تجمع امهات مدرسة المستقبل ثنائية اللغةfbs

[وافية*]

هاي امهات ريد شخباركم
الاختبار طلع يوم الخميس موباجر سوري خرعتكم
انا ولدي اليوم غايب مالة خلق يداوم غيبتة شنو خذو بورقة الماث اليوم؟؟
وبالنسبة لورقة امس اللي نقصها ونلزقها ماعطتنا شي الظاهر مسوينها بالصف
ترى ابلة التربية الاسلامية مالها شغل بالتحفيظ عندهم محفظة قران بس كل اسبوع حصة مايمديهم.

 

[توت عنكبوت]

بنات ما رديتو علي ماكو املاء باجر

شنو الكلمات يا ليت تعلموني

لا تطنشوني انطركم

سجلوا لي الكلمات تكفون

 

[وسومه الحلوة]

مرحبا حبايبي

ترا الاملاء الخميس مكتوب بدفتر الهوم وورك

والكلمات الي بالاملاء مالت السبلنغ


بس بنات شسالفة الهوم وورك اليوم شنو قصدها انطلع معاني الكلمات من الكتاب ونكتبها؟

 

[وسومه الحلوة]

وينكم بنات

معقوله يكتبون معناها الي بآخر الكتاب!

 

[وافية*]

لا مااظن يكتبونة؟؟؟الظاهر بس يعرف معناهم مافهمتها بعد انا صراحة بس كتبنا الكلمات 3 مرات وقرينا القصة الاولى بس

 

[وسومه الحلوة]

بس فيه كلمة رايت يعني كتابه وترجمة الجمله بالوافي طلع استخراج الكلمات وكتابة معناه الي بآخر الصفحات ومادري عاد باجر يبين ان شالله

 

[بنت البحرين]

بنت البحرين ولدج باي صف؟؟

قريد ا اورنج

 

[وافية*]

اي واللة اسومة توني انتبهت انا عبالي يسوونة مع المس يطلعون معاني الكلمات بس ماانتبهت لكتابتها...
شلون الحين ولدي ماحلة عاد المس عسرة حيل اللة يستر

 

[وسومه الحلوة]

مافيه الا انج تقومينه مبجر عشان يحل بس حرام واجد

او كتبيلها انها مو موضحه شتبي بالضبط بس بصراحه

بقريد 1 فرق كانت مس شارمين تهبل هذي مارتحت لها الله يستر

 

[توتا وحب الكويت]

والله يا بنات اني مو مرتاحه للتيجر بالمره

والله هذا كان احساسي من الأول بس ماكنت ابي اتكلم واعم عليها حيل جذي بس اسلوبها وتعاملها مع اليهال بالمره موعاجبني والله مكره الولد بالدراسه وكم مره اخلي ريلي يروح يكلمها
ماصارت كرهت الولد بالدرس من كثر ماهي صارمه

الله يستر

والمشكله واجب امس القصه اللي طالبتها تدرون انه المطلوب فايند آند رايتنغ يعنى اوجد و اكتب المعاني

من صجه هذي المعاني طابتهم انجليزي تترجم انغليزي شنو عيالنا فلاطحه

والله اللي سويته بس كتبنا الواجب النسخ وحاولنا حفظ الكلمات اللي متشابه

توت الكلمات مو ذاكرتها بس منها
wish
insh
shin
ship
were
saw
واذا تذكرت راح اكملج

واليوم لما اروح البيت اكتبه لج وترى الاملاء الخميس

 

[توتا وحب الكويت]

بس فيه كلمة رايت يعني كتابه وترجمة الجمله بالوافي طلع استخراج الكلمات وكتابة معناه الي بآخر الصفحات ومادري عاد باجر يبين ان شالله

اشلون وسومه ما فهم

طول امس وانا حايسه

 

[توتا وحب الكويت]

وينكم بنات

معقوله يكتبون معناها الي بآخر الكتاب!

ميبخالف وسومه انا موفاهمه شنو اللي بآخر الكتاب


ممكن تذكرين الصفحه

 

[توت عنكبوت]

هلا بنات

انا اساسا هالكتاب اللي تقولون عنه مو عندي كان غايب وما عطوه قصة

لما جاب لي ورقة مكتوب كلمات فريكونسي (( يعني شنو ))
والله اللي يغيب يوم يضيع مع المنهج

 

[توت عنكبوت]

بالنسبة لمدرسة الانجليزي ولدي ما يسولف وما ادري عنها

وهذي الواجبات انا اشوفها شوية بالنسبة للباكستانية كانت واجباتهم متعبه .

بس احس شوي سريعين بحفظ العاديات كلماتها شوي صعبه عليهم وكملت لهم السورة لي النهاية .

 

[توت عنكبوت]

شريتو الطلبات الجديدة 1- الكلينكس
2- محارم ديتول
3- غسول ديتول

وطلبات معاهم بعد .انا ما شريت للحين مالي مزاج اطلع امس من البيت

 

[توتا وحب الكويت]

شريتو الطلبات الجديدة 1- الكلينكس
2- محارم ديتول
3- غسول ديتول

وطلبات معاهم بعد .انا ما شريت للحين مالي مزاج اطلع امس من البيت

هلا توت اشلونج يالغالية


والله هالطلبات الي الان ما يبتها بس هي لمنو للطالب ولا معلمة الكمبيوتر

ترى اذبحونا لستات الي متى

 

[وافية*]

وسومة القلوسري هذا اللي اخر الكتاب تبينا ندور فية معاني الكلمات اللي خذوها فية كلمات واجد بس مومن ضمنها الكلمات اللي خذوها
وبنات ترى هذي الخطة مومنها مسكينة مالها شغل هذا منهج لازم تمشي على اساسة والواجب هذا كل قريد تو ياخذونة موبس احنا
وبالنسبة لها واللة شديدة بس احسن ماالومها الصبيان يبيلهم شدة خل يتسنعون شوي حرام اللة يعينهم يتعبون معاهم
انا مدرسة بنات ومجننيني شلون الصبيان.

 

[وافية*]

بالنسبة لمدرسة الانجليزي ولدي ما يسولف وما ادري عنها

وهذي الواجبات انا اشوفها شوية بالنسبة للباكستانية كانت واجباتهم متعبه .

بس احس شوي سريعين بحفظ العاديات كلماتها شوي صعبه عليهم وكملت لهم السورة لي النهاية .

نصيحة اشتري لولدج شريط العفاسي المعلم مال الاطفال هو يقول السورة ويردون الصبيان وراة واللة نفعني واسم اللة عليهم عيالي مايتعبوني بالحفظ لان اشغلة لهم دايما بالسيارة

 

[توت عنكبوت]

مشكورة وافية حبيبتي عالنصيحة

ان شاء الله بشتري له الشريط

 

[توت عنكبوت]

ولدي اليوم جاني متعمومس

امس ابلة العربي خذت منه ستيكرات على صورة السيارة الحمرا واليوم توزع الستيكرت على الصبيان يقول اللي يكتب صح تحط له ستيكرز

انا انقهر ت هو حتى ما حطت له اى شي

صراحة شي يقهر حيل متضايق حتى لو ان الستيكرز ما يسوى ورخيص بس هم مو عدله تاخذه وتوزعه ..