{ ...الدكتورة رشا الصفي تجيب على استفسارتكم ..} استضافة اسبوعية

[نور-الكويت]

ودكتوره بسألج تتوقعين اذا رحت الحج وانا ارضع وبترك البيبي بالكويت راح تنزل علي العاده

 

[مــ_ــا مــ_ــي]

السلام عليكم ورحمة الله وبركاته

شلونج دكتوره .. الله يعطيج الصحه والعافــيــه ...

عندي بنت عمرها 6 سنين .. ما عندها احساس بالجوع.. لو تقعد اليوم كله ما تطلب الا حليب موز او حليب فراوله.. ضعيفه حيل .. ومراات اضطر اني اطقها عشان تاكل .. أبــي لو سمحتي اي علاج يفتح لي شهيتها .. وخصوصا ان الاسبوع الجاي مدرسه ولازم تتغذى عدل عشان تركز وما تدوخ بالمدرسه

شاكره لج الاستشاره

 

[بطاط مهروس]

السلام دكتورة .... عندى مشكلة صغيرة والله كبيرة حيل بنتي عمرها تقريبا 7 شهور صايرة ما تحب الحليب كلش ما ادرى ليش تعبت وحاولت بس ما تبى كلش بطلع الروح تشرب اشوية ...... وانا ادرى ما فى بديل عن الحليب
لو سمحتى ابى حل ممكن تساعدينى ....... ما عليج امر تطرشينها رسالة خاصة ..... مشكورة

 

[بنت اكابر]

قواج الله دكتورة ولدي عمره 4 شهور ونص تقريبا
ومعاه صدر
وودي اوكله بس قالولي السيريلاك مايناسبه لان فيه صدر ؟؟
شنو اللي يناسبه من اكل
والحسن اهوا كله منشول وفيه كحة بس يقدر ينام بالليل
اعطيه دواء او كمام والا مافي داعي لان رضاعته خافة هالايام بس احس كله يسعبل وبس متضايق ويبجي واحس فيه شي تتوقعين بيسنن ؟؟

 

[بنت باباتي]

السلام عليكم انا اول مره اشوف هالموضع
واستانست عليه

دكتوره انا بنتي عمرها 10 شهور نومتها بالمستشفى من فتره تقريبا قبل شهرين كان معاها التهاب ولما سوو لها سونار قالوا لي ان معاها تضخم بحوض الكليه النثنتين اليمنه واليسرى
وعطوني حقها مضاد وقائي ملي ونص كل اربعه وعشرين ساعه
اللي حاصل الحين
اني اخاف اوديها المستشفى عشان افلونزا الخنازير
وترتفع حرارتها توصل 38 واسوي لها مزرعه بول تطلع النتيجه سليمه مافيها شي

وبسأل عن تطعيم افونزا الخنازير اخذه والا مو زين وبعد تطعيم الافلونزا العاديه
وشاااااااااااااااااااااااااكره لج

 

[بنت باباتي]

وبغيت اسأل عن شي مهم قريت معلومه حابه اتاكد من صحتها
هل صحيح ان المفروض ام مانعطي الطفل خافض للحراره بعد التطعيم لانه يأثر على فعاليه الطعم
وان نكتفي بأنزال الحراره بكمادات بس ؟


بنتي اللي قلت لج عنها معاها تضخم بحوض الكليه وزنها من شهرين ثابت ما زاد ولا غرام


انا طريقتي كل ساعتين ونص اعطيها شي تاكل حتى لو ماتبي اغصبها

يعني اول ماتقوم رضعه
وعقبها بساعتين ونص رضعه بعد او سيرلك بس قليل اعطيها السريلك
وبعد ساعتين ونص غد(صدر دجاج وجزر و عيش) اقسم الوجبه ليومين واحط النص بالثلاجه لليوم الثاني
وعصير بس تشرب 3 ارقام (جوافه او برتقال او كوكتيل كي دي دي)
بعدها فواكه كنت اعطيها الفاكهه اللي بالجمعيه المعلبه بس خوفوني منها انها موزينه مع انها حيل متقبلتها
قمت اعطيها فاكه طبيعيه بس مو حيل تتقبلها
وعقبها رضعه
وعقبها عشا (كوسا وقرع وبطاط وزهره )

