تجمع رشيقات 2010 :)

[Nany-83]

:wqedqw::wqedqw:

صباح الرشاقه
اشلوووووووووووووووووونكم بنات؟
آنا يديده بهالمنتدى..
ودي نسوي تجمع ريجيم.. للي تبي تضعف أكثر من 15 كيلو..
يلا همتكم بنات..
أشوف وينكم.. يلا تعالو:ada::ada:
ركض ركض..
نبدي اليوم؟
منو بتصير معاي؟؟؟؟؟؟
بنات.. نبي همه وأمانه وثقه مو بس كلام!!!!
ناطرتكم..​

 

[Nany-83]

اشدعوا محد يبي يدش!!!!!!!

 

[..’’ياقلبـك الخوّاف’’..]

هلا والله صباح الخير ناني..

ودي ابتدي معاش لاني توني قبل كم شهر والده والحين وزني 74 وودي يصير 58 ...اعتقد اكثر من 15 كيلو بس تكفين يختش خلينا نساعد بعض.. انا كان وزني 77 ومشيت على رجيم حماتي مال محمد ربيعه.. ونزلت لي 73 ومالت علي وقفت .. بس الحمدلله |طيحت كم كيلو نعمه من ربي العالميــــــــــــــن,, وكنت امشي بس مودايم امشي ساعه ..لانه يقول الدكتور اذا مشيتي نص ساعه ماراح تستفيدين لانش بس تحرقين الاكل اللي كلتيه في اليوم هذا..



ابي اضعف نونو وربي محتره من لبسي لما اشوفه بالكبت مال عرسي ..لو اموت مايدش فيني كان 58 بس يوننننننننننننس




:ada:

 

[Ashoka]

هلا حبيبتي انا مبدئياً ابي 15 كيلو لوول بس الصج 20 كيلو هههههههههههه
ومستعده اكون معاج عسى الله يوفقنا ويقوي ارادتنا

 

[Nany-83]

عاااااااااااااااااااااشو..
يلا نبدي بجد وحماس؟
okk??

 

[..’’ياقلبـك الخوّاف’’..]

انا ببتدي معاش بس ناطره البيريود تخلص ... شوفي انا الحين طولي 162 ..وزني 74.. :ada:

 

[ضي]

ببتدي معاكم

شنو رجيمكم؟؟

ودي انزل 15 كيلو

 

[Nany-83]

يلا راح نبدي من الريوق اوكي؟
آنا رايحه عند عبدالله المطوع ومعكيني هالريجيم..
وخلال 3 أشهر نكون نزلنا 15 كيلو والريجيم مثبت يعني اللي تنزلينه ما يرد بسرعه..
الحين أحطه لكم..

 

[Nany-83]

الريوق:
اختاري..
1- كوب حليب خالي الدسم - كورن فليكس أسمر أو 3 شابورات - أو 5 تمرات
2- نص خبزه سمره مع لبنه أو جبن قليل الدسم - خيار أو خس

الضحى:
اختاري..
1- كاكاو وسط (كيت كات - اسنيكرز - مارس - .. الخ)
2- استكانة مكسرات (لوز - يوز - حب مصري) شرط يكون محمص أو ني مو مملح
3- تفاحه

الغدا:
اختاري..
1- نص صدر ديايه مشوي + سلطه خضرا العاديه مع قفشة زيت زيتون + دايت أو ماي
2- 2 همبورجر مشوي + سلطه + دايت أو ماي
3- 2 سيخ شيش طاووق أو تكه مشوي + سلطه + دايت او ماي

المغرب:
اختاري..
1- كاكاو (بشرط ما تكونين اخترتيه الضحى)
2- فاكهه (كيوي - تفاحه - برتقاله)
3- كوب شاي أو قهوه بدون سكر أو مع سكر لايت

العشا: (مبجر قبل النوم بثلاث ساعات)
اختاري:
1- تشيز برجر + دايت أو ماي
2- سلطة سيزر مع الدياي أو بدون + دايت
3- توسته سمره مع لبنه قليلة الدسم + خضره + دايت أو ماي
4- خيار وروب + دايت أو ماي
5- برتقاله أو 2 كيوي

ملاحــــــــــــــــــظات مهمة جــــــــــــــــداً..
= لازم قبل كل وجبه بربع ساعه نشرب قلاص ماي
= كل يوم 10 قلاصات ماي عالأقل
= شاي أخضر إذا تبين بس بدون شكر ((( حطو معاه نعناع يصير حلو وايد ويريح )))
= كثر ما تمارسين الرياضه كثر ما تنزلين (( اهوا قالي من 20 - 40 دقيقه مشي يومياً ))

ها بنات اشرايكم؟؟؟؟؟

 

[رغــوده]

انا ببدــــــــدى معاكم من بكره رجيم دشتي بس نبي حماس بنات كل بعد اسبوعين نقيس الوزن

الوزن 99 كيلو
الطول 165

 

[..’’ياقلبـك الخوّاف’’..]

