تجمع قروب(والله وتحقق منايا) لمده 3 اشهر من 90 الى 70 كيلوو

[ام عفاف الكويت]

اشربه بارد ؟
سنوت شنو

 

[جنان2006]

صباحكم خير وعافية على قلوبكم:hjy5jewf:


مدرسة طفشانة


هلا وغلا اشلونج عساج بخير؟؟

ألزم ما عليج صحتج إذا حسيتي إنج قادرة بإذن الله تبدين معانا من غير ما يأثر عليج هالفترة أو عالأقل خففي والله يوفقج إن شاءالله وتنزلين بصحة وعافية يااااارب



أحلى عيون

تسلمين يالغلا ماتقصرين حبيبة قلبي:eh_s(7):



أم عفاف

نوم العوافي إن شاءالله وعليج بألف عافية
طمنينا عنج اشلونج اليوم عسى أحسن؟؟
أم فوفة لا تلعبين بروحج بالعمليات والله مالها أمان خليج عالرياضة وايد أأمن ونفس ماقالت حلووومة جهاز الأوربتراك عجييييب وايد يمدحونه وإن شاءالله انا بعد بشتريه أبي فخوذي اتخف وتشد:eh_s(2):
وميخالف ياقلبي حاسة فيج أكيد يحز بالخاطر بس مو على حساب صحتج وعافيتج واظبي عالرجيم والرياضة وحاولي اتعدلين نومتج وان شاءالله لي وصلتي للوزن اللي تبينه بصحة وعافية سوي نظام تثبيت الوزن لمدة شهر شهرين عشان الوزن اللي نزليته ماتردينه ويظل ثابت بإذن الله:rerrerek:


الحالمة

صباحج ورد:blueSmCLR:
بخير وعافية بفضل الله انتي اشلونج؟
والله نفس الحالة حتى لو أكون مشغولة ولاهية بالبيت وإلا ويا اليهال بس أكون شابكة وكل شوي أجيك عالردود :gathering:
وعليج بألف عافية إن شاءالله يلا هانت بقى يوم الله يقويج ويوفقج ان شاءالله:ggdw:
وأمانة الله يالغالية:bye22:


يمامة

هلا وغلا وعساج دوم بخير وعافية وتشتاق لج الصحة والعافية ياااارب
وعسى ربي يتقبل منج :yaaaaaarb:
وحياج ياقلبي فطورج اليوم معايoster_av1:
ونوم العوافي يااارب ومشكورة على طريقة الكمون كنت أشربه من قبل بس بدون الحبة الحلوة إن شاءالله أرد أسويلي وأشربه وهالمرة بحط حبة حلوة


خشووووفه

هلا وغلا اشلونج ياقلبي عساج بخير؟؟
والله يحفظج إن شاءالله من كل شر:bye22:
اشلون الماي معاج:080402ask_prv:


اللولو

صباح النور:blueSmCLR:
وعليج بألف عافية ان شاءالله


منوووره

هلا وغلا عسى الله يخلي لج اعيالج ويحفظهم لج ياااارب وانا الحمدلله أشتغل بالبيت من تنظيف وغيره ومجابل اليهال بروحه ماخذ وقتي والله يعينا وننزل بصحة وعافية ان شاءالله:yaaaaaarb:
وانا أشرب جاي أخضر (كواليتي) ماحبيت ليبتون

 

[جنان2006]

أم عفاف


السنوت = الحبة الحلوة

وانا كنت أشربه حار أو دافي:nbptr:

 

[جنان2006]

رسيل وبنكية وينكم :gr4uu:

عسى المانع خير إن شاءالله فقدناكم من غير شر

 

[جنان2006]

اليوم بفضل الله صايمة

وكان سحوري : 2 توست أسمر + 1سلايس قليل الدسم + حليب خالي الدسم

 

[ام عفاف الكويت]

ماقدر اسوي اي نوع من رياضه
عشان عملية صدري
لاتفج فوق ماهي مفتوحه

 

[ام عفاف الكويت]

ثبات الوزن شلون قلبي ؟
بس مو الحين لما اوصل الوزن

 

[manarah]

يمامه مشكوره وتسلمين عالطريقه بس بسأل يعني اسوي دولكه حق كل يوم بيومه صح ؟ واشربه دافي صح ؟

بنااااااااات تهقون اشتري الجهاز اللي تمدحونه اللي اهو اوربتراك .. لان انا مشكلتي الفخوذ والزنود .. وياخذ مكان والا حجمه صغير ووين القاه عند الرياضي ؟ وجم المده اللي العب عليه ؟؟ انا ادري ابتلشتوا فيني وباسئلتي بس عذروني ابي ناس لهم تجربه وانتوا فيكم الخير والبركه

 

[خشف الرعآبيب]

بـــــــــــــــــــــــآآآآآآك

 

[خشف الرعآبيب]

بنات توني مسويه تحليل دم

الله يستر لا يكوون دمي ناقص بعد

ذبحني تساقط شعري ولوني اللي مرات يقلب اصفر

 