وقبل النوم حليب حليبها سيملاك
بس ما ادري ليش حيل شكلها ضعيف كان شكلها يشوق واللبس عليها حلو



وشكرا والله يعينج على اسألتي واجد بس جد محتاجه اجابات

 

[new mother 2008]

السلام عليكم دكتورتنا الجميلة صاحبة البال الطويل و القلب الواسع
جزاكي الله الف خير على مساعدتك و الله يوفقك يارب
دكتورة متل ما انتي عارفة انه بنتي كملت السنة من 3 اشهر تقريبا و وزنها قليل و ضعيفة كتير و أكلها بالضرب حتى تاكل آخر همها الأكل

المهم واحدة قريبتي راحت تطعم ابنها تطعيم السنة في مستوصف الفيحا و الدكتور نصحها تستخدم حليب بدياشور بس مو لحاله لانه لا يحتوي على الحليب و حكاله تحضر رضعةبدياشور ( 190 مل حليب بارد طازج كامل الدسم متل المراعي مثلا + 5 ملاعق من البدياشور ) و قال هيك بتكون رضعة منكاملة و مفيدة و بتسمن الطفل لانه بيستفيد من الفيتامينات الموجودة بالبدياشور و بنفس الوقت بيستفيد من الحليب ===>> دكتورة بأمانة شو رايك بهالكلام صحيح و لا لأ
هل ممكن استخدام الحليب الطازج مباشرة و هو بارد و لا يجب غليه اولا ؟؟
وهل ممكن استخدم حليب طويل الأمد بدل من الطازج و لا غير مفيد ؟؟؟

مشكورة مقدما و جزاكي الله كل خير

الله يوفقك و يسعد ايامك

 

[رزوونة]

مرحبا دكتورة أنا أول مرة أكتب بسألك بنتي عمرها 3 أشهر من كان عمرها شهر و20 يوم بطلت تخرج كل يوم صارت تخرج كل 3 أو4 أيام خلروج سائل وديتها الطبيبة قالت عادي مادام ترضع منك وللعلم كنت أعطيها أحيانا مرة باليوم رضعة من نان واستمر الحال بهالصورة بس صارت شهرين وشوي غيرت الحليب المساعد لسيميلاك وبقلة الأكتر هو حليبي يعني مرة أو مرتين كل يومين أو ثلاث أعطيها يعني فقط وقت أخرج من البيت.المشكلة أنها صارت ما تخرج إلا كل 5 أيام وأحيانا أسبوع كامل وهم الخروج طري؟دكتورة شو سبب الإمساك طبيعي ولا لا؟علما أني بعطيها بونيسان دائما وأدهنلها بطنها بزيت زيتونوأحيانا أعطيها duphalac
دكتورة ممكن يكون السبب الحليب شو رأيك غير سيميلاك بأبتاميل كومفورت وإذا السبب موالحليب كونه قليل شو السبب؟
الله يجزيك الخير

 

[مــ_ــا مــ_ــي]

وين الدكتوووووووووووووووووووووووره

 

[life1]

شونج دكتوره

دكتوره ابي اعرف شلون اطلع اعيال مطيعين ناجحين بحياتهم انا لاحظت كثير من العوائل الي ربوا عيالهم صح وتابعوهم

واهتموا فيهم بعدها نلاحظ انه بعض الابناء بالكبر طلعوا ناحين و بعضهم الاخر فشله و الي يشوفهم يقول تربية شوراع ...سوري على الكلمه

بس شنو السبب ؟

انا ودي اعيالي ان شاء الله اذا يبيت اعيال ابيهم يكونون مثاليين من كل الجوانب حتى لو فيهم اخطاء بسيطه مو مشكله

