خاص بأطفال التوحد

[الهما]

السلام عليكم و عساكم على القوة و الله يشافي كل عيالكم و لا يوريكم مكروه و يمسح على قلبكم يارب
يا جماعه انا بحاله ما يعلم فيها الا ربي ثم انتووو
انا بدخل بالموضوع على طول لأني مو قادرة اكلم احد فيه....من ولدي من كمل السنة شكينا فيه انا و خالتي ام ريلي ان مو مثل اللي بسنة انتظرت لمن كمل السنه.....تطوره احسه بطيء جدا..اللي اصغر منه و اللي بسنه واايد احسن ...طبعا لفينا لفة على اطباء الكويت كلهم قالو شغلتين ان صغير و مانقدر نحكم وان اللي شايفينه ..ان طفل عادي....و شافته د.عزة شلتوت كانت زايرة الكويت و عقبها ريلي قالي لا تيبين طاري هالسالف خلاص الولد ما فيه شي .....
ولدي عمرة الان سنة و 9 شهور....

اللي ملاحظته الحين....ان مزاجي جداا واايد قريت عن اعراض التوحد. و حايشني اكتئااب فظييع..في اشياء مثل ولدي و في اشياء لا... خل اقولكم الاشياء اللي مخرعتني ....
عنده حب كبير حق التواير يعني اذا كنتا نمشي بالشارع عيونه تطير على التواير...سياراته بالبيت يلعب فيهم و اذا مل يقلبها و بقعد يفر التواير....بس بنفس الوقت لمن اشيله منهم يبجي شوي بس بعدين يهدا مع اللعبة اليديدة الثانية...يعني ما يكره التغير لهدرجة...
عند ولع بالاضاءة حييل عيونه تطير عليهم ...
ما احس بدفا الامومه اللي يتكلمون عنه او يمكن انا متوقعته اكثر من جذيه الا اذا بغا ينام او اذا كان في احد غريب يقط روحه علي...
يحقرني وااايد الا اذا احتاجني...يعني اذا طلبت منه يقولي وين عينه و خشمة او حب ماما ساعات يسوي اذا مشتهي و ساعات لا.... بس اذا حاجته عندي مثلا ابي اوكله و هو يوعان لو اقوله كوكس بيكوكس....
علموه خواتي على انه يهز راسه و يازتله الحركة ...صار لمن يسويه شكله يخرع و اذا نهيته استانس و زاد... و ضحك
الاشياء اللي تهون علي و تخليني اشيل الشك ....ان يستوعب اقوله روح ود التلفون حق بابا يودسه حق ابوة لو اذكر له اي اسم من اهلي يروح له
اقوله هات الكلينكس يروح من بين الاغراض و يعطيني اياه....
ساعات ابوه بالصاله الكبيرة اقوله بابا مناك روح و افتح الباب يسوي اللي اقوله يعني يفهمني.....يستوعب
بالنسبة للكلام...ماما بابا ....عن(مع شدة العين يعني سيارة) رابط بين اوبوه و السيارة...
الله ..اذا سمع الاذان ...لمن اقرا الفاتحه يقول وراي امين....
بس ما يقول ابي ,هاتي , كاهو ...وينه...لا اذا يبي شي يقعد يتنهوص بحنه افهم ان يبي هالشي
رحت حق كذا دكتورة لمن كمل سنه و اربع شهور شافته دكتورة عزة شلتوت و شافوة دكاترة وايد قالو بسنه هذا مو شايفين شي مو طبيعي ياخذ و يعطي و زين و لمن اتكلم يطالع حلجي و يحاول يقلدني....بس ما يقدر...

اي اخر شي اهو هاب يطقنا كف ..عاد اليوم ابوه طق صج ...على ايده و خاف و بجا ...
سااااااااااعدوني انا تعبااانه....ماقدر اقول حق احد اللي بقلبي ...شنو وضعي

 

[& الذاهبه &]

الله يطمنج على وليدج يارب ويقر عينج فيه

 

[manoooram]

السلام عليكم

دكتوري العزيز الحمدالله الله رزقني بتوأم أولاد كملوا سنتين بتاريخ 14/10 أمس الحمدالله .

