مــغتربـات أمريــكا ..

[اوركيدا]

السلام عليكم ..

شلونكم ؟! شخباركم ؟

بنخلي هالموضوع عشان يستفيد منه الجميع وياريت اللي تغربت او تعرف احد متغرب او اللي موجودين بأمريكا اللحين يجاوبون هالأسئله ..

بأي ولايه كنتي؟

سبب الاغتراب او اذا كان دراسه بأي جامعه؟

شلون الجامعه؟ من ناحية الصعوبه والمدرسين والتدريس؟

شلون اجواء الولايه ونسبة العرب؟ وسهولة المعيشه؟

شنو احسن مناطق السكن بهالولايه؟

ليش اخترتي هالولايه ؟

شتعرفين عن دراسة اللغه بأمريكا ؟ أي ولايه انسب شي؟

واي احسن بمعهد او جامعه؟ وغير اكتساب اللغه هل اقدر استفيد من شهادة هالمعهد بالتوظيف؟

مثل ماقلت حتى لو ماكنتي انتي المغتربه بس تعرفين احد مغترب او ممكن تفيدينا ياريت تخلينه يجاوب على هالاسئله ..

ومشكورين

 

[تآعِبنْ قَلْبِيْ]

السلآم عليكم ..

أنا مغتربهـ بأمريكآآآ بس مو أنآ اللي أدرس

زوجي يدرس وصآر لنآ تقريبآآ سنتين ..

الولآيه : رود أيلند وتعتبر أصغر ولايهـ في أمريكآآ

نسبة العرب مشآءالله فيهآ عرب وآآيد

اممم وإنشآءالله بعد 5 شهور رآح يخلص درآستهـ ونرجع ..

بالنسبهـ للجامعهـ والله ماعندي فكره لأني مو أنا اللي ادرس بس الكل يمدحهآ ومثل مآقلت فيهآ عرب

بس أكيد الدرآسة مآتخلو من آلصعوبهـ ..

إسم آلجآمعهـ jonson and wales ..

وإنشآءالله لي عودهـ

 

[زمردة الكويت]

انا بامريكا بس للاسف ما اقدر افيدج من ناحية الدراسه لاني هني علاج ....

 

[الحورية الصغيرة]

إن شاء الله السنه اليايه أنا بأمريكا أدرسولي
أدعـــــــــــو لــي بنــات

 

[ام دونه]

السلام عليكم ..

شلونكم ؟! شخباركم ؟

بنخلي هالموضوع عشان يستفيد منه الجميع وياريت اللي تغربت او تعرف احد متغرب او اللي موجودين بأمريكا اللحين يجاوبون هالأسئله ..

بأي ولايه كنتي؟

سبب الاغتراب او اذا كان دراسه بأي جامعه؟

شلون الجامعه؟ من ناحية الصعوبه والمدرسين والتدريس؟

شلون اجواء الولايه ونسبة العرب؟ وسهولة المعيشه؟

شنو احسن مناطق السكن بهالولايه؟

ليش اخترتي هالولايه ؟

شتعرفين عن دراسة اللغه بأمريكا ؟ أي ولايه انسب شي؟

واي احسن بمعهد او جامعه؟ وغير اكتساب اللغه هل اقدر استفيد من شهادة هالمعهد بالتوظيف؟

مثل ماقلت حتى لو ماكنتي انتي المغتربه بس تعرفين احد مغترب او ممكن تفيدينا ياريت تخلينه يجاوب على هالاسئله ..

ومشكورين

انا ياعمري للعلاج مو للدراسه بولايه اوهايو بمدينه سنسيناتي فيها عرب وخليجيين واغلبهم للعلاج ومنهم الاخت زمرده الكويت

 

[اكابر]

ياقلبي انا حاليا بامريكا وتحديدا افبوستن للعلاج مو للدراسه وبالنسبه للعرب والله اغلبه مغاربه ونسبه الكويتيين والخليجيين معقوله ..والجو الحين مو طبيعي حده حلوو وبارد .. وبالنسبه للغه اذا قصدج بالتعامل سهالات تقدرين تعتمدين على انجليزتج حتى لو كانت نص ونص يمشي الحال ..وبالنسبه للسكن احنا ساكينين بشقه في عماره اسمها فور اميرسون بالكامبرج ستريت والمكان كله خليجين وياحلو قعدتهم بالليل..

 

[ام دونه]

ياقلبي انا حاليا بامريكا وتحديدا افبوستن للعلاج مو للدراسه وبالنسبه للعرب والله اغلبه مغاربه ونسبه الكويتيين والخليجيين معقوله ..والجو الحين مو طبيعي حده حلوو وبارد .. وبالنسبه للغه اذا قصدج بالتعامل سهالات تقدرين تعتمدين على انجليزتج حتى لو كانت نص ونص يمشي الحال ..وبالنسبه للسكن احنا ساكينين بشقه في عماره اسمها فور اميرسون بالكامبرج ستريت والمكان كله خليجين وياحلو قعدتهم بالليل..

