شاورما امريكانا الدجاج واللحم شتسوون فيها ؟

[bambena]

يوعتونا
انا اي شي فيه دياي ولحم استخدمهم فيه

شاورما ، صينيه ، مكرونه ، كللللللللل حاجه

 

[مشغوله و محتاسه]

واي تيوعون الواحد حتى لو انه توه متغدي :"))))

ما شاء الله عليكم بنات .. افكار لذيذه

<--شغالتها يديده و بترد تطبخ

 

[جورية كويتية]

عندي طريقه عجيييييييييييييبه حق شاورما الدجاج
اذا سويتها بصورها واحطها
عاد نطريني انتي لوول ^_^
بس صج عجيييييييييبه عمتي علمتني عليها وعمتي تعلمتها من بيت يدي وبيت يدي ما ادري منو علمهم عليها لووول

 

[رفرف]

يالله جوريه ناطرينج ..

 

[ام عبدالله2006]

مشكورين

 

[زهرة اللوتس]

خوش موضوع رفرف
البنات ما قصرو بس انا اكثر شي الفها بخبز بناني خفيف واحط معاها بصل وهردة

 

[جورية كويتية]

هذي طريقة شاورما الدجاج

http://www.q8yat.net/showthread.php?t=59681

وهذي اللحم

http://www.q8yat.net/showthread.php?t=59683

^_^

 

[الام الحنونه]

بالنسبه لي انا اسوي العيش الصيني بشاورما الدجاج بس للاسف ما عندي صور

الطريقه:تحمسين بصل يكون مقطع صغير مع الخضروات المشكله المثلجه مع الشاورما وتحطين بهارات مثل الكاري والفلفل الاسود والكمون وماجيه وحده وتحطين عليهم 10 ملاعق صويا او زياده على حسب الرغبه انا كنت مسويه جيلتين عيش المهم عقب ما تخلص الحمسه كتي العيش عليهم والماي وبعد 5 دقايق قلبوا قلبه وحده ونطروا لما يستوي ولما يستوي وتحطونه بالصحون حطوا الصويا يم الصحون ورشوا منها شويه عند الاكل ترا الاكله عجيييييييييييييييبه وبالعافيه

 

[بـــطوووطه]

انا اسوي فيهم شاورما صغار بالصاج

واسوي صبق بس ناسيه مكوناته

ولا يهمج لعيووونج راح اسال مرت خالي عنه لانها اهي الله يجزاها خير علمتني عليه

 

[^kloOot^]

انا اييب مقله تيفال واييب بصل شرايح وفلفل اخضر شرايح وفلفل اصفر شرايح وعلبه صغيره مشروم مقطع واييب شاورما دجاج (امريكانا )احطه فوقهم واحمسه معاهم واحطه ماجي مكعب واحد بس
بدون بهارات ولا شيء لانه بروحه الشورما فيه

واييب صمون (بريوش)وادهنها بمايونيز او اذا ماتبين دهنيها بجبن كرافت (قلاس)
وحطي الحمسه اللى سويتيها ودخليها الفرن 10 دقااااااايق


عجيبه

 

[ناني سيكرتس]

تسلم ادينكم كلكم على هالطبخات, واللع كنت بحط موضوع عنه بس ماشاء الله لقيت الموضوع من غير لا اكتبه..

 

[sOkOnOnO]

في بعد شاورما التيركي شريتها من كارفور

 

[Q8ia_100%]

بنات شاورمتهم الدياي مو زفره؟
اشوف وايد بنات يستخدمونها بالمنتدى

 

[رفرف]

كويتيه


انا ما عتمد على بهاراتهم ..
لازم احط له بهارات وكلشي ما تصير زفرة ...

 

[gumasha]

تسلم ايد الجميع على جميع الوصفات الغير معقوله

 

[بنت المنوخ]

تسلم الايادي

 

[دراما كوين]

ابب

 

[استايل الكويتية]

انا اسويها معة واااايد اشياء مثل

معة المعكرونة

احشيها داخل السندويج

على عجججججججججينة البف بستري

 

[Mis$ LeO]

رد: مشاركة: شاورما امريكانا الدجاج واللحم شتسوون فيها ؟

السلام
حبيبتى انا بعلمج طريقتى و ياليت تجربينها لانها فعلا روعة انا جربتها مرة باللحم و مرة بالدجاج كل مرة اخلى من الثانيه

حبيبتى تجمسين الشاورما حمستج العادية بس تضيفين معاها الملفوف(الكرنب) تقصينة شرايح و تقلبينها على النار مع البصل و البهارات و الفلفل البارد و الخ........

بعدين تجيبين الصينيه البايركس و تحطين بالقاعة (شرايح ملفوف)
بعدين تجيبين شرايح السمبوبة (اى نوع) و ممكن تستبدلينها بشرايح السبرنق رولز ..عادى ما في مشكلة
وتاخذين شريحة السمبوسة و تحطين الحشوة(الشاورما) على الطرف و تلفينها بشكل اسطوانى مثل السبرنق رول (عادر تكون اطرافها من الجوانب مفتوحه) و تصفبنها بالصينية على الملفوف و لما تخلصين
تخلطين
(1 قلاص جبن كرافت صغير + ا قيمر + 3 ملاعق مايونيز ) بالخلاط و تحطين الخلطه على السمبوسة
و تتدخل الفرن من تحت شوى و تتحمر من فوق
و بالعافية
والله راح تاكلون اصابعكم وراها . والاحلى من هذا كلة ان شكلها حيل راقى كانة احسن شيف مسوية او كانة من مطعم
لا تنسين تردين على اذا جربتية ..و ادعيلى عاد

انا مجربتها ........ فعلا لديييييييييييييييييييييييده _03ba:

 

[MoonDiamond]

سوي سلطة شورما:

قطعي طماط الصغير انصاص وخس وبقدونس ومخلل خيار وخلطيهم بالبايركس وفوقهم حطي الشورمه المحموسه مع البصل وفوقهم الصلصه الا وهي قوطي روب وعلبة حمص بالطحينيه وعصير ليمونه وشوية ملح


وبالعافيه:rerrerek: