يومياتي مع ريجيم د. عبدالله المطوع

[بدوره 22]

السلام عليكم ..


شلونكم يا احلى كويتيات؟

من توقيعي مبين اني كنت حامل وولدت ولله الحمد والمنه ..

خل اتكلم عن نفسي شوي ..

هذا مو اول حمل لي ..هذي 3 ولاده

عودي ضعيف .. والحمدلله الي يشوفني ما يصدق ان عندي عيال .. ما شاء الله

بس طبعا لازم الوحده من تولد تاخذ لها جم كيلو بعد كل ولاده .. والشاطره فينا الي تقطهم وبطريقه صحيه

واركز على كلمة صحيه ..

المهم ..

انا حجزت عند الدكتور عبدالله المطوع من شهر 6 تقريبا وولادتي كانت بشهر نوفمبر ..

موعد ولادتي كان ب30/ نوفمبر

بس انا ما اخذ شهري كله .. فولدت بتاريخ 5 نوفمبر ..

يعني صارلي شهر و5 ايام من ولدت

نطرت موعدي بفاااارغ الصبر ..

ويا اليوم الموعود ..

كان بتاريخ 6/12/2009

رحت العياده .. وما شاء الله اول مره اشوف عياده حلوه وتفتح النفس هالكثر الله يهنيه فيها ..

قبل ما ادخل على الدكتور .. نادتني النيرس الي بالمختبر ..

وشافت طولي ووزني ..

وحطت على ايدي وريلي وايرين وسالتها حق شنو ؟؟

قالت ان هذا حق قياس الدهون والماي والعضلات بالجسم ..

ودخلت على الدكتور ...

بقول في حقه كلمه ..

موبخسا في حق دكاترة التغذيه .. بس للامانه اول مره اشوف دكتور يعطي بضمييييير وفاهم وحاسب حساب كل كلمه يقولها ويكتبها ..



بنات الحين اكمل لكم شنو صار معاي بليييييييز لحد يرد

 

[بدوره 22]

رحب فيني ..

واول كلمه قاله لي ..

الدكتور :

ان شاء الله مستعده ؟؟

آنا :

أي .. ان شاء الله

الدكتور :

ممتاز

مسك ورقة النتايج الي سوتها لي السستر ..

الدكتور :

ما شاء الله .. انتي من الحالات السهله .. وماراح اطولين ..

انا :



الدكتور :

طولج 158 ووزنج 66

انا ( بقلبي )

مادري ليش حسبالي انا شمحووووطه لووووووووووووووووول :dddds:

انا:

دكتور انا والده من شهر بالضبط .. وزني بالنسبه حق وحده والده .. شلون ؟؟؟

الدكتور :

Peace of cake


انا :

امين الله يسمع منك :yaaaaaarb:

الدكتور: يالله نبدي .. بسم الله الرحمن الرحيم ( ما شاء الله عليه وايد يسمي )

قعد يقرا الورقه جان يقولي ..

طولج حلو ووزنج مو عالي وايد ..

بس عندج جم شغله مو حاوه ..

انا :

؟؟؟؟؟

الدكتور :

انتي ما تشربين ماي ؟؟ داشه في مرحلة الجفااااااااااااااااااااااااف


وشغله ثانيه ومهمه جدا جدا ..

عضلاتج صفررررررر

ما تلعبين رياضه ؟!!!!!!!!!!!!!!!!!!

انا :

لأ كلللللش :/

الدكتور :

راح اعلمج على تمارين سهله تسوينها بالبيت

دهونج مرتفعه 28 .. بس نقدر انزلهم ..

والحين وين تحليل الدم ؟

انا:

ما سويت ..

الدكتور :

سوي بالمكان الي تحبين ..

عندي بالعياده او بالمستوصف

انا :

ليش ما يصير بدون التحليل ؟؟

الدكتور :

اسمحي لي على هالكلمه .. بس الدكتور الي يسوي نظام بدون تحليل هذا طباخ مو دكتور ..


واذا بتسوين بالمستوصف .. في ميزه وسلبيه .. الميزه ان ابلاش .. والسلبيه ان يطول على حسب الستوصف ويمكن يطول 4 او 5 ايام ..

وعندي بالمختبر ما ياخذ وقت يوم او يومين بس بفلوس ..