(التوأم الثاني) : طبيعي جدا يفهم لمن أناديه أو أطلب منه يترك الشي الفلاني أو يسكر الباب.. اسم الله عليه يفهم علي ومتعاون
ينطق ماما - بابا - أسماء الشغالات - اسم اخته ..عطيني أو أبي بمعنى ما شالله ذكي ما عليه كلام ..

( التوأم الأول) : دكتورة اسمحيلي على الاطالة حابة أكون بشرحي واضحة ودقيقة على شان تشخصين لي حالته

لوقتنا الحالي دكتور ما نطق بولا كلمة احس قلبي يتقطع لمن أشوفه كلمة ماما ما سمعتها منه ولا حتى أي كلمة ثانية .. صادف قليل جدا يمكن نادر سمعت كلمة باي عند الباب ويجوز أكون غلطانة..

يحب يلعب بالتواير بس شلتها منه عزلتها , اذا طلعنا بالسيارة ومرت سيارة يحاول ان يطالع التواير تدور لاحظته ..
مرة من المرات واقفة معاه بممر أحد المستشفيات يمشي عني بعيد ولا حتى لف وجهه للخلف مو من الأطفال اللي يبتعد عن أمه ويفتقدها يروح بعيد .
يسرح وايد وبدوري أنا أحاول انه أخليه ينتبه علي ..
ما يلعب مع الأطفال ولا يتشارك معاهم بشي اذا بنتي والتوأم الثاني قعدوا يلعبون يركضون ورا بعض أحاول أشاركه معاهم امسكه من ايده وألحقهم معاه يدور شوي بعدين يبعد ايده عني ويروح الغرفة يلعب بروحه بسيارته أو يشغل نفسه بأي شي ثاني ...
دكتور والله أناديه باسمه وايد وأكرر 10 مرات - 20 مرة ما يلف ويهه ولا أصلا ينتبه لي
يحب يطالع أفلام الكارتون ويصفق معاها فجأة ويصرخ حيل من الفرحة ومبتسم .
يحط ايده بفمه ونفس اللي يناغي ..
ما يعرف يعبر عن الشي اللي يبيه مثلا اذا اخوه اخذ لعبته يقعد يبكي ويوقف يحاول مرة ان يرد لعبته واذا ما قدر يكمل بالبكي ولا يرد يحاول الكرة .
كنت مفكرة انه ما يسمع بالبداية بس لاحظت لمن يكون بغرفته وانا بالصالة قاعده أطالع التلفزبن وطلعت أغاني أو أناشيد قناة سبيس تون أو شي يخص الأطفال يطلع من الغرفة ركض للتلفزيون مال الصالة ويقعد يطالع ويبتسم أو يصفق ..

أغني له أغاني معينة مثل بارني وتيلي توبيز يضحك ويستانس ويصفق .. أمسك الكرة وأرميها عليه وعلى اخوانه يصرخ ويضحك يصفق ويلحق الكرة ثواني لكن بالأخير يوقف .

صادف لمن الشغالة تفتح باب غرفتها وأهو ما شافها وتنادي كذا مرة يروح لها أو حتى من غير ما تناديه بس يسمع الباب صادف مرة .
قمت أعلمه على المصافحة ان أقوله سلام وأمد ايدي اليمنى ومع الوقت يمد ايده بالمثل مو وايد..
لمن ابدل ملابسه أخذه معاي واعطيه ملابسه وانا واقفة يمه يرميهم بالسلة ..
اعطيه تكرمين الحفاظة مالته وانا بجنبه يقطها بالزبالة ..
باب الشقة اذا فتحناه على شان أبوه يبي يطلع وبعدها سكرناه يقعد يبكي ..
أعطيه كراسة وقلم يستانس ان يشخبط يمسك القلم بس مو عدل ويشخبط وهو فرحان .

دكتورة عندي باجر ان شالله يوم الخميس 15/10 موعد عند مركز سالم العلي للسمع والنطق والاسبوع اللي وراه يوم الخميس عندي موعد بالطب التطوري ..شنو ممكن يفيدوني فيه ؟
دكتورة شنو تنصحيني ؟؟ شنو أسوي معاه ؟؟

سامحيني طولت عليج وعلى اخواتي وأتمنى تجاوبيني بأقرب فرصة شنو المفروض أتبع ..

