شاورما امريكانا الدجاج واللحم شتسوون فيها ؟

[mona78]

مشاركة: شاورما امريكانا الدجاج واللحم شتسوون فيها ؟

و في طريقة بعد اسويها بشاورما الدجاج أو مسحب الدجاج .. أحمس بالزيت شرائح بصل و ملفوف شرايح و جزر مبشور طبعا تضيفين ملح و فلفل أسود و صلصة الصويا و تضيفين شاورما الدجاج و مشروم و بعدين .. تحطين الخلطة في بايركس تآخذين بطاط مسلوق و تهرسينه و تحطين عليه ملعقة مايونيز و 3 ملاعق ماسترد و تهرسينهم مع بعض و تكورينهم و تحطينهم على خلطة الدجاج و ترشين شوية سماق و نعناع ناشف .. و دخليها شوي الفرن

 

[مطفوقه^ملقوفه]

مشاركة: شاورما امريكانا الدجاج واللحم شتسوون فيها ؟

يم يم يم منى شكل اللي بالبطاط لذييييييييذ
تسلم ايدج

 

[mona78]

مشاركة: شاورما امريكانا الدجاج واللحم شتسوون فيها ؟

الله يسلمج حبيبة

 

[مُــنية]

مشاركة: شاورما امريكانا الدجاج واللحم شتسوون فيها ؟

انا استخدم شاورما الدياي بالساندويشات عادي اسوي لها حمسة و احشي الصمون مع شوي مايونيز او اسوي فطيرة الدياي طريقتها

احمس بصل و ثوم و فلفل اخضر و احمر و اصفر و مشروم مع زبدة بعدين اضيف عليهم الدياي على ما يستوي ممكن اضيف ذرة معلبات حجم صغير و كريمة كي دي دي الحمرة بعدين بالبايركس اصف البف باستري اغطي البايركس فيها و اخلي حتى الجوانب فيها قطع بف باستري بعدين اصب الشاورما و اغطي الدياي في باقي عجينة البف باستري و ادهنها بشوي بيض و شوي ازينها بزعتر الاورجانو تعطيها ريحه و اتركها بالفرن على ما تحمر و سلامتكم

بالعافيه

 

[رفرف]

مشاركة: شاورما امريكانا الدجاج واللحم شتسوون فيها ؟

مشكورين بنات على هالافكار الحلوة ....

هل من مزيد ؟
ورانا دوامات نبي اشياء سهلة

 

[مطفوقه^ملقوفه]

مشاركة: شاورما امريكانا الدجاج واللحم شتسوون فيها ؟

يم يم يم سنع ومنع شوقتيني

 

[رفرف]

مشاركة: شاورما امريكانا الدجاج واللحم شتسوون فيها ؟

بنات انا سويت اكلة دموع الاصايل وكل مرة اغير شي بالصلصة واحلى شي وصلتله نص قلاص جبن كرافت ونص قلاص جبن كيري الجره وعلبة كريمه كي دي دي وادعولي

 

[أمواج البحر]

مشاركة: شاورما امريكانا الدجاج واللحم شتسوون فيها ؟

ما شاء الله عليكم تسلم ايدياتكم

انا احب شاورما الدياي

وفي طبق اسويه واايد حلو وبسيط

اقطع بطاط شرايح واقليه و اضيف عليهم جزر شرايح

واخليه لما كلش يذوب بس ما اكثر الدهن و بعدين اضيف فلفل اخضر

وبنفس الطريقة اخليه لما يذوب واخر شي اضيف الملفوف المقطع شرايح

واخليهم كلهم مع بعض واخلطهم و احط معاهم نص مكعب ماجي

وبعد ما يستوون اضيف عليهم شاورما الدياي وشوي صلصلة صويا

واقلَب فيهم

وبعدين احطهم في ماعون بايركس واحط فوقهم كلاس كبير جبن التعاون او على حسب

الكمية و قيمر و شوي ملح و احطه بالفرن لما يتحمر من فوق

والله الطعم حلو

جربوه وادعولي

 

[رفرف]

