شاورما امريكانا الدجاج واللحم شتسوون فيها ؟

[رفرف]

شلونكم ياطباخات ؟
اليوم وانا اسوي مئلوبة كوين طق براسي سؤال ..
طبعا اغلبنا يدور عالسهل لما انيي نطبخ .. وامريكانا وماجي وكتور وربعهم الله يعافيهم سهلو علينا وايد ..

اللي بعرفه شنو طرقكم لطبخ شاورما الدجاج واللحم من امريكانا ..
فناتق ؟
افكار ؟
طبخات غريبة او حتى خفايف ؟؟

 

[رفرف]

مشاركة: شاورما امريكانا الدجاج واللحم شتسوون فيها ؟

بالنسبة لي ..
شاورما اللحم :
اسوي فيها مئلوبة .. (طريقة كوين)
ايريش بيف (بعد طريقة كوين ولو انها احلى مع الستيك ) ..
احمسها مع بصل وفلفل اخضر ومشروم واحط فوقها جبن موزاريلا ومايونيز واحشي فيها الصمون ..
او اسويها مثل شاورما المطاعم مع طحينة وبصل وطماط وبقدونس وخبز صاج واقطعها رولات ..


شاورما الدجاج :
اسويها مع صينية البطاط ..
مع المعكرونه وصلصة الترياكي او الصويا ..
مع الشوربة (اسوي شوربتي عادي واحط فيها قطع الدياي اذا ماكنت فايحه دياي اصلا)
نفس شاورما المطاعم بس احط معاها صلصة ثوم بدال الطحينة ..
احمسها مع اي شي ابيه تصير حمسة عادية ..

 

[دموع-الاصايل]

مشاركة: شاورما امريكانا الدجاج واللحم شتسوون فيها ؟

السلام
حبيبتى انا بعلمج طريقتى و ياليت تجربينها لانها فعلا روعة انا جربتها مرة باللحم و مرة بالدجاج كل مرة اخلى من الثانيه

حبيبتى تجمسين الشاورما حمستج العادية بس تضيفين معاها الملفوف(الكرنب) تقصينة شرايح و تقلبينها على النار مع البصل و البهارات و الفلفل البارد و الخ........

بعدين تجيبين الصينيه البايركس و تحطين بالقاعة (شرايح ملفوف)
بعدين تجيبين شرايح السمبوبة (اى نوع) و ممكن تستبدلينها بشرايح السبرنق رولز ..عادى ما في مشكلة
وتاخذين شريحة السمبوسة و تحطين الحشوة(الشاورما) على الطرف و تلفينها بشكل اسطوانى مثل السبرنق رول (عادر تكون اطرافها من الجوانب مفتوحه) و تصفبنها بالصينية على الملفوف و لما تخلصين
تخلطين
(1 قلاص جبن كرافت صغير + ا قيمر + 3 ملاعق مايونيز ) بالخلاط و تحطين الخلطه على السمبوسة
و تتدخل الفرن من تحت شوى و تتحمر من فوق
و بالعافية
والله راح تاكلون اصابعكم وراها . والاحلى من هذا كلة ان شكلها حيل راقى كانة احسن شيف مسوية او كانة من مطعم
لا تنسين تردين على اذا جربتية ..و ادعيلى عاد

 

[al7anona]

مشاركة: شاورما امريكانا الدجاج واللحم شتسوون فيها ؟

وايد اشياء

 

[رفرف]

مشاركة: شاورما امريكانا الدجاج واللحم شتسوون فيها ؟

دموع الاصايل مشكورة على الطريقة من زمان ودي اجربها وانشالله بجربها عالاسبوع الياي واقولج اشصار معاي ...

شمعة الحب .. اي مو احنا نبي نعرف الاشياء الوايد

 

[رفرف]

مشاركة: شاورما امريكانا الدجاج واللحم شتسوون فيها ؟

دموع الاصايل قاعدة اسويها الحين واقولج اشصار العصر عقب ما ناكلها وبحاول احط صورة انشالله

 

[رفرف]

مشاركة: شاورما امريكانا الدجاج واللحم شتسوون فيها ؟

هاذي صورة الطبق

وهاذي صورة قطعه منه بالصحن

 

[al7anona]

مشاركة: شاورما امريكانا الدجاج واللحم شتسوون فيها ؟

تسوين الشاورما مع السندويشات
مع المعكرونيه بالباشميل بدال اللحم المفرووووووووووووووووووووم
تحطينها مع مقلوبة الخضرا اللي اهوا عيش ابيض مع بصل وبطاط فلفل اخضر وجزر وطماط وتحطين وياها الشاورما الافضل انها تكوون شاورما لحم
وبعد اذا تذكرت اقوووووولج

 

[al7anona]

مشاركة: شاورما امريكانا الدجاج واللحم شتسوون فيها ؟

مشاءالله رفرف الطبق يهبل ممكن تحطين الطريقه

 

[jolie_q8]

مشاركة: شاورما امريكانا الدجاج واللحم شتسوون فيها ؟

مشكوره رفرف على الصور

بس اشلون الطعم ؟؟

 

[رفرف]

مشاركة: شاورما امريكانا الدجاج واللحم شتسوون فيها ؟

شمعة الحب
مشكورة على الطرق الحلوة وهاذي طريقة الأكلة اللي كاتبتها دموع-الأصايل سويتها وصورتها لكم .. بس ماكان عندي قيمر فحطيت كريمة كي دي دي ...


