تجمع امهات مدرسة المستقبل ثنائية اللغةfbs

[وسومه الحلوة]

مرحبا حبايبي

حياتي توتا شنو الي موفاهمته الوافي برنامج تنزلينا حق الترجمه

حبيبتي وافيه ايه تقصد القلوسري فيه الكلمات ومعناها مثل air-flyبس الي ماعرفته الهوم وورك اليوم مادري شتقصد بليز بنات الي عندها فكره تقولنا

 

[وافية*]

حلينا الهوم ورك عادي نفس الكلمات such inch وهالكلمات بس رتبيهم حسب الترتيب الابجدي من 1 لي 10 وسلامتج

 

[وسومه الحلوة]

ايه حبيبتي حليناه بس مو على الابجديه يعني cوبعدها الكلمات الي iوبعدها mوجذيه ولا غلط

 

[وافية*]

مادري واللة انا رتبتهم جذية:
catch
chin
chip
inch
match
saw
shop
such
were
wish
حسب الترتيب الابجدي

 

[وافية*]

بنات بليز ابي الجدول مغيرينة وماعطو ولدي نسخة اليوم ماحطيتلة الاسلامية وطلع عليهم اسلامية باجر شنو عليهم

 

[وافية*]

ولدي اليوم جاني متعمومس

امس ابلة العربي خذت منه ستيكرات على صورة السيارة الحمرا واليوم توزع الستيكرت على الصبيان يقول اللي يكتب صح تحط له ستيكرز

انا انقهر ت هو حتى ما حطت له اى شي

صراحة شي يقهر حيل متضايق حتى لو ان الستيكرز ما يسوى ورخيص بس هم مو عدله تاخذه وتوزعه ..

شفيج توت هذا نظامهم حتى ابلت الانجليزي طالبة ستكرات واللة جبتلها شكثر ويقول ماما اي واحد يحل صح تحطلة ستكر عليها بالعافية اللة ماكثر الستكرات بالمكتبة بس حرام ولدج يمكن احتر انة ماعطتة وتوزع على الصبيان.
ولدي يقول غابرييل هذا الانجليزي اللي بصفهم يقول بط عين واحد اسمة عبداللة بعد ناقصين احنا بروح عيالنا مايترقعون يجينا هذا بعد يقول ولدي كسلان ومزعج بالصف

 

[وسومه الحلوة]

مادري واللة انا رتبتهم جذية:
Catch
chin
chip
inch
match
saw
shop
such
were
wish
حسب الترتيب الابجدي

اي ياحياتي نفس الي انا سويته

بس الجدول صح متغير ولاعطونا نسخه حتى ولدي يقول اليوم يما خذينا اسلاميه بس لازم يعطونا نسخه شكلي بدق عليهم باجر


وهذا الولد الاجنبي بعد في واحد بصفه مادري شقصته حتى ولدي يشتكي منه يقول مره طقني وطقيته والمس ماقالتلي شي بس هاوشته تقوله مثل ما انت بطقهم اهم بطقونك مافتكينا من سوالف الحكومه والله الظاهر لي تمادى بشوف شقصته تدرين
مسبب ربكه بالصف لانه مايقعد يلهييهم

 

[توتا وحب الكويت]

اي ياحياتي نفس الي انا سويته

بس الجدول صح متغير ولاعطونا نسخه حتى ولدي يقول اليوم يما خذينا اسلاميه بس لازم يعطونا نسخه شكلي بدق عليهم باجر


وهذا الولد الاجنبي بعد في واحد بصفه مادري شقصته حتى ولدي يشتكي منه يقول مره طقني وطقيته والمس ماقالتلي شي بس هاوشته تقوله مثل ما انت بطقهم اهم بطقونك مافتكينا من سوالف الحكومه والله الظاهر لي تمادى بشوف شقصته تدرين
مسبب ربكه بالصف لانه مايقعد يلهييهم