مرحبا اختي انتي فاي مستشفى لان عندي اختي افبوستن للعلاج مستشفى بريغهام اندومن وساكنه في كوينزي:68_asmilies-com:

 

[o_mermaid_o]

هلا اختي انا مع مع ريلي كنا بولايه انديانا وبالاخص انديانا ابلس الجو بارد والحين رحنا ولايه منيسوتا هذي اول سنه حق ريلي للدكتوراه والجو بارد وايد بهالولايه وفي معهد لغه يمدحونه عندنا بس ما اعرف اسمه خخخخخخخخخخ

 

[مجنونة حبه]

انا مغتربه صار لي من شهر سته 2009 وعندي بنت عمرها 20 شهر وولد شهرين ونص
مغتربه علشان دراسه ريلي مبتعث يكمل دراسات العليا
مكان الدراسه حاليا جامعه سان خوزيه يدرس لغه وبعدها يبدي سانت كلارا
وساكنين بشقه في فريمونت وهذي مناطق في كاليفورنيا وتبعد من سان فرانسيسكو 20 دقيقه بالسياره يعني تعتبر من مناطق تابعه لسان فرانسيسكو
الجو بدى يبرد وفي عرب وايد منهم سعوديين وكويتيين وجنسيات الاخرى عربيه
واكثرهم من سكان المنطقه يكونون مستوى تعليمي عالي ومهندسين كهرباء او كميوتر بسبب تواجد شركات عالميه متخصصه بهالمجال من كميوتر وكهرباء وتسمى سيلكون فالي

 

[mamanoonaa]

السلام عليكم بنوتات منو فيكم بهيوستن؟

 

[sereen]

السلام عليكم ..

شلونكم ؟! شخباركم ؟

بنخلي هالموضوع عشان يستفيد منه الجميع وياريت اللي تغربت او تعرف احد متغرب او اللي موجودين بأمريكا اللحين يجاوبون هالأسئله ..

بأي ولايه كنتي؟
صارلى 9 سنوات غربه وماشين بالعاشرة " من المحاربين القدماء"

سبب الاغتراب او اذا كان دراسه بأي جامعه؟
دراسه وشغل ودراسه

شلون الجامعه؟ من ناحية الصعوبه والمدرسين والتدريس؟
الجامعه ماقدر اقوولج صعبه ولا سهله لان على التخصص , يعنى زوجى هندسه طالعه عيوونه , انا نفس الجامعه تخرجت بس كان تخصصى وناااسه حدا بس تالى كليتها بعد بس اهوووون وايد من زوجى .

شلون اجواء الولايه ونسبة العرب؟ وسهولة المعيشه؟
الجو عندنا 4 فصووول
السعودين نسبه كبيرة + الشوام + 1% كويتين اسمع فيهم ماشووفهم
المعيشه اذا حق عايله وفيها عيال افضل شى هالولايه رخيصه نسبيا ولو ان توهم رافعين التاكس , والاجارات حلوة , وفيه محلات عربيه + النت شى ضرورى لطلب بعض الاغراض

شنو احسن مناطق السكن بهالولايه؟
ميزورى حق اللى بدرس طب اسنان , او لورنس حق اللى بيدرس بقية التخصصات

ليش اخترتي هالولايه ؟
- الامن والامان على جدا ومتعودين على الطلبه والاجانب
-نسبة العبيد " كلنا عبيد الله , والهسبانيك قليل جدا


شتعرفين عن دراسة اللغه بأمريكا ؟ أي ولايه انسب شي؟
اللى اعرفه وقالوولى اياه بالكويت من خلال التعليم العالى حتى لو يبتى التوفل راح يدخلووونج المعهد وهذا العن شى اييب المرض ودج اتفجرين فهم المبنى . انا يبت التوفل عال العال , ماشووف الا قطووونى مستوى خامس قبل الاخير ينيت يعنى شنو بضيع على سنه بس ادرس لغه ,
طالما انتى طالب بعثه وينصرفلج افلووس لا زم المعهد esl ياخذ نصيبه مو بس الجامعه , طبعا احنا الخليجين غسليى ايدج يعدوونج منه من اول كووورس لازم سنه , مساكين السعووودين وغيرهم يعطووونهم مستوى اول تخيلى ووراهم بعد 5 مستويات
عندنا اللغه لعنة خير ويسقطووون مسكينه رجعت وحدة مع عيالها 6 ماقدرت تكمل بعد 3 سنوات فى اللغه


واي احسن بمعهد او جامعه؟ وغير اكتساب اللغه هل اقدر استفيد من شهادة هالمعهد بالتوظيف؟
بصراحه انتى يايه امريكا عشان تدخلين معهد !!! بالعكس الجامعه لها برستيجها وتقدرين اصلا تاخذين فيها مواد non-degree seeking
يعطوونج السفارة مخصصات لها , بس ان صار ان معاج شهادة جامعيه مايعطوونج تدرسين زيادة
خاصه انا تكلم اذا كنىتى مع مرافق مايصير تدرسين اعلى منه



مثل ماقلت حتى لو ماكنتي انتي المغتربه بس تعرفين احد مغترب او ممكن تفيدينا ياريت تخلينه يجاوب على هالاسئله ..

