ديوانية شموسه ورينبو...الي ولادتها بالصيف تتفضل تقرق معانا

[بنت النوخذة]

هلووووووووووووووو


بنوتات شلونكم ولهت عليكم وايد وايد شخباركم واي سكتوا ودي أسافر عادي أسافر وأنا حامل توني داشة السادس إذا بسافر برووح تايلند واي شرايكم مادري ليش خايفة ابي رايكم

 

[ذكريات]

اختى الفرحه السجينه الله يسهل عليج انشا الله

والكريم هذا اتحطينه على صدرج اهو مرطب عشان التشققات اللي اتصير بالحلمه وترا ضروري حق البجر لان الحلمه تكون مو متهيئه حق الرضاعه وترا عادي اتحطينه واترضعين البيبي في انواع منه ما اتضر البيبي بس انتي اذا حطيتيه مسحي بفوطه فيها ماي دافي وفي ماركة تشيكو مناديل خاصه حق تعقيم الصدر

من وين هالمناديل انا كنت قاعدة ادورها ؟؟​

 

[donat]

ذكريات
ماركة تشيكو هذي يبيعها مذركير على ما اعتقد

 

[rainbow_brite]

شموس سلامتها بنتج الف سلامه ومبروك على اول ضرس عقبال ضروس العقل

يالله يعطيج العافيه انشا الله وما تشوفون شر انشا الله

 

[rainbow_brite]

بنت النوخذه عادي انج اتسافرين بس احس تعب وثقل اذا ما اطولين بس جم يوم عادي

في ناس وايد ايسافرون بس انا عن نفسي ما احب مع اني ميته ودي اسافر اروح العمره بس مالي خلق مع الحمال اخاف اتعب

ذكريات انا هالمناديل ريلي شرالي اياهم يوم كنت بالنفاس في بجري من زمان بس اذكر انهم ماركة تشيكو ويابلي اياهم من الجمعيه صوب اغراض البيبي

بس اذا ما حصلتيهم ترا الفوط الصغار مع ماي دافي ايادون نفس الغرض ويريحون بعد

 

[الفرحه السجينه]

قوه بنوتات ( تونسكم شوي :eh_s(9): )



الله يهون عليكم خصوصا اللي بشهرها

انا بآخر السابع ولايعه جبدي ودي اولد بصراحه الله يعينكم

بس مو ذابحني غير عوار الفخذ والشد العضلي ...امس قاعده على سرير اختي شدت علي وقمت اصرخ واختي عبالها بولد جان تقول تكفين لا تولدين على سريري قومي ... عاد صج كان ودي اكفخها :eh_s(13): يعني انا بصوب واهي خايفه عالسرير قلت شدعوه لو بولد بيطلع البيبي على طول عبالها الولاده بثواني



موعدي ان شاءالله يوم الاربعاء عن الدكتورة وودي اسوي السونار الرباعي اشرايكم ؟ امي تقول لا تسوينه بس بسويه من وراها وخواتي يقولون سويه عشان تخلينها ذكرى للبيبي وتسوين له البوم

زين شرايكم صج يبين شكل البيبي ويسوى اسويه ولا شكل البيبي يخرع لووول


اي بنات ما تحسون بعوار قوووي يلويكم لوي عالجوانب من عند خاصرتكم ؟ واااي صج عذاب وسويت تحاليل ماكو شي بس الدكتورة تقول سوي سونار عالكلى وخفت مادري يمكن اسويه يوم الاربعاء



بنت النوخذه ما انصحج بالسفر ترى تعب ومشي وانتي ثقيله وما تسوى عليج لو لا سمح الله تعبتي هناك ولا صار شي ​

 

[الفرحه السجينه]

قوه الفرحه السجينه القطن مال الصدر اتحطينه بالنفاس علشان صدرج راح يطلع حليب ما يدمر الستيان على هذا القطن واتكون انظيفه ماركه بيجون انا شريت اذكر على بنتي الاولى ، اي الرضاعه بس اول الايام بعدين تتعلمين على العوار اصلا يروح العوار بعدين ، اي ستيانات الرضاعه يصيرون فيهم مثل فتحه اتبطلينها بدال لااطلعين الصدر كله فيه بمذركير موجودين حلوين ومريحين ملوتهم وايد ، والله انا ماركة كوتكس وايد مريحه وبارده وخفيف مااغيره حتى حق الاربعين وييع فام اكرهه يسويلي حساسيه ، اما موضوع مميه ام جيس ماادري عنه والله