انا: بسويه عندك ..


الدكتور :

مومشكله .. الي تبينه ... راح احط لج موعد عقب باجر يناسبج ؟

انا :

أي ان شاء الله ..



الدكتور :


خلاص انتي دبيييييه هاليومين وبعدين تعالي

انا :

هههههه ان شاء الله .:tomato2:


طبعا انا من ولدت وانا ما اكل عدل ..

تدرون بعد سهر والنفسيه تلوع الجبد من عفسة الهرمونات والغلقه ..:0bee2e8d89:

 

[بدوره 22]

وصار اليوم الموعووووود .. _03BA:

تاريخ 8 :11/2009

وهالمره كان زوجي معاي ..

دخلنا على الدكتور ورحب فينا ..

وشاف النتيجه ...


الدكتور : الحديد عندج ممتاز .. وظائف الكبد .. الكالسيوم .. المراره ..الحمدلله كل شي اوكي الا شي واحد !!

انا : شنو @@

الدكتور : الكوليسترووول .. مرتفع واااااااااااااااااايد ..
اول مره اشوف هالنسبه المرتفعه بالنسبه حق وحده في عمرج !

( عمري 27 سنه )

انا @

الدكتور :

اخاف عندكم وراثه !

انا :

مادري امي وابوي حاشهم على كبر !

زوجي :

من وين بيلها الكوليسترول وهي مو اكيله وايد ؟؟

الدكتور :

ماله علاقه بالاكل .. في نوعين كوليسترول حميد ونوع ثاني يسمونه خبيث على المدى البعيد يسبب جلطات


زوجي وانا :
@@@@@@@@@@@@@@@@

الدكتور :

لا تخافين بعد اسبوعين راح تختفي هالنسبه واذكرج

انا:

ان شاء الله ..

ويالله نبدي .. نظامج الغذائي .. بسم الله الرحمن الرحيم ......................................................

 

[بدوره 22]

بنات عفيه شجعوني علشان اقط هالست كيلوات يارب على صحه وعافيه ان شاااااااااااااء الله ..

اليوم الأول :

تاريخ 9/ 12/2009


قبل الريوق .. قلاص ماي .. ( علشان ما يصير امساك ووايد زين لأني ما كنت اشرب ماي )

وتريقت 5 حبات تمر مع كوب حليب خاااااالي الدسم ( علشان الكوليسترول )

مع قفشة عسل طبيعي خلطتها مع الحليب ..

وبعدها اخذت حبتين اوميغا 3


الضحى :

استكانة مكسرات ( جوز , بيذان , فستق ) يا نوع واحد منهم او كلهم مع بعض .. مع شاي عادي ... وينصح بسكر اسمه

splanda يقولي حطي الكميه الي تبينها ( لأني اموووووت على الشكر )


الغدا :

تغديت صيخ دياي مشوي ( امريكانا ) مع سلطه ونص خبزه سمره خفيفه وشربت ماي .. وممكن دايت كولا بس انا مو وايد اشرب مشروبات غازيه ..


المغرب :

اكلت قطعة كاكاو طول الاصبع اي نوع تحبين .. مع نسكافيه تروبيكانا ( خاص بالريجيم )


العشا :

روب خالي الدسم مع 4 او 3 قطع اناناس فريش ( والدكتور يقول ان هالعشا ممتاااااز وينزل الوزن )

بس انا اكلت حبتين مع نص علبة الروب ... مادري حسيته يغث مع اني كنت يوعانه ... وهو قالي ما اعتقد تكملينه وايد يغث .. وفعلا صار مثل ما قال ...


