حاطين عينهم على معاشي

[alhnan]

السلام خواتي
مثل ما انتم شايفين انا تميت فتره طويله بدون وظيفة من تزوجت بعدين كملت دراستي و اشتغلت موظفه عادية باحدى الوزارات
وما درست و اشتغلت الا لاني احتجت الراتب و افتكيت من منة زوجي

المهم
اهلي حاطين عينهم على راتبي كل شهر يطلبون مني اقل شي 150 و مرات 300 وما يملى عيينهم مع العلم ان ما عندهم ذاك الصرف لان العيال كبروا وكل من شاف نفسه ... لكن مدري لييش مصرين ياخذون مني وفوق هذا الوالده الله يهديها دايما تلمح انها تبي تعرف انا جم خاشة بالبنك.. انا ما اقول لانه خصوصياتي.. ودايما اتذكر شلون تعبت على ما جبت الشهاده و شكثر اتعب بشغلي عشان اخذ الراتب اللي اصرف جزء منه و اوفر جزء .......
الزبده شنو الحل مع اهلي.. شلون اتصرف معاهم...
عاد انا زوجي من صوب و اهلي من صوب..
ساعدوني

 

[sosa_nona]

تصدقين حتى انا نفس مشكلتج من اشتغلت واحس انا كل من حاط عينه على معاشي كل من يسألني جم معاشج بس انا عرفت السبب الصفه المشتركه بينا انا وياج ان احنا نوفر فالكل طمعان بهالمعاش اللهم يا كافي مع العلم ان كل اهلي معاشهم دبل معاشي وخصوصا اختي كل شهر تقولي سلفيني ما طول عليج بالنسبه للاهل عطي امج 50 دينار كل شهر وقولي لها انا عندي التزامات وهذي حدود امكانياتي واشالله يقدرون ضروفج وعاد انتي كل بين فتره ييبي لهلج هديه لوشي بسيط عشان ما يزعلون والله يعينج

 

[غرشة عطر]

كتبت رد وانمسح مادري وين راح شوفي الناس وخاصه القرررريب اهم اللي يتجسسون عليج وعينهم عليج وعلي رزقج ومعاشج شوفي انتي بس عالمعاش انا عينهم علي التجاره جم ربحج وجم معرض دشيتي والله كرهت المعارض والسبب هالشغله امج لاتبخلين عليها عطيها كل شهر 40 او 50 او اي مبلغ انتي تقدرين عليه انا امي اعطيها والحمدلله عمرها ماقالت لي كم معاشج ولاعطيني انا اعطيها من كيفي ومرات ماعطيها اذا كان عندي ظرف ولاده او تجهيز لعرس او حفله اعتذر منها واهي عادي بسسسسسس نصيحه خلي راتبج اسرار لايعرفون شنو خشيتي وجم راتبج وجم اقساطج والله حتي اذا عندج اقساط وماعندج ولافلس تطمشوا عليج

تقبلي تحياتي

 

[أم حسون]

واي الله يعينج ماحب جذييي

 

[روح مغليهآ]

عادي شدعوا قوليلهم جم معاشج هذول اهلج وقوليلهم انج تصرفينه على نفسج وريلج والحين صج كل شي غالي وحلو انج تساعدين امج اهي صرفت عليج يوم انتي صغيره لين قالت بس~ اتوقع انتي حساسه من هالجانب مافي ام تحسد بنتها يمكن تلمح بتعرف مجرد فضول او بتنصحج بالتوفير وبالتوفيق

 

[ha2005]

اختي خلي في بالج ان أكثر واحد يحبج بهالدنيا اهو ( امك وابوك )
ومافيها شي يا اختي اذا قلتي لهم كم الراتب ..
لو اطلبوا منج ليش تزعلين او تتضايقين ؟؟؟؟
وليش تتضايقين اذا اعرفوا الرصيد ؟؟
ليش انتي نسيتي شنو سوا معاج وانتي صغيرة نسيتي فضلهم ؟؟
عشان الله ارزقج بالوظيفة والفلوس والمعاش ....نستيتي افعالج امج وتعبها معاج ؟؟ نسيتي ابوج ؟؟

والله انهم ابرك واحسن من الزوج ( ولد الناس ) اللي حاط عينة على الفلوس
لا وبعد مايستحي يطلب منج فلوس واهو عندة مو قاصرة شي الاخو !!!
ويكون طلب الزوج عسل على القلب اما الوالدين ثقييييييييييييييل ما ينبلع
لا وهمن يحرشج على اهلج ويبين نفسه اهو المحب والزوج الحارص على اهلة وعياله واهو ( خرطي )...
ويخليج بعد تقلبين على اهلج وتكرهينهم ( حسد اللهم ياكافي في قلب الزوج على اهل الزوجة )

