~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[أحلى الجياكر]

صباح الخير

جست مى ...

عظمة على عظمة يا ست ما شاء الله ..كلامج يبين أنج كنتى ذات صولات و جولات بالرجيمات ...كلامج ما يمثل رجيم و حمية ...يمثل " لايف ستايل " يعنى نظام العمر كله
تسلمين على هالكلام الكبير ...و صاجين البنات ....تصلحين خبيرة حياتية مو بس تغذية ...


زينة ...

فير النور ...ممممم شهيتينى على عشاكم ..أحلى عشا بالعافية و إن شاء الله رادة للإلتزام

عنيد ..
حيا الله المحييى و الشحم عنج يولى

نظامى إلى بمشى عليه بإذن الله ...رجيمات طالب الشمرى ..تناسبنى لأنى جابلته (الدكتور وايد) و شرحت له مشكلتى : الدوام ..وايد طويل (لى ال 3 ) فأدوخ و ايوع و أنهار و احتار و أفتر فعطانى الآتى :
الصبح على الريج : بطل ماى صغير ..
كابتشينو او فرنش كوفى (شكر عادى + حليب كرنيشن)
الساعة 10 : ساندوش(2 توست + أى شى أبى + خضرة )
الساعة 1 : شوربة كنور اى نكهة (ردى ميد)
الغدا : ايدام + سلطة ( ليمون و شوية زيت زيتون بس ) + ربع خبزة سمره
المغرب : كاكاو صغير
العشا : كورن فليكس أو نفس الريوق او فاكهة .

انا العشا ما آكل ..و جليلة طلعاتى الليلية ...فمرات وايد أسكب هالوجبة و اكتفى ببيالة حليبة .
و طلب منى مشى نص ساعة .

هذا رجيم بو سبوعين ..المفروض من 6 الى 8 كيلو ..

هذا دواى و على الله شفاى


شرايكم فيه ؟

 

[خنفروشه]

السلام عليكم

صبحكم الله بالخير

 

[خنفروشه]

صباحج خير احلى الجياكر

والله شكله زين رجيمج
اهم شي الواحد ما يحس باليوع طول اليوم
قواج الله

 

[أحلى الجياكر]

هذى حبوب ال هير فت ..ممتازة للشعر ..انا عطتنى اياها دكتورتى بعد الولادة ..قالت عشان اختلال الهرمونات الشعر راح يحت ..

 

[عنيّد]

أحلى ،، رجيمج مافيه ككاو لااااااااا ما أأيده :dddds: بس والله وايد 6-8 كيلو باسبوعين !!! جربتيه ونزلتيهم من قبل ؟

خنفروشه ،، صباح الخيرات

 

[أحلى الجياكر]

خنفروشة و عنيد ..صباحكم عسل ...

ما فية يوع ..بس ساعات فكرة انج برجيم و حرمان من كل شى ..تضايق شوى

عنيد ..مافية كاكاو !!! من قال ؟ عندى المغرب تريت و ساعات وقت الحلوة انهبل و اكل الخضر و اليابس بس اسكب وايد أشياء حزتها .

الرجيم كنت مجربته من قبل ..بس ما نزلت 6 ..نزلت 3 . بدون حركة ..و كنت شوى ..شوى مو وايد أخربط _03ba:...بس والله نعمة يختج
بعدين ترا السن و العمر يلعب دور !! بنت ام 20 غير 30 ..ما يستجيب الجسم للرجيمات بسهولة

 

[عنيّد]

اييييي صح توني انتبه للككاو العصر _03BA:

أنا الككاو والعيش ماستغني عنهم :eh_s(1):


وهم 3 كيلوات حلوين ^_^

بالتوفييييييق

 

[خنفروشه]

صاجه العمر يحكم
اول بسهوله ننزل اللحين يالللللله كليوين بالشهر لا و الاخس ان الميزان مايتحرك
ياشينه اووووووووووف _03ba:
بس شنسوي لازم نضبط حالنه !!!

