Book Addicts Anonymous

[m!ss Cute]

بنات
I have a bad news :0bee2e8d89:

واي الوضع مع المدرسه مو طبيعي !!
من اول يوم Home works و researchs
يعني انا متعوده بس صارلي 6 ساعات اكتب و احفظ امبيه صج صج عذاب لووووول

ماراح يمديني اقرا كلللللللللش !

فهذا اللي راح يصير

انا راح اكمل بال week ends وانا ماراح ابدا My life in france لان مو متوفر فحتى لو انتو خلصتوا انا اكتب مناقشتي


الله يعينا !

 

[ScarletteO'Hara]

الله يعينج مس كيوت و الله حسافة بغيناج معانا بس اذا بتخففين القراية عشان الدراسة ما اقول لج الا الله يوفقج ان شاء الله و تتخرجين من المدرسة و تدخلين احسن جامعة يا رب
الزم ما عليج دراستج
شدي حيلج

 

[rawona]

هلا روونا حبيبتي
ايامج سعيدة وعساج من العايدين والفايزين
انا خالصة بس انطركم متى ما تخلصون نبدي مناقشة
جم يوم يبيلكم تقريبا؟

سي لافيي .. انا قاريتها من قبل و هذي قرائتي الثانية لها يعني كيفكم متى ما تبون تناقشونها قولولي


كيوتا الله يوفقج يارب ويعينج على الدراسة كله باجره باذن الله .. شدي حيلج وموفقه ..


سكارليت شلونج؟

​

 

[ScarletteO'Hara]

اهلين روونا انا بخير
لاهية مع لوية الدوام نومتي معفوسة
انتي شالدنيا فيج؟ لج وحشة و الله

 

[rawona]

اهلين روونا انا بخير
لاهية مع لوية الدوام نومتي معفوسة
انتي شالدنيا فيج؟ لج وحشة و الله

والله انا بعد ولهت عليكم ..

هم لاهيه دوام وتدريس ولويه وعفسه الله كريم :eh_s(6):
​

 

[ScarletteO'Hara]

لله يعينج حبيبتي و يخلي عيالج لج يا رب

 

[C'est La Vie]

بنات
I have a bad news :0bee2e8d89:

واي الوضع مع المدرسه مو طبيعي !!
من اول يوم Home works و researchs
يعني انا متعوده بس صارلي 6 ساعات اكتب و احفظ امبيه صج صج عذاب لووووول

ماراح يمديني اقرا كلللللللللش !

فهذا اللي راح يصير

انا راح اكمل بال week ends وانا ماراح ابدا My life in france لان مو متوفر فحتى لو انتو خلصتوا انا اكتب مناقشتي


الله يعينا !

وييي
يالله ما عليه حبيبتي اهم شي دراستج حبيبتي شدي حيلج
والله يوفقج ويسهل عليج وتيبين نسبة عالية اللي تدخلج الجامعة اللي تبينها :ggdw:
وبأي وقت فضيتي تقدرين تقرين فيه واذا خلصتي نحسبلج الكتاب
ومري علينا مو تنسينا ها :tek:
we will miss u

 

[C'est La Vie]

هلا روونا حبيبتي انتي شلونج؟
خلاص عيل انا بكمل فيها وانشالله اخلصها هالاسبوع ونناقشها كلها :ada:
سكارلت شرايج نناقشج الجزء الاول الحين قبل لا ننسى؟

 

[rawona]

لله يعينج حبيبتي و يخلي عيالج لج يا رب

الله يسلمج .. ويخليج لاهلج يارب

​

هلا روونا حبيبتي انتي شلونج؟
خلاص عيل انا بكمل فيها وانشالله اخلصها هالاسبوع ونناقشها كلها :ada:
سكارلت شرايج نناقشج الجزء الاول الحين قبل لا ننسى؟

يالله انتوا قرروا وشوفوا شاللي تبون تسوونه وانا معاكم
​

 

[ScarletteO'Hara]

خلاص اوكي بس الجزء الاول لي وين؟

 

[C'est La Vie]