طبعا مع حبتين اوميغا 3 بعد كل وجبة رئيسيه علشان الكوليسترول ينخفض

 

[miss_lymoona]

كولووليييييييييييييش

اخيرا خلصتي قاعده انطرج من زمان تخلصين ماحبين اقاطعج لووووول

طبعا رجيم المطوع اموت عليه


خل اقرا الجدول اللي عطاج اياه وارد

 

[miss_lymoona]

خوش رجيم انا من يوم الاحد بطبق رجيمه بس مو هذا لاني مااكل لا دياي ولا لحم

بطبق رجيم كاتبته بنت الكويت بهبل

وتصدقين يشسبه رجيمج وايد واحلى شي الككاو لول

شدي حيلج ومبروك ماياج وطولج نفس طولي ماشالله مامتنتي وايد

 

[بدوره 22]

طبعا بنات هو يسمح بشرب كمياااات من الماي

وتقدرين تشربين شاي ومرميه وبابونج وينسون بالوقت الي تبين والكميات الي تحبينها

ونصحني اشتري اثقال من مركز سلطان ..خاصه حق الحريم .. تصير مثل القلافز

تلبسينهم وتلعبين رياضه حتى وانتي اطالعين التلفزيون وانتي قاعده ...

 

[بدوره 22]

اليوم الثاني
10 /12 / 2009

قبل الريوق .. قلاص ماي ..

الريوق : تريقت حبتين من ويتابكس .. ( تلقونه في ركن الكورن فليكس بمركز سلطان ) مع حليب خالي الدسم مع قفشه عنووووونه عسل

الضحى :

بس اكلت مكسرات ما اشتهيت اشرب جاي ..

الغدا :

اكلت من الغدا .. صدر ديايه بحجم نص كف الايد مع سلطه ونص خبزه سمرا


( هو سامح لي اني اكل عيش .. 5 قفاش بس انا مو مشتهيه اكل عيش هالايام )


المغرب :

طبعا مستحيييييل استغني عن الكاكاو :dddds:

وطبعا شربت قهوه .


العشا :

اكلت نص خبزه سمره خفيفه مع لبنه لايت وطماط وجرجير وشوي زيت زيتون ودقوس بو ديييييييج ... يميييييي كانت لذيذه والله

وشربت معاهم لبن خالي الدسم مع حبة فاكهه ..

انا اكلت حبه وحده اناناس فريش ..


طبعا اخذت بعد كل وجبه حبتين اوميغا 3 ودردعت ماااااااااااااااااااااااااااااااااااااي

 

[بدوره 22]

اي بنات نسيت اقولكم

ان قالي لازم 5 مرات بالاسبوع اطحن قفشه وسط بذرة الكتان .. ( يفضل بذرة الكتان الي من ارض الطبيعه وايد انظف من الي عند الحواي )

احطها اما مع السلطه او مع الروب

 

[بدوره 22]

خوش رجيم انا من يوم الاحد بطبق رجيمه بس مو هذا لاني مااكل لا دياي ولا لحم

بطبق رجيم كاتبته بنت الكويت بهبل

وتصدقين يشسبه رجيمج وايد واحلى شي الككاو لول

شدي حيلج ومبروك ماياج وطولج نفس طولي ماشالله مامتنتي وايد

الله يبارك فيج ..

طولج مثلي ؟

لووووووووووووووووول عيل انتي بعد شمحوطه مثلي :dddds:


اي والله احلى شي ان في كاكاااااااااااااااااااااااااااااااااااو

 

[miss_lymoona]

رجيمه يهبل تعالي شنو يعني شمحوطه لول مادري شنو انا وزني المثالي 60 اصير ضعيفه وايد لان مو حلو علي اضعف اكثر

الحين الحمدالله وزني وايد حلو وريلي يقولي بس لا تضعفين بس عندي كرشه جسمي كله اوكي الحين


انتي جم تبين يوصل وزنج

بدوره بقولج شي



















لا تقولين حق احد
















مشتهيه فول عادي؟؟ لول

 

[بدوره 22]

رجيمه يهبل تعالي شنو يعني شمحوطه لول مادري شنو انا وزني المثالي 60 اصير ضعيفه وايد لان مو حلو علي اضعف اكثر

الحين الحمدالله وزني وايد حلو وريلي يقولي بس لا تضعفين بس عندي كرشه جسمي كله اوكي الحين


انتي جم تبين يوصل وزنج

بدوره بقولج شي



















لا تقولين حق احد
















مشتهيه فول عادي؟؟ لول

لووووووووووووووووول شمحوطه يعني طوييييييييييييييييييييييييييييييييييييييله ...



انا مادري شكلي بالكعب طويله .. وحتى بالدوام الكل يحسبني طويله ..