ومشكورين

يعطيج الف عافيه موووفقه عمرى

 

[مجنونة حبه]

بنات ابي اعرف كم وحده كانت تشتغل بالكويت وهدت شغلها ويت امريكا مرافق زوجها
شلون عايشه اهني وعندج يهال
ودج ترجعين الكويت واشكثر قاعده بامريكا

 

[إنسانه وأكثر]

السلام عليكم

شلونكم شخباركم

انا حاليا بأمريكا وسبب وجودي فيها علاج ولدي حبيبي بولاية اوهايو منطقة سنسناتي

الله لايطول بشده لانه محد راضي على هالولايه لانه بس علاج ودراسه ولاية ميتين (( مدفونين بالحيا )) يازين الكويت بحرها وبردها


ادعولنا نرد ديرتنا سالمين غانميييييييين واحنا بصحه وعافيه

تحياتي

 

[مجنونة حبه]

أمين ان شاء الله ويشافي ولدج واتردون الكويت بالصحه وسلامه

 

[So0oNa]

انا طالبة ماجستير بولاية فلوريدا

الساعة الحين 5 ونص الفير

حدي دايخة بس اوعدج اني ارجع احط تفاصيل

p:
وراي فزعة من 7 موعد طبيييييييب ويارب اقوووووووووم

 

[So0oNa]

السلام عليكم ..

عدنااااا وعليكم السلام

شلونكم ؟! شخباركم ؟
الحمدلله انتي شلوج :dddds:
بنخلي هالموضوع عشان يستفيد منه الجميع وياريت اللي تغربت او تعرف احد متغرب او اللي موجودين بأمريكا اللحين يجاوبون هالأسئله ..

بأي ولايه كنتي؟
انا كنت بفيرجينيا منطقة بلاكس بيرغ تحديدا وحاليا بولاية فلوريدا منطقة تامبا
سبب الاغتراب او اذا كان دراسه بأي جامعه؟
دراسة بفيرجينيا كنت بمعهد جامعة فيرجينيا تيك وسمعت انها وايد صعبة بس انا كنت فقط لغة
والحين انا الماستر ادرسه بـUSF UNIVERSITY OF SOUTH FORIDA
شلون الجامعه؟ من ناحية الصعوبه والمدرسين والتدريس؟
توني اول كورس ماجستير وماقدر احكم ==> خل تطلع الدرجات P:
شلون اجواء الولايه ونسبة العرب؟ وسهولة المعيشه؟
فيرجينيا باردة جدا جدا .. وفلوريدا حارة جدا جدا انا ياسرايين ياظلمة .. فيرجينيا امانها اكثر من فلوريدا وشعبها امريكان امريكان .. فلوريدا شوي بالنسبة لي تخرع وشعبها كله من الساوث المكسيكيين والكوبيين واللاتينو .. المعيشة والله زوينة على غويلية
شنو احسن مناطق السكن بهالولايه؟
والله في اماكن وايد راقية ويم الجامعه وانا تقريبا ساكنة باحلى مكان وسعره جدا معقول
ليش اخترتي هالولايه ؟
ياني القبول فيها :ggdw:
شتعرفين عن دراسة اللغه بأمريكا ؟ أي ولايه انسب شي؟
اللغة اولا واخيرا تعتمد على الشخص نفسه انا اهني مع اخوي الصغيرون اهو للحين يدرس لغة وموقاعد يتطور وانا اسم الله علي خلصته بكورسين هذا واحنا بنفس المعهد وكلشي

واي احسن بمعهد او جامعه؟ وغير اكتساب اللغه هل اقدر استفيد من شهادة هالمعهد بالتوظيف؟
مادري بصراحة بس اتوقع كل دراسة لغة تفيد
مثل ماقلت حتى لو ماكنتي انتي المغتربه بس تعرفين احد مغترب او ممكن تفيدينا ياريت تخلينه يجاوب على هالاسئله ..

ومشكورين
العفو وحياج الله :ada:

اتمنى اكون افدتج بشي وادعيلي P: اول كورس ماستر وغاصة حدي :0bee2e8d89:

 

[ضي]

بنات ابي اعرف كم وحده كانت تشتغل بالكويت وهدت شغلها ويت امريكا مرافق زوجها
شلون عايشه اهني وعندج يهال
ودج ترجعين الكويت واشكثر قاعده بامريكا

انا هديت شغلي وييت مع ريلي لانه يدرس

وعندي ولد واحد اسمه الله عليه

مممممممم ودي ارجع اكيد ودي بس بعد توووووووو الناس بعد 4 سنيييييييييين

 

[مجنونة حبه]

هلا ضي االله يوفق ريلج ويسهل اموركم اهني
بس انتوا باي ولايه ؟؟!!!

 

[ضي]

هلا بمجنونة حبه
انا بولاية ميزوري

 

[مجنونة حبه]

امممممممممممممم ميزوري انا فريمونت بكاليفورنيا