 

[مشاعل الشمري]

يقلبي انا مودكتوره بس ام ومريت باللي مريتي فيه واعرف شعور الام انا ولدي كان نفس ولدج لا واكثر
بس ولله الحمد مع التدريب والتعليم صدقيني لراح يتغير اهم شي الامل

 

[manoooram]

يقلبي انا مودكتوره بس ام ومريت باللي مريتي فيه واعرف شعور الام انا ولدي كان نفس ولدج لا واكثر
بس ولله الحمد مع التدريب والتعليم صدقيني لراح يتغير اهم شي الامل

مشكورة ياقلبي بس شلون التدريب والتعليم وين ؟؟

 

[مشاعل الشمري]

اول شي ما تيأسين من رحمة الله سبحانه وتدعين واااايد تدعين له
وتتوكلين على الله لانها مو نهاية العالم
يعني الحين اذا رحت للدكتور ولا سمح الله قالج مع صفات او توحد
لازم ادورين على حضانه-او مركز تحطينه فيه
يدربون ويعلمون على النطق والسلوكيات
انا بالنسبه لولدي لان كان بعمر الروضه فدخلته مركز الكويت للتوحد
بس انشاء الله بيطمن قلبج الدكتور

 

[manoooram]

اول شي ما تيأسين من رحمة الله سبحانه وتدعين واااايد تدعين له
وتتوكلين على الله لانها مو نهاية العالم
يعني الحين اذا رحت للدكتور ولا سمح الله قالج مع صفات او توحد
لازم ادورين على حضانه-او مركز تحطينه فيه
يدربون ويعلمون على النطق والسلوكيات
انا بالنسبه لولدي لان كان بعمر الروضه فدخلته مركز الكويت للتوحد
بس انشاء الله بيطمن قلبج الدكتور

ما قصرتي يا قلبي والله
بس عندي سؤال ولدج متوحد ؟؟ واذا اي متى اكتشفتي هالشي فيه وعند منو تراجعين له ؟؟ وفي تقدم ايجابي بحالته ..

 

[مشاعل الشمري]

ما قصرتي يا قلبي والله
بس عندي سؤال ولدج متوحد ؟؟ واذا اي متى اكتشفتي هالشي فيه وعند منو تراجعين له ؟؟ وفي تقدم ايجابي بحالته ..

ولدي كان توحد كامل-بعدين تطورت حالته-وراجعت بالتطوري-لو كنت اعرف الدكاتره الخصوصي اللي تكلمو عنهم البنات شان وديته من اول بس الحمدلله وتقدم وايد واستجاب
حيااااااااااج الله يقلبي

 

[(100%)]

عندي سؤال اذا ممكن تفيدوني
انا ولدي عمره سنه ونص مايتكلم ولا يعرف الاشياء يعني اذا طلبت منه شي مايسويه يحب يلعب مع اليهال ويقلد حركاتهم هل يمكن تكون هاذي اعراض توحد ارجوكم فيدوني

 

[ريحانة_14]

السلام عليكم و عساكم على القوة و الله يشافي كل عيالكم و لا يوريكم مكروه و يمسح على قلبكم يارب
يا جماعه انا بحاله ما يعلم فيها الا ربي ثم انتووو
انا بدخل بالموضوع على طول لأني مو قادرة اكلم احد فيه....من ولدي من كمل السنة شكينا فيه انا و خالتي ام ريلي ان مو مثل اللي بسنة انتظرت لمن كمل السنه.....تطوره احسه بطيء جدا..اللي اصغر منه و اللي بسنه واايد احسن ...طبعا لفينا لفة على اطباء الكويت كلهم قالو شغلتين ان صغير و مانقدر نحكم وان اللي شايفينه ..ان طفل عادي....و شافته د.عزة شلتوت كانت زايرة الكويت و عقبها ريلي قالي لا تيبين طاري هالسالف خلاص الولد ما فيه شي .....
ولدي عمرة الان سنة و 9 شهور....

