يوميات حلاتي غير وحبايبها وتجاربنا بالصور تعالوا نقضي علي كروشنا وشحومنا بعد الولاده

[حلاتي غير]

ياهلا بحبايب قلبي الكروشات وخصوصا كروشات اكتوبر 10 طبعا اللي شاركوني معاناة الحمل والولاده والنفاس والحين بيشاركوني بعد في يومياتي وتجاربي مع الريجيم ومو بس اكتوبر
اي وحده
1- توها والده
2- اتبعت ريجيم او
3-استخدمت شاي اعشاب
4- حبوب تخسيس
5- كريمات تخسيس وفادتها
نبي نتخلص من الوزن الزايد بعد الولاده ونفتك الكروش باسرع وقت ممكن قبل لا ريايلنا ينحاشون عنا وانا بفيدكم اول وحده بالاشياء اللي جربتها وفادتني وايد واللي ناويه اجربها تابعوا معاي التفاصيل بالصور

ببتدي باول شي واللي اهو شاي البايوجي ناويه استخدمه واهو متكلمه عنه اوبرا ببرنامجها ووايد ناس من اهلي استخدموه وظعفوا وايد عليه تقريبا ماشاء الله 10 الي12 كيلو نزلوا عليه وماحسوا باعراض جانبيه بس تري يعطش ولازم تشربون ماي لتر لترين كثر ماتقدرون وهذي صورته بس اذا ترضعون تري موزين عليكم



وهذا الكريم شريته من بوتس اهو للتخسيس وظعف بطني وايد عليه وهذي صورته



وهذا الكريم للشد خذيته من الصيدليه وايد زين ويشد


واغسل جسمي بصابونة القهوه لانها تخفف الخطوط وتوحد اللون وتشد الجسم وتعطي نعومه


وللصدر والزنود انا جربت هالخلطه من زمان عصير ليمونه وحده و4 ملاعق كبار قهوه ووشوي خل تفاح وشدت صدري شد وهالخلطه خذيتها من المنتدي متكلمه عنها حواء الكون جزاها الله خير


واشرب شاي اعشاب بحط صورته بعدين لانه خلص وعلبته قطيتها ومابي ااخر الموضوع اكثر اخاف تطقوني بكروشكم

ويالله ياحلوين كل وحده تحط تجربتها بالتفصيل ولاتنسون الصورررررررررررررررر:33_1185028183:

 

[oum^zozo]

كلولولوووووووووووووووووووووش اخيرا حلاتي غلاتي افتحت موضوع كنت ناطره

 

[حلاتي غير]

كلولولوووووووووووووووووووووش اخيرا حلاتي غلاتي افتحت موضوع كنت ناطره

ههههههههههههههههههههههههههههههه الله يبارك فيج ام الزوز

صج بنات نسيت اقولكم انه البايوجي يسد النفس واكيد بخفف اكلي وراح اكل وجبه وحده وتكون كل شي فيها لاني سويت جذي المره اللي فاتت وظعفت حيل

 

[احلى مريومه]

يسلمووووو عالموضوع والافادة
للرفع
للرفع

 

[oum^zozo]

انا من ولدت نقصت ليلحين 14 كيلو حلوين
كل اللي سويته اني خففت اكلي و صكيت حلجي صار اكلي حيل قليل بس الحين وزني امتنح
فا بجرب الشاي و انشاء الله اضعف عليه يا رب

 

[I don’t care]

الحمدلله على سلامتكم والله يجعلهم من مواليد السعاده يارب
ومبروك التجمع الجديد
ويارب تنحفون كلكم بصحتكم وعافيتكم من غير شرر واحنا وياكم

 

[شيخة الحلوة]

ما شا الله


تم افتتاح التجمع
ههههههههههههه



ان من ولدت نزلت 11 كيلو
الحمدلله

8 من الولادة وكنت شايفه وزني عقب الولادة ب25 يوم يمكن

والحين باسبوعين نازلة 3 كيلو

عندي نظام من طالب الشمري


والله كريم

وكان معطيني حبوب سليملاكس

بس ماقدرت عليهم لان معاي قولون


والله يوفقنا ونضعف بصحه وعافية

 

[oum^zozo]

i dont care
الله يبارك فيج حبي

 

[مس هنادي]

مشكوووووووره حلاتي على هالموضوع الحلو
وان شاءالله نستفيد منه مثل مااستفدنا من موضوع النفاس
عسى ربي يخليلج بنوتج نوووووووووور العيون

 

[றёறё..}]

الف مبروك

وعساهم مواليد السعاده يارب


وبالتوفيق لكم يارب

 

[شيخة الغراشيب]

عن خلطت الصدر والزنود انتي مجربتنها غناتي
وكم مره استخدمها وكيف استخدمها يزاج الله خير على هالموضوع

 

[Marymary]

هاي ممكن انظم لكم؟
الصراحة انا سويت ريجيم اول ما ولدت " بعدين قطعته قمت كل اكل واابلع ما جيكت على وزني " :0bee2e8d89::0bee2e8d89:

انتو شلونكم شخباركم
حلاتي:0bee2e8d89: اشتقتلج وايد "
واشلون صابونة ال:0bee2e8d89: القهوه فيها نتيجة ؟؟

 

[يمامة]

السلام

انا والدة شهر 7 وطبعا بعد رمضان بلشت رجيم ونزلت 11 كيلو وللحين بعد ابي انزل كنت 95 وصرت 84 وماشيه على نظام دشتي والله