اختي الرسول قال ( انت ومالك لأبيك )
والله امر في بر الوالدين
وهم ماراح يعيشون اكثر مما عاشوا ...
بري فيهم عشان يرضون عنج حتى لو بفلوس
الدنيا زواله والكل رايح ولا ينفع لا مال ولا بنون

(( يارب يارب تخلي لي اولادي وتخليهم يبرون فيني وفي ابوهم ليما نموت .. ياااااااارب))

 

[alhnan]

تصدقين حتى انا نفس مشكلتج من اشتغلت واحس انا كل من حاط عينه على معاشي كل من يسألني جم معاشج بس انا عرفت السبب الصفه المشتركه بينا انا وياج ان احنا نوفر فالكل طمعان بهالمعاش اللهم يا كافي مع العلم ان كل اهلي معاشهم دبل معاشي وخصوصا اختي كل شهر تقولي سلفيني ما طول عليج بالنسبه للاهل عطي امج 50 دينار كل شهر وقولي لها انا عندي التزامات وهذي حدود امكانياتي واشالله يقدرون ضروفج وعاد انتي كل بين فتره ييبي لهلج هديه لوشي بسيط عشان ما يزعلون والله يعينج

المشكله اعطيهم بس ما يبين يبونه كلله

 

[alhnan]

كتبت رد وانمسح مادري وين راح شوفي الناس وخاصه القرررريب اهم اللي يتجسسون عليج وعينهم عليج وعلي رزقج ومعاشج شوفي انتي بس عالمعاش انا عينهم علي التجاره جم ربحج وجم معرض دشيتي والله كرهت المعارض والسبب هالشغله امج لاتبخلين عليها عطيها كل شهر 40 او 50 او اي مبلغ انتي تقدرين عليه انا امي اعطيها والحمدلله عمرها ماقالت لي كم معاشج ولاعطيني انا اعطيها من كيفي ومرات ماعطيها اذا كان عندي ظرف ولاده او تجهيز لعرس او حفله اعتذر منها واهي عادي بسسسسسس نصيحه خلي راتبج اسرار لايعرفون شنو خشيتي وجم راتبج وجم اقساطج والله حتي اذا عندج اقساط وماعندج ولافلس تطمشوا عليج

تقبلي تحياتي

مشكوره يا عمري
بس انوه انا ادفع 150 اقل شي وما يقبلون باي اعتذار تحت اي ظرف لما عندي ولاده او عرس او عيد أو تاثيث لبيتي هم لازم ادفع من 150 وطالع

 

[alhnan]

عادي شدعوا قوليلهم جم معاشج هذول اهلج وقوليلهم انج تصرفينه على نفسج وريلج والحين صج كل شي غالي وحلو انج تساعدين امج اهي صرفت عليج يوم انتي صغيره لين قالت بس~ اتوقع انتي حساسه من هالجانب مافي ام تحسد بنتها يمكن تلمح بتعرف مجرد فضول او بتنصحج بالتوفير وبالتوفيق

يا ليت تقرين الموضوع عدل
يعرفون جم معاشي بس جم اوفر لا مو شغلهم لانهم لو دروا بيلهفونه كلله
خووو امي تقول ليش توفرين للوراااثه!! هذي نظرتها ما يصير اوفر .. مادري لي احتجت باجر منين بصرف بدون توفير...

 

[alhnan]

عادي شدعوا قوليلهم جم معاشج هذول اهلج وقوليلهم انج تصرفينه على نفسج وريلج والحين صج كل شي غالي وحلو انج تساعدين امج اهي صرفت عليج يوم انتي صغيره لين قالت بس~ اتوقع انتي حساسه من هالجانب مافي ام تحسد بنتها يمكن تلمح بتعرف مجرد فضول او بتنصحج بالتوفير وبالتوفيق

يا ليت تقرين الموضوع عدل
يعرفون جم معاشي بس جم اوفر لا مو شغلهم لانهم لو دروا بيلهفونه كلله
خووو امي تقول ليش توفرين للوراااثه!! هذي نظرتها ما يصير اوفر .. مادري لي احتجت باجر منين بصرف بدون توفير...


وتقولين حلو تساعدين امج .. هم اقولج .. ادفع 150 اقل شي ومو عاجبهم يبونه كلله ومايبوني اوفر شي..