لي آآخر thursday

 

[ScarletteO'Hara]

القصة مبدئيا حيل عاجبتني, و انا عموما احب كتابات جودي, تعاطفين بالمركز الاول اكيد حق كيت انها اصيبت بالمرض و اهي ياهل تعور القلب و مهما كان مرض السرطان حطير بالنسبة لبالغ فشلون و اهي ياهل عمرها سنتين, قمة بالعذاب
و انا نفس الشي شنو ذنبها تنولد عشان تكون كسبير حق كيت؟ و كل شوي رايحة و رادة المستشفى و اهي صحيحة, ما لها ذنب, و بعد كشتت امها فيها مبرر قوي انها ترفع دعوى على اهلهاعشان اهي الي تكون مسؤولة عن جسمها بدال ما كل شوي رايحة و رادة المستشفي
سارا اكيد ام و بتسوي اي شي عشان بنتها بس هذا ما يعطيها الحق بانها تطنش بعيالها, كل واحد من عيالها المفروض يلقى اهتمام منها عيل اهي ام شحقه؟
تعجبني حيل شخصية براين شلون حنون على انا و ما يحاول انه يأثر عليها عشان تتنازل عن الدعوى, بالعكس وفق مع بنته و طلعها من البيت و عقد معاها, وايد حبيته مع ان الاقسام الي اهو يتكلم فيها مملة بالنسبة لي خصوصا لما يتكلم عن اطفاء النار ودي اشق الكتاب
جيسي ما احبه, راعي مشاكل و باط جبدي يعني ابوه اطفائي و اهو الي مدوده الدنيا و يحرق بالمباني الفاضية؟ بس هم معذور على هالام الي عنده
جوليا حبوبة و كامبل يونس خصوصا مع الservice dog بدع

الحين عاد ننطر نشوف تسلسل القصة و شيصير على القضية و هل كيت راح تعيش و لا لأ؟

 

[~Luxury]

قووووووووووووووووه يااحلى بنات


بشروووني عنكم


سوري غطيت عنكم الفتره اللي طافت بس صادفتني ظروف وبعدها رمضان وانشغلت بقراية احلى كتاب (القران)

بس الحين راجعة لكم بقوووووووووووووووووووووووووووووووووووووووووووووووووووه


وحماااااس

يالله قولوااا لي وين صرتوااا وشقاعدين تقرووون الحين ؟؟

 

[C'est La Vie]

هلا luxury حبيبتي ولكم باك
لا عادي معذورة يا قلبي تقبل الله
حاليا احنا قاعد نقرا my sister's keeper by julia picoult
وعقبه راح نبدي my life in france

 

[C'est La Vie]

القصة عموما حلوة
بس انا عندي ملاحظات على الشخصيات
اكثر شخصية تعاطفت معاها اهي سارة صج حسيت بخوفها على بنتها
واللي عماها عن عيالها الثانيين حتى ليما قالها جيسي ترا العالم مو بس كيت
وصعبة انها اهي محامية وعايشة مع بنتها اللي مقاضيتها
شلون تقدر تفصل دور المحامي عن دور الام؟ تمنيت لو انها تحطلها محامي خاص
بس اهي مو راضية تستوعب ان هذي قضية صجية وكله ببالها ان آن راح تغير رايها وتبي تلفت انتباههم لها
براين يعجبني بشلون يحاول يحافظ على ترابط الاسرة ويهدي من سارة
كامبل عجبني شخصيته المحامي المشغول
اللي يستغل قضية آن لمصلحته صج ان هالشي يعتبر انانية منه
بس يعطي واقعية اكثر للشخصية
وترا ما فهمت سالفة الجلب شعلاقة تنفس كامبل بالجلب؟
جوليا حبوبة هالشخصية بس اللي ما حبيته ان لها علاقة سابقة بكامبل
حسيت ان القصة ما تحتاج رومانسية لأنها جادة لازم يركزون على القضية اكثر
آن اوكي اهي بموقف صعب انها بتسوي عملية تبرع حق اختها اللي اصلا ما منها فايدة
وتبي تعيش حياتها بنت طبيعية مو بظل اختها
حسيت فيها بضعف وحيرة وكل شوي تغير رايها لأنها ماتبي تخرب علاقتها بأهلها
ما تتكلم وايد لأن تحس ان محد يسمعها ويهتملها
كيت صج انها مريضة وتكسر الخاطر
بس هل هذا يعطيها الحق انها تصير mean لأختها؟
جيسي المراهق المنسي بس حبيت ان وقف مع اخته بهالموضوع

