انا ف ولايه يوتا صارلي 4 سنين
ادرس بكالوريس ،، الجامعه زينه بس المنطقه ملوعه جبدي :/ ماداني الشتا وشتاهم هني إإييب الهم :/ اووف
9 شهور شتا يامال شاقول
نسبه العرب وايد زينه صراحه! بس اغلبهم شباب للآسف والبنات يكونون مع رياييلهم مافي بنات عزابيات مثلي :<
في وايد اماكن زينه للسكن فمنطقتي وحدها حدها آمنه اصلا فكل داعوس شرطي ف من هالناحيه حمدالله حدي مرتاحه
سهوله المعيشه والله تبين الصج الغربه غربه لو كنتي وين :/ بس حمدالله الناس هني حليوين
اخترت هالجامعه لآنها قبلتني ع الايلتز اللي كنت يايبته بس ماآنصح اي حد يفكر انه يدرس في يوتا
خصوصا اذا كانو مثلي مايحبون السنو والاجواء البارده
امس من كثر ما الشوارع كانت متروسه سنو كنت بموت بحادث اوبيه ليحين متآرمه من هالسالفه :< الجو ابدا مب زين
وخطر وغير جذي لآنه مرازعهم ووايد فيه جبال ف التلوث اللي يصير من المزارع مثل اللي gets trapped beacuse of the
mountains around the city! مثل اللي تحاصر التلوث وماتخليه يطلع سبحان الله
االدراسه ف اميركا وايد حلوه ،، انا جربت ادرس ف الدوحه وجربت هني
هني ارتحت اكثر ،، حسيت اني بصير ذكيه اكثر لوووووووول
لآنه الكلاسات وايد متنوعه ،، درست عن اشيا عمري ماحلمت ادرس عنها :/ صج انه مالها خص بتخصصي بس هي مواد عامه للجامعه
بخصوص الانجليزي ،، الجامعه او المعهد مايفيدون ابدا لازم الواحد يخالط الناس ويشترك بكلبات بآي شي يعجبه مثلا
كلاب اديان ولا سياسه او اي شي جي
اي صج بخصوص السكن انا انصح العزابيات يسكنون بسكن الجامعه :/ انا من طلعت من سكن الجامعه والمعاش مايتم منه شي
لول
عندنا ف منطقتي بعد سكن للمتزوجين تقريبا ب 450 دولار لشقه كامله ،، عكس الشقق اللي برا توصل اسعارها 650 بدون
يوتيليتيز < الكهربا والماي وغيره وغيره
ف نصيحه للي يبون يوفرون يسكنون بالجامعه ،، وبس شكرا
