وناستنا في رشاقتنا يعود بقوة بالجزء الرابع

[خاتم ذهب]

بنات شلونكم

بما اني مااحب الرجيمات لانه اذا حرمت روحي من شيء خلاص ادري اني ماراح التزم وراح اخربط واكل بشراهه موطبيعيه
فمبلش تخفيف يعني

فطور
غداء
وعشاء


اذا كان ريوقي وايد اخفف علي الغداء
والعكس صحيح
والعشاء خفيف يعني (سلطه او روب وخيار اوشوربه) ولازم علي الساعه 8 مخلصه وجبه العشاء
واذا كلش كلش يعت خلاص ماقدرت اشرب عصير اناناس

 

[mn.mn]

مساء الخير

اليوم رحت مشيت وعشاي كورن فليكس وحليب

خاتم ذهب صح لا تحرمين روحج عشان تقدرين تكملين وان شاء الله تنزلين على هالنظام

 

[al7noona]

بالعافيه منمن وخاتم ذهب

اصلا مو زين الجرمان لان مردج بتملين وتنفجعين على الاكل

انا ماقمت اتغدى بس اكل وجبه وحده اهيا عشاي وغداي على الساعه 5 المغرب واتريق بالدوام اشرب كابشينو وقهوه خضرا واكل توسته معاها جبن وخيار وخس ومرات توسته تون


والله يستر من باجر الميزان انشالله الصبح اقيس وني واطرشه لج

 

[مس يو]

السلام عليكم شلووووووونكم بنات شخباركم ان شاء الله تمام..

الحنونه سوي عينج الثانية وافتكي وماتشوفين شر

بنات كلكم بالعافيه .. وهالله هالله اليوم ترا الميزان..

انا الحمدلله ماشيه اوكي منظمة وجباتي ...

بس النادي آآآآخ صايره مااروح له الا بالاسبوع يمكن مره لان ماكو احد يوديني كل يوم اتحسر بس يخلص اشتراكي بروح اشتريلي جهاز اوربتراك والعب عليه بالبيت احسن لي وان شاء الله عاد التزم وما يصير ديكور لووووول

 

[mn.mn]

الحنونة الله يعافيج وجنه اكلج مو منتظم ليش ما تسوين معاي رجيم المطوع ؟

مس يو هلا والله حبيبتي واشتري لج اوربتراك بالبيت أحسن ما شاء الله ماكو وقت

للاسف الاجهزة اللي عندي بالبيت صاروا ديكور على قولتج

 

[al7noona]

مس عاد انا عكسج عندي جهاز اوربت وماالعب عليه اتعيز وقاعده احن على ريلي اني اشترك بنادي علشان انقصب اروح واسوي رياضه هههههه


منمن اي انا مو ماشيه على رجيم معين وكل يوم اقول بسوي رجيم المطوع ومااسوي انشالله من اليوم ابدي فيه

 

[mn.mn]

الحنونة مو شرط اذا سجلتي بنادي تلتزمين راح تروحين اول الأيام تالي تملين حاولي تروحين تمشين لو 3 مرات بالاسبوع نعمة

وتوكلي على الله وابدي برجيم المطوع على الاقل تنزلين وانتي مو حارمة روحج كل رجيم أحلى من الثاني بقسم الانظمة

تريقت توست وجبن وزيتون وخيار وطماط وجاي حليب

 

[miss_lymoona]

هااااااااااااااااااااي شلونكم بنات


دشيت اشجعكم واسأل عنكم

شلون الرجيم معاكم


هااااااا صامدوون

 

[miss_lymoona]

بالعافيه منمن

شلونج الحنونه

اي على طاري الاجهزه عندي جهاز قاري بالبيت كل يوم اتمرن فيه صج احسه يضعف وايد

 

[mn.mn]

هلا والله ليمونة احنا تمام ردينا لرحلة الكفااااااااح والله يعافيج

وزين تسوين كثر ما تقدرين لعبي رياضة والله ما يضعف ويعدل الجسم غيرها

الحين باخذ سناكي قهوة 3 في 1

 

[@البتووول@]

أب أب

 

[mn.mn]

تقرير الأسبوع الثاني

منمن
الوزن السابق 78
الوزن الحالي 77.2
الفرق - 0.8

روعة خيال
الوزن السابق 73.7
الوزن الحالي 73.1
الفرق - 0.6


al7noona
الوزن السابق 82.5
الوزن الحالي 81.8
الفرق - 0.7

البتووول
الوزن السابق 69.4
الوزن الحالي 69
الفرق - 0.4

 

[al7noona]

بالعافيه منمن

شلونج الحنونه

اي على طاري الاجهزه عندي جهاز قاري بالبيت كل يوم اتمرن فيه صج احسه يضعف وايد

هلا والله ليمونه شخبارج وشلونج مع الرجيم ماتبين تشاركين معانا :weight_lift::weight_lift:

اي زين تسوين استمري عليه احسن لج انا احس ماعندي وقت ومرات مالي حلق العب على الجهاز :lkmnkl:

تقرير الأسبوع الثاني

منمن
الوزن السابق 78
الوزن الحالي 77.2
الفرق - 0.8

روعة خيال
الوزن السابق 73.7
الوزن الحالي 73.1
الفرق - 0.6


al7noona
الوزن السابق 82.5
الوزن الحالي 81.8
الفرق - 0.7

البتووول
الوزن السابق 69.4
الوزن الحالي 69
الفرق - 0.4

مبروك منمن شيقه الاسبوع

ومبروك يارشيقات وانشالله الاسبوع الياي نضعف اكثر

 

[mn.mn]

الله يبارك فيج الحنونة وان شاء الله هالاسبوع ننزل اكثر من كيلو

من بعد الخرابيط بعشا امس ان شاء الله اليوم بلتزم وماني مخربطة

ريوقي 2 شابورة وجبن ابيض وخيار وطماط وجاي حليب

 

[خاتم ذهب]

مبروووك النزول بنات


انا مادزيت وزني لاني اصلاا توني مبلشه معاكم ان شاء الله علي الاسبوع الياي ابلش ارسل اوكي

ووزني اول مابلشت معاكم من جم يوم اهوااا 68كيلوو
واليوم بعد وجبه الفطور صرت 67.900<<<<والله في تقدم
ان شاء الله الخميس الياي اكون نازله يارب بصحه وعافيه

 

[mn.mn]

ان شاء الله تنورين التقرير الخميس الياي

 

[al7noona]

شلونكم بنات

اليوم ماخربطت بالزواره الحمدالله وانشالله دووم

خاتم ذهب الاحسن تقيسين وزنج اول ماتقعدين من النوم قبل لاتاكلين شي

 

[al7noona]

السلاااام

اليوم تريقت لاتيه مع قهوه خضره

وتغديت شويه عيش مع مرق

وعشاي نص ستيك صاج







ماشالله القهوه الخضرا واييد تسد النفس انا عندي احسن من البايوجي مادري يمكن لاني احطها مع قهوه لان القهوه النسكافيه وهالسوالف تسد النفس وقهوه خضرا فما احس باليوع كلش احلى شي ههههه قبل امشي واخربط الحين صاده عن الاكل

 

[mn.mn]

صباح الخير

من بعد ما خربطت بالويك اند رديت اليوم التزمت وان شاء الله راح التزم لي يوم الميزان

ريوقي توست وجبن وخيار وطماط وجاي حليب

 

[al7noona]

بالعافيه منمن ولا تعدينها بالتخربط