على فكره انا الحمد لله نوعا ما مثاليا فاتمنى يكونون مثلي فهل اني مثاليا راح يكون هذا كافي ؟

 

[د. رشــا الصفــي]

السلام عليكم دكتورة

الله يجزاج كل خير

عندي بنتي عمرها سنتين ونص ما تاكل كلش بس على حليب نيدو1 كل ما حست انها جاعت تطلبه ترفض اي اكل اعطيها

حبيبتي مو كل ما طلبت حليب تعطينها
طبيعي ما راح تاكل
اذا ما عطيتيها حليب راح تجوع و تاكل غصبا عنها

وان حصل وكلت لازم تخرج هل معناته في امعائها شي ؟؟

لالا عادي ماكو شي

هذا تقريبا حالها من جبتها .. هي كانت ترضع طبيعي لي عمر سنة واربع شهور لانها كانت رااافضة تماما الصناعي جدا جدا حاولت معاها وما تبيه ، هل هذا سبب ضعفها ونحالتها لانها حيل ضعيفة هي اسم الله عليها طويلة بس ضعيفة وزنها قريبا 12 كيلو هل طبيعي وزنها ؟؟

وزنها طبيعي جدا جدا
منو يقول انها ضعيفة
بالعكس وزنها مناسب حق عمرها و ما تعتبر نحيلة ولا ضعيفة

فكرت اعطيها مشهيات شنو افضضل نوع ؟؟

ماله داعي مشهيات انتي قللي الحليب و بتاكل

لان حيل مبين عليها الضعف عظام وجهها مبينه وهالاتها سودة .. بالنسبة لخروجها وانتي بكرامة مرة صلب حييل مرة عادي .. شنو التحاليل اللي اقدر اسويها عشان اعرف سبب رفضها للاكل اخاف معدتها او امعائها فيهم شي .

ما فيها شي و ما تحتاج تحاليل ولا شي

سؤال ثاني ولدي فيه اكزيما بوجهه وسيقانه وانا من كيفي احطله من فترة لي فترة اليكوم مرهم .. المرطبات ما نفعت معاه ودكتور جلدية قال ما يصير قبل عمر السنة استخدم الكورتيزون .. انتي شرايج؟

واسفة عالاطالة

تقدرين تحطين الفاكورت اخف من اليكوم
و المرطبات على طول
و الصابون توقفينه و تستخدمين غسول طبي خالي من الصابون
و تغسلين ملابسه بصابون طبيعي بدون كيماويات تحصلين مبشور بالجمعيات

 

[د. رشــا الصفــي]

دكتورة الله يعطيكى العافيه والله انا مصريه لكنى سجلت مخصوص عشانك

اهلا و سهلا حياك الله معانا

بنتى هتكمل الست شهور بعد كم يوم انا هر ترضع طبيعى وتاخد احيانا قليله رضعه سيميلاك وعند الخروج متى اغيرلها الحليب؟

اذا ترضع طبيعي ما تحتاج تغيير الحليب و بالنسبة للصناعي مجرد ما تكمل 6 شهور تغيرين الحليب الى سيميلاك 2

كانت وهى 3 شهور تنام 5 سعات متواصل الان تصحا كل ساعتين واحيانا كل ساعه المشكله الكبرى تمص الابهام والله مااتخلينى انام من كتر مااصحا اطلعه من فمها دلينى على حل ارجوكى

خليها ما في مشكلة
لما تكمل سنة تقريبا تقدرين تمنعينها
الحين ما تفهم و ما راح تقدرين

انا اكلتها سيريلاك من اخر الاربع ارز وفواكهه وخضار من ميلوبا امتى اعطيها القمح والفواكهه بالقمح

