بنات منو مثلي ما تحب الرجيم و تبي تاكل كل شي ؟ حياج معاي تجمع رجيم بالكالوريز

[DenTisT]

نشميه انا اشتري الكتشب عندنا " انا مو بالكويت" مافيه شكر و لا ملح .. من هاينز يمكن موجود بمركز سلطان
و الله ما ادري عن المسترد .. بس المسترد اهني عندنا في وايد كالوريز
و زين الحمدلله في احد معاي و نشجع بعض:ggdw:


بنك برنسس .. حبيبتي بالماينس لانه حاطه وقت شويه يعني مثلا 10 كيلوات بالشهر
اذا تبين رجيم صحي طولي المده وصدقيني راح تنزلين .. ترى هالنظام نفس نظام شركات التغذيه ​

 

[FuLL.MooN]

السلام عليكم
طلعلي 400 كالوري اشدعوة واقل من 004 معناتها بس اعيش على الماي

 

[عجميه توت]

حلو ريجيمكم انا عموما صار لي اسبوع شلت الدهونيات من كل شي مبخر او مشوي يعني مو حارمه نفسي من الاكل ومع السلطات مدخله بذرة الكتان والحمد الله قاعده انزل على الخفيف ماني مستعيله بس لازم الرياضه لو شي نص ساعه باليوم

 

[طيب القلب]

انا ابي كون وياج دنتست
و انا سبق لي ان اتبعت رجيم السعرات و نزلت عدل بس طبعا رديتهم كلهم
و احلى شي انه ما فيه حرمان كل شي بخاطري اقدر آكله بمقدار معين
الصراحة انجح طريقة

 

[DenTisT]

حبيبتي فل مون ... اكيد المده اللي حاطتها قصيره جربي تحطين شهرين و فوق

عجميه توت زين تسوين و احسن تنزلين على الخفيف و لا بسرعه و بعدين تزيدينهم دبل

 

[DenTisT]

طيب القلب .. حياج معانا حبيبتي و انشالله تستفيدين من الموضوع انا كل شي اكله راح احطلكم الكالوريز اللي فيه
بس سامحوني ما عندي تنوع بالاكل وايد لاني بالغربه و وايد اعتمد على الجاهز

 

[طيب القلب]

طيب القلب .. حياج معانا حبيبتي و انشالله تستفيدين من الموضوع انا كل شي اكله راح احطلكم الكالوريز اللي فيه
بس سامحوني ما عندي تنوع بالاكل وايد لاني بالغربه و وايد اعتمد على الجاهز

الله يحييج قلبي
و انا بعد بحط سعرات كل شي آكله عشان نستفيد من بعض

 

[شيخه***البنات]

روووووعه يعطيج العافيه على هالتجمع الحلووو ..

ومنه نستفيد من االاكلات و السعرات اللي فيها ...

وان شاءالله معاكم

 

[نشميه]

صباح الخير بنات

اليوم ان شاء الله كل شي راح يكون بحساب

على الاقل ابي على العيد اكون ضاعفه كيلوين ولا ثلاثه زين


بس انتي كاتبتلي اكل الاسبوع الاول 1065 انا باكل اقل لاني ابي اضعف حق العيد يعني ما راح ازيد عن 900 واذا وصلت الوزن اللي ابيه عقب اسوي حسبه شلون اثبت وزني


وان شاء الله على العصاري لي عوده

 

[um_yoyo]

يوم كنت مشتركه بدايت كير قالولي احتاج 2000 كاليوري باليوم و صج نزلت بس الموقع كاتبلي 1500 وااااا ي شوييه

 

[eman84]

مااابي مااااااااااابي

قبل شوي كنت خوووش وحده مو مااكله ولاشي غير شربت قهوه على ابو ان بتغدى سلطة جااااااان تييني فجأه الشفاحه مالت الاكل

تهقوون شنوو أكلت


وااي ضااق خلقي 3 كورن دوغ ولما شبعت تحسفت قد شعر راسي


الله والشعر

المهم تهقووون اذا بس كان هذا اكلي اليوم كله عادي ؟؟


انا دشيت بقوه سووري ترى وزني 67 وابي 58 وانا احب الاكل وطولي 162 تقريبا وعمري 25 سنه


شنوو اللي لازم اسوي ياخبيرااااات نقذوني ابضعف

 

[eman84]

 

[نشميه]

ايمان ان شاء الله ما يأثرون اعتبريهم اهما الغدا والريوق والسناك وبليل واكلي شي خفيف زبادي او اناناس او شوربه خفيفه

ترى انتي بياناتج قريبه مني انا وزني 67.7 وطولي 164 وعمري 24

اليوم ما تريقت شي وبعد شوي بتغدا بطاط ودجز ونجتس بالفرن وبحاول يكون غداي مو اكثر من 400 كالوري ويبقالي 500 حق باجي اليوم

وان شاء الله بحاول العب رياضه مع ان كلش ما عندي وقت لي يوم الاحد لاني بروح مع اختي مشتركه بمعرض

 

[نشميه]

يوم كنت مشتركه بدايت كير قالولي احتاج 2000 كاليوري باليوم و صج نزلت بس الموقع كاتبلي 1500 وااااا ي شوييه

بالعكس ترى زين 1500 وايد زين بعد

زين لمن كانوا يعطونج 2000 ضعفتي بعد شكثر وجم كيلوووو

 

[mn.mn]

انا اذا فكرت اسويه راح آخذ 1000 كالوري حلوين ويكون الاكل معقول

وراح اشتري لي وجبات من دايت كير عشان يكون تغيير عن اكل الرجيم

 

[um_yoyo]

ضعفت تقريبا 10 كيلو بشهرين

بنات هذي حسبه سوها للكالوري

وزنج ضرب 11 +1250
يطلع جم كيلوري تحتاجون

و لازم تنقصين من 500 اى 1000 كالوري من الناتج

و طياع تدرجي يعني نقصي 500 و لما يثبت الوزن نقصي 600 و جذي

 

[um_yoyo]

و ياليت كل وحده تكتب شنو وجباتها و جم كالوري علشان انفيد بعض

 

[نشميه]

طلعلي الناتج 1889 يعني لو نقصت 500 راح يطلعلي 1489 بس اخاف لو كليت هالكثر ما اضعف انا باخذلي من 900 الى 1000 هالاسبوع واشوف اذا ضعفت ولا لا


انا غداي مثل ما قلتلكم بطاط ودجز مع 4 نجتس بالفرن طبعا مسحت الباركس بنتفه زيت زيتون علشان لا يلصق الاكل لاني لمن جربتها اول مره لصق وان شاء الله بشتري من الجمعيه السبري علشان يصير بدون كالوري

وحسبت الكالوري اللي بالاكل طلعلي 432 طبعا انا مزبده علشان ما اتوهق يعني بقول تقريبا 450 كالوري

الغدا 450 كالوري

 

[um_yoyo]

زين 1000

و انا اليوم صايمه و من باجر بحاول ابدي معاكم

 

[طيب القلب]

شلونكم بنات شخباركم
انا تريقت اليوم قطعتين توست اسمر 114 سعرة حرارية
جبن قليل الدسم 39
قهوة مع قفشة شكر عادي 21
انتوا شمسوين؟