مشاركة: شاورما امريكانا الدجاج واللحم شتسوون فيها ؟

مشكورة امواااااااااااااااااااااااااج طريقتج سهله وشكلها حلوة

 

[مطفوقه^ملقوفه]

مشاركة: شاورما امريكانا الدجاج واللحم شتسوون فيها ؟

أنا الحين الطباخ قاعد يسويلي حمسة الشورما وبيلفها بالسبرنغ رولز
أي نوع أنتوا تاخذون؟؟؟ أنا خذيت الصيني
شوفي صلصتي غير
(1جبن كرافت صغير+قلاص جبن كرافت نفسه ماي + قيمر + كريمه حمرا kdd)
وأصبهم وأحطهم بالفرن خل تخلص وأقولكم اشصار

 

[jolie_q8]

مشاركة: شاورما امريكانا الدجاج واللحم شتسوون فيها ؟

انا ودي اجربها حق المسخن ..اشرايكم ؟؟ تهقون تضبط

رفرف

ودي اسوي نفس طريقتج بس بالشاورما...اشرايكم ؟

 

[رفرف]

مشاركة: شاورما امريكانا الدجاج واللحم شتسوون فيها ؟

مطفوقة ....

اشصار ؟
انا ماستخدم عجينة السبرنغ رولز ...
استخدم عجينة السمبوسك العادية (امريكانا)



جولي
نفيشة جربت شاورما الدياي حق المسخن تقول طلع حلو ...

 

[مطفوقه^ملقوفه]

مشاركة: شاورما امريكانا الدجاج واللحم شتسوون فيها ؟

وي نسيت عبالي رديت عليكم خخخخخخخخخ
لا اشحلاته طلع يهبل بس يبيلها العجينه شوي بالفرن تنضى

 

[رفرف]

مشاركة: شاورما امريكانا الدجاج واللحم شتسوون فيها ؟

عليكم بالعافية

 

[flowar55]

مشاركة: شاورما امريكانا الدجاج واللحم شتسوون فيها ؟

مشكورين خواتي على الوصفات اللذيذة
بس شاورما الدياي احس انها مبهرة خالصة ومالحة نوعا ما

يعني ما يبيلها صويا

لان الصويا بروحها مالحة

ولا شرايكم

 

[لعيون ساره]

العجينه مو لازم تنطبخ او تتقلى ؟؟
ماعندي فكره اول مره اجربها عادي تؤكل جذي؟

 

[رفرف]

لعيون ساره لا ما تنطبخ تصير جنها كانيلوني ..

 

[د.شريفة]

دموع الاصايل شوقتينا على طريقتج بجربها ان شاء الله

 

[Harmony]

شوفى انا اقولج شنو اسوى فى شورما الدجاج الحم الصراحة ما جربتها
انا اسويها ميني مسخن و تنفع عشى و تنفع مقبلات حق العزايم شوفى يا طويلة العمر
تقصين بصل شرايح طوال وااااااااااااااااايد يعنى 3 بصلات تقريبا و تحمسينه لين يذبل و يحمر و عقبها تطلعين الشورما من الفريزر و على طول تحطينها فوقه و تقلبين و لبدت تنظى حطى بهاراتج و عصير ليمونه و قلبيه عدل مدل و عقبها يبيلج خبز الصاج اللى ينباع بالجمعية بجياس و قصى اطراف الخبز المتان هذول ما تبينهم و بعدين قصى الخبزه ارباع و ذوبي مكعبين ماجى فى ماي حار و غطى كل ربع بهالماى و بسرعه شيلية مو تنقعينه و حشى كل ربع من الشورما و رشى فوقها سماق و لفيى الخبزة جنج تلفين سبرنق رول و صفيهم بماعون بايركس و سوي هالطريقة لين تخلصين الكمية بس اهم شيء انج تخطين الربع و تحشين على طول سوى وحده وحده مو تغطين الكل و تقعدين بحشينهم كلهم عقب و دخليهم الفرن لين ياخذون لون و بالعافية

 

[رفرف]

هارموني طريقتج حلوة بجرب اسويها انشالله ومشكورة على المشاركة