يا بنات اللي يشوفني ما يصدق ان وزني بالثمانين شكلي اضعف لان النظام ينحت الجسم ويصغر القياس

 

[حلاتي غير]

يسلمووووو عالموضوع والافادة
للرفع
للرفع

تسلمين حياتي شكرا علي رفع الموضوع

 

[حلاتي غير]

السلام

انا والدة شهر 7 وطبعا بعد رمضان بلشت رجيم ونزلت 11 كيلو وللحين بعد ابي انزل كنت 95 وصرت 84 وماشيه على نظام دشتي والله

يا بنات اللي يشوفني ما يصدق ان وزني بالثمانين شكلي اضعف لان النظام ينحت الجسم ويصغر القياس

ماشاء الله حلو نزولج ياريت تتكلمين اكثر عن تفاصيل ريجيمج

 

[يمامة]

ماشاء الله حلو نزولج ياريت تتكلمين اكثر عن تفاصيل ريجيمج

الرجيم نظام مراحل



الرجيم على 4 مراحل ، المرحلة الأولى إسبوعين أو أكثر وتسمى هالمرحلة

مرحلة حرق الدهون ، تخسرين من ( 2 _ 6 ) وتمتنعين عن النشويات الي

هي : عيش ، معكرونة ، بطاط ، بسكوت ، كيك ، خبز ، صمون ، شابورة ،

ذرة ، السكريات ، الحلويات ، الفواكة، الكافيين، الكتشب ، الحليب، الروب،

اللبن ...

أما المسموحات : الزيوت والدهون ، مايونيز ، الزبدة ، الأجبان كاملة الدسم ،

اللحوم من همبرجر ، نقانق ، كفتة ، كباب، وغيره ، الدجاج ، السمج ، الربيان ،

الخضروات ويفضل الورقية مثل الجرجير ، السبانخ ، الخس ، الملفوف ، وغيره

ممنوع الجزر ، البطاط والذرة .


أما المرحلة 2 تبتدين تضيفين نشويات زيادة مثل حليب

أو روب أو ممكن حبة فاكهة باليوم. وهالمرحلة ممكن تستمر شهور حسب الجسم.


المرحلة الثالثة هي المرحلة الي يكون فيها وزنج قريب من الوزن المثالي وهني

تكونين عارفة شكثر تاكلين نشويات علشان ما يزيد وزنج.

المرحلة الرابع هي مرحلة الحفاظ على الوزن .

أتمنى أكون فدتج و يلا ورينا همتج ونشاطج

وطبعا مع مشي تقريبا يوميا نص ساعة

 

[حلاتي غير]

هاي ممكن انظم لكم؟
الصراحة انا سويت ريجيم اول ما ولدت " بعدين قطعته قمت كل اكل واابلع ما جيكت على وزني " :0bee2e8d89::0bee2e8d89:

انتو شلونكم شخباركم
حلاتي:0bee2e8d89: اشتقتلج وايد "
واشلون صابونة ال:0bee2e8d89: القهوه فيها نتيجة ؟؟

هلا ماري ماري نورتي الموضوع تشتقلج العافيه ياقلبي واكيد نبيج تشتركين وانا مثلج نزلت بالنفاس وايد والحين رديت 3 كيلو منهم وخايفه ازيد اكثر هاللي خلاني انظم لكم بالتجمع يبيلي 6كيلو تقريبا وانا بحاول انزل 8 كيلو احتياط والله يقدرني انزلهم لانه وزني عله صعب ينزل وصابونة القهوة والله اكثر من روعه كافي تخفف الخطوط والسواد وله الشد يبيله شوي وانا من سنين ماخليها علبه ورا علبه

 

[حلاتي غير]

عن خلطت الصدر والزنود انتي مجربتنها غناتي
وكم مره استخدمها وكيف استخدمها يزاج الله خير على هالموضوع

تسلمين ياقلبي ايه استخدمتها وصج حلوة بس عيبها عباله شوي ساعات انسي اخذها معاي الحمام وانتي بكرامه بس والله لو تلتزمين فيها نتايجها باسبوع تبين وهذي عن تجربه اقولها تحسين مقاساتج كلها تغيرت بس عيبها الريحه الخل شوي خايس مره وحده باليوم تستخدمينها وعادي تدلكين فيها جسمج واهو ناشف بحركه دائريه وتركزين علي الاماكن اللي تبين تظعفينها تدلكينها بضمير

 

[حلاتي غير]

انا من ولدت نقصت ليلحين 14 كيلو حلوين
كل اللي سويته اني خففت اكلي و صكيت حلجي صار اكلي حيل قليل بس الحين وزني امتنح
فا بجرب الشاي و انشاء الله اضعف عليه يا رب

:ggdw::ggdw:ماشاء الله ام زوزو الفال لباجي الكيالو تقطينهم وتفتكين منهم ياشينهم :0bee2e8d89:وانا بديت اليوم بالبايجي حسيت ماشتهي الاكل بالمره وصج يعطش طايحتله ماي وان شاء الله انزل

 

[حلاتي غير]

الحمدلله على سلامتكم والله يجعلهم من مواليد السعاده يارب
ومبروك التجمع الجديد
ويارب تنحفون كلكم بصحتكم وعافيتكم من غير شرر واحنا وياكم

الله يبارك فيج ياعمري وامين الله يسمع منج ونظعف بالصحه والعافيه