[خشف الرعآبيب]

خبير التغذية العلاجية (عبدالله المطوع) يفضح مخاطر أدويةالتخسيس ويكشف صندوق أسراره

الريدكتيل​

هي أدوية تعمل على قطع حلقة الاتصال بين المعدة والعقل عن طريق أعصاب الجسم ومع الوقت ولفترة ليست كبيرة بين شهرين أو ثلاثة أشهر يؤدي إلى فقدان 10% من الذاكرة في المستقبل مع كثير من الأعراض الفورية كالصداع والغثيان

الزنيكال​

هذا الدواء يعتبر محور جدل بين الناس ولكن الصحيح هو أن هذا الدواء آمن للأستخدام الخفيف كأخذ حبه واحدة في الاسبوع مثلا ،،

أما مايفعله الناس من تناول 2-3 يوميا فقد يؤدي إلى سرطان المعدة والاسهال الدائم .

احذروا رجيم أتكنز

"اللي د.حسين دشتي سماه بإسمه"
فهو يؤدي إلى :​

* هشاشة العظام
*نقص المناعة
*ارتفاع الكولسترول والدهون الثلاثية

* زيادة الحموضة في الدم

كثرة اتباع الرجيم
تؤدي إلى مناعة تثبيت الوزن​

كلمة السر
الاعتدال في الأكل والتوقف عنه قبل الشعور بالشبع
تطبيق حديث الرسول عليه الصلاة والسلام { ثلث لطعامك وثلث لشرابك وثلث لنفسك }
وهذا معناه :- ان تقومي من الوجبه ولديك الرغبة في أكل لقمتين أو 3 لقمات زيادة ..

رجيم فصائل الدم​

ليس له أي أساس من الصحة ومنظمات التغذية العالمية أثبتت ذلك

الشاي الأخضر​

:ggdw:
بين الوجبات ممتاز لنزول الوزن ومفعولة كالسحر
اشربي 3 أكواب في اليوم شرط أن تكون بين الوجبات وليس بعد الوجبة مباشرة (ساعه أو نصف ساعه على الاقل)
شرط عدم الاعتماد عليه لوحده >> كثيرون يقولون سنشرب شاي أخضر وناكل على كيفنا وهذا خطأ احذر من الوقوع فيه

شاي رويال​

يسبب اسهال مستمر ويؤدي الى ارتخاء عضلة المعدة ،، ويصيب الشخص بالامساك بعد تركه ..

الكورن فليكس​

أكثر الاشاعات شيوعا احتواءه على مواد مسرطنة وهذا خطأ
أكبر دليل على ذلك أن الكورن فليكس يؤكل من عشرات السنين ولم يكن هناك أي تأثير عليهم

شرب الماء​

الاكثار من شرب الماء يخفف من تساقط الشعر

سر عدم نزول الوزن​

عدم الشعور بالجوع هو سر عدم نزول الوزن فلن ينزل مالم تشعر بالجوع
كلما شعرت بالجوع تذكر :
1- انك تسير على الدرب السليم
2- ان اللحظة التي تشعر فيها بالجوع تحرق خلالها الدهون

قطع وجبة العشاء​

لا لقطع وجبة العشاااااااااااء
يفضل ان يكون بدري وخفف منه وذلك بقطع النشويات منه مع الانتباه الى عدم قطع النشويات طول اليوم

أفضل وقت لممارسة الرياضة​

جميع الأوقات مناسبة لكن يجب مراعاة عدم ممارستها بعد الأكل مباشرة لتنجب سوء الهضم الناتج من تدفق الدم في الأمعاء بشكل كبير
وأفضل وقت في رمضان هو ماقبل الافطار بساعة واحدة فقط فهي تحرق الدهون المختزنه مباشرة

شرب الماء والكرش​

هناك اشاعه بان شرب الماء بكثره يزيد الوزن لكن الصحيح انه :-
اذا تم شربه خلال الوجبة يؤدي الى انتفاخ البطن خلال الوجبة وهذا يؤدي الى دفع المعدة الى استقبال المزيد من الأكل ونصيحتي أن يتم اكثار شرب الماء بين الوجبات ..

والتقليل منه مع الوجبة ..

زيادة الطول​

لم يتم اكتشاف شيء لدى خبراء التغذية يزيد الطول نهائياااا
بعد مرور ال 18 الى 20 سنة تنتهي آخر مراحل الطول لدى الانسان ،، ولو كان هناك علاج لكان هناك حل للمعاقين والأقزام

السمنة المتركزة بالظهر والزنود​

تمرين الزنود : حركي يديك الى الأمام والخلف دورة كاملة مثل الدوامة عشر دقائق الى الأمام وعشر دقائق الى الخلف يوميا فهذا من شأنه أن يشد الترهل الذي في اليد بالكامل مع عمل تمرينات خواصر خفيفة وتجنب حمل أوزان ثقيلة