 

[alhnan]

اختي خلي في بالج ان أكثر واحد يحبج بهالدنيا اهو ( امك وابوك )
ومافيها شي يا اختي اذا قلتي لهم كم الراتب ..
لو اطلبوا منج ليش تزعلين او تتضايقين ؟؟؟؟
وليش تتضايقين اذا اعرفوا الرصيد ؟؟
ليش انتي نسيتي شنو سوا معاج وانتي صغيرة نسيتي فضلهم ؟؟
عشان الله ارزقج بالوظيفة والفلوس والمعاش ....نستيتي افعالج امج وتعبها معاج ؟؟ نسيتي ابوج ؟؟

والله انهم ابرك واحسن من الزوج ( ولد الناس ) اللي حاط عينة على الفلوس
لا وبعد مايستحي يطلب منج فلوس واهو عندة مو قاصرة شي الاخو !!!
ويكون طلب الزوج عسل على القلب اما الوالدين ثقييييييييييييييل ما ينبلع
لا وهمن يحرشج على اهلج ويبين نفسه اهو المحب والزوج الحارص على اهلة وعياله واهو ( خرطي )...
ويخليج بعد تقلبين على اهلج وتكرهينهم ( حسد اللهم ياكافي في قلب الزوج على اهل الزوجة )

اختي الرسول قال ( انت ومالك لأبيك )
والله امر في بر الوالدين
وهم ماراح يعيشون اكثر مما عاشوا ...
بري فيهم عشان يرضون عنج حتى لو بفلوس
الدنيا زواله والكل رايح ولا ينفع لا مال ولا بنون

(( يارب يارب تخلي لي اولادي وتخليهم يبرون فيني وفي ابوهم ليما نموت .. ياااااااارب))

أرد و اقول يا ليت لو تقرين الموضوع عدل
يعررفون جم معاشي بس جم اوفر لاااا ... اعتقدة ان كل انسان له خصوصياته.. ولوعرفوا الرصيد يخلصونه بثانيه وعلى اي شي....لانهم ما تعبوا بالفلوس.. مثلا بعطلة الصيف اخذوا مني 3000 الاف دينار تعب سنتين توفير ولو تدرين شلون فسفسونه وعلى شنووو.... وهم كل شهر 150 لدرجه ما يبقالي شي اصرفه على نفسي بحكم ان توفيري استقطاع شهري..

اعطيهم اقل شي 150 وما يعذروني اب اي شهر اني ما ادفع و لو ما دفعت هالشهر 150 ادفع اللي وراه 400 .
مثلا وراي ولاده هم ادفع
عندي عرس مهم هم ادفع
أأثث بيتي هم ادفع .. ومع العلم مو محتاجيين كل واحد من اخواني يشتغل...
زوجي ما يحرشني عليهم زوجي مثلهم يبي ياخذ بس ما اعطيه لكنه يطلع مني الفلوس غصب عني عن طريق انه ما يصرف على البيت فاصرف انا فيكون جننه اخذ مني بطريقه غير مباشره .. لكن مو كل مره يسوي جذي..

 

[النويره]

شوفي حبيبتي انتي عطي والدينك اللي الله يسالك عنه يعني مثلا انا ذيك اليوم سمعت شيخ قالت له وحده يا شيخ اخواني يتسلفون مني كل شهر وانا محتاجه ولا يريدون السلف هل اكذب واقولهم ما عندي والا شنو اسوي قال لهم واجههم وقالوا لهم ما عندي بصراحه الصدق مناجاه
سمعي حبيبتي والله الدنيا تدور وباجر ما تلقين من يوقف معاج لا تشدين حيلج بالرياييل تري اليوم زين باجر يقلب انا لما طحت محد وقف يمي حتي اهلي محد وقف يمي اللي كنت اعطي ما وراي ودوني لهم
بالاخير عرفت انه ما ينفع الانسان الا ماله تعلمي لا تعودين الناس عليج لانه لو تعودي عليج خلاص يبون اكثر واكثر
اذا صج محتاجين عطيهم اذا لا حفظي لنفسج
بصراحه يمكن غيري ما يوافقني الراي بس هذا رايي لاني مريت بتجربه صعبه جدا

 

[النويره]