القمح بعد الشهر السادس
سويلها بالبيت خضار و فواكه بالبيت افضل

تشرب ماء بعد الاكل 50 او 30م اعطيتها علب جاهزة خضار مهروس وفواكهه وابتديت اعملها بالبيت جزر وكوسه وبطاطس مهروسين بالخلاط ااطلها وجبه سيريلاك ص ووجبه خضار مساء هل هذا كافى وماذا تاكل ايضا زببادى جبنه مثلثات صفار بيض ؟؟؟؟
الأكل اللي تعطينها ممتاز و ما يحتاج زيادة بالوقت الحالي
الزبادي و صفار البيض بعد الشهر التاسع

احس الانياب عندها وارمين وتعض عليهم بعطيها اوستوكير 5م يوميا
وكيف تاكل بسكوت فارليز يدوب فى ماء
هى عصبيه تصاااارخ كتير هل يوجد حل ؟

اسفه جدا على الاطاله عطاكى الله كل العافيه

الاشياء اللي تقولينها طبيعية و ما تحتاج علاج ولا شي

 

[د. رشــا الصفــي]

دكتوره ولدي الحين بيكمل 6 اشهر وللحين ماوكلته بغيت اعرف بشنو ابدي اوكله سيرلاك ولا ميلوبا بالارز وشنو الفرق وعن البسكوت شنو احسن نوع ؟

وبغيت اعرف شلون طريقه الفطام اذا بفطمه ؟

اول شي تبدين بالعيش الأبيض
تسلقينه و تهرسينه و ياكله عادي

الاشياء اللي فيها حلاوة شوية تأجلينها علشان تتقبل المالح اول

و الفطام تقللين عدد الرضعات بالتدريج لغاية ما توقفين

 

[د. رشــا الصفــي]

يعطيج العافيه دكتوره انا بوصفلج نظامه طول اليوم

لمايصحى من النوم يقعدتقريبا ساعه على مايطلب المميه ويشرب تقريبا 120 الحين بس اول كان 180 بعد ساعه تقريبا اعطيه رزمع خضار وماشالله ياكله احيانا كله واحيانا ياكل ملعقتين ويكتفي وانا بديت ااكله من دخل الشهر الرابع
بعد 3ساعات اعطيه حليب والمغرب اعطيه منقوع تمر وفي العشا اعطيه بسكوت فارليز احيانا اعطيه بأيده واحيانا احط معها شوي حليب واوكله بالملعقه حاولت اعطيه زبادي بس مومتقبله كلش والسيريلاك هم مايبيه الماي اعطيه بعد الوجبات تقريبا 30مل وهوبالحسر يشربها اعطيهياه بفنجان مايشربها في المميه قبل ماينام اعطيه حليب وينام ماشالله 8ساعات متواصله ويرضع ويرد ينام مره ثانيه وعلى فكره دكتوره شهيته الحين منسده كلش مايطلب المميه ولاشي من بعد ماغيرت حليبه لي بروميل وهو كاره الحليب مع انه في البدايه تقبله بس مدري شنو صابه يعني معدل الرضعات باليوم 4فقط وقبل يادكتوره ماشالله كل ساعتين ونص يشرب 180مل يمكن يكون الحليب ثقيل عليه ولاوش رايج

حبيبتي خل اقول لج شنو سبب رفض ولدج للرضاعة اللي مبين واضح مثل الشمس

شي طبيعي اول كان يشرب كل ساعتين و نص حليب بس

و الحين لاحظي انج بديتي توكلينه فالوجبات تحل محل الرضعات

بالاضافة الى منقوع التمر يسد نفسه بشكل كبير

شوفي حبيبتي راح اعطيج نظام تمشين عليه و تقولين لي شصار معاه :

اول ما يقوم من النوم لا تنطرينه يطلب الحليب عطيه رضعة على طول

بعد الرضعة بساعتين عطيه وجبة افطار مثل الفواكه المهروسة

بعدها بساعتين او ثلاث ممكن ياكل الغدا الرز و الخضار و يشرب شوية حليب و ينام الظهر