اللي ملاحظته الحين....ان مزاجي جداا واايد قريت عن اعراض التوحد. و حايشني اكتئااب فظييع..في اشياء مثل ولدي و في اشياء لا... خل اقولكم الاشياء اللي مخرعتني ....
عنده حب كبير حق التواير يعني اذا كنتا نمشي بالشارع عيونه تطير على التواير...سياراته بالبيت يلعب فيهم و اذا مل يقلبها و بقعد يفر التواير....بس بنفس الوقت لمن اشيله منهم يبجي شوي بس بعدين يهدا مع اللعبة اليديدة الثانية...يعني ما يكره التغير لهدرجة...
عند ولع بالاضاءة حييل عيونه تطير عليهم ...
ما احس بدفا الامومه اللي يتكلمون عنه او يمكن انا متوقعته اكثر من جذيه الا اذا بغا ينام او اذا كان في احد غريب يقط روحه علي...
يحقرني وااايد الا اذا احتاجني...يعني اذا طلبت منه يقولي وين عينه و خشمة او حب ماما ساعات يسوي اذا مشتهي و ساعات لا.... بس اذا حاجته عندي مثلا ابي اوكله و هو يوعان لو اقوله كوكس بيكوكس....
علموه خواتي على انه يهز راسه و يازتله الحركة ...صار لمن يسويه شكله يخرع و اذا نهيته استانس و زاد... و ضحك
الاشياء اللي تهون علي و تخليني اشيل الشك ....ان يستوعب اقوله روح ود التلفون حق بابا يودسه حق ابوة لو اذكر له اي اسم من اهلي يروح له
اقوله هات الكلينكس يروح من بين الاغراض و يعطيني اياه....
ساعات ابوه بالصاله الكبيرة اقوله بابا مناك روح و افتح الباب يسوي اللي اقوله يعني يفهمني.....يستوعب
بالنسبة للكلام...ماما بابا ....عن(مع شدة العين يعني سيارة) رابط بين اوبوه و السيارة...
الله ..اذا سمع الاذان ...لمن اقرا الفاتحه يقول وراي امين....
بس ما يقول ابي ,هاتي , كاهو ...وينه...لا اذا يبي شي يقعد يتنهوص بحنه افهم ان يبي هالشي
رحت حق كذا دكتورة لمن كمل سنه و اربع شهور شافته دكتورة عزة شلتوت و شافوة دكاترة وايد قالو بسنه هذا مو شايفين شي مو طبيعي ياخذ و يعطي و زين و لمن اتكلم يطالع حلجي و يحاول يقلدني....بس ما يقدر...

اي اخر شي اهو هاب يطقنا كف ..عاد اليوم ابوه طق صج ...على ايده و خاف و بجا ...
سااااااااااعدوني انا تعبااانه....ماقدر اقول حق احد اللي بقلبي ...شنو وضعي

حبيبتي ولدج طقل طبيعي وما يعاني من إعاقة التوحد
لكنه مزاجي نوعا ما .. والأعراض إللي ذكرتيها طبيعيه جدا بالنسبه حق إللي بعمره
خليه يعيش طفولته وأنا متيقنه إنه مايعاني من إعاقة التوحد

 

[ريحانة_14]

لا توسوسون ياجماعة الخير

أطفالكم طبيعين

ثلاث أرباع الرسايل إللي توصلني عالخاص من أول يوم حطيت الموضوع لي يومكم هذا وساوس

إبعدوا الشكوك عنكم يابنات وإذا كانوا أطفالكم يعانون من عدم التركيز مثلا أو الإقتران بألعاب معينة هذا مايعني
إنهم يعانون من إعاقة التوحد لاسمح الله

مافي داعي أبدا لهالوساوس

أعرف أطفال ماتكلموا إلا لما صارت أعمارهم 5 سنين
ومافيهم أييييي شي .. حتى ثقل بالسمع مافيهم
شوية ثقل باللسان

وهذي يابنات ماهي توحد أبدا

وأشكركم على المرور حبيباتي

 

[مشاعل الشمري]

انتي وينج وشالدنيا فيج
ليش ماتشاركين
حيااااااااااااااج الله

 

[ريحانة_14]

حبييييييبتي والله يا شعوله

شلونج بعد قلبي

والله لاهيه مع العيال ومع البزنس اليديد

إنتي شخبارج سولفيلي

 

[الصابرة المحتسبة]

هلا بريحانه نور القسم وعساج على القوة يعمري

 

[مشاعل الشمري]

حبييييييبتي والله يا شعوله

شلونج بعد قلبي

والله لاهيه مع العيال ومع البزنس اليديد

إنتي شخبارج سولفيلي

يقلبي الله يبارك لج بالبزنز اليديد بس عاد لا ياخذج منه ويخلي لج عيالج يارب ويبلغج فيهم
انا بخير يالغاليه والحمدلله ويويو بالف خير دخل اول ابتدائي الحين وماشي ولله الحمد مغير الصراخ اللي احنا مو قادرين انحد منه بس يويو ماشاءالله اوكي
لا تقاطعين

 

[خشف العوازم]

خبيبتي انا عندي بنتي عمرها سنه و9 شهور ما تتكلم بس بين فتره وفتره اسمعها تقول ماما وبابا يعني بالشهر مره تقولها بروحها بس اقعد معاها احاجيها وهي لا مبالات بالمره انزين وهي عندها رخاوه بالجسم كله ما تمشي للحين اول ما جبتها كان فيها خلع والحمدالله حطيتلها الجهاز لمة 6 شهور وبعد ما شلت الجهاز نطرت عليها ما تحبي ولا تزحف ولا تحاول بالمره ولا تناغي وطلع اصوات نفس اللي بعمرها بس لاحظت عليها شغله كلا تعظ ايدها اذا عصبت واذا شلتها من شي تبيه تحاول تعضني بشكل مو طبيعي
اهي اللحين قام تزحف مثل الجيش بس ماتحبي مثل القطوه >>كلام الدكتور
انا اللحين اوديها علاج طبيعي وعلاج بالعمل
مرات احسها ما تسمع تكون في الخيمه مالت الالعاب ومعطتني ظهرها اناديها واصرخ ما تلف الا نادرا وسويتلها فحص للسمع الدكتور حط الجهاز على اذنها اليسار ما تلف بالمره وعلا الصوت وهمن ماتلف بالمره وسوالها على اذنها اليمين لفت عادي وبعدين رد على اليسار ولا تلف بسرعه >> ما ادري يعني اهي استيعابها بطيء
مرات عليها نظرااات اتخوف احسها اكبر من عمرها بواجد بس بالخز تخز بطريقه ما ادري مرات اخاف منها
تقوم من النوووم تبجي حييييييل واذا جيتها وشلتها تكون شاده جسمها حيل وجنها ما تحس فيها يالله تستوعب اني عندها
ما ادري اذا هذا التوحد ولا لأ لاني مو عارفه بنتي شنو فيها
حدي خايفه

 

[مشاعل الشمري]

وينج يا ريحانه -ريحانة منتدانا

 

[& الذاهبه &]

اي والله وين ريحااانه؟؟

 

[ريحانة_14]

رد : خاص بأطفال التوحد

كاني كاني كاااااااااااااااااااانييييييييييييييي

سلاااااااااااااااااااام علييييييييييييييييييييييييييييييييييييييكم

واللـــــــــــــــــــــــه اشتقتلكم بالحييييييييييييييييييييييييييل على قولة إللي فبالي لووووووووول

مسااااائكم ورد

ومبارك عليكم الشهر ومابقى من الشهر

بإذن الواحد الأحد بكون معاكم على طول وبحاول ما أقطع

======================

شعووووووله شلونج أم يسافي فديييييته يشوق بلبس التخرج دمعت عيني من شفته :_)

بوسيه لي أمااااااانه

=====================

بعد قلبي حبيبتي الذاهبه .. كاني بين الأيادي آمريني

====================

الريم

راجعتلج بإذن الله مع تشخيص بإذن الله لحالة بنيتج ياقلبي

بررررررب وراجعتلكم

 

[& الذاهبه &]

ياحبي لج

لاتقاطعين بس هذا اللي بقوووله