اجنبي شنو اجنبي في اجانب بالصف معاهم

والله حلو يلا خلي عيالنا ينجبرون يتكلمون بالانغليزي

وسومه شنو يعني طقني وطقيته والمس كلمت الولد وما كلمته المفروض انها تشوف شنو السالفه وتحكم بين اليهال مو تكلم واحد وتخلي الثاني

 

[توتا وحب الكويت]

خواتي

انا اسلوب المدرسة مو عاجبني
شنو يعني مافي كتب ليش ماكو كتب
ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عفوا احنا مو دافعين حق الكتب المدرسية بالمثل احنا من حقنا انهم يعطونا الكتب او على الأقل نشوف الكتب
طيب اهما يقولون انه سياسة المدرسة حرام علشان ما يشيلون كتب وايد وما تكون ثقيله عليه فالمدرسة تصور له المنهج وتعطيه على أوراق وشششششششششششششششششش ؟؟؟؟؟؟؟؟؟؟؟؟؟؟؟؟؟؟؟ عجيبة والله
طيب ما يصير تعطينياها حتى على نهاية الاسبوع

اشلون نتابع عيالنا بدون كتب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عاجبكم كل يوم ورقه عاجبكم، كل ما أبي ادرسه ما ادري شنو أدرسه ما ادري اشلون انتو صابرين والله

خواتي هذول عيالنا حرام لازم نحرص على مصلحتهم . فأنا ماراح اسكت وراح اكلم المدرسة والادارة حتى لو ترتب اني اسحب الولد من المدرسة

 

[وسومه الحلوة]

توتا حبيبتي انا قصدي انا الولد فعلا مزعج ومجنن ولدي على اغراضه حتى المدرسه متأذيه منه الجهال كله يتحاشونه بس ماكو فايده والله يستاهل جننهم وبعدين اهي قصدها انه مثل مايبدا بالطق يتحمل الزف عشان تحد منه

 

[توتا وحب الكويت]

توتا حبيبتي انا قصدي انا الولد فعلا مزعج ومجنن ولدي على اغراضه حتى المدرسه متأذيه منه الجهال كله يتحاشونه بس ماكو فايده والله يستاهل جننهم وبعدين اهي قصدها انه مثل مايبدا بالطق يتحمل الزف عشان تحد منه

وسومه
شنو اسمه علشان اسئل ولدي عنه او اول حرف من اسمه

 

[وافية*]

وسومه
شنو اسمه علشان اسئل ولدي عنه او اول حرف من اسمه

توتا شفيج عالاحرف هذا ولد انجليزي اسمة غابرييل مزعج بصفهم
وبالنسبة للكتب انا يوم رحت الصف شفت كتب مكودة شكثرها عالرف اظن حق العلوم بس توهم ماعطوهم للحين هي قالت اول اسبوعين راح يكون مراجعة وبعدين بنمشي بالمنهج
وانا سالت الادارة عالمواد فقالو المواد هذي ياخذونها من ظمن الحصص يعني مومواد منفصلة والدليل انة الابلة وحدة
انا بس اللي موعاجبني انهم بطيئيين وصح مفروض الماث يكون لة كتاب بس يمكن بيعطونا بعدين مايندرى

 

[وافية*]

حسبي اللة عليهم واللة غثوني اليوم حييييييييل شهالواجبات هذي ولدي مسكين زهق من كثرها اخرشي كشت فيني وراح يطالع التلفزيون وللحين ماخلصنا
هذي من صجها تبي جمل عالسيلنغ وردز صعبين حيل انا بروحي موعارفتهم شلون نكتب جمل.شسويتو بنات؟؟؟

 

[وافية*]

ترى على فكرة الاوراق مالت الماث اللي يجيبونها للبيت هذي نفس الكتاب الموجود عند الابلة ولدي يقول احنا نحل نفس الاسئلة بالمدرسة عالكتاب الملون يعني فية كتاب بس هذي مراجعة الظاهر وعشان احنا نعرف شنو خذو.وانا شاطة عمري بهالتزيين والستكرات والوان حق هالاوراق الظاهر تاخذهم تقطهم بالزبالة شتبي فيهم اذا عندها الكتاب لكل طالب.