 

[mn.mn]

السلاااااااااااااااااااام عليكم

شلونكم وشخباركم ؟

اول شي نرحب باحلى الجياكر حيا الله رفيجة الغلايا زيون وجسوت وان شاء الله تستمرين معانا لين توصلين هدفج ما كو شي بعيد

لما قلتي وزني فوق ال 90 مادري ال 95 تذكرت روحي وصعبت علي روحي كنت العام بنفس هالشهر وزني 96 ونص

ولله الحمد الحين وزني 78.7 طبعا كل هذا بتوفيق من الله ومن ثم بتشجيع البنات ووقفتهم معاي وبوجود الارادة اكيد

وفي الختام اتمنى لج التوفيق من صماصيم قلبي

----------------------------------------------------------------------

انا الحمد الله اوضاعي مستقرة وماشية على العجين ما لخبطوش

جسوت كلامج عين العقل ما عليه زود تسلمين يا الغالية ما ننحرمش

زيون ما عليه نبدي من اليوم وننسى الأمس بس لا تكررينها شنو قلنا نلتزم طول الاسبوع تفاديا لضربات الويك اند

عنيد وخنفروشة صباحكم ورد

 

[mn.mn]

احلى الجياكر اول شي دوريلنا اسم نناديج فيه بدال هالاسم الطويل

الرجيم اللي حاطته وايد حلو سيفته عندي يونس حق الشتا لوجود شوربة كنور الضحى تمام تشبع وتدفي

تريقت الحمد الله 2 توست وجبن وزيتون وخضرة وجاي حليب

 

[خنفروشه]

الله يثنب بج حبيبتي وتوصلين للي تبينه بصحه و عافيه

صج النفسيه تعتدل لما الوحده تنزل وزنها
تلبسين الثياب بثقه و تحبين تتكشخين و تتفننين
اللهم ادمها علينه بصحه و عافيه

 

[mn.mn]

اجمعين يارب

بطبط وتينا وجسوت وينكم ؟

 

[just-me]

صبحو و ربحو

 

[mn.mn]

هلا والله هلا الطيب عند ذكره

 

[just-me]

صباح الفل

اولا ماشاء الله من وين طلعتي فجوره و لهنا عليج

وناسه الله يتمم علينا هاللمه الحلوة

من من حلوة خنفروشة عنيد و الكل الكل تينا ام فجر

شلونكم اليوم ان شاء الله يارب جمعتنا دايما بالخير

من من انا سميت احلى الجياكر ( حلوة )

عوافي الريوق جميعا

 

[just-me]

وين بطه اليوم ...؟؟؟ لايكون خارته امس و مستحيه تطل؟؟

بطه عادي عادي ماراح نحاربج من صجج الديوانية من غيرج مغفية من غير شر

من من بعد قلبي الله بعز شانج يارب

خنفروشه شلونج يالغالية ما اشوف مذكراتج اليومية مع الريجيم ..؟؟؟

عنيدّ صباح القشطه ياعسل

 

[mn.mn]

جسوت خلاص عيل نمشي وراج ونسميها حلوة

شلونج وشخبارج ؟

تعالوا نسولف بعد ربع ساعة عندي مناوبة تالي وراها حصة علطول

انا امس وديت ولدي المعهد تالي مريت الجمعية شريت شوي اغراض وخلصت مبجر على ال 6 ونص وولدي يخلص سبع

فكرت وين اروح وين اروح تالي رحت حديقة مشرف طقيت لي جم فرة يعني تقريبا مشيت فيها 20 دقيقة >> نعمة شي احسن من ولا شي

 

[teenaa]

صبااااااااح الورد بنوتات شلونكم


قست وزني اليوم 72.9
رديت فيني الروح
لان من بعد الدوره كنت مصدومه لان وصل 74 كرهت عيشتي لووووول

من اليوم انشالله نادي وبشد حيلي

بس لايعه جبدي من ترهل الي بفخذي احتمال اخذ موعد عند عادل قطينه لان خلاص ايست

 

[teenaa]

جسوت ومنمن وين ام فجور وبطبط وعنيد وزيون ووووو ؟؟؟:eh_s(1):

 

[just-me]

زين سويتي من من أنا اللي بيزهقني من الممشي تكرمون الجلاب

عموما شغداكم ..... ماسألتينا ...؟؟؟