تجمع امهات 2008 حياكم

[al_gardenia]

http://www.q8yat.net/showthread.php?t=499772

بنات اقروا الموضوع نومني ودمعتي على خدي اه اه اه اه

 

[al_gardenia]

السلام عليكم

اليوم النت بالدوام توه مشتغل كان فيه مشكله

دردر تروحين وتردين بالسلامه ولا تحاتين البنات مافيهم الا العافيه ان شاء الله دام مسافره مسافره خلاص لازم تتمتعين

رقرق الله يعينك على التدريس ويعطيج العافيه

كويتية وافتخر آمييييييييين الله يوفقهم كلهم يا رب وشخبار باقي العيال والبنوته شخبارها

بروقة الله يعينك وان شاء الله تعدي هالفترة على خير يا رب وتقومين بالسلامه وشخبار بروقه الصغيره وحمدلله على سلامة اختج
وسلامة بيت خالتك ان شاء الله يشافون كلهم على خير والله ولهنا عليج

جرجرررررررررررررررررررررررر والله ولهانه عليج وايد

العيال تمام الحمد لله كلهم طمطم تغار من اخوانها بس غيره للحين مقبوله ومسالمه وكله لازقه فيني تبيني بس حقها
انتي شخبارك وأخبار البنات وفهود وشمسويه مع رجعت المدارس وشلون التجاره معاج ؟؟ شكلي بنضم للتاجرات بس خلني أقرر للحين ما قررت بس قاعده أفكر بالموضوع شرايك يستاهل ؟؟
وشخبار الجرعات خلصتي ولا للحين ؟؟ وشلون الصحه ان شاء الله تمام والله ولهانه عليج وايد

الله يخليها لج فطوم الحلوه الله يدوم السلام على طول عليها خخخخخخ

وايد لهيت برجعت المدراس صار تعب اكثر والتزان اكثر

والتجاره والاهم من التجاره اني كسبت صديقات وايد وصارت العلاقه حميمه

ومن العلاقات الي كونتها ادخلت فيها الاهل زوجي واخوي وامي وخواتي وزوارات مشالله

وصارت تجاره مشنركه مع كذا تاجره وهم تكتشفين عالم ثاني

كل هذا بغض النظر عن الربح لاني موقاعده ايمعه اصرفه اول باول

لو ايمه بصير له شعور خاص

والله اشجعج عليه

 

[al_gardenia]

القاردينيا

عليج غياب ؟؟؟

وينج ؟؟؟

السموحه ياشقور كنت على طريف

بس اخر لحظه تغير كل شي

 

[داريني]

Slaaaaaaam
وحشتوني واااااايد
انا في دبي دار الحي
الحمدالله مستانسه
بس اتصدقون سوقهم مو شي خخخخ
ريلي مو مصدق يقول هذا ثالث يوم وانتي تطلعين وادشين مجمعات وايدج خاليه
بس جد ماكو شي حتى حق اليهال الكويت وايد احلى

طمنوني على اخباركم شلونكم ؟

 

[كويتية1]

اهلين دردر عليج بالعافيه السفره استانسي
وواي الجاردينيا انصدمت الله لا يبلانا

 

[أم وجيه]

السلام عليكم

شقورة عليهم بالعافيه كل ما عجبني شي ألاقي لطمطم ما ألاقي لجوجو ألاقي لجوجو ما ألقى لأحمداني خخخخخخخ مو عارفه أبي كل شي من مكان واحد وشكلي باخذ أقطان مع انه زوجي يقولي إذا طلعت برد يا ويلج يهددني وعليهم بالعافيه البنات

جرجر واي مو مصدقه القصه تخرع صج أكيد مسويه سحر ولا شي وبعدين شنو وقاحة الزوج وشلون وافقة اهي يما والله تخرع
الله لا يبلانا ويفك كربها ان شاء الله

كويتية1 شخبارك وأخبار الحمال واليهال ؟؟

دردر ليش مو عاجبك السوق هناك ؟؟ والله على رايك هني بالكويت كل شي موجود بس المشكله السوق كله شتوي حده
استانسي ولا تخلين بخاطرج وشخبار علاوي معاج

 

[أم وجيه]

جرجر طيب قوليلي اقتراحات الأشياء اللي تشوفينها تمشي أكثر وستمتعين فيها أكثر بالنسبة للتجارة يعني أشياء اليهال ولا الكبار

 

[al_gardenia]

سلالالالالالالالالالالالالالام شلونكم

من بدت المدارس واحنا شغالين طلبات وشكاوي اخخخ راسي الله يعيني السنه اليايه ريان اولى

والسنه ال يوراها فهد اولى وايييييييييييي الله يصبرني

انا مع ثنتين وشيب راسي

الله يسهل

 

[al_gardenia]

slaaaaaaam
وحشتوني واااااايد
انا في دبي دار الحي
الحمدالله مستانسه
بس اتصدقون سوقهم مو شي خخخخ
ريلي مو مصدق يقول هذا ثالث يوم وانتي تطلعين وادشين مجمعات وايدج خاليه
بس جد ماكو شي حتى حق اليهال الكويت وايد احلى

طمنوني على اخباركم شلونكم ؟

اهليييييييييييين دردر عليج بالف عافيه

عمار الكويت كل شي فيها

اتردين بالسلامه يارب

 

[كويتيه وافتخر]

