تجمع قروب(والله وتحقق منايا) لمده 3 اشهر من 90 الى 70 كيلوو

[جنان2006]

مساء الخير والورد على أحلى بنات
اشلونكم وشخباركم عساكم بخير ؟؟
شابكة من بيت أهلي بنام عندهم اليوم على مايخلص صبغ داري

 

[جنان2006]

يمامة

هلا وغلا بخير وعافية الله يسلمج انتي شخبارج؟
وألف ألف مبروك على النزول عسى ربي يبارك لج بوزنج ويرزقج كل ماتتمنين بعافية فرحت لج من كل قلبي تستاهلين يالغالية
وعسى ربي يعينج عالتفاح ولا يضيع اتعبج ياقلبي وعساج عالقوة

حلوووومة
عوافي على قلبج ما كليتي
وكاني موجودة بيت أهلي شابكة من جهاز أخوي بس الله يهداه يحن مو معطيني فجة أسولف بالشقة آخذ راحتي بالنت بس ميخالف المهم أتواصل معاكم يا أحلى خوات
وعسى ربي يوفقج ان شاءالله ويعطيج ربي كل ماتتمنين

مهاوي
حبتج العافية ياقلبي وحياج الله معانا بالتجمع اليديد وان شاءالله تضعفين بعافية

جنى
الله يقويج ياهلا وغلا
عسى ربي يرزقج الوزن اللي تتمنينه ان شاءالله
وعوافي على قلبج ما كليتي يالغالية
وعسى ربي يوفقج يالغالية بدراستج ونشوفج بأعلى المراكز ان شاءالله
ماعليج أمر جنون شلون طريقة القبول بالجامعه؟ وشنو آخر شهادة يبونها ؟ واشكثر تكاليفها ؟
آسفة طولت عليج بس ودي أعرف لأني مو سامعه فيها من قبل

خشوووفه
ولكم باك ياعسوله
ماشاءالله تبارك الرحمن تسلم إيدج وعليكم بألف عافية ان شاءالله

وحلاتي
الله يقويج ياهلا
وعوافي على قلبج ماكليتي وان شاءالله تكونين نازلة بعافية

أحلى عيون

وينج ياقلبي فقدناج من غير شر عسى المانع خير ان شاءالله

 

[الحــــالمة]

ولكم باااااك

جناااااااااني

 

[خشف الرعآبيب]

حبيت اختم القروب بهالصوووووره

واقول ختامهووووو مســــــــــــــــــــــــــــك :eh_s(22):

[/url][/IMG]


:O_SHH_:

:O_SHH_:

:O_SHH_:

 

[shams2008]

هاااااااااااااااااي بناااااااات

اليوم اخر يوم مع القروب امبييييييييييييه بدعت بالاكل
كنت معزومه ريوووووق وكليت كل شي خالي من غير خبز



ماتغديت
العصر قطعه ككاو ماكنتوش وجاي اخضر

وتعشيت بطاط ومحروق اصبعه وسلطه




صج باجر مافي القروب بس لازم التزم بنظام معين
لاني وايد انسي نفسي بالاكل واخربهااااااااااااااا

 

[خشف الرعآبيب]

تصبحون على خير

انا بنام وراي جامعه بكره

اشوفكم على خير بكره ان شاءالله

 

[أحلى عيون]

أحلى عيون شنورجيميج

هلا يا قلبي والله شوفي انا كنت اراجع عند دكتوره تغذيه ولكن انا حالتي واكلي غير يعني من غير ملح ولا خبز ولا شي وتعطيني اكل واجد لانه انا فيني بكتيريا بالمعده وصداع نصفي

وبعدين بصراحه تركتها لاني عرفت شلون طريقه رجيمها وقعدت انا اسوي رجيم من كيفي واشرب بعد الاكل ماي زعتر التركي

وحياج الله يا قلبي

ماشاءالله تباااااااارك الرحمن عليييج يا أحلــى عيوووون ..

الله يتمم عليج ان شاء الله ويسعدج وتتهنين بهالضعف وكملييييييي المشوار

لما توصليييييين حق هدفج ..

الله يوفقج ويوفقج القروب اللي وياج ..