قولي لامك يا يمه انا كل شهر اعطيج هالمبلغ بس هذا اللي اقدر عليه انا عندي حياه والتزمات وظروف صعبه مع زوجي ومحتاجه اخش لي جم بيزه لا تزعلين مني يا يمه وسالي شيخ دين ثقه صدقني المصارحه ريح تريح بالج وترتاحين انتي باجر ورايج عيال وبيت وتري يوم عن يوم الحياه تصعب وكل شي يصير غالي وبعدين انا ملاحظه انج تعانين عقده الذنب الاحساس بالتقصير اتجاههم وانتي مبين عليج طيبه حتي ريلج قاعد يستغل طيبتج
وانتي خليج لبقه ولما احد يسالج عن رصيدج تهربي من الموضوع بلباقه ولا تكبرين الموضوع وتعطينه اكبر من حجمه ومع الوقت لما يشوفون مسئولياتج اكبرت اهم راح يصرفون النظر عنج
وعسي ربي يحنن والدينج لج ويسخرج لهم ويبارك لج بمعاشج

 

[@ الرسامة @]

ماعلي حبيبتي تحملي
عطيهم 150 ولاتقصرين
والباجي تهني فيه
ولا اتحجين بالفلوس جدامهم
وحاولي ماتشترين شي جدامهم
شتسوين بعد
هذيله مهما يكون اهلج
ولاتقولين حق احد انج اتوفرين

هاذي شغلة خاصة

 

[أم حمّودوعبّود]

ياحبيبتي الله يعينج بس ياعمري لازم تعرفين ان مو كل شي بالدنيا الفلوس يمكن امج تحبج انت اكثر عشان جذي تمون عليج انت اكثر من اخوانج وتبي منج زود وصدقيني توفيرج بالبنك اول وتالي بيخلص بس توفيرج الي تعطينه لامج بالدنيا بتلقينه بالاخرة وكل مازدتي الي تعطينه لامج زادت حسناتج اكثر هالله هالله بالوالدة

 

[shai5at al3arab]

مو الا يدرون انج توفرين

انسي حساب التوفير مالج

وتعاملي معاهم بس بالحساب الثاني اللي اهو معاشج مخصوم منه التوفير ، وقولي لهم بس خلص معاشي ما عندي

وانا احس بس عطي امج اما زوجج او اي احد ثاني منتي ملزومة .

والله يبارك لج فيه ..

 

[أنوثهـ حتى الثمالهـ]

لا احد يدري كم معاشك
ودايم تذمري من الغلا والمصاريف
ولا تبينين انك مرتاحه ماديا حتى لزوجك
وزوجك هذا كل ما سال عن معاشك اطلبيه فلووس لين يشتري السلامه ويهجد عنك
اكفلي لك يتيم عشان ربي يبارك لك ووفري كثر ماتقدرين
والله يبارك لك

 

[مـــــــذهـلـة]

حبيبتي مافي الا طريقه وحده ادعي الفقر قدام اهلج ومولازم تفتحين عيونهم على راتبج ويدرون انج توفرين وقولي انج طشرتي فلوسج كلها على مطاعم غاليه مطيحه فيها او على ملبس ومصرف.او انه زوجج ياخذ فلوسج او اي شيء

وزوجج يخسي ياخذ فلس قولي له معاشج اغلبه لاهلج وان هذا واجب عليج تصرفين عليهم وانهم محتاجين

جزاج الله خير فتحتي عيوني شغله كنت غافله عنها صج اني هبله انا راح ابطل حساب من ورا اهلي لان ادري فيهم طماعين هذا وانا فقرانه وناهبيني

 

[مـــــــذهـلـة]

انا حاسه فيج وبمعاناتج وصدقيني هم مو كفو تعطينهم فلس وانا الحين قاعده اعيش قصتج وانطر ليمه اتخرج واتوظف واستفدت من غلطتج هذي


ترا انا نسخه منج واهلج نسخه من اهلي هالي تلقين يقولون عطيهم 150 مو عايشين معناتنا

وترا والله 40 دينار واجد عليهم ويحمدون ربهم بعد

وبهالشكل انتي بريتي اهلج وبريتي ذمتج 40 واجد عليهم وحرام فيهم هالي فسفسو تعب السنتين بثواني

 

[alhnan]

النويرة
الرسامة
أم حمود و عبود
شيخة العرب
أنوثة حتى الثمالة
مذهلة

خواتي شاكرة ردودكم و اقتراحاتكم
والله يعين الجميع

أنا شرحت لامي وضعي وبحكم انه زوجي موزين ومحتاجه اوفر جم فلس و اني مو كلله اقدر اعطيهم خصوصا سالفة ال3000 اني مابيها تتكرر وجذي لكن ما تفهمت كللش
عشان جذي بحاول من الشهر الجاي اعطيها مره 50 و مره 30 و مره 40 بشوف شنو يصير معاي لكن هم تبقى مشكلة ان ابوي هم يبي اعطيه لان اهو 100 اقل شي بشووف شنو يصير معاي