ولمن اول مره لبست فلات ... لا تشوفين شلون ماتوا علي من الضحك ... انغشوا فيني :dddds:


انا بعد مثلج وزني لازم يصير 60 ... ويهي يصير يلوع الجبد اذا ضعفت اكثر بس انا ودي ودي يصير 57 >>>> اوصلي 60 بالاول بعدين تفلسفي :dddds:

انتي يايبه عيال ؟؟

الكرشه حدها تنرررررررررررررررفز ... لازم نتحرك ونسوي رياضه .. والله لازم الوحده تغير نظام حياتها مو بس اكلها ..


لووووووووووووووووووووول والله ضحكتنيني وشهيتيني بالفول ..

امممممم مادري ما اعتقد يصير ... الا شوي .. لان اذكر هو قالي اذا رحتي مطعم لبناني اكلي صيخ شيش طاووق وغمسيه مع حمص او ثوم ..

والفول بقوليات حاله حال الحمص .. بس مادري شكثر لازم تاكلين

 

[بدوره 22]

اي ونسيت اقولكم

ان معطيني خلطة اعشاب من ريحتها عرفت ان فيها مرميه وبابونج وينسون ومادري وايد اعشاب

جربت اشربهم

استغفر الله ... ويييييييييييييييييييييييييع ما قدرت اشرب

عاد انا حدي دعله بهالسوالف ما اشرب .. حتى الجاي الاخضر ما احبه كللللش

بس سألته عن حبوب الجاي الاخضر الي بمركز سلطان وقالي عادي تقدرين تاخذين حبه او حبتين بس ...

وطبعا يفضل الجاي الاخضر احسن من الحبوب .. بس مثل ما قلت لكم ما احبه

 

[miss_lymoona]

لا ماعندي عيال بس اول ماتزوجت متنت 11 كيلو والحمدالله الحين وزني مثل اول ماتزوجنا بس ابي اضعف بعد

بقوم اسويلي فول لول

 

[بدوره 22]

الله يرزقج اان شاء الله

عوافي على قلبج

 

[روعة خيال]

يعطيج العاااااافية يا بدورة ومبرووك البنوتة الحلوة

و ان شاء الله ينزل وزنج و تصيرين سمبتيك

 

[I don’t care]

الف الحمدلله على سلامتك وعالبركه البي بي الله يحفظها لج يارب
وبالتوفيق ان شاء الله باقي لج حديد سهل واكيد انتي قدهاا
رجيمه حلو كثير ولا فيه حرمان ولاكن احد يسوي دايت معاه اشتهيت اروح له بس مواعيده صعبه

 

[بدوره 22]

يعطيج العاااااافية يا بدورة ومبرووك البنوتة الحلوة

و ان شاء الله ينزل وزنج و تصيرين سمبتيك

الله يعافيج حبيبتي

والله يبارك بعمرج ان شاء الله

واللهم امييييييييييييييييييييييييييييييييييييييييييييييييييييييييييييين

 

[بدوره 22]

الف الحمدلله على سلامتك وعالبركه البي بي الله يحفظها لج يارب
وبالتوفيق ان شاء الله باقي لج حديد سهل واكيد انتي قدهاا
رجيمه حلو كثير ولا فيه حرمان ولاكن احد يسوي دايت معاه اشتهيت اروح له بس مواعيده صعبه

الله يسلمج ويبارك فيج يا قلبي

جزاج الله الف خير .. والله كلامج عطاني دفعه

اي صح رجيمه حلو وما فيه حرمان ومثل ما قلتي عيبه المواعيد ...

اللي لاحظته من مراجعاتي عنده ان هو ما يحب الزحمه علشان يعطي كل واحد حقه

 

[بدوره 22]

شلونكم يا حلوات ؟

اليوم تريقت قلاص ماي وحليب خالي الدسم .. مع حبتين ويتابكس

وطبعا حطيت قفشة عسل طبيعي ..

ولعبت رياضه .. لبست الاثقال الي قالي عنها الدكتور ..

وسويت الحركات الي علمني اباها ..

وشريت حبل علشان العب عليه ..

وقالي معلومه اول مره اعرفها ..

ان لو انط حبل كل يوم لمدة ربع ساعه .. تعادل نص ساعه مشي !!!

وطبعا تقدرين تقسمين هالربع ساعه علشان ما تتعبين