؟

اختى الفرحه السجينه الله يسهل عليج انشا الله

اول شي القطن راح تحتاجينه بالاربعين لان الحليب يكون كميته اكثر من حاجه الياهل وبعدين يكون صدرج مو متحكم بالكميه وبالفتره يعني عقب ما تطلعين من الاربعين انشا الله واترضغين اذا تعطين الياهل رصعه بتايم معين فتشوفين صدرج بروحه يدر حليب واذا قاعده اترضعينه من صدر اتشوفين الصدر الثاني بروحه يدر حليب ويدمرج فانتي اتحطين القطن عشان ما تدمرين انا اعطيج مثال يعني مثلا وحده اترضع البيبي الساعه سبع وعقبها اترضعه الساعه تسع وبعدين عشر وتعود على هالفترات المحدده واذا صار باجر وطوفتي رضعه اتشوفين الصدر بروحه يدر حليب وطبعا هالحجي مو بالاربعين لان البيبي ماله وقت معين بالرضاعه فاذا اترضعين راح اتشوفين الحليب يدر بكل فتره وهم اذا صادف وطلعتي واتذكرتي البيبي راح يدر حليب ترا هالشي ما يصير بكل الناس بس انا يوم كنت ارضع عيالي يصير معاي


والكريم هذا اتحطينه على صدرج اهو مرطب عشان التشققات اللي اتصير بالحلمه وترا ضروري حق البجر لان الحلمه تكون مو متهيئه حق الرضاعه وترا عادي اتحطينه واترضعين البيبي في انواع منه ما اتضر البيبي بس انتي اذا حطيتيه مسحي بفوطه فيها ماي دافي وفي ماركة تشيكو مناديل خاصه حق تعقيم الصدر

وستيانات الرضاعه تلقينهم بكل مكان بس انا جربت اللي بمذر كير احسن شي وارتحت عليهم

بالنسبه للفوط انا استخدم الويز مع اني ادري انهم حارين وايبون الحساسيه بس احسه الوحيد اللي ما يدمر واهو حار لانه نايلون بس استخدمه اول الايام بعدين استخدم فام لان قطن وانا ما يسويلي حساسيه

والمميات بو جيس انا ما عندي فكره عنهم قريت عنهم بالمنتدى بس ما احس انهم عمليين انا استخدم بيجون

المره القطوه ( كات وومن ) ورينبوو

مشكووورين عالرد


الحين القطن وماركة بيجون القاهم بمذركير ولا وين
والكريم ايهو احسن وشنو اسمه عطوني شي مجربينه

توني ادري عن سالفة الحليب انه يدر على تايم معين امبيييه صرنا حنفيات فشله :eh_s(22): اذكر وحده معاي بالدوام توها طلعت من نفاسها وحرام طلع حليبها ودمر لبسها بس ما كنت فاهمه شسالفه ( كنت توني بنوته ) اثاريها جذي

بس ان شاءالله لي متى بنقعد نخرخر ؟؟؟

 

[جاكليت]

هلا والله بحواملنا
الله يزيد ويبارك
شموسه مبروك على ضرس بنوتج وسلامتها ما تشوف شر
(( نون نون طلع حق بنت شموسه سنون )):eh_s(9):

رينبو يله وين قائمة التجهيزات ترى صج ناسيه وأبي أجهز
:eh_s(14): :eh_s(14): :eh_s(14):

دونات شلونج حبيبتي ..:eh_s(17):
اتصدقون انا دايما وياي عوار مو طبيعي بجنبي اليسار يمسك علي ويشد ويعوووووووووور ما ادري شسالفته !! وبديت أثقل من الحين الله يعينا على الثقل .. يلا الله يسهل عليكم ..

:eh_s(8): :eh_s(8): :eh_s(8): ​

 

[الفرحه السجينه]

جاكليت


انا نفسج يجيني العوار عاليسار ويلويني لوي يمااااااااااا يذبح ..يعني طبيعي تهقين .... سوري بس اهو ما يشد عليج اذا رحتي الحمام عزج الله ؟؟؟

 

[برميتا]

اتوقع عادي هالعوار
مال توسع الرحم والثقل

 

[د.شريفة]

سكتوا بنات عن العوار انا يعورني تحت تحت العظم عظم العانه ذابحني ذباح والله مااقدر اقعد عدل ولا انام عدل امس بجيت بالليل من العوار
مادري اسال البنات يقوولون عادي هذا الحوض يتوسع والياهل يبدأ ينزل تحت والله مادري قلت حق الدكتور اخر مراجعة لي اول الشهر قالت لي البيبي نازل تحت وضاغط على المنطقة من جذي تحسين بعوار حتى ظهري ذابحني بعد اللي زايد الطين بله
قعدة الكرسي بالدوام
يالله الحمدلله راح الكثير مابقى الا القليل ويهون علي وعلى الجميع ان شا ءالله

 

[برميتا]

بنت النوخذة


نصيحتي لج أجلي السفر
لأن السفر يبيله أحد خفيف بالروحة والردة
والتمشي ومومعقولة بتروحين وثلترباع الأيام بتقعدين
بالفندق ...
عموماً ربي يسهل عليج ويسهل عالكل

 

[rainbow_brite]

؟







المره القطوه ( كات وومن ) ورينبوو

مشكووورين عالرد


الحين القطن وماركة بيجون القاهم بمذركير ولا وين
والكريم ايهو احسن وشنو اسمه عطوني شي مجربينه

