ســفرتي الــى دبــــي 2009

[pretty sarona]

الله يعطيج العافيه ,, ذكرتييني بدبي , كنت رايحه لها بالصيف

 

[*peace*]

ماشاء الله عليكم بألف عافيه

من زمان نفسي بدبي

متابعه

 

[sweet lady]

ماشالله واااااايد حلوووووو التقرير

 

[soonfly]

مشالله حلوو

 

[a-a-alrajhe]

ماشاء الله عليكم بالعافية... ان شاء الله بروح دبي وبحجز نفس المكان احسه قريب من كل شي... على العموم التصوير حلو.. يسلمو على الموضوع...

 

[m7koma]

واااااااااااي وناسه والله ذكرتيني بسفرتنا لدبي
بس احنا لما رحنا الجميرا هذا الي يمشينا بالقارب قالنا لا تمشون واتعبون نفسكم عطوني انا الفلوس وانا امشيكم محد يدري جنا انتوا من سكان الفندق
لوووووووووووول
وتقريبا نفس الاماكن الي رحنا لها انتوا رحتولها بس جم مكان مختلف
وناااااااسه متابعينج حبيبتي كملي

 

[هنـــد]

الله يعطيج العافيه ,, ذكرتييني بدبي , كنت رايحه لها بالصيف

الله يعافيج حبيبتي

ماشاء الله عليكم بألف عافيه

من زمان نفسي بدبي

متابعه

تسلمين حبيبتي

ان شاء الله تروحين لها عن قريب

ماشالله واااااايد حلوووووو التقرير

تسلمين عيونج الحلوه

وحياكم الله

 

[هنـــد]

مشالله حلوو

تسلمين حبيبتي

ماشاء الله عليكم بالعافية... ان شاء الله بروح دبي وبحجز نفس المكان احسه قريب من كل شي... على العموم التصوير حلو.. يسلمو على الموضوع...

الله يعافيج حبيبتي

تروحين وتردين بالسلامه ان شاء الله

اي والله المكان حلوو وكل شي قريب منه ماعدا دبي مول والوافي مول وقرية الالبوم اشوي بعيدين

واااااااااااي وناسه والله ذكرتيني بسفرتنا لدبي
بس احنا لما رحنا الجميرا هذا الي يمشينا بالقارب قالنا لا تمشون واتعبون نفسكم عطوني انا الفلوس وانا امشيكم محد يدري جنا انتوا من سكان الفندق
لوووووووووووول
وتقريبا نفس الاماكن الي رحنا لها انتوا رحتولها بس جم مكان مختلف
وناااااااسه متابعينج حبيبتي كملي

هلا والله محكوما شلونج ؟؟ عاش من شافج

نورتي الموضوع حبيبتي

حلوه سالفة القارب لوووووووول

لا والله احنا رادين سوق الجميرا وركبنا الحمدالله صج وناسه

وحياج الله

 

[غاويـــة الإماراتـــ]

ماشالله التقرير وايد حلو و انا ساكنة صوب جميرا =)
و أحلى موقف يوم دشيتوا قاعة التخرج لوووووووووووووول قعدت اظحك عليكم اي وايد يسوون حفلات تخرج و اعراس هناك و انا طبعا اروح هههههههههههه و انا ودي ازور الكويت بس محد مسولي سالفة =(

 

[om mishaal]

تقرير رائع رحلة حلوة
يعطيك العافية

 

[Reem_q8]

ماشاء الله حلووووو تقريرج والسفينه صاجه اكلهم مو حلووووو عشان جذي لاااا رحنا ناخذ الثانيه اللي بدون عشااااا وبروحناااااا

 

[كويتية وكيفي]

واااااااااااااو خوش تقرير
ننتظر اليوم الخامس

 

[هنـــد]

ماشالله التقرير وايد حلو و انا ساكنة صوب جميرا =)
و أحلى موقف يوم دشيتوا قاعة التخرج لوووووووووووووول قعدت اظحك عليكم اي وايد يسوون حفلات تخرج و اعراس هناك و انا طبعا اروح هههههههههههه و انا ودي ازور الكويت بس محد مسولي سالفة =(

تسلمين حبيبتي واتهبل منطقة الجميرا

اي والله فشله واتهبل القاعه مشاءالله والحفله كانت وناسه

حياج الله بتنورين الكويت

تقرير رائع رحلة حلوة
يعطيك العافية

الله يعافيج

تسلمين حبيبتي

ماشاء الله حلووووو تقريرج والسفينه صاجه اكلهم مو حلووووو عشان جذي لاااا رحنا ناخذ الثانيه اللي بدون عشااااا وبروحناااااا

اي والله اكلهم الله يديم النعمه

وحياج الله

واااااااااااااو خوش تقرير
ننتظر اليوم الخامس

تسلمين حبيبتي

ان شاء الله بكمل اليوم الخامس والاخير

 

[احساس طفلهـ]

يعطيج العافية خوش تقرير

 

[هنـــد]

يعطيج العافية خوش تقرير

الله يعافيج حبيبتي

وحياج الله

 

[هنـــد]

اليوم الخامس والأخير في دبي :eh_s(2):