لما يصحى ممكن يشرب حليب رضعة وحدة

و العشا تعطينه اي شي ياكله خفيف مثل المحلبية

و قبل النوم رضعة

عموما اربع رضعات حليب باليوم بعمر ولدج مع الوجبات طبيعي ما يحتاج زيادة

 

[د. رشــا الصفــي]

السلام عليكم

عندي بنتي عمرها شهر و14 يوم من 5 ايام وديتها لدكتور اطفال لان فيها غازات وماتسكت من البجي طول الليل وغير انها ماتخرج الا باليوم مره وحده وخروجها مكرمه اخضر

غيرلي الحليب الى ابتاميل كمفورت طبعا حليبها السابق نان 1
وعطاني لها تحاميل للامساك

مع نقط غاز بامبي وانا كنت استخدمهم لها من قبل

المشكله انه البنت ماقامت تخرج الا بتحميله عطيتها اليوم وقبل يومين يعني لحد الحين مرتين والخروج صار اخضر غامج اكثر من قبل

مع انه الحليب لحالات الامساك والمغص

الحمدلله ماقامت تصيح مثل قبل من الغازات وارتاحت بس سالفه الخروج مضيقه خلقي

ياريت دكتوره تساعديني ولج الاجر

وشكرا

بالنسبة للون الخروج انه صار اغمق من قبل هذا طبيعي لأنه ييتم مدة اطول ببطنها

و سالفة الامساك عادية علشان تغيير الحليب يبيلها وقت علشان تتعود عليه

و لاتحطين تحميلة كل يوم

خليها مرة كل 3 ايام بس مو اكثر

و ما تشوف شر

السلام عليكم
يعطيج العافيه دكتوره وعساج عالقوه انشاالله
اليوم لا حظت في بنتي ان في خشمها دم ناشف ما ادري من شنو ؟

عادي ممكن شوية رعاف ووقف او ممكن تكون جارحة خشمها من داخل شوية

اهي عمرها سنه و3 شهور بعد وايد تقول ابي ماي ؟؟ ما ادري اذا تقول الكلمه بس جذي او انها تحس بالعطش وايد؟؟؟

عادي ممكن عطشانة
انتي شوفيها اذا اذا شربت بكميات كبيرة تكون فعلا عطشانة بس اذا شربت شوية و خلاص تكون بس جذي تبي تشرب شوية و ما تكون عطشانة وايد

وعندي بعد سؤال ... ولد اختي عمره 4 سنين وصار له جم يوم كل شوي ينحصر وبيروح الحمام واذا ما راح بسرعه يقطر شويه بملابسه
هالاعراض مو اعراض السكر ؟؟ لان للحين ما ودته الطبيب ... واذا بتروح الطبيب وين تروح اول شي ؟؟؟
ويعطيج العافيه

لا مو شرط

اعراض السكر تكون شرب الماي بكثرة و التبول بكميات كبيرة

احيانا يكون التهاب بالبول او قلة شرب الماي

اول شي تروح المستوصف تسوي تحليل بول و من هناك تكمل

السلام عليكم ورحمة الله وبركاته
دكتوره انا ان شاء الله بروح الحج وولدي بيصير عمره 7 شهور اشلون عشان ما ينشف حليبي وما أبيه ينفطم ؟؟؟

تشفطين الحليب باستمرار و ما تخلين الحليب يتجمع بصدرج

ودكتوره بسألج تتوقعين اذا رحت الحج وانا ارضع وبترك البيبي بالكويت راح تنزل علي العاده

اذا تشفطين الحليب بانتظام بنفس توقيت رضاعة البيبي ما تنزل الدورة غالبا

السلام عليكم ورحمة الله وبركاته

شلونج دكتوره .. الله يعطيج الصحه والعافــيــه ...