وأقدر اسميــكم القروووب الناجح لأن كلكم ماشاءالله متابعتكم
نزلت أوزانكم بشكل حلوو لا اله الا الله عسى ربي يوفق الكل ..

يا حياتي والله يالغلالا وكافي والله متابعتج ويانا هذا اكبر نجاح نحققه وما تقصرين يا عمري والله تعبتج وياي وايد عساج على القوه وربي يحقق لكم انتم بعد بالقروب الجديد لا تيئسين الوزن المثالي السليم يارب

احلى عيون

تدرين انا مشكلتي وين بالكرش مو بس كرش تحسين بطن كلها كبيره عندي يعني كلي ضعيف الا هالبطن

الحمدلله من يومين ريلي كان يطالع فيني يقولي بطنج خاف عن اول بس يبيله بعد انا بيني وبين نفسي طرت من الفرح بس ظليت اقول له ان شاء الله مستمره وابي اطيرها وما اكون انا مرتك ان ما طيرتها هو دايم يقولي انتي حلاتج بس كرشجج مخرب عليج

قبل الزواج كان وزني 55 يعني ضعيفه بالنسبه لطولي لاني طويله بس انا مجنونه رحت بلعت حبوب صينيه عشان امتن شوي لعبت بجسمي خربته مو ليه نفخت بطني ودايم احس انه مليان هوواا

وبعد الزواج والعيال كبررررت حيل وصار اللبس علي يفشل وخصوصا اني ما عندي خلفيه ممسوحه مو ليه ما في اثار انووثه ابد

المشكله لو بكبرها يكبر كل شي وياها


بس ......>>>>>>>>>>>قصه حياتي كلها سامحوووني طولت عليكم

شسوي هم وابيه ينزاح وان شا ءالله معاكم راح ينزاح


الحمدلله الحين ماشيه على الرياضه المشي السريع و تمرين المعده

وان شاء الله يا انا يا هالكرش

هلا غزوله تصدقين انتي نفسي انا معقدتني الكرشه والله كان ماعندي كرشه حيل بس من يوم ولدت بنتي قيصريه واهي مسببه لي ازمه الكل يقولي بالزنجبيل والي يقولي اخر شي يضعف فيج الكرش وكل ماالبس بنطلونات تعقدني بس ان شاء الله راح نقهرها

أحلى عيون

هلا وغلا بالغالية اشلونج عساج بخير وعافية؟
ماشاءالله تبارك الرحمن عسى ربي يحفظج من كل شر ان شاءالله ويبارك لج بوزنج اليديد ويزيدج من فضله ويتمم عليج بالصحة والعافية وأمانة ارقي روحج دوووم ولا تنسين الرقية أبد

ويزاج الله خير ياقلبي ماتقصرين والله واللهم آمين عسى ربي يسمع منج ان شاءالله
وزين ماسويتي والله خل اتشيل الصورة أحسن عسى ربي يحفظج


وعسى ربي يسخرلج ريلج ان شاءالله ومايشوف غيرج من الحريم ويشوفج أحلى مرة بالدنيا كلها وعندنا وعندج خير لازم سوالف الغيرة والتحبيط وصاجة غزووول كل شوي بحجي غير عن اللي قبل الله يهديهم ان شاءالله

يابعد عمري والله جنونه يا حلاتج وياحلات كلامج الي يبرد القلب عسى ربي يبرد قلبج قولي امين

واللهم امين ويسمع منج واجمعين يا حياتي وربي يبارك فيج وبعيالج ويخلي لج زوجج ويحفظكم من العين اللهم امين

السلام عليكم ورحمة الله وبركاته

احلى
ما شاء الله قسما بالله ان صورك اثرت فيني وصرت ملتزمة اكثر بالرجيم وبيني وبينكم ما دققت وايد بالبس لانه ما فرق وايد 75 الى الحالي (خليها مفاجأة لليوم) بس الكل ملاحظ اني ضعفت الحمد لله وهذا اهم شي

بس لاحظة شغلة احلى ما شاء الله جسمك مشدود اقصد ايدينك وزنودك<<<<<عندها عقدة الزنود

