أفـــكـــارنـــا لخـــبرة .. اســرتي .. واقـــاربي .. وجــيرانــي

[سحابه صيف]

خوووش الله يعطيكم العافيه

 

[برقوقة]

السلام عليكم ،أبى أفكاركم الحلوة ومنبهاتكم قبل العطلة :eh_s(21)::dfgl:

 

[(غموض)]

السلام عليكم


بنات تكفون ابي درس عن يتعرف على مفهوم الاسره شنو احط له منبه
وشلون احقق الهدف الاجتماعي يحترم افراد اسرته
والحركي يودي حركات تعبيريه بمصاحبه الاناشيد

تكفون بنات ضروري لانى جديده وبتدخل لى الموجهه الاسبوع الجاي
وابي مسابقات حلوه وطريقه تغذيه راجعه مبتكره

 

[TAFATEFYTA]

الله يعطيكم العافيه و ما يحرمني منكم كويتيات انا توني تعيين يديد والله استفدت منكم وايد كلش ماعندي فكره عن هالخبرات خاصة انا كنت ميداني كورس ثاني حق مستوى ثاني يعني ماعندي خبرة خير شر بس وايد استفدت منكم تسلملي ايدينكم

 

[TAFATEFYTA]

الله يعافيكم ابي لاصفيات حلوه و يديده مليت من مرسم مكتبه و قصة ملييييييييييييت ابي شي يديد و حلو حق الاطفال و حقي و احتمال كبير دخول علي الاسبوع الياي

 

[عهود الحب]

صباح الخير بنات


اختي دام سألتي عن لاصفيات حلوة

شوفي يالغالية في اهداف بالدليل صعب نطبقها بالحلقة لكن تصلح كـ لاصفي مبدع


مثال بسيط : مفاهيم رياضية مالها وقت للتحقيق لأن الخبرة حاليا 9 حلقات فقط مو عشر

خل نقول مفهوم خارج وداخل روعة ويعزز مفهوم البيت والاسرة
خل نقول ماتبينه طبقي مفهوم كبير وصغير يعزز للطفل مفهوم الاسرة والاعمار داخل الاسرة يعني الجد الحفيد الطفل الصغير الاخ الكبير
بيت صغير بيت كبير وهكذا





مرسم


مشروع فني سوي للاطفال مشروع بيت / سرير طفل / عائلة / ممكن تسوين بيت مقسم لغرف / ممكن تسوين ام واب من علبتين لبن وحليب


سوي تعزيز صورة أو تعزيز عدد


سوي مطبخ ترى روعة ويحبونه الاطفال حييييييل وتجاوبهم
يكون روعة معاج بس لازم تدربينهم قبل لأنه له سلوكيات معينة وصعب تدخلين موجهة من اول مرة دخول للاطفال




سوي لج لاصفي العاب تربوية
اخذي لعبة من الالعاب التربوية الجديدة واشرحيها وتقدرين تروحين للمشرفة الفنية وتطلبين منها خطوات اللاصفي هذا



عروض ضوئية اذا في غرفة مخصصة لها



ممكن تطبقين عدة لاصفيات مبتكرة وتكون لها علاقة بالمهارات المطلوب تعليمها للاطفال بالاركان
مثال ترتيب المائدة ترتيب اركان المنزل
حوليها الى لاصفي مبتكر لأنه لها علاقة بالخبرة
ممكن تطبقين شغلات من سجل مهارات ركن الالعاب التربوية مثال مطابقة الشكل المقارنة التصنيف
ركن المكعبات بناء بلوكات وترتيبها وتصنيفها ومقارنتها ينفعج كدرس عن البيت وبنائه ومقارنته بالبيوت اهم شي انه يكون نشاط متكامل وله اهداف متكاملة



ممكن تطبقين نادي علمي تجربة علمية تخدم الخبرة

درس عن البيئة لأنه التربية البيئية من ضمن النشاطات اللاصفية



اعادة تدوير لمستهلكات منزلية


وهكذا

 

[%CLaSs-LaDY%]

الله يعطيكم العافيه و ما يحرمني منكم كويتيات انا توني تعيين يديد والله استفدت منكم وايد كلش ماعندي فكره عن هالخبرات خاصة انا كنت ميداني كورس ثاني حق مستوى ثاني يعني ماعندي خبرة خير شر بس وايد استفدت منكم تسلملي ايدينكم