عندي بنت عمرها 6 سنين .. ما عندها احساس بالجوع.. لو تقعد اليوم كله ما تطلب الا حليب موز او حليب فراوله.. ضعيفه حيل .. ومراات اضطر اني اطقها عشان تاكل .. أبــي لو سمحتي اي علاج يفتح لي شهيتها .. وخصوصا ان الاسبوع الجاي مدرسه ولازم تتغذى عدل عشان تركز وما تدوخ بالمدرسه

شاكره لج الاستشاره

ما تحتاج مشهيات

انتي بس اذا طلبت حليب لا تعطينها خليها تجوع و بتاكل بروحها

السلام دكتورة .... عندى مشكلة صغيرة والله كبيرة حيل بنتي عمرها تقريبا 7 شهور صايرة ما تحب الحليب كلش ما ادرى ليش تعبت وحاولت بس ما تبى كلش بطلع الروح تشرب اشوية ...... وانا ادرى ما فى بديل عن الحليب
لو سمحتى ابى حل ممكن تساعدينى ....... ما عليج امر تطرشينها رسالة خاصة ..... مشكورة

ولا شي حبيبتي يمكن بديتي توكلينها و البنت قامت تفضل الاكل عالحليب

و طبعا ما في بديل للحليب بهالعمر

اذا تبين ممكن تغيرين لها الحليب و تعطينها نوع ثاني

قواج الله دكتورة ولدي عمره 4 شهور ونص تقريبا
ومعاه صدر
وودي اوكله بس قالولي السيريلاك مايناسبه لان فيه صدر ؟؟
شنو اللي يناسبه من اكل
والحسن اهوا كله منشول وفيه كحة بس يقدر ينام بالليل
اعطيه دواء او كمام والا مافي داعي لان رضاعته خافة هالايام بس احس كله يسعبل وبس متضايق ويبجي واحس فيه شي تتوقعين بيسنن ؟؟

السيريلاك ما يناسب اي طفل عمره اقل من 6 شهور

بالنسبة لحالته الحين افضل انج تودينه الطبيب يسمع صدره و يقول لج

انا من هني مو سامعة صدرة بصراحة ما اقدر اقول لج لا تعطينه دوا ولا عطيه !!

وديه الطبيب يسمعون صدره اهم شي و يشوفون لثته

السلام عليكم انا اول مره اشوف هالموضع
واستانست عليه

حياج الله تنورينا

دكتوره انا بنتي عمرها 10 شهور نومتها بالمستشفى من فتره تقريبا قبل شهرين كان معاها التهاب ولما سوو لها سونار قالوا لي ان معاها تضخم بحوض الكليه النثنتين اليمنه واليسرى
وعطوني حقها مضاد وقائي ملي ونص كل اربعه وعشرين ساعه
اللي حاصل الحين
اني اخاف اوديها المستشفى عشان افلونزا الخنازير
وترتفع حرارتها توصل 38 واسوي لها مزرعه بول تطلع النتيجه سليمه مافيها شي

بس لازم تودينها تكمل فحوصاتها المتعلقة بالبول
راجعي الموضوع اللي بتوقيعي ان شاء الله يفيدج
و بالنسبة لانفلونزا الخنازير موجودة بكل مكان مو بس بالمستشفيات


وبسأل عن تطعيم افونزا الخنازير اخذه والا مو زين وبعد تطعيم الافلونزا العاديه
وشاااااااااااااااااااااااااكره لج

بالنسبة لتطعيم الانفلونوزا ما انصح فيه و الانفلونزا العادية هم ماله داعي الا للحالات الخاصة اللي معاهم امراض مزمنة

وبغيت اسأل عن شي مهم قريت معلومه حابه اتاكد من صحتها
هل صحيح ان المفروض ام مانعطي الطفل خافض للحراره بعد التطعيم لانه يأثر على فعاليه الطعم
وان نكتفي بأنزال الحراره بكمادات بس ؟

