تجمع New me New body New life حياكم الله نبي نصنع الاراده من حديد ونوقف بويه المستحيل

[عليـاء]

الله يثبتج يارب
ونشوفج قريب وانتي واصلة للهدف فديتج

 

[نشميه]

واي اخيرا فتح المنتدى من امس وانا احاول اودخل وكله ايرور


الحمد الله عدوا اول يومين على خير واليوم ثالث

طبعا اليوم الشي الوحيد اللي زدته على اكلي شوربه لان اليوم الحلوه يتني وبطني حده يعورني وكنت ابي شي دافي

غداي وعشاي اليوم صمون الفيصل جبن فيتا مع فيمتو دايت

وامس غداي وعشاي كان توست مع بيض مع فيمتو دايت

وبين الوجبات اما نسكافيه او جاي

 

[Eng_7asasa]

تسملين علويه

نشمية حمدالله انج ماشية تمام انا الحلوة متاخرة ومعطرة مزاجي موراضية تنزل وتفكني الله يعينج
بس دام شوربة بيت عادي لا تحطين وايد ملح وان شاء الله ماياثر

 

[نشميه]

لا شوربه ماجي ما اشرب غيرها ان شاء الله ما تأثر

انا اساسا عذبتني على ما انزلت من 3 ايام بطني يعورني واليوم عاد هلت وشرفت عاد صارلي فتره مستانسه ما اكل حبوب لما تييني اليوم كلش ما قدرت الا لمن كلتلي بروفين

 

[Eng_7asasa]

لا شوربه ماجي ما اشرب غيرها ان شاء الله ما تأثر

انا اساسا عذبتني على ما انزلت من 3 ايام بطني يعورني واليوم عاد هلت وشرفت عاد صارلي فتره مستانسه ما اكل حبوب لما تييني اليوم كلش ما قدرت الا لمن كلتلي بروفين

ان شاء الله بس زيديها ماي لانهاا مالحة شوي

الله يعييين انا متاخره ادري لانه زايد وزني اربعه كيلو

واليوم جفت وزني ثابت مو راضي يتحرك معني ماشيدة على الدايت الله كريم ان شاء الله قاعده اشرب زعتر ودارسين عشااان

تنزل:0bee2e8d89:

 

[Eng_7asasa]

بنااات لاتنسون باجر اخذ الاوزان

كل وحدة دزلي وزنها على الخاص

وزنها السابق والحالي

وان شاء الله الكل نازل لحد يحط وزنة اهنيه على الخاص بليز عشان انزل النتايج بشكل منظم

 

[Eng_7asasa]

هلا حبيبتي صافية اول شي

حةفي وزنج الحين اذا صارلج مده هاملته و جوفي لازم اتعرفين وزنج

وبعدين مابيج تحرمين نفسج ولا اتكونين حيل صارمة راح تضعفين بس راح تردينهيم شل الفايده

اول شي تريقي عادي توسته مع لبنه او كورن فليكس فتنس وحليب خالي الدسم وايد فيه خيارات الكمية مهمة والنوع بعد يعني

توتستين اووب كورن فليكس كوب حليب مو يصير شرب عشوائي عشان اتعودين جسمج يشبع بسرعة

ثانيا سناك الضحى لازم تاكلينه ويفضل فواكهه او انا طايحتله بسناك البار مال سبشيل كي فيه بس 90 كلوري

غداج مع اهلج بس مهم يوم سلطة مع اكل البيت خنقول برياني حطيليج خمس اقفاش مع ايدام
او شوربة و اكل البيت وابتعدي عن المقليات والسكرات نشويات قليلهيم

سناك المغرب قهوة و كاكاو وسط اذا كتنى نوعج لازم كاكاو انا لاني احبه

وعشاي الصراحة انا لازم اتعشي عشى صحي وبنفس الوقت يشبعني عشان مااقوم من النوم واكون يوعانه عادي اروح

المطبخ واكل

فا شسوي اكلي سلطة خيار و روب خنقول كوب منها لازم اتقسين اكلج بس بعدين راح اتعودين
و كوب شوربة شغل بيت بدون سوالف الكريمة شوربة عدس خضار تفنيني خاصة بشتا
واذا بضفين نشويات ضيفي ماكو مانع مقل معكرونية معكفة مع شوية صلصة وجبن قليل الدسم اكلي عشاج قبل النوم بساعتين