راح يتكون من ثلاث اجزاء ( مطعم الصدف الايراني- الوافي مول - السوق الصيني *التنين* )

قعدنا الصبح ولازم نلقي نظره عالمناظر الجميله













عجبتكم المنـــاااظر كلها ماخذتـــهااا أختــي من فنـــدقــنا من الــطااابق الثاااني عشــــر


بعــــدهااا حطيت أختــي الكامــيرا على الشــحن ونزلــناا تحت وتريقــنااا وتمشيـــنااا وتسوقـــنااا لان تحت في اكثر من محــل بعد شــوي بحط لكم محلات الممشى THE WALK ترى اهم جم محل موجودين بالممشى وبعدين قعدناا على البحر بس ماطولنا كان الجوووووو جدا حار


وصعدنا للشقه وعلى السااعه 2 الظهر توجهناا الى


( مـــــــــــــــــــطــــــــــــــعـــــــــم صـــــــــــــــــــــــــــــــــدف )


يــم يــم انصــح فيه المطعم راقي من كل النواحي الاكل + المكان + الخدمه + جودة الطعام

وتقدر تاكل بوفيه او تطلب لك اكل


واحنا فضلنا نطلب لنا اكل


وللعلم صار لنا موقف هناك وانا بذكره عشان محد يكرر التجربه


مطعم صدف له فرعين الفرع اللي رحنا له بشارع الشيخ زايد


والفرع الثاني هم بشارع الشيخ زايد بس وين ماادري


احنا انقسمنا الى قسمين لان ماحصلنا التاكسي العائلي والمفاجئه كل منا في مطعم صدف بس في مكان مختلف والوالد قال خلاص قعدوا تغدوا واذا خلصناا نتفق وين انروح


اخليكم مع الصور



نظرة تــأمـــل



برج دبــــي



اعجبتني وايــد واثــرت فـيني



حســاب التاكــسي



وصلنا مـطعم صــدف



اهــني اول ماوصلنـاا بطلوا الباب قلتله أخــتي بليز سكر الباب بصور ويسكر الباب ويصير ورااه



طــاولتنا بالدور الأرضي تطل على شارع الشيخ زايد

 

[هنـــد]

تكمله ...

اول ماقعدنا قدمو لنا الشوربه





المنيو





نافوره جميله يم طاولتنا



مقبلات




وصل الطلب



متبل + حمص



تبوله مع خبز ايراني حار



ورق عنب



يــم يــم عيش مع كباب وشيش طاووق ومشووويااات مشكله



صعدنا فوق نغسل



ضيافه بعد الأكل



الفاتوره لثلاث اشخاص



المطعم جدا لذيذ ومعامله راقيه من الستيف يعطيهم العافيه :hjy5jewf:

​

 

[هنـــد]

تكمله ...

الوافي مول (خان مرجان )

طبعاا بعد الغداء فكرنا وين نروح واتصل علينا الوالد وقال تعالوا صوب حديقة الخووور فيها عرض دلافين ومنها نركب التلفريك وقلنا ليش لا فكره حلووووه


المهم الوالد وخواتي سبقونا لانهم كانوا بمطعم صدف الفرع الثاني واحنا طلعنا من المطعم وتوجهنا الى حديقة الخور وتكون يم قرية البوم السياحيه


وقفنا تاكسي وصعدنا حديقة الخور قريبه حيل يم المطعم بس صاحب التاكسي قعد يدور على المكان وياخذ طرق طويله استغربنا من تصرفه وقلنا له الحديقه هالصوب قال لا في طريق ثاني ( الزبده بيطول الطريج عشان العداد يزيد )


ديروبالكم من هالحركه


المهم اتصل فينا الوالد وقال التلفريك خرباان ومافي عرض دلافين


قلنا نروح لمجمع الوافي مول لانه قريب من صوبنا


اخليكم مع الصور











باص سياحي بس مايصلح كلش بالصيف





مكتب الحجز



المجمع من داخل











​

 

[هنـــد]

تكمله ...

بعض المحلات الموجوده داخل المجمع









لوحات مرسومه







فندق رافلز



المجمع من خارج





طلعنا من مجمع الوافي مول ورحنا السوق الصيني *التنين*



وصلنا السوق





بالنسبه لي عاجبني السوق بس بعض من خواتي ماعجبهم

فيه كل شي ملابس جناط جواتي وانتو بكرامه محلات العاب محلات اثاث محل ادوات كهربائيه والكترونيه ومجمع حيل كبير ومقسمينه الى احرف

الشغلات اللي شريتها من اهناك العاب لليهال ومن محلات الجوتي شريت لأخوي شحاطه تقليد ماركه وشريت لي ملابس بيت دراعه قصير على بربريس وفيها ورده عنابيه لما لبستها عجبت اختي حيل وقالت ليش ماقلت لي قلت وين اقولج وانتي كله تحلطمين مو عاجبها المكان

وطبعا افترينا فيه وايد كبير

وطلعنا عشان نتعشى بـthe walk ونتمشى فيه

واهني نافوره برا المجمع

​

 

[Pink GirL]

متابعه