الحبوب الصينية لزيادة الوزن​

احذروا منها فهي مضرة وخطرة وغير مرخصة

وكثيرون ماتوا بسببها



للفــــــــــــــــــــــــآآآآآئده فقط لاغير
دعواتكم لي عسى ربي يسهل امري وافرح اهلي قريب ويحفظلنا امي الغاليه ويهدي اخوي (اللهم آمين )

منقووول من ايميلي :tek:​

 

[يمامة]

اشربه بارد ؟
سنوت شنو

هلا ام عفاف

سنوت هو حبة حلوى

انا يكون درجة حرارة الغرفة الدولكة انا تكفيني 3 ايام

اذا تبين بقلاص تسوين مال الصبح من الليل تنقعينه ومال الليل من المغرب تنقعينة وتشربين انامالي خلق فأسوي دولكة وأخليها والجو الحين بارد

 

[يمامة]

يمامة

هلا وغلا وعساج دوم بخير وعافية وتشتاق لج الصحة والعافية ياااارب
وعسى ربي يتقبل منج :yaaaaaarb:
وحياج ياقلبي فطورج اليوم معايoster_av1:
ونوم العوافي يااارب ومشكورة على طريقة الكمون كنت أشربه من قبل بس بدون الحبة الحلوة إن شاءالله أرد أسويلي وأشربه وهالمرة بحط حبة حلوى

هلاوالله جنان

تسلمين يا قلبي وما تقصرين ترى السنوت هو اللي يشد الجسم انصحج فيه

 

[يمامة]

يمامه مشكوره وتسلمين عالطريقه بس بسأل يعني اسوي دولكه حق كل يوم بيومه صح ؟ واشربه دافي صح ؟

بنااااااااات تهقون اشتري الجهاز اللي تمدحونه اللي اهو اوربتراك .. لان انا مشكلتي الفخوذ والزنود .. وياخذ مكان والا حجمه صغير ووين القاه عند الرياضي ؟ وجم المده اللي العب عليه ؟؟ انا ادري ابتلشتوا فيني وباسئلتي بس عذروني ابي ناس لهم تجربه وانتوا فيكم الخير والبركه

لا الدولكة تكفيج حق تقريبا 3 ايام بدال لاتسوين كل يوم بيومه ويكون بدجة حرارة الغرفة اناكنت قبل اسوي قلاص بالليل عشان اشربه الصبح وقلاص المغرب عشان اشربه بالليل

ساعات يصير مالي خلق فأسوي دولكة وأفتك

الاوربتراك البنات وايد يمدحونه

تاشاي انا استخدم شاي ربيع الاخضر بنكهة النعناع يهبل

 

[يمامة]

مشكووورة خشووووفة على الموضوع

بس تصدقين انا رجيم دشتي وايد ضعفني واعرف ناس وايد ضعفهم وما فيهم الا العافية

واللي يعرف وزني ما يصدق الحين يقولون شكلج اضعف من وزنج

 

[ام عفاف الكويت]

وناسسه كلامج
بطبقه
اكلت لي كاكاوه الصغيييييييييييييره حيل من باتشي عشان الدوخه
واسنان شبت علي
ياربي مالي خلق طبيب

 

[الحــــالمة]

هاااااااااااااااي انا رجعت

لكم حبيبااااااااااتي

فديتكم

احبكم

:tek:

 

[الحــــالمة]

يمامه مشكوره وتسلمين عالطريقه بس بسأل يعني اسوي دولكه حق كل يوم بيومه صح ؟ واشربه دافي صح ؟

بنااااااااات تهقون اشتري الجهاز اللي تمدحونه اللي اهو اوربتراك .. لان انا مشكلتي الفخوذ والزنود .. وياخذ مكان والا حجمه صغير ووين القاه عند الرياضي ؟ وجم المده اللي العب عليه ؟؟ انا ادري ابتلشتوا فيني وباسئلتي بس عذروني ابي ناس لهم تجربه وانتوا فيكم الخير والبركه

حبيبتي والله

عجيب عن تجربة

لو مو زين ما نصحتج

قبل بفخوووووووذي فيه كتل دهنية نفس الكرة

والله ما شالهم الا هو

شريته من الوسيط ب 39 ديناااااااااار

اول ما تستخدمينه راح تتعبين

بس تتعودين عليه عاااااااااااادي

ويعيش الاوربتراك

وهذي الصورة نفس جهااااااااازي بالضبط

 

[الحــــالمة]

وناسسه كلامج
بطبقه
اكلت لي كاكاوه الصغيييييييييييييره حيل من باتشي عشان الدوخه
واسنان شبت علي
ياربي مالي خلق طبيب

سلامتج ام فووووفة

شفيج مرة وحدة تسكربتي

كل يوم مريضة

الله يعينج

الظاااااااهر معطينج عين قوية

:tek:

 

[الحــــالمة]

مشكووووووورة خشوفة

حبيبتي

يعطيج العاااااافية

هذي النصااااااايح قريتها قبل

بالنت والمشكلة

للحين استخدم شاااااااي رويال

خلاص ادمنت عليه