السلام عليكم
اشلونكم

شاخباركم

لاعت جبدي وانكسرت رقبتي اسوي بوربوينت حق الفصل الاول
باقي لي جم صوره ومالي خلق ادور بعد اللي تلقى تحط لي
صورة اسره ابيهم مسلمين خخ حصه اسلاميه كل مابحثت بالنت طلعت لي صور المطربين وعوايلهم ابتلشت
وابي صورة زيارات عائليه عن صلة الرحم الدرس

انقذوني ماعاد لي مزاج اسوي شيء

باجي البنات
شاخباركم
انا تعبانه حدي ورحت الدكتور عطاني اشعه باجر اسويها يقول يمكن فيج خشونه بالرقبه الله يستر
ناقصين نعجز من الحين <<حق الطماشه ياسعد
لا الظاهر زوجي بيدور البديل

شاخبار الصغار

ودي اطلع عيالي وكل مره نحط مخطط مايصير
اتفقنا نروح القهوه الشعبيه بس المشكله بالوقت مافي

 

[al_gardenia]

اهلين دردر عليج بالعافيه السفره استانسي
وواي الجاردينيا انصدمت الله لا يبلانا

اي والله كويتيه شفتي حتى انا انصدمت وايد قلبي عورني عليها

ادعولها مسكينه ان الله يجبر كسرها ويمسحر على جرحها

 

[al_gardenia]

جرجر طيب قوليلي اقتراحات الأشياء اللي تشوفينها تمشي أكثر وستمتعين فيها أكثر بالنسبة للتجارة يعني أشياء اليهال ولا الكبار

شوفي كبدايه سمعي نصيحيتي

تاجري بشي يصلح تاخذين لج او لعيالج بحيث لو هونتي اول محد شراه تقدرين تستخدمينه

لييييييييييييي توقفين على ريلج تقدرين اتنويعين

انا بالدايه سويت جذي ولازت بالبدايه بس لي بغيت اطلب مقاسات ثانيه او اشياء خاصه اخذ عرابين منهم

يالله شدي حيلج عشان انتشارك بالمعارض

ميومه احيانا اتساعدني بالطلبات بعد عمري ماتقصر ذكرتيني فيها باجر بدق عليها اسال عنها شخبارها

 

[al_gardenia]

اهلين كويتيه الله يكون بعونج بس اكلي لج قطعة كاكاو مع ببسي يتعدل مزاجج

والاب توب حطيه على مستوى مرتفع عساس لا تضطرين اتنزلين راسج

وماتشوفيني شر ان شاءالله

 

[كويتيه وافتخر]

ياعمري الجاردينيا 00 عسى الله يوفقج

 

[أم وجيه]

السلام عليكم

الجاردينيا صاجه على الأقل الشي لو ما مشى آخذه حقي ولا حق عيالي
بس المشكله الوقت يعني لما أعزم لازم أرتب أموري بالأول تدرين آنا موظفه يعني الوقت الغالي لعيالي بجرب بشوف شي يكون بالبداية مع وقت دوامي يعني بالنت بس عقب أشوف إذا مشى الحال ولا شلون
والله يوفقك يا رب

كويتية وافتخر الله يعينك ويعطيكي الصحة والعافيه ديري بالج على الصحه أهم شي
وآآآخخخخخخ على الوقت الحال من بعضو قاعده أدور وقت أطلع اليهال بس شكلي اليوم بخربها عقب ما أرد من الدوام أبدل لهم وأطلعهم أو باجر

باقي البنات شخباركم

 

[الاستاذة]

صباح الخير شلونكم بنات

ولهت عليكم ومشكورين عالسؤال وانا بعد فقدتكم

انا كنت اجازه والاحد داومت ولويه اليوم فضيت وقعدت اقرى الي فاتني من الصبح

اول شي ضاق خلقي على اهلكم الي صار فيهم الفايروس وماتشوفون شر ان شاء الله ومأجورين

ام وجيه شنو داومتي شلون حمادين؟؟؟

شوقر طمنينا عن بناتج شلونهم الحين؟؟

داريني بالسلامه انشالله وخطاكم السو

رقي يالفضيحه فاضحتني حتى بدوامج هيهيهي شفيج انا مو قايله حق احد اني ادش المنتدى

بنات ادعولي اطلع من دوامي واروح حكومه بس ما اقدر حرام ماشوف زيون داومي صار لي 3 ونص

 

[رقي]

اهلين الاستاذه
خخخخخخخخخ
والله قعدت بلاعيمي الا بتعرف من وين اعرفج
عاد خبرج انا اكر الاولي والتالي
قلت لها شلون اللقاء
وبعد وحده ثانيه معاي بالدوام ريلها يصير لج
هم قالت لي عن تصيرلج
وصج بتحولين تعالي عندنا
عندنا 2 كانو معاج وانتقلو

 

[الاستاذة]

لوول رقي اي ريلها ولد عمي اي والله ودي وما ودي اخاف ايي واتحسف وهم ابي ارتاح

 

[أم وجيه]

هلا الاستا

 

[mrs_sugar]

شوقر طمنينا عن بناتج شلونهم الحين؟؟


بنات ادعولي اطلع من دوامي واروح حكومه بس ما اقدر حرام ماشوف زيون داومي صار لي 3 ونص

الحمدلله بأحسن حال

و ان شاء الله تطلعين من دوامج

بصراحة تعب لي 3 و نص