 

[وافية*]

بنات اشتكو لاتسكتون انا باجر رايحتلهم انشاللة بشرشحهم شهالمصخرة ولدي يقولي ماما طلعيني من هالمدرسة اخاف يبطون عيني قلتلة ليش جان يقول اليوم صبي بط عين الثاني وطلع دم والمس قالتلة اخر مرة اسامحك؟؟؟لاواللة خوش ضبط للصف؟؟انا ملاحظة هالسالفة تكررت شكثر شفيها موقادرة تسيطر عليهم وصلت للاقلام واللة حنا موبايعين عيون عيالنا باجر اوريهم واللة حروني

 

[وافية*]

خخخخخخخخخخ ماكو الا انا قاعدة اسولف بروحي

 

[الغلا انا]

مرحبا بنات ،،،،،،،،،،

انا اول مره اشارك ،،ابي اسألكم عن مستوى المدرسة انا نقلت ولدي هالسنه عندهم بس حيل ولدي كاره المدرسه مو متقبلها وكله غايب مع ان كان يحب مدرسته القديمه....بس غاليه علينا ,بنات تكفون لاتطنشوني انا بعد مو عاجبتني احس ان المدرسات مو ذاك الزود ،ولدي بقريد 1 ،اذا تبون تعرفونه كله يبجي بالهده

 

[وافية*]

مرحبا بنات ،،،،،،،،،،

انا اول مره اشارك ،،ابي اسألكم عن مستوى المدرسة انا نقلت ولدي هالسنه عندهم بس حيل ولدي كاره المدرسه مو متقبلها وكله غايب مع ان كان يحب مدرسته القديمه....بس غاليه علينا ,بنات تكفون لاتطنشوني انا بعد مو عاجبتني احس ان المدرسات مو ذاك الزود ،ولدي بقريد 1 ،اذا تبون تعرفونه كله يبجي بالهده

ياحياتي ليش يبجي؟؟؟شنو مدرستة القديمة؟؟؟
واللة شوفي انا السنوات اللي طافت كانت حيل عاجبتني ومقتنعة فيها وولدي يحب المدرسة حيل بس هالسنة اشوف قامو يخورونها كل مدرسين قريد 2 اللي يدرسون انجليزي عرب؟؟؟شكو؟؟؟رفيجتي يدرس ولدها استاذ مصري؟؟؟صراحة احس تغيرو مادري يمكن عشان تونا بداية السنة مابين للحين المستوى؟؟؟وولدي مالة خلق عالمدرسة هالسنة اللة يستر انا باجر بمرهم واقعدلهم قعدة وبشوف واردلكم خبر ...بسالهم عن ستاف التدريس والمواد والصبيان ليش ماكو سيطرة عليهم هالسنة وكلللللللل اللي يطري علي بقولة لهم وبشوف.

 

[توت عنكبوت]

هلا وافية

بنات شلونكم

انا اليوم رحت المدرسة اشتكي من 4 سوالف

1- ان ولدي ما عنده كتاب الريدنق بوك
2- الولد طاق ولدي بالقلم
3- الباص ما يشغل مكيف
4- ابلة هدى مآخذة ستيكرات ولدي وموزعتهم عالصبيان مع العلم ان ولدي شاطر ومتفوق ما شاء الله عليه

طلبت مس جنان وجتني بعد ساعه نقعتني
وفالت لي ان الكتب مو متوفرة وان هذي مو مشكلتها المس جدية حيل واحس لايعه جبدها من عيالنا ومن المدرسة
بعدين كلمت مس زينب الاخصائية بمواضيع الباص والولد اللي طاق ولدي وعشمتني خير بس احس حكي لأنه رجع اليوم بالباص عرقان من راسة لي رجولة مع اني كلمتها مبجر الساعه11

 

[توت عنكبوت]

اما بالنسبة للكتب تقول الاخصائية انها على وصول هاليومين ؟؟؟ والله ما يندرى

ولما قلت لها سالفة الستيكرز قالت مو من حقها المفروض تآخذه من الطفل لي كان يلعب فيه وترجعه نهاية الدوام