نفس الحاله والله حدي متوهقه والي معاي مزاااااااااااااااااااااااااجيه مره تساعد ومليون مره مطنشه الله يسامحها والمشرفه والناظره حييييييييييييييييييييييل بهالسلبيات!! جد صار فيني احباط الله يغير الحال مع اني امووووووت بالروضه والاطفال بس من بدا الدوام والناس تغيرت مدري شالسالفه!!! الله يخليلنا هالمنتدى والله هو الي نافعنا!!!!!:eh_s(2):

 

[عهود الحب]

كلاس ليدي الامور سهالات
اكتبي شنو طلبج واحنا نحاول نساعد بعضنا

 

[Ťђё Ĕηđ]

الله يعطيكم العاافيه بنات

ماقصرتوا والله

ياليت تساعدوني بمنبه لدرس مفهوم الاسره

المنبه مثل ماقالت وحده من الخوات اشكال هندسيه إلى ان يتوصلوون للبيت

بس المشكله شنوو اتحجى عنه ؟؟؟

ياليت تعطووني سير الدرس

عهوود قلبي شنووو اقووول شتحجه عنه ؟؟؟

والمسابقات شنو ممكن احط ؟؟؟؟

ويعطيكم الف عاافيه

 

[%CLaSs-LaDY%]

كلاس ليدي الامور سهالات
اكتبي شنو طلبج واحنا نحاول نساعد بعضنا

يا مال العافيه والله .........................وانتي بالذات استفدت من مواضيعج حيل ..الله يوفقج ويفتحها عليج ===> بتطر الاخت ههههههههههه:d



عالعموم انا اي شي ينقصني على طووووووووووووووووول ادش المنتدى والحمدلله القى الي ابيه...

 

[عهود الحب]

الأسرة شنو مثيرج راح تدشين من خلاله وتبلشين بكلامج عن افراد الأسرة أنفسهم

اذا خلصتي المثير مناقشته
تعرفي على اسماء ابوهم وامهم واخوانهم الصغار والكبار
وين يسكنون [ بيت ] من وفر لنا المسكن ؟ الكويت
نغني نشيدة عن الاسرة او البيت


العب معاهم لعبة اي لعبة عندي
عندي لعبة الاشكال الموسيقية لما يسمعون وين المربع معتاز له اللحين يبحثون عنه ويطلعون لي شنو بداخله يكون صورة الاب
بقية الاشكال تحتوي على بقية افراد الأسرة الام البنت الولد


عندج برواز للصورة تحطين افراد الأسرة مع بعض
او اذا عندج صورة مكبرة لمنزل حطي الاسرة يعني كأنهم يطلون من الدرايش هم حلو كفكرة وشكل


ماذا يفعل لنا ابي ؟ يوصلنا للروضة
ماذا تفعل لنا امي ؟ تعد لنا طعام الغداء
ماذا تفعل اختي او اخي ؟ تلعب معي
وهكذا


ماذا يجب أن أفعل انا ؟

اسمع كلام امي وابي


استمع معاهم للاية القرآنية للخبرة { مع شرح مبسط لها

ممكن تدعمين الموقف بقصة عبر مصورات او مسرح العرايس او حتى اللابتوب عن طاعة الاب والام او تعاون افراد الاسرة
نلعب مسابقة جماعية



حطي شكل هندسي مربع كأنه برواز صورة


وخليهم يحطون لج العائلة الكريمة كلها داخل البرواز


وبعدها من خلال شغله معينة اي شي عندج راجعي لهم التغذية الراجعة


وسلامتكم

اتمنى اكون افدتكم

 

[عهود الحب]

والمسابقات شنو ممكن احط ؟؟؟؟

شرحت لج المسابقة اذا تبين مصورات لافراد الاسرة
تلاقين شكثر مصورات بالمكتبات
او ممكن اذا مالج خلق تجمعين صور اشخاص من النت او من المجلات هم خوش حركة ترى

وممكن حتى تستعينين بصور اشخاص واقعيين يعني عائلة صجية


شقي من هالمجلات وغلفي تغليف حراري ويطلع خوش شي

حق درس البيت او المنزل حطي صورة بيت مجزأة مثل الشكل وظله
ممكن تحطين اشخاص وظلهم
وممكن تسوين مثل البازل puzzle

