تجمع 2010 بدون رجيم محدد

[شيخة الغراشيب]

صبحج الله بالنور والسرور
ياويل حالي الف الف الف الف الف الف الف مبرووووووووووووووووووك غناتي ان شاءالله تنزلين اكثر وانتي بصحه
وسلامه
بشرج ربي بالفردوس قولي امين الحمدلله نحن ماشين على الرجيم

 

[dreamy_83]

قوووووة بنات انا اول مرة اشارك معاكم تريقت بيضة مسلوقة و الحين قاعدة اكتب وانا اشرب شاي اخضر وان شاء الله ما راح آكل شي لي الغدا
شدووووو حيلكم

 

[شيخة الغراشيب]

مرحبا غناتي منوره فديتج وحياج الله ويانا
بالعافيه اللي كلتي غناتي واللي بتاكلينه على الغده
لاتنسين الرياضه غناتي
وانتي بعد شدي حيلج وان شاءالله بنشد حيلنا
ماقلتي كم وزنج وطولج ومتى باديه رجيم والا بس تخفيف

 

[dreamy_83]

انا طولي 158 ووزني 74
توني والدة صار لي شهرين وحدي متأزمة من وزني!!!! قاعدة احاول اسوي ريجيم بس ما ينفع معاي اني امشي نظام واحد فقاعدة اسويه بطريقتي الخاصة

 

[شيخة الغراشيب]

الف مبروك والحمدلله على سلامتج غناتي
ان شاءالله بتنزلين خففي كثر ماتقدرييين وحاولي ماتتعشين لو تعشيتي حاولي تاكلين شي خفيف
لاتنسين تسوين رياضه لو نص ساعه يوميا

 

[dreamy_83]

الله يبارك فيج حبيبتي وان شاء الله اقدر اضعف

 

[شيخة الغراشيب]

يارب خلي عندج هدف ولازم توصلينه وربي يوفقج

اكل خياره

 

[كراميلا مرة]

صباح الخير بنوتات رشيقات
انا توني جالسه وفطوري بيضه مسلوقه وشريحتين جبن
وامس الحمدللله ماخربطت ابد
والف الف مبروك ام يويو الكيلو وان شاء الله نسمع اسبوع الجاي اخبار تبشر
وبالعافيه شيخه الفطور ومطرح مايسري يمري

والبنات البقيه توينكل واودو طمنونا عليكم عسى المانع خير ان شاء الله

 

[شيخة الغراشيب]

الله يعافيج غناتي وانتي بعد بالعافيه اللي بتاكلينه

 

[dreamy_83]

بالعافية كاراميلا

 

[dreamy_83]

انا قريت في النت ان الشاي الأخضر وايد مفيد بس تتوقعون جم مرة لازم اشرب في اليوم عشان اييب نتيجة؟
انا الحين قاعدة اشرب ثاني كوب

 

[شيخة الغراشيب]

اسمعي غناتي لازم تشربينه 3 مرات على الاقل باليوم
انا عن نفسي انسى والله بس الدكتور كله يقول اشربوا شاي اخضر لانه
يحرق

 

[dreamy_83]

انا ناوية اكثر من 3 مرات
الحين انطر عقب اذان الظهر بروح اسوي لي بعد كوب

 

[شيخة الغراشيب]

بالعافيه عليج بس لاتحطين معاه شكر الرجيم لانه يثبت الوزن قراءة مره عنه

 

[um_yoyo]

حياج دريمي و تو الناس عليج توج والده و انشالله وزنج ينزل بسرررعه بس ابتعدي عن النشويات و السكريات

انا بس اسوي جذي بالاربعين انزل 10 كيلو

و بعدها انزل بطيء لغاية 6 شهور تبقى 5 كيلو امعلقين و اذا هملتيهم يزيدون الدبل نفس الي صار معاي الحين بنزلهم هالعشره مو قادره

 

[dreamy_83]

هلا والله ام يويو
قاعدة احاول وانشاء الله ناوية كل اسبوع كيلوين

 

[كراميلا مرة]

الله يعافيكم
ونا الشاي الاخضر احبه خاصة اللي بالنعناع
بس حسيت اذا كثرت منه وزني ماينزل كثر او يثبت وهالايام
بس اشرب كوب او ثنين ما كثر واشرب اكثر شيء زنجبيل او دارسين بالزنجبيل لانه يقولون حيل يحرق دهون ويمتهم

 

[um_yoyo]

صبحج الله بالنور والسرور
ياويل حالي الف الف الف الف الف الف الف مبرووووووووووووووووووك غناتي ان شاءالله تنزلين اكثر وانتي بصحه
وسلامه
بشرج ربي بالفردوس قولي امين الحمدلله نحن ماشين على الرجيم

يمه ياحلو كلامج عسل الله يحفظج :ggdw:

 

[dreamy_83]

الزنجبيل حاااار ما اتوقع اتحمله!

 

[كراميلا مرة]

اي اهو حار بس انا ماحط كميه كبيره بس اشوي استخدم البودره واحط ملعقه صغيره اذا تبين حطي بس نص ملعقه صغيره