الريوق:
اختاري..
1- كوب حليب خالي الدسم - كورن فليكس أسمر أو 3 شابورات - أو 5 تمرات
2- نص خبزه سمره مع لبنه أو جبن قليل الدسم - خيار أو خس

الضحى:
اختاري..
1- كاكاو وسط (كيت كات - اسنيكرز - مارس - .. الخ)
2- استكانة مكسرات (لوز - يوز - حب مصري) شرط يكون محمص أو ني مو مملح
3- تفاحه

الغدا:
اختاري..
1- نص صدر ديايه مشوي + سلطه خضرا العاديه مع قفشة زيت زيتون + دايت أو ماي
2- 2 همبورجر مشوي + سلطه + دايت أو ماي
3- 2 سيخ شيش طاووق أو تكه مشوي + سلطه + دايت او ماي

المغرب:
اختاري..
1- كاكاو (بشرط ما تكونين اخترتيه الضحى)
2- فاكهه (كيوي - تفاحه - برتقاله)
3- كوب شاي أو قهوه بدون سكر أو مع سكر لايت

العشا: (مبجر قبل النوم بثلاث ساعات)
اختاري:
1- تشيز برجر + دايت أو ماي
2- سلطة سيزر مع الدياي أو بدون + دايت
3- توسته سمره مع لبنه قليلة الدسم + خضره + دايت أو ماي
4- خيار وروب + دايت أو ماي
5- برتقاله أو 2 كيوي

ملاحــــــــــــــــــظات مهمة جــــــــــــــــداً..
= لازم قبل كل وجبه بربع ساعه نشرب قلاص ماي
= كل يوم 10 قلاصات ماي عالأقل
= شاي أخضر إذا تبين بس بدون شكر ((( حطو معاه نعناع يصير حلو وايد ويريح )))
= كثر ما تمارسين الرياضه كثر ما تنزلين (( اهوا قالي من 20 - 40 دقيقه مشي يومياً ))

ها بنات اشرايكم؟؟؟؟؟

ناني..واجد 3 شهور.. شرايش تجربين معاي مال محمد ربيعه ..؟؟!! وينزل بالشهر 11 كيلو اذا مشيتي بالتمااااااام

 

[ضي]

خووووووووووش رجييييييييييم

 

[عسووولة]

خوش رجيم حلووووووووووووووو

معععععععععععععععاكم

 

[ريحه المسك]

انا بعد وياكم انشاء الله
ابي انزل 15 كيلو
شيهانه شنو ريجيم بو ربيعه

 

[JnJoOona]

وايد حلو الرجيم انا مشتركه بدايت سنتر بس اخلص بسوي رجيمج

ويارب نضعف انا وانتي وكل من يتمنى بصحه وعافيه

 

[ام ورود مول]

الله يسهل عليكم

 

[Nany-83]

شخباركم يا أحلى رشيقات؟
اشلون الريجيم معاكم اليوم؟؟

 

[Nany-83]

بشرو بنات اشلونكم اليوم مع الريجيم؟؟؟

 

[السـ بنت ـعوديه]

صباااااح ومساااااااااء الخير

انا نحفت ورجع وزني ودي ارجع من جديد

وان شاء الله ببدي من اليوم معكم

 

[خاتم ذهب]

صباااااااااااااااح الخير
بنات

انا ابي انزل 15 كيلوووو ابي ابلش معاكم صج اني مع قروب بس ابي ادش معاكم
طولي 163
وزني 66.80

والهدف الاول 55
والهدف الثاني 51


يارب


ونظامي
الفطور:
اللي بخاطري اكله ان شاء الله خروف ههههههههههههههههههههههههه شدعوه اكيد لا بس تشبيه انه اي شيء ابيه

الغداء :
اي شيء من اكل البيت طبعاا اكثر من السلطه بعدين اشرب العصير واحط صحن وسط عيش واي مرق مجبوس اي شيء

العشاء:
اناناس مقطع
او روب مع خيار
او اي فاكهه

وبين كل وجبه ووجبه 5 ساعات



الشاي العادي والشاي الاخضر
والنسكافيه مفتوح اي وقت واي كميه