وعليكم السلام والرحمه

هلا يا قلبي وما تقصرين

شوفي انا مشكلتي جسمي ولله الحمد مو مترهل وايد بس عندي الكرش حيييل مترهله من الولاده القيصريه اما بالنسبه للزنود كل خواتي ما عندنا ولو تشوفين ذراعيني صغيره لكن المشكله من تحت وبعدين انا اسوي تمارين بصراحه وانا قاعده على لكبمبيوتر يعني مااخلي نفسي حتى اسوي تمارين الرقبه على اساس من تحت فكي ما يترهل

 

[أحلى عيون]

:stars:اصلاا manarahمثل أختي واكثرمن اختي والله العظيم هذي انسانه حبوبه ودشت قلبي واحبكم واايد يابنات المنتدى :fun:

حياج الله مهاوي وبصراحه اسعدنا تواجدج ويانا بالقروب ومتابعتج للبنات وما تقصرين يالغلالا واكيد والله كلنا بعد نرحب فيج وان شاء الله تحققين الي تتمنينه يارب

 

[أحلى عيون]

هلا اخواتي اعذروني والله من امس واليوم وانا حدي تعبانه

اقعد من النوم على الساعه 6 ونص اخذ بنتي للمدرسه وارجع البيت الساعه 8 الصبح اتريق 2 بيض مع جبن حلوم ونسكافيه

واطلع اروح للمستشفى عند بنت اختي اليوم سوى لها عمليه المراره ومسكينه صار فيها نزيف ويالله وقفوا النزيف الدكتور يقول اول مره تصير ويانا هذي الحاله اقعد وياها على الساعه 10 الصبح واروح لخالتي ام زوجي بالجناح الثاني فيها التهاب بالكلي واهيا ما عندها غير كليه وحده وتعبانه وحرمه كبيره وفيها سكري اقعد وياها ليما الساعه 1 الظهر اجيب بنتي من المدرسه وارجع البيت مهدود حيلي بين بنت اختي وخالتي وبعدها انام على الساعه 2 الظهر اقعد الساعه 6 المغرب اطير اروح لخالتي مره ثانيه وبنت اختي الاجنحه يم بعض والله اقول لاختي احلى رجيم فعلالا مشي اقول لها بكرا اجيكم وانتو بكرامه بجواتي رياضه مع بنطلون للمشي هههههههه

واقعد وياهم متنقله ما بين الى الساعه 9 بليل والله يكون مهدود حيلي والله عيالي مادري عنهم وزوجي مسكين حيل متضايق على امه وذابحته الحساسيه والله حتى بنتي على السريع ادرسها مسكينه اهي تنام مبجر بس قلت لها بكرا مافيه مدرسه ابي اشبع نوم


اعذروني ادري مقصره وياكم ولكن والله ماباليد حيله اليوم عمليه بنت اختي والله العظيم 3 ساعات وانا واقفه ما قعدت وظهري يذبحني ومااقدر اخلي اختي الكبيره بروحها مسكينه وبس تبجي على بنتها وانا وياها الله يصبر قلبها ويشفى بنتها


اخواتي الغاليات بما انه اليوم اخر يوم للقروب خلوني اخذ راحتي اسوي الاوزان وانا حاليا جمعت الاوزان من دخلونا للقروب الى هذا اليوم على اساس نشوف منو الي فازت ويانا بالقروب وان شاء الله يتحقق مناها يارب

 

[أحلى عيون]

ادري انه وايد بنات ادخلووو ويانا ولكن ماراح انزل اي وزن من الاخوات الي ماكملوا ويانا ليما اليوم


راح انزل اوزان البنات الي عطوني وزنهم اليوم فقط واعذروني اخواتي الي مو ملتزمه ويانا بالوزن وملتزمه ويانا باليوميات وما عطتني وزنها اقول لها اعذريني ماراح انزل وزنج لانه ماادري كم صار للحين


البنات الي وياي بالقروب من بدايته الى نهايته

11متسابقه .. وهم..




*ام عفاف الكويت

* الحالمه

* جنىq8

* جنان2006

*أحلى عيون

* يمامه

*خشف الرعابيب

*manarah

*غـــــزل

*shams2008

*عايشه حياتها

 

[أحلى عيون]

اما اختي خشف الرعابيب بما انها من 3 اسابيع مااعطتني وزنها لانه ماادري كم