ممكن تسوين مسابقة اركان المنزل

ممكن حق درس اعمال الام تسوين مسابقة تحطين صور لاركان البيت والام تخلينها مثل الظل عالصورة يركب الطفل الصورة المناسبة للركن
يعني الام بالمطبخ تحطين صورة مطبخ والطفل يركب عليها شكل الام تطبخ
بالصالة تدرس ولدها
او تكنس البيت << ودي اصدق الله يسلم ميري بس ههههههههههه

تحطين صورة غرفة النوم الام فيها تنوم الولد او تعالج المريض


ياحلو الام بس :eh_s(22):


الابو << يوصل العيال
يشتري الاغراض

شنو بعد ولاشي < قلبي متروس عالابهات مامنهم فود

ولا كأني عريت برا الموضوع:27d66a9c24b146327bf

 

[عهود الحب]

يا مال العافيه والله .........................وانتي بالذات استفدت من مواضيعج حيل ..الله يوفقج ويفتحها عليج ===> بتطر الاخت ههههههههههه:d



عالعموم انا اي شي ينقصني على طووووووووووووووووول ادش المنتدى والحمدلله القى الي ابيه...

الله يعافيج حبيبتي

الحمدلله
اانا بعد اشبك ضايعة والاقي طلبي الي ابيه الحمدلله
الله يتمم علينا :eh_s(22):

 

[Ťђё Ĕηđ]

عهوود بعد قلبي

ماقصرتي عسى ربي يوفقج دوووووم يارب

سهلتي علي عسى الله يسهل علييييييييج كل معسر ^_^

 

[TAFATEFYTA]

اي والله يا كيتي مشكووووره عهود الحب ما قصرتي معانا

الله يسهل عليج مثل ما سهلتي علينا

 

[ملاك-77]

الله يعطيكم العافيه سهلتوا علينا

 

[ملاك-77]

انا درسي عقب باجر صورة بيت شنو عندكم مسابقات للدرس؟ ملينا من المؤتلف والمختلف
ولعبه البطاقات الملونه والكراسي والمشرفة ملت بعد هههههه
تكفوووووووووووون ابي مسابقات للصورة ضروري
ودرسي الثاني أعمال الام بس حلو بصراحه وان شاءالله ببدع فيه وعندي مسابقه من دسمان
شريتها عن اعمال الام يركبون الظل وعندي لعبة البزل للام بخلي مجموعتين يلعبونها
والمنبه عبايه وسلامتكم اذا عندكم اضافات على دروسي لاتبخلون علينا

 

[عهود الحب]

تدرين لي ثلاث سنين ما اعترف بشي اسمه مؤتلف ومختلف
حطيت لكم بموضوعي مال العاب الحلقة
مسابقات متنوعة
بس ماتكون عبارة عن مؤتلف ومختلف فقط
يعني تضعين مجموعة كلمات او صور والطفل يستخرج منها صورة الددرس الجديدة سواء بيت او اسرة

ممكن تلعبين لعبة الذاكرة من خلال الصور
ممكن تلعبين لعبة المتاهة
ممكن تلعبين لعبة اصطياد الصورة من خلال السنارة
ممكن تلعبين لعبة ساعات الكلمة
حبل الكلمات
تركيب الصورة
الكرة والمرمى
المسابقات لاتعد ولاتحصى
بس اهم شي يكون لها هدف وتحقق اهداف النشاط

 

[ابيار]

انا درسي يوم الثلاثاء يتعرف على العدد 2 من خلال دور الاب

ابي افكار الله يخليكم
لان لليوم ولا وحدة دخلت علي
والبلوة الكبيرة باجر عندي لاصفي ومادري شقدم

 

[ابيار]

ممكن تطبقين عدة لاصفيات مبتكرة وتكون لها علاقة بالمهارات المطلوب تعليمها للاطفال بالاركان
مثال ترتيب المائدة ترتيب اركان المنزل
حوليها الى لاصفي مبتكر لأنه لها علاقة بالخبرة

ماشاء الله عليك يا عهود الحب
احس انك ابداع

اذا ما عليك امر اشلون الخطوات بالضبط؟
اشلون اقسم الاطفال بالركن احس يكون ضيج