جولي ..
الطعم حلو وغريب انا احب هالسوالف وعجينة السميوسك ماتكون مقرمشة لا ذايبة والصلصة الغالب عليها طعم الجبن كرافت اذا تبين تغيرين حطي جبن عادي مثل التعاون او خلطي نوعين اتوقع يكون احلى يخفف الملوحة ....
و انا سويتها وتغدينا فيها والزايد وديته بيت اهلي طيروه بالعافية وسألو نفيشه عن الطعم تعشت فيها اليوم ..

 

[جارة القمر]

مشاركة: شاورما امريكانا الدجاج واللحم شتسوون فيها ؟

رفرف


يا حياتي


لم سويتي طريقة دموع الأصايل


حطيتي شاورما أمريكانا

ولا أتيبين اللحم من الجزار


والجبن القلاص العود ولا الصغير وقيمر كي دي دي العود ولا الصغير

وأمبين عليه روعه

أبي أجربه

ممكن تردين علي وشكرا

 

[رفرف]

مشاركة: شاورما امريكانا الدجاج واللحم شتسوون فيها ؟

حبيبتي جارة القمر ..
الشاورما من امريكانا الجاهز شاورما اللحم ..
والجبن القلاص الصغير ..
وما حطيت قيمر ماكان عندي .. حطيت علبة كريمة كي دي دي الحمرا علبة كاملة ..
وعليج بألف عافية

 

[مطفوقه^ملقوفه]

مشاركة: شاورما امريكانا الدجاج واللحم شتسوون فيها ؟

يااااااااااااااي تشوق
بجربها انشالله بس احس مع الكريمه احسن لان القيمر ماراح يخفف ملوحة الجبن الا اذا غيرناه
يوعتيني

 

[أوركيد]

مشاركة: شاورما امريكانا الدجاج واللحم شتسوون فيها ؟

هني وعافية ....شكلها وااايد شهية الاكلة ...بس بنات فيه شي .....

ماتحسون شورما الدياي مالت امريكانا فيها زفرة وايد...اللحم ما جربتها !!!

تفرق عن الدياي لما تفوحينه..

 

[رفرف]

مشاركة: شاورما امريكانا الدجاج واللحم شتسوون فيها ؟

حياكم الله بنات وبالعافية مقدما (اخاف انا اللي امألفة الطبخة بس .. الله يعافي دموع الاصايل )


مطفوقة ..
انا حطيت قلاص كامل جبن كرافت حسيته مالح يعني اذا تحبين حطي نص كرافت ونص التعاون مثلا يخفف الملوحة ..


اوركيد
شاورما الدياي ماعمري كليته بروحه لازم احمس معاه بصل او بصل وفلفل اخضر واحط بهارات لاااازم ... وحتى اللحم نفس الشي ..

 

[جارة القمر]

مشاركة: شاورما امريكانا الدجاج واللحم شتسوون فيها ؟

رفرف

يا قلبي


شوفي يا عمري


أنا شنو اسوي

بس لا تضحكين


أنا أسوي معكرونه عاديه


وأسوي الشاورما حمسه


وأحطه معاه






أو أسوي حمص أو حمص معلبات


وأزينه بالشاورما

تصير حمص باللحمه نفس المطاعم

وزوجي يعجبه الحمص




أو أجيب خبز صاج


وطبعا اسوي حمسة الشاورما يا قلبي


وأحط الشاورما مع بقودنس وشرائح الطماطم وإذا تحبين بصل والخيار المخلل


وصلصة الطحينه

تطلع عجيبه


وتقدرن تسوينه علي صغار مو كبار



هذي أمكانياتي

يا حياتي

وأسمحيلي

 

[مطفوقه^ملقوفه]

مشاركة: شاورما امريكانا الدجاج واللحم شتسوون فيها ؟

جربتلج طريقه حلوووووووووووه
فوحي معكرونه مع بهارات لين تنضى (طبعا وزيت)
وسوي شاورما اللحم نفس طريقة الدياي بالكريمه حطي المعكرونه وفوقها الخلطه بس تأكدي ان في كمية كريمه يعني مو ناشفه
لو تييبين الصحن مال الأكل وتحطين معكرونه وفوقها الشوارما وجذي حق كل واحد بياكل شكلها حلو وذرب جنه شغل مطاعم ولذيذه واللي بياكل يخلطهم
تقدرين تخلطينهم قبل التقديم بس شكله أحلى اذا صار طبقتين يشوووووووووووووووق

 

[رفرف]

مشاركة: شاورما امريكانا الدجاج واللحم شتسوون فيها ؟

جارة القمر طريقتج حلوة للشاورما والمعكرونة ومشكورة على المشاركة

مطفوقة
كثري من هالحركات بعد كملو ابي اكلات سهلة بالشاورما حق ايام الدوااااامات مالي خلق اطبخ

 

[mona78]

مشاركة: شاورما امريكانا الدجاج واللحم شتسوون فيها ؟

آنا أحمس بالزيت الزيتون شوية شرايح البصل مع شوية ثوم و فلفل أخضر شرايح صغيرة و شوية بصل أخضر مع مكعب ماجي و أضيف الشاورما ( لحم أو دجاج ) مو مشكلة و طبعا تضيفين بهاراتج و فلفل أسود و شوية فلفل أحمر و بعدين أضيف جبنة فونك ( شيدر) مبشورة و احط مايونيز و أحشي الخبز الصاج و أقطعه رولات أو أحشي البريوش و أدخله الفرن شوي يتحمش شي بسيط

أو طبعا الطريقة العادية حق الشاورما مع الطماط و البقدونس و الطحينة ...