 

[~Luxury]

هلا luxury حبيبتي ولكم باك
لا عادي معذورة يا قلبي تقبل الله
حاليا احنا قاعد نقرا my sister's keeper by julia picoult
وعقبه راح نبدي my life in france

تسلمين خيتوووووو


بسأل my life in france شنو نوعه ؟؟ وللحين في تصويت على الكتب ؟؟؟؟

وين حاطين ملخص الكتاب
ومتى بتبتدون فيه ؟؟؟؟

ياكثر اسئلتي صح خخخخ:dddds:

 

[Q8NanY]

سلام بنات
صج ولهت عليكم وعلى القراءه
بس الكتب موموجوده ما ادرى من وين يبتوها
برد اسال عن الكتاب اليديد وان شاء الله اقدر ابدا معاكم

 

[rawona]

امممممممممممم انا الحين بحط مناقشتي ..


سي لافيي انا معاج ان ساره تكسر الخاطر و بتظل ام مهما صار واكيد راح تحزن على للي صار لبنتها وبتسوي المستحيل علشانها .. بس هذا ما يعطيها الحق انها تنسى عيالها الباجي .. وهم هذا ما يعطيها حق انها تحاول تنجب "طفل سبير" علشان تستخدمه كقطع غيار لبنتها!! ما هالطفل اهي امه بعد..

عجبني تصرف "آن" برفع دعوة قضائية وحتى لو كانت طفله لها الحق انها بعد ترفض هالوضع المو طبيعي و انها ترفض هالزيارات المستمره للمستشفى والعمليات القاسية بالنسبه للكبير فما بالكم بطفل ربت عليها؟؟


كيت .. تكسر خاطري حيل .. بس لاحول ولا قوة بعد امر الله .. صحيح اني وايد تأثرت وحيل حيل حيل تعاطفت معاها وبجيت والله وانا اقرا الكتاب وهم وانا اشوف الموفي .. بس اهي حالتها من الاساس ميؤوس نها وكل اللي قدرت تسويه ساره انها اتماطل واطول اكبر فتره ممكنه علشان تحتفظ بكيت وما تفقدها ..


الاب عجبني يوم وقف مع بنته آن وحس فيها .. والولد ما ينلام .. امه مكرسه وقتها كله لبنتها المريضة وناسيتهم ..


بس هذا بالنسبة للمناقشة الاولى وطوني اعرف النهايه فراح انتظر لي موعد المناقشه الثانيه



​

 

[C'est La Vie]

تسلمين خيتوووووو


بسأل my life in france شنو نوعه ؟؟ وللحين في تصويت على الكتب ؟؟؟؟

وين حاطين ملخص الكتاب
ومتى بتبتدون فيه ؟؟؟؟

ياكثر اسئلتي صح خخخخ:dddds:

لا عادي اخذي راحتج يا قلبي
اسم الكتاب My Life in France by Julia Child
راح نبدي فيه عقب ما نخلص الكتاب الحالي
ونسوي تصويت للكتاب اللي عقبه
هذي نبذة عن الكتاب

http://www.amazon.com/My-Life-France-Julia-Child/dp/1400043468

 

[C'est La Vie]

سلام بنات
صج ولهت عليكم وعلى القراءه
بس الكتب موموجوده ما ادرى من وين يبتوها
برد اسال عن الكتاب اليديد وان شاء الله اقدر ابدا معاكم

وعليكم السلام
واحنا بعد فقدناج حبيبتي مكانج شكبره
my life in france مو موجود بالكويت
تلاقينه بأمازون