين تقطعين الشكل باليقين روحي الخالديه الدارسات العليا هناك عندهم المعلومات الأكيده

 

[الحورية الصغيرة]

مشكورة wardia

 

[الحورية الصغيرة]

بنات اذا الحين أنا خذت بعثة داخليه لجامعه الخليج تخصص ادب أنجليزي ولا لغويات و ترجمه يقبلوني ماستر خارجي ولا لازم اكون دراسه بجامعه الكويت؟؟؟؟؟؟

 

[ماغنوليا]

اشلون يعني 4 فصول ؟

قصدج 4 كورسات !!

ولا قصدج يا الغلا في الكورس الواحد أخذ 4 مواد ( 4 مواد * 3 = 12 وحدة ) ؟؟

ثلاث نقاط يعني اخذ بالمادة b وفوق مو ؟؟

إي قصدي 4 كورسات



الثلاث نقاط يعني المعدل العام لموادج موشرط كلهم يعني



حتى لو بينهم مادة تقديرها مقبول المهم متوسط معدلج فيهم كلهم ما



يقل عن 3 نقاط​

 

[بطاطا]

بطاطا إيميدست يعطي دورات و جنه تقدرين تاخذين منهم التوفل

الأمتحان الشامل ما عندي فكره عنه

مشكوووووووووووووووووووووورة حبيبتي

عرفت المعهد بالسالمية


-

بانتظار ااالاجابة اللي عن الامتحان الشامل ؟

 

[الحورية الصغيرة]

بنات اذا دشيت جامعه خاصه أقدر أكمل ماستر بره على حساب الدولة؟؟

 

[الحورية الصغيرة]

up


up


up

 

[بطاطا]

احم احم

نحن هناااااااااااااااااااااااااااااااااا

 

[الحورية الصغيرة]

بطاطا شكلنا انا و انتي قبسنا على الموضوع لوووووووووووووووووول

 

[Lily]

قوه بنات اذا بقدم ماستر بجامعه الكويت ايهو احسن حق التوفل
اقدم بايمدست توفل محلي ولا عالمي

 

[بطاطا]

بطاطا شكلنا انا و انتي قبسنا على الموضوع لوووووووووووووووووول

شكلنا جذي هههههههههههههههههههههههههههه



اختي عنيدة

انا باخذ محلي

العالمي مانقدر عليه و ليش ناخذه و احنا هني ؟!

 

[Lily]

اي بقدم محلي لان الدولي قدمته وكان حده صعب

 

[إحســاسـ أُنثـى]

hi
بنات انا توني اول سنه بكالوريس في الجامعه الامريكيه في الكويت تخصص دراسات دوليه يعني تاريخ وهالسوالف... بجامعه الكويت فيه هالتخصص ماستر ؟؟ انا مفكره اكمل مع العلم انه عندي دبلوم ادراه ... شسوي طمووووووحه بس ومو شاطره
وعندي سؤال بعد انا الحينمتزوجه وعندي اعيالو موظفه اقدر اقدم على الاعانه بالجامعه ولا ما يصير وهل فيه احد ماخذ اعانه علي البكالوريس وهي موظفه ولا لاء ؟؟؟؟
بليييييييز ردوووووووا فيكم الخير والبركه

 

[ليلى رمضان]

ام كوثر أقرب تخصص لج انشالله اذا تبين ماستر في جامعة الكويت اهو مجال العلوم السياسية في كلية العلوم الإجتماعية

واذا على حالتج ويه العيال والدوام عيل الله يعينج
بس ترا الموظفين مالهم اعانة اما اذا تبين اعانه جامعية لازم تستقيلين من دوامج والجامعة راح تعطيج حوالي 400 دينار
اقول خليج على وظيفتج أبرك

 

[إحســاسـ أُنثـى]

مشكوووووووووووره حبيبتي ليلى رمضان ريحتي بالي الله يريح بالج ان شالله .... انا حسبالي انه مافي ماستر حق تخصصي بالكويت..واني ادرس برا واشيل قشي انا وريلي وعيالي واااااايد صعبه علي
يعطيج العافيه على المعلوووومات

 

[جلكسيه]

