Make over Girls Diet عدنا من جديد

[عليـاء]

بنات شلونكم يارب بخير
اخيرا جلعععععععع ضرسي
دايخة حدي بس قالي اشربي اشياء باردة

مشيت نص سااعة على السير الحمدلله

 

[Eng_7asasa]

هلا علويه سلامات زين افتكيتي منه

انا من نص ساعة كليت تفاحة والحين بتغدا ان شاء الله

 

[كويتيهx5]

هلا بنات شلونكم شخباركم

يااا بطات عشان اذا قلت يا رشيقات تمصخونها



انا اليوم قعدت ورحت مع رفيجتي الافنيوز وتغديت سلطه شفتوا سلطه مع توست اسمر وشربت عصير اناناس وبرتقال وما ادري شنو هههه

ورديت البيت والحمدالله


بالعافيه علويه وحساسه

وزين افتكيتي من ضرسج اللي ميننج وميينني معاج.

وبالعافيه مااف

 

[Eng_7asasa]

غداي روب خالي الدسم و صمونه سمرا فيها زهرة و خضرا و شوية بطاط كله مشوي مو مقلي وبس بعد شوي بتسبح و بروح الصالون

ان شاء الله

 

[هنوفه الحلوه]

هااااااااااااااااااااااااااااااااااااااااااااااااااااي رشيقاااااااااااااااااااات

علياء ..زين شلتي ضرسج وافتكي ..الف سلامه حبابه ..

كوتيته ...باجر انا مقرره انه يكون يوم مفتوووح يعني اكل اكل عادي ...وبعدين سمعتج اتقولين مافي خرابيط باجر ...اشرايج اواصل رجيم باجر والا اخليه مفتووح ...وانتو تسون لكم يوم مفتوح والا طول الايام رجيم ...؟؟؟

 

[كويتيهx5]

بالعافيه حساسه

هنوف حبيبتي عادي تبين يوم مفتوح بس بعقل يعني اكلي بس بكميات بسيطه عرفتي واخذي راحه ليش لا اصلا الدكاتره يعطون ايام مفتوحه عشان يخدعون الجسم

 

[هنوفه الحلوه]

بالعافيه حساسه

هنوف حبيبتي عادي تبين يوم مفتوح بس بعقل يعني اكلي بس بكميات بسيطه عرفتي واخذي راحه ليش لا اصلا الدكاتره يعطون ايام مفتوحه عشان يخدعون الجسم

الحمدلله ..عيل باجر انا بتريق اكل رجيم وبتغدا معكرونه بالبشميل>>>>واااااااااااااي خاطري فيها من قبل رمضان ماكلتهااا ..اموووووووت عليهااا ...

والعشا بتعاش قبل الساعه 7 وبكل اكل رجيم .

وانشاللله مايقص علي الشيطان واخربط ...

 

[BiiShOoO]

قووووة بنااات شلونكم شخباركم

انا تغديت اليوم مع رفيجيتي بفريدايز الافينيوز

كنت هناك انا كويتيه بس ما شفتج


تغديت صدر دياي مشوي و عصير برتقال والحينت قاعده اشرب عصير برتقال

 

[هنوفه الحلوه]

يلا بنات ...بقوم امشي ...

اشوفكم افتررررررررررررر

 

[كويتيهx5]

بالعافيه هنووف واي وعاادي اكلي بس العشا خلييه خفيف عرفتي وقبل البشامل شربي ماي
ونشوفج على خيير


بالعافيه لووو

اي حسافه حتى انا ما شفتج ههه

خلاص نتواعد بنات على يوم نشوف بعض شرايكم

 

[كويتيهx5]

ابييييييييييييييي جذيييييي

 

[ماف راسها]

مرحبا بالرشيقات

الفطور المعتاد بيضتين + نص برتقالة

الغدا دجاج مشوي + خضار مسلوقة + طماطم

والحلى برتقالة​

 

[ماف راسها]

علياء الحمدلله أخير تخصلتي من الضرس ...طهور إن شاء الله

بالعافية عليكم بنات الوجبات​

 

[كويتيهx5]

اهليين مااف وبالعافيه
والله يعافييج

 

[هنوفه الحلوه]

الحمدلله خلصت ديني ...

رحت مشيت 35دقيقه ..

وتفطرت :

شوربه شوفان
ولبن
واناناس ....

وبعدها شربت شاي اخضر بدون سكر ...

واليوم بروح بيت عيوزي (ام زوجي ) وانشالله ماخربط في الاكل ولا ايوووع ..

 

[هنوفه الحلوه]

بنات بسألكم ...وصل عندكم لقاح فلوزنز الخنازير في الكويت والا للحين ؟؟؟والمدارس داومووو والا للحين ...

احنه في البحرين المرحله الثانوي داوموووتاريخ 4_10

وانشالله يوم الاحد تاريخ 11_10 الاعدادي بدامون

والابتدائي تاريخ 18_10

والروضه والحضانه وذي الاحتياجات الخاصه تاريخ 1_11 بيداومون ...

 

[عليـاء]

بنات شلونكم
ايش صاير الموضوع صاير في الصفحة الثانية
وينكم عن الكسل والخرابيط
هلمو ياسنافر للريجيم ههههههههههه

 

[عليـاء]

الشر مايجيكم
حساسة - هنوفة - ماف - كويتية
وبالعافية أكلكم حلوين

-

اليوم مااكلت طول اليوم
رحت زواره كلت بس مو وايد خرابيط
وجاتني المسعدة لايعة جبدي احسني دبة

 

[عليـاء]

بنات بسألكم ...وصل عندكم لقاح فلوزنز الخنازير في الكويت والا للحين ؟؟؟والمدارس داومووو والا للحين ...

احنه في البحرين المرحله الثانوي داوموووتاريخ 4_10

وانشالله يوم الاحد تاريخ 11_10 الاعدادي بدامون

والابتدائي تاريخ 18_10

والروضه والحضانه وذي الاحتياجات الخاصه تاريخ 1_11 بيداومون ...

اهلين هنوفة
انا من قطر وداوموا كل العيال يوم الأحد
وعطوهم أوارق التطعيم من أول يوم بس نص العيال ارفضوا التطعيم يعني مو اجباري اللي يبي
يكتب انه موافق

 

[عليـاء]

أم خدوج
شلونج احسن اليوم - مب مبينة
وبنيتج شلونها يارب بخير

لوو
بالعافية أكلج

لوول
بعد مب مبينة اليوم

روزي
وينج

ليمونة
وينج ؟