لا مو صحيح

بنتي اللي قلت لج عنها معاها تضخم بحوض الكليه وزنها من شهرين ثابت ما زاد ولا غرام

على نفس الميزان ؟ ولا ميزان ثاني ؟

انا طريقتي كل ساعتين ونص اعطيها شي تاكل حتى لو ماتبي اغصبها

يعني اول ماتقوم رضعه
وعقبها بساعتين ونص رضعه بعد او سيرلك بس قليل اعطيها السريلك
وبعد ساعتين ونص غد(صدر دجاج وجزر و عيش) اقسم الوجبه ليومين واحط النص بالثلاجه لليوم الثاني
وعصير بس تشرب 3 ارقام (جوافه او برتقال او كوكتيل كي دي دي)
بعدها فواكه كنت اعطيها الفاكهه اللي بالجمعيه المعلبه بس خوفوني منها انها موزينه مع انها حيل متقبلتها
قمت اعطيها فاكه طبيعيه بس مو حيل تتقبلها
وعقبها رضعه
وعقبها عشا (كوسا وقرع وبطاط وزهره )

وقبل النوم حليب حليبها سيملاك
بس ما ادري ليش حيل شكلها ضعيف كان شكلها يشوق واللبس عليها حلو


تبارك الرحمن نظامها ممتاز
جم وزنها ؟

وشكرا والله يعينج على اسألتي واجد بس جد محتاجه اجابات

ان شاء الله تلاقين الاجابات اللي تبينها

السلام عليكم دكتورتنا الجميلة صاحبة البال الطويل و القلب الواسع

حبيبتي اخجلتم تواضعنا
ما عليج زود

جزاكي الله الف خير على مساعدتك و الله يوفقك يارب
دكتورة متل ما انتي عارفة انه بنتي كملت السنة من 3 اشهر تقريبا و وزنها قليل و ضعيفة كتير و أكلها بالضرب حتى تاكل آخر همها الأكل

المهم واحدة قريبتي راحت تطعم ابنها تطعيم السنة في مستوصف الفيحا و الدكتور نصحها تستخدم حليب بدياشور بس مو لحاله لانه لا يحتوي على الحليب و حكاله تحضر رضعةبدياشور ( 190 مل حليب بارد طازج كامل الدسم متل المراعي مثلا + 5 ملاعق من البدياشور ) و قال هيك بتكون رضعة منكاملة و مفيدة و بتسمن الطفل لانه بيستفيد من الفيتامينات الموجودة بالبدياشور و بنفس الوقت بيستفيد من الحليب ===>> دكتورة بأمانة شو رايك بهالكلام صحيح و لا لأ

عمري ما سمعت بهالمعلومة من قبل

هل ممكن استخدام الحليب الطازج مباشرة و هو بارد و لا يجب غليه اولا ؟؟

استعملي المبستر حتى لو كان بارد

وهل ممكن استخدم حليب طويل الأمد بدل من الطازج و لا غير مفيد ؟؟؟

ماكو فرق

مشكورة مقدما و جزاكي الله كل خير

الله يوفقك و يسعد ايامك

شكرا

مرحبا دكتورة أنا أول مرة أكتب بسألك بنتي عمرها 3 أشهر من كان عمرها شهر و20 يوم بطلت تخرج كل يوم صارت تخرج كل 3 أو4 أيام خلروج سائل وديتها الطبيبة قالت عادي مادام ترضع منك وللعلم كنت أعطيها أحيانا مرة باليوم رضعة من نان واستمر الحال بهالصورة بس صارت شهرين وشوي غيرت الحليب المساعد لسيميلاك وبقلة الأكتر هو حليبي يعني مرة أو مرتين كل يومين أو ثلاث أعطيها يعني فقط وقت أخرج من البيت.المشكلة أنها صارت ما تخرج إلا كل 5 أيام وأحيانا أسبوع كامل وهم الخروج طري؟دكتورة شو سبب الإمساك طبيعي ولا لا؟علما أني بعطيها بونيسان دائما وأدهنلها بطنها بزيت زيتونوأحيانا أعطيها duphalac
دكتورة ممكن يكون السبب الحليب شو رأيك غير سيميلاك بأبتاميل كومفورت وإذا السبب موالحليب كونه قليل شو السبب؟
الله يجزيك الخير

