مرحبااا دكتوره شلونج حبيبتي
دكتوره ابي اطرحلج مشكلتي
1- بنتي عمرها 6 اشهر لمه امسكهااوقفها على ريلها توقف اشوي وبعدها على طوول تجفس يعني ماتسمت ريلها والكل قالي وديها الطبيب جيكي على ريلها ودييتها دكتوره عفاف الرومي شافتها قالت طبيعيه بس يبيلها مساج بالريل والادين فقط رحت الهادي عند المساج الطبيعي شافها الدكتور وحرك ريلها قال مافيها شي وسوالها اشعه على الحوض قال زييين بس على الحسافه لبسيها 2 بامبرز قتله ليش قال على كييفج اهي ماتحتاج اذا بتطمنين لبسها بامبرزين لمده شهر واايد احاتي ريلها واهي ليلحين ماقلبت قلبه عدله يعني على جمب وتحاااول تقلب ترفع راسها بس ماتقدر وحركه ريييلها زييينه بس المشكله لمه اوقفها تجفس ريييلها؟؟؟؟
2- الدكتوره ذمتلي حليبها سيميلاك تقول هذا مااااافيه حديد والياهل الحين محتاجه تقول غيري ابتاميل او بروميل قتلها حرام البنت حابته قالت بعطيج فيتاميييين اسمه multiplus junior هذا في حديدوانا اشوف انه فاتح الشهيه وبنتي اسم الله عليها صحتها وايد زيينه مابيها تمتن قالت عطيها وره الاكل مايمتن مره وحده وقريت عليه مكتوب من سنه الى 12سنه شلون تعطيني حق 6 اشهر واهي صحتها زييينه بس عشان فيه حديد صج سيميلاك مافيه حديد ؟؟؟؟؟
مشكوووووره يادكتوره على طوووولت بااااالج معانه
1- مثل ما قال لج الدكتور هالشي طبيعي بهالعمر لما توقفينها تجفس ريلها
كونها تقلب نص قلبة هم طبيعي لعمرها
تطورها طبيعي حسب ما قلتي لا تحاتين
2- حبيبتي جميع انواع حليب الأطفال تحتوي على نسب محددة من الحديد و القيتامينات و المعادن تحددها منظمة الصحة العالمية مالها علاقة بأنواع الحليب و الشركات المنتجة
و ماله داعي تغيير الحليب ولا الفيتامينات
السيميلاك فيه حديد حاله حال اي نوع حليب ثاني و بعدين الحديد اذا زاد بالحليب يسبب امساك
هذا رايي و الاختيار لج
دكتوره انا ولدي عمره 4 سنوات جاله الهربس الفموي مرتين مره وعمره سنه ومره وعمره 2 هل سيتكرر معه وماهو الشي سواء من اعشاب او فيتامينات لمحاربه هاذا المرض وهل هااذا المرض ممكن يخلق شخصيه عصبيه للطفل او ماله دخل والف شكر ثاني شي بالنسبه لكبد الحوت هل هو يزيد من طول الطفل
ممكن يتكرر للأسف
ماكو شي لمحاربة المرض
و هالمرض ماله علاققة بشخصية الطفل
و كبد الحوت ما يزيد الطول بس يقوي العظام
يعطيج العافيه دكتورة انا بناتي عمرهم 5 شهوور ما يحبون يشربوون حليب يعني بس اعطيهم اكل وعصير مرة باليوم وبس واهما نايمين يشربون حليب يعني مرتين باليوم بس ومرات ما يخلصوونه كله ؟ عادي ولا الكمية قليلة ! انا استخدم اس 26 من زمان وطايح عليهم بس مرة وحدة قاموا ما يحبون يشربون حليب ! اغيره ولا طبيعي وكافي مرتين باليوم ؟
وللحين ما يقلبوون ووحده منهم لما احطها على بطنها ترفع راسها بس الثانية راسها كله تحت ! عادي توهم صغار ولا لأ ؟ وشكرااااا جزيلا
حبيبتي ممكن تعطيني جدول رضاعتهم و اكلهم بالوقت و الكمية الدقيقة اللي شربوها وا كلوها بالضبط على مدى الاسبوع
علشان اقدر احسب لهم الكمية اذا زينة ولا لأ و بعد ابي اوزانهم اذا ممكن
قوه دكتوره بس عندي سؤال الله يعطييج العافيه
بنتي الي قتلج عنه عمرها6اشهر متى احطها بالدراي ومتى تحبي ولدي سنه و9 اشهر وزنه 11كيلو وانا يايبته 3 كيلووو وزنه طبيعي وطوله 85
وجزاج الله خير
تقدرين الحين تحطينها بالدراي اذا تبين بس مو اويد علشان لا تتأخر بالحباي و المشي
وولدج وزنه ممتاز تبارك الرحمن
دكتوره بنتي عمرها شهرين وااايد قامت ترجع حليبها كان ابتاميل كومفرت ووديتها عند الكتور عطاني دوا قبل بربع ساعه وغير حليبها حق نوفولاك اي ار استمرت عليه اسبوعين هم كانت ترجعه بس مو كثر هذاك رديت على الابتامال لان نوفولاك وااايد غازات وماتقدر تنام واايد تأذت وردت ترجع شسوووي مو عارفه شنو الحل
اذا وزنها يزيد يكون هذا ارتجاع بالمرئ
تحتاج اي نوع حليب مضاد للارتجاع
مو شرط نوفولاك اي ار
و اذا مرتاحة علة الابتاميل تقدرين تسوين اللي بقول لج عليه
تحطين مع الرضعة قفشة ميلوريس ( علبة لونها ازرق ميلوبا ارز مجروش ) هذي تثقل الرضعة و ما تخلي البيبي يرجع
مع الدوا اللي قبل ربع ساعة ممتاز
و تخلين البيبي ساعة بعد الرضعة مرتفع على كرسي
هذا راح يقلل الترجيع بإذن الله
مرحبا دكتوره شاكره لج تعاونج معانا يعطيج العافيه....
انا ولدي له ثلاث اسابيع في الشهر الرابع وحليبه نوفلاك كان مرتاح عليه معنه مامتن ولاتغير عليه بس المشكله الحين مايبيه وكله يتصدد عن المميه ومايرضع رضعه كامله شتنصحيني فيه وشنو احسن حليب له وشكراا
لا تغيرين الحليب صبري شوية و بيرد يرضع عادي
اهم شي لا تحطين له شي يغير طعم الحليب من بسكوت او سيريلاك ديري بالج مو زين
السلام عليكم دكتوره
عندي استفسار واتمنى تجاوبيني عليه لانه من جد مقلقني
بنتي هالايام كل مانامت الليل وطيتها رضعتها تقوم بعد نصف ساعه بالضبط وترجع الحليب مدري ليش مع انها مفيها شي أبد والحمدلله بس مدري ليش تستفرغ قالت لي الوالده يمكن عشانك تعشينها وتعطينها حليب وتصير مغتثه بس انا ماأعطيها الحليب الا بعد ساعتين ونص او ثلاث ساعات من عشاها
وصرت ماأعشيها واعطيها الحليب بس وبرضوا تستفرغ والله احترت منها
علما انها تقوم من النوم وهي مفزوعه هل يمكن يكون الاستفراغ من الخوف او اغير لها حليبها
علما ان عمرها سنتين وتشرب حليب بروجرس
يمكن الحليب ثقيل عليها
ممكن تغيرين الحليب الي حليب اطفال عادي او حليب طازج اخف لها من البروجرس
و العشا يكون خفيف مثل توستة و جبنه او كورن فليكس
