تجمع امهات مدرسة المستقبل ثنائية اللغةfbs

[احلا كويتيات*]

بصراحه خرعتوني من المدرسه انا بنتي kg2 ومادري توني ناقلتها من الباكستانيه مستواها التعليمي ممتاز بس جيب بالتعامل وسلوك
و بنتي مستانسه ان المدرسه هذي كله بنات بس اذا مستوى التعليم موشي ما تسوى ؟؟؟؟؟؟؟؟؟
اتمني اي وحده تفيدني اذا كان عندها بنات بالمدرسه

 

[وافية*]

البنات هذي اول سنة يفصلونهم ترى بمبنى بروح عن الصبيان وترى يااختي المستوى زين بس هم لازم تلقين ثغرات يعني مافي مدرسة كاملة انتي راح تحسين اذا المستوى يناسبج ولا لا راح يبين بعد جم شهر لما يمشون بالمنهج

 

[توت عنكبوت]

انا عن نفسي مرتاحة معاهم العام بكل شي \\

المدرسة حلوة ونظامية بس السنة شوي صارت كم حركة بصف ولدي ما عجبتني وتذمرت منها

اهم شي الكتب ما وصلت بس هذا اللي نشكي منه

والمدرسة اللي اشتكيت عليها ابلة هدى راحت لولدي الخميس وقالت له بجيب لك ستيكرز وهذا اللي وزعته مو حقك حقك ضاع وصدقها

بس الحمد لله انحلت مشكلتنا

بس باقي الكتب

 

[توت عنكبوت]

والتكييف بالباص بكلمهم باجر واشوف شسالفة هالهندي مع المكيف

شلون مستوى عيالكم باملاء الانجيزي امهات قريد 2 رد

 

[وافية*]

هلا فيج توت سالفة التكييف واللة مااظن يحلونها لاني صارلي اراكض وراهم 3سنين والسنة هذي ماشركتة بالباص(صراحة موعشان التكييف بس كسرو خاطري عيالي مايقطهم الا اخر ناس يجوني مستوين عالاخر هههههههه) بس لما كنت اكلمهم عالبباص يقولون فية تكييف بس ورا حيل مايوصل ؟؟؟بس للهندي الظاهر...
املاء الانجليزي الحمدللة جاب ولدي فل مارك انتو شسويتو؟؟؟

 

[وافية*]

توت واللة نفقدج كل ويك اند تغطين كلش مادري وين تروحين:dddds:

 

[وافية*]

بنات شتحطون لعيالكم اكل للمدرسة واللة تعبت مع عيالي ولدي كل مااقولة بحطلك شي يقول لا ماما مايصير وانا ادري انة هادي بس يستحي الظاهر والحمدللة الكرواسون والفطاير الجاهزة احس مامنهم فايدة

 

[وسومه الحلوة]

مرحبا بنات كيفكون

ترا بنات المدرسه نوعا ما زين احسن من غيرها واطور كل سنه من نفسها مالاحظتوا هالشي واذا اي شي موعاجبكم تكلموا احس انهم يهتمون بأراء اولياء الامور حتى الواجبات اهون من غيرهم مساكين الحكومه ضايعين حيل والمنهج الله يعلم بحاله


واذا على الشغب ترا والله هذولا الصبيان بس الشرهه على المدرسات والاداره لان اهم مسؤلين عنهم وعندهم وبعدين اذا كل واحد يتحرش بالثاني وماتكلم المس في صبيان ترا يحترون مايسكتون المفروض تكون حازمه معاهم وتضبط الصف واهم تربيه وتعليم بعد يعني يعلمونهم الادب قبل التعليم انا ماقول الاهل يقصرون بس هذولا جهال يصدر عنهم تصرفات الاهل مالهم يد فيها بس مع التهذيب والتوجيه يتعلمون لان شخصية الولد غير عن البنت

شرايكم بالي قلته توافقوني الراي ولا لأ

وبعدين في اجتماع يوم الاثنين الساعه 6 م

 

[انفاس الرحيل]

السلااااااااااااام
انا لاحظت شي عند بعض المدرسين شخصيتهم ضعيفه على الطلبه ما يضبطونهم بالصف
و يضيع الوقت بدل ما هو بالشرح بالسوالف ..
وعندهم اخصائيية تجنننن .. اسمها مس زينب خوووش اخصائية اسلوبها مع اولياء امووووووور حلووووووو
اي قضيه تحلها لكم ..