على فكرة انا دايت كير كان مشيني جذي وكنت اطفح لمن تدريجيا قامو يعطوني نص العشا ونص الغدا ونزولي كان حلو


على الكمية والاكل الصحي وسامحيني قرقرت وايد

 

[هنوفه الحلوه]

صبااااااااااح الخيرررر صباااااااااااااااااايااااااااااا >>>>وه اشفيني انقلب لبنانيه ...يمكن من الرجيم والاكل اللي اكله ..خخخخخخخخخخخ

المهم اليوم تريقت
3بسكوت دايجستف
1لبن اكتفيا ..

ولحد الان مالعب رياضه ..

 

[FuLL.MooN]

السلام عليكم صبايا شلونكم بشرونا عنكم ؟

 

[Eng_7asasa]

هلا صباااح النور حبيبتي هنوفة

بالعافية عليج

هل فل مونج شلونج شخبارج

 

[الحــــالمة]

مرحبااااااااااا بنااااااااااات

الحمدلله ماشية على الرجيم

وما اكلت شي للحين

والحين برسل الوزن

 

[Eng_7asasa]

هلا الحالمة

حبيبتي شنو نوع النظام الي تمشين عليه لانه موزين ماتتريقين اهم شي ريوق

 

[الحــــالمة]

هلا الحالمة

حبيبتي شنو نوع النظام الي تمشين عليه لانه موزين ماتتريقين اهم شي ريوق

مو متبعة نظااااااااام غذائي

بس اعد السعرااااااااات الحرارية

من الاكل اللي اكله

وانا ريوقي دائما تفاااااااحة

بس اليووووم اكلت متأخر خيااااااااااارة

والغدااااااا برتقالتين

ان شاء الله

 

[Eng_7asasa]

بالعافية بس اكلي ب روتينات دياي سمج عشان شعرج وبشرتج و شوية نشويااات عشان شعرج مايطيح

وبشرتج ماتذبل مو حلو تضعفين ويهيج يبهت وانصحج لاني اعتبركم مثل خواتى مابي احد يزعل

 

[الحــــالمة]

بالعافية بس اكلي ب روتينات دياي سمج عشان شعرج وبشرتج و شوية نشويااات عشان شعرج مايطيح

وبشرتج ماتذبل مو حلو تضعفين ويهيج يبهت وانصحج لاني اعتبركم مثل خواتى مابي احد يزعل

لا والله ما ازعل

ادري اني تبين مصلحتي

والفايدة للكل

لا تحاتين باااااااااااجر

رايحة البر ان شاء الله

واكل مشويااااااات مع خبز

ويمكن اليووووووم بالليل امر دايت كير

واشتري منه شندويش تونة الاسمر

يم يم

والله حلوة منتجاااااااتهم

 

[FuLL.MooN]

الحمد الله انا بخير دامكم بخير شلونكم مه الريجيم ايييه والله ماشاء الله عليكم اتشوقوني الفال لي ان شاء الله

 

[Eng_7asasa]

بالعافية عليج الحالمة انا رايحة المخيم باجر بعد وناااسة

بس احنا خراب بخراب بس بلعة وياكلون الله يهداهم

فل مووون

لي متى والله البلعة ماراح اطير روحيليج حق اخصائي تغذية او اشتركي بشركااات التغذية حرام تخلين عمرج جذي توج صغيرة

 

[Brounzi_girlly]

مسا الخير بنات شلونكم اشتقت لكم وااايد انوج وحلومة بشروني نزلت اوزانكم او لا انا الحمدالله ماشية على الدايت وبحط لكم وزني كنت 63.500 وصرت

 

[ليمونه79]

مرحبا بنات انا اليوم تريقت 3شابوره وجبن لايت وتغديت اشوية معكرونه وقطعة لحم وبس باي

 

[نشميه]

قووووه بنات

اليوم الحمدالله ما خربطت

غداي توست مع بيض

بعدين طلعنا شريتلي من كوستا لاتيه

والعشا توني متعشيه صمونه الفيصل بالشوايه


وسلامتكم

طبعا انا بديت الرجيم يوم 21 يعني صارلي اربع ايام ما يمديني اضعف ان شاء الله باجر اقيس وزني واحسب لين الخميس الياي جم ضعفت