حبيبتي اذا الخروج مو صلب و تتألم منه ماكو مشكلة

لا تغيرين شي اذا البنت مرتاحة و مو متأذية

و طالما وزنها يزيد بشكل جيد معناته الحليب يكفيها

وين الدكتوووووووووووووووووووووووره

حبيبيتي انا ما اقدر اكون موجودة 24 ساعة 7 ايام بالاسبوع

بس يوم الجمعة اجاوب على الاستفسارات

لو تراجعين اول صفحة بالموضوع

عالعموم اليوم رديت لأني الاستفسارات كثيرة هالاسبوع

و ابي اخفف على يوم الجمعة

شونج دكتوره

دكتوره ابي اعرف شلون اطلع اعيال مطيعين ناجحين بحياتهم انا لاحظت كثير من العوائل الي ربوا عيالهم صح وتابعوهم

واهتموا فيهم بعدها نلاحظ انه بعض الابناء بالكبر طلعوا ناحين و بعضهم الاخر فشله و الي يشوفهم يقول تربية شوراع ...سوري على الكلمه

بس شنو السبب ؟

انا ودي اعيالي ان شاء الله اذا يبيت اعيال ابيهم يكونون مثاليين من كل الجوانب حتى لو فيهم اخطاء بسيطه مو مشكله

على فكره انا الحمد لله نوعا ما مثاليا فاتمنى يكونون مثلي فهل اني مثاليا راح يكون هذا كافي ؟

والله ما اقدر افيدج بهالموضوع

انا استشارية اطفال

و مو تخصصي هالمواضيع

بس اللي اقدر افيدج فيه

انه اذا انتي كنتي مثالية عيالج بيقلدونج

و التربية وبالتقليد مو بالتلقين

و الهداية و الصلاح من رب العالمين

 

[بسكوت فارليز]

يعطيج العافيه دكتوره وان شالله بسوي اللي قلتي عليه واخبرج اول باول

 

[دارت الايام]

السلام عليكم د ّ رشا


بنتي عمرها 9 شهور تحب الليمون

فهل يضر لما اعطيها عصير ليمون ؟؟ والا عادي




بعد تعاني من اختناق بسبب الزكام ماتعرف تتنفس زين

انا استخدم لها قطره ocean_spray



ويعطيج العافيه

 

[ام ناصر 2009]

السلام علييكم دكتورتنا الغاليه شلونج ان شاء الله مشكوره عالجهود اللي تبذلينها جعلها الله في ميزان أعمالك
دكتوره ولدي الحين عمره ثمان شهرو
يصير اعطيه روب يعني المراعي جذي
ويصير أعطيه عيش مصري
الحين ولدي وزنه 8كيلو
يوم جبته 3440
زين يعني مناسب لعمره
انزين أهو يسنن يصير أعطيه فروك يعني حريم يسوون خلطه
محلب وسكر نبات وكمون استرنج شغلات كثير يطحنونها وأعطيه
للحين ماعطيته يصير أعطيه في مضره
انا خايفه يسببله سهال خاصتا الكمون شرايج؟
دكتوره ولدي حده شعره خفيف يفشل بس قذله مع انه ناعم حييل
يصير أستخدمله زيت للشعر
لأن اليافوخ للحين موجود يضره
ابي أحسن زيت للشعر يطول شعره حدي متعقده منه:eh_s(6):
مشكوره مقدما

 

[farawla_q80ia]

up up up

 

[مــ_ــا مــ_ــي]

يعطيــــــــــــــــج العـــــــــــافيـــــــــــــــــــــــه يا دكتورتـــنـــاا ... وعسا ربي يوفقج وتصيرين اكبر استشاريه اطفال بالكويت .... ومشكوووووره على ردج علينا .. موفقه يا رب