السلام عليكم ....
بناااااات كل اللي سألوا عن التوفل ... بقولكم خبرتي الغثيثه
انا ولله الحمد قدمت 7 مراااااات توفل <<< خبره ؛)
وللاسف ماجبت السكور اللي يبونه مع ان والله افهم الانجلش بس الوقت يضايق وتحسين انج ضايعه تفهمين الجمله بس ماتدرين شنو الاجابه ...
طبعا خذيت دوره بالاميدست مدتها اسبوعين انا داومت اسبوع وسحبت عليهم ... مالت عليهم نصاااابين ماكو شرح نهااااائيا بتاتا البتا ؛) << متعوب عليها ؛)
المهم بس كانت تحل لسننغ وتعطينها سايتات ندش عليها فيها شرح ... << ماخذين 130 عشان تعطيني سايتات ادخلها بالبيت بصراحه نصب ... يمكن اهو النظام الامريكي جذي بس الاكييييييد ان ماينفع معانا متعودين عالدلع كل شي ينشرح لنا ؛) بس جد انا مو دافعه فلوس عشان ادرس بروحي << والا شرايكم ؟؟
المهم ان اول يوم كنا تقريبا 15 طالب وطالبه بنهايه الاسبوع بقى 10 مادري 8 بس !!! اكيد ينسحبون ماله داعي يضيعون فلوسهم
المهم <<< مهماتي شكثر بس للحين ماقلت اللي ابي ...
سجلت بدوره بجامعه الكويت مالت التوفل بصراحه عجييييييييييييييييبه ومفيده يعلمونج على السكلز كلها خاصه اذا ماكنتي تعرفين عدل باللسننغ والريدنغ عاد عقب الدوره ماجبت السكور المطلوب لكليتي بس ناقصني سؤال واحد بس تخيلو القهر ؛( ؛( بغيييييت اموت كانت اخر فرصه لي ومانجحت دورتين ومدرسين بالبيت وحالتي حاله اخر شي مانجحت بهالتوفل العله مع انه والله مو صعب بس سبحان الله كيميائيتي مامشت مع كيميائيته ؛) بس والله حتى البنات اللي معاي ماجابوا السكور للحين يرقعون بعمرهم ويدورون حل
عاد عقب فجأه طرى علي الايلتس قلت خل اجرب عشان لايأنبني ضميري بعدين واحس اني مقصره وضيعت على نفسي فرصه اني اكمل ...
مالكم بالطويله <<< كل هذا مو طويله ؛)
المهم سجلت ايلتس من دون لا مدرس ولا دوره بس اللهم شريت كتابهم ب10 دنانير منهم وقعدت اخبص فيه ورحت امتحتنت ولما طلعت قلت يبه انا توفل كله اختيار متعدد مانجحت هذا اللي اكتب وفراغات ورايتنغ قطعتين وريدنغ مقالات شطولها بقدر عليها لا وغير هذا اقعد مع واحد ربع ساعه اقرق بس خربطت عليه وطلعت ... نسيت الامتحان عاد والله يابنات كنت غاسلع ايدي منه خير شر حتى ماكنت بروح اطلع النتيجه
ومع هذا مايأست سجلت بابو ظبي ودبي توفل وسجلت ايلتس حق شهر 10 بالكويت وسجلت توفل انترناشينال بالبحرين كل هذا عشان اكمل ماستر << شدعوه بصير عالمه ذره بس والله احب تخصصي وابي اكمل فيه احس ماشبعت منه
المهم امس ابوي راح والا يجيب نتيجتي
يماااااااااا يمااااا يمااااا
انصدمت والله ماتوقعت كلش انجح نص ورقتي فاضيه خاااصه اللسننغ بدعت فيه
عاد جبت 4.5 زالمطلوب مني 4 ؛) ؛) ؛)
الخلاااااااااصه <<< مابغيت ادري ؛)
انصحكم تقدمون ايلتس والله انا سمعت شكثر بنات مانجحو بالتوفل ونجحو من اول مره بالايلتس
اي ونسيت اقولكم الجامعه الامريكيه تعطي دورات للايلتس شحلاتها مفيده ... في كذا نوع بالساعات وفي دكتور يعطيج ساعتين قبل الامتحان بس تدريبات على كل الاقسام هذي حيل مفيده يعطيج المختصر المفيد
بس خلاص تعبت ... يبيلي صفقه_03ba:

 

[eastfem]

حمدالله عيل اتفقت كيميائيتج مع كيميائية الايلتس

انزين وين شريتى الكتاب بخاطري اككمل على حسابي << معدلي مايسمح ...

 

[جلكسيه]

حمدالله عيل اتفقت كيميائيتج مع كيميائية الايلتس

انزين وين شريتى الكتاب بخاطري اككمل على حسابي << معدلي مايسمح ...

الكتاب خذيته من عندهم الجلس البريطاني ..البرتش كونسل بالمنصوريه تلفونهم 22515512
22533204
اول شي اخذي الدوره المكثفه بالجامعه الامريكيه خل يشرحون لج المفيد بس ورخيصه ماتعدى60 جنا ب40 وشي
وبعدها اشتري الكتاب قبل تقدمين بفتره عشان كتبهم كل فتره يغيرونهم ويسون قريب من نموذج الامتحان اللي بتقدمينه
انا عن نفسي الكتاب اللي عندي مكتوب فيه اب ديت مارس 2009
فاتوقع كل فتره يحدثونه
شوفي انتي اشتري من عندهم كتاب واخذي اللي عندي راجعي فيه المهم انج تحلين نماذج امتحانات لان الفكره كلها تدريب
وموفقه ...._03ba:

 

[Mis$ LeO]

احم احم عضوه يديده في التجمع طالبة دكتوراه

منو فيكم ماجستير وتشتغل بحكومة ؟؟ حبيت اسأل عن حدود الراتب جم؟؟ وعلى اي درجه ؟