توني ادري عن سالفة الحليب انه يدر على تايم معين امبيييه صرنا حنفيات فشله :eh_s(22): اذكر وحده معاي بالدوام توها طلعت من نفاسها وحرام طلع حليبها ودمر لبسها بس ما كنت فاهمه شسالفه ( كنت توني بنوته ) اثاريها جذي

بس ان شاءالله لي متى بنقعد نخرخر ؟؟؟

القطن ماركة تشيكو والكريم اسمه بيبانثين وتلقينه بالصيدليه وانا مجربته يريح وعجيب علطول تروح التشققات انا يوم كنت ارضع بولدي الصغير صار عندي تشقق بالحلمه اتخيلي كل ما ارضع شيصير فيني ابجي من العوار والله حطيت هالكريم الصبح اتقولين جذابه

وترا صار فيني نفس موقف رفيجتج بس كنت بالصالون اصبغ شعري وتوني طالعه من الاربعين امبيه فشله بس شنسوي بعد غصبن علينا بس اشوه مو بالدوام واي امبيه بعد ما روح مالي ويه اشوه انا اخذ امومه ست شهور ولم ارد الدوام اكون راده وزينه وما فيني الا العافيه بس لاتحاتين ترا اذا رضعتي بس لي شهلرين او ثلاث ويتوقت الحليب كميته ووقته على حسب الياهل لا تخافين

 

[rainbow_brite]

هلا والله بحواملنا
الله يزيد ويبارك
شموسه مبروك على ضرس بنوتج وسلامتها ما تشوف شر
(( نون نون طلع حق بنت شموسه سنون )):eh_s(9):

رينبو يله وين قائمة التجهيزات ترى صج ناسيه وأبي أجهز
:eh_s(14): :eh_s(14): :eh_s(14):

دونات شلونج حبيبتي ..:eh_s(17):
اتصدقون انا دايما وياي عوار مو طبيعي بجنبي اليسار يمسك علي ويشد ويعوووووووووور ما ادري شسالفته !! وبديت أثقل من الحين الله يعينا على الثقل .. يلا الله يسهل عليكم ..

:eh_s(8): :eh_s(8): :eh_s(8): ​

من عيوني الثنتين بس عطيني وقت اتفرغ واكتبلج

 

[بنت النوخذة]

هلووووووووو صديقاتي شلونكم والله يبنات سكتوا قبل شوي رادة من دكتورة الجلدية طالع بريولي ورا ركبي بالمسافط الأثنيين أكزيما والله المشي على بالحسرة والقعدة والنوم ذابحتني شي مو طبيعي والله خوش دكتورها أسمها منى الفارس بالجابرية والله ومالي خلق بالحر بالشمس تزيد على ما أتحمل وعاد الدوام باطيين جبدي حاطين حطة على أستأذاناتي وينشبولي نشبة عاد أنا مالي خلقهم حدي. ونفسيتي صج صج تعبانة هاليومين من ريولي

 

[شمس و قمر]

شموس سلامتها بنتج الف سلامه ومبروك على اول ضرس عقبال ضروس العقل

يالله يعطيج العافيه انشا الله وما تشوفون شر انشا الله

الله يسلمج وبيارك فيج ياقلبي

 

[شمس و قمر]

هلا والله بحواملنا
الله يزيد ويبارك
شموسه مبروك على ضرس بنوتج وسلامتها ما تشوف شر
(( نون نون طلع حق بنت شموسه سنون )):eh_s(9):


:eh_s(8): :eh_s(8): :eh_s(8): ​

الله يبارك فيج ياعمري:eh_s(22):

 

[شمس و قمر]

شروفه

الله يعينج ترى هالعوار عادي


بنت النوخذه

ماتشوفين شر
والاكزيما تزيد مع الحر

 

[الفرحه السجينه]

هاي بنوتات خخخخ

مشكوره رينبو عالرد


بنت النوخذه ما تشوفين شر وانا عانيت من الاكزيما فجأة جذي من سنه عقب عرسي طلعت لي يعني بحياتي ما حاشتني الاكزيما والكريمات ما نفعت وياي ما نفع غير القرايه عند بوسامي بالعمريه وانا بحياتي مارحت عند مطوع وقريت بس امي وبنت عمتي حنوا علي اروح مطوع والله حطيت الزيت 3 ايام وشالها من عرجها ... وقعدت شهووووور وانا اعاني منها و ما كنت اصدق يوم يقولون روحي لمطوع كنت اطنش واحط كريمات آخر شي تفشلت من الناس ومن شكل ايديني

وفي دكتورة اسمها طيبه المنيس هذي هم عالجت بنت عمتي من الحساسيه وتمدحها حيللللللللل

 

[الفرحه السجينه]

بنات منو جرب كورسيه او مشد زين للنفاس؟؟؟

مابي جسمي يخترب عقب الولاده انا ناويه اجرب حق انور

والمشد الاندونيسي احسه صعب ويبيله معابله ( 10 امتار ) وانا حدي كسوووله