 

[توت عنكبوت]

توت واللة نفقدج كل ويك اند تغطين كلش مادري وين تروحين:dddds:

ما تفقدين غالي حبيبتي

الخميس اروح لأهلي وابات لأني مقلوعه بأم الهيمان واتعاجز ارد احس ما اشبع من ااهلي

 

[توت عنكبوت]

انا ولدي بعد جاب باملاء الانجليزي فل مارك الحمد لله

اليوم طلعته الساعه 9 من المدرسة عنده مراجعه اسنان وشالوا ضرسة

لا حظتو ان الجدول تغيرللأحسن الانجليزي صار اول حصتين احسن انا قالت لي مس الانجليزي انها تحاول تغير الجدول عشان استيعاب العيال

تقول نهاية الدوام ما لهم خلق

اشوا غيروا

اليوم بس حضر الانجليزي وطلعته

 

[توت عنكبوت]

مرحبا بنات كيفكون

ترا بنات المدرسه نوعا ما زين احسن من غيرها واطور كل سنه من نفسها مالاحظتوا هالشي واذا اي شي موعاجبكم تكلموا احس انهم يهتمون بأراء اولياء الامور حتى الواجبات اهون من غيرهم مساكين الحكومه ضايعين حيل والمنهج الله يعلم بحاله


واذا على الشغب ترا والله هذولا الصبيان بس الشرهه على المدرسات والاداره لان اهم مسؤلين عنهم وعندهم وبعدين اذا كل واحد يتحرش بالثاني وماتكلم المس في صبيان ترا يحترون مايسكتون المفروض تكون حازمه معاهم وتضبط الصف واهم تربيه وتعليم بعد يعني يعلمونهم الادب قبل التعليم انا ماقول الاهل يقصرون بس هذولا جهال يصدر عنهم تصرفات الاهل مالهم يد فيها بس مع التهذيب والتوجيه يتعلمون لان شخصية الولد غير عن البنت

شرايكم بالي قلته توافقوني الراي ولا لأ

وبعدين في اجتماع يوم الاثنين الساعه 6 م

انا اوافقج الراي لازم الخوف والحزم

احنا على ايام الأبلات الفلسطينيات كنا نرجف رجف منهم خوف قبل الاحترام

اناأأيد الحزم والشدة مع الطلاب

 

[احلا كويتيات*]

السلام شلونكم بنات حبيت اسألكم في احد بنته في كي جي 2 لاني محتاره معاهم دفاتر بنتي تجيني مو صححه وما ادري ليش عاد ماشالله عليها هي خوافه وتحاتي وغير هذا بنتي حاطه لها ستكراااااااااات جان مدرسه العربي غيرت الدفتر ؟؟؟؟؟؟؟؟؟؟ ومستغربه الي عرفه ان مدرسات يستانسون اذا شافو الطالب مهتم يستانس المدرس هذي مادري ودايم بالادارة البنين ابي اكلمها مو محصلتها وما دري شسوي !!!!!!!!!!

 

[توت عنكبوت]

السلام شلونكم بنات حبيت اسألكم في احد بنته في كي جي 2 لاني محتاره معاهم دفاتر بنتي تجيني مو صححه وما ادري ليش عاد ماشالله عليها هي خوافه وتحاتي وغير هذا بنتي حاطه لها ستكراااااااااات جان مدرسه العربي غيرت الدفتر ؟؟؟؟؟؟؟؟؟؟ ومستغربه الي عرفه ان مدرسات يستانسون اذا شافو الطالب مهتم يستانس المدرس هذي مادري ودايم بالادارة البنين ابي اكلمها مو محصلتها وما دري شسوي !!!!!!!!!!

هلا فيج حبيبتي

احنا اغلب عيالنا في الابتدائي وصبيان بعد

المفروض تسألين المدرسة ليش غيرت الدفتر عشان تعرفين شنو تحب ؟؟

كلمي الاخصائية وعندها الحل المدرسات ما نقدر نحصلهم ..

 

[توت عنكبوت]

توتا ووافية صديقاتي

وينكم انقطعوا شخبارعيالكم

 

[توت عنكبوت]

بنات شتحطون لعيالكم اكل للمدرسة واللة تعبت مع عيالي ولدي كل مااقولة بحطلك شي يقول لا ماما مايصير وانا ادري انة هادي بس يستحي الظاهر والحمدللة الكرواسون والفطاير الجاهزة احس مامنهم فايدة

انا احط له عصير مانجا او كوكتيل او حليب موز

وكرواسون او توست بمرتديلا طايح فيه


فول سوداني


احيانا احط له البسكوت المحشي ككاو واحيانا كييكة من امريكانا الصغيرة

 

[السوري 2008]

بنات اليوم اجتماع مدرسة المستقبل الساعة 6 مساء بتحضروون ؟؟؟

 

[وافية*]

اي انشاللة انا بحضر اكيد
بس اليوم لاحظت انة دفاتر الواجب مالت الانجليزي موموجودة ولاعطتهم وجب ماث ولا شي؟؟؟
معقولة مريحينهم اليوم ولا ولدي ناسي اغراضة؟؟؟

 

[وافية*]

مرحبا امهات للاسف الشديد صارتلى ظروف وماقدرت اروح عفية قولولي شصار بالاجتماع

 

[احلا كويتيات*]

ماكو شي بس المديره قالت كلمتها وتمدح سياستها للمدرسه وانها غيرت بالاداره وبسياسة المدرسه فصلة البنات عن الاولاد وحطة مدرسين للمرحلة المتوسطه بنين .
ولا يغيبون الطلبه ومن هذا الحجي بعدها روحوا شفو فصول العيالكم واللقاء مع المدرسين بس ما كو شي وبعض المدرسين ما حضرو بس هذا الاجتماع وبعد اذا فيه شي مضايقكم قول الاداره بس .............. يعني ما عليه حسوفه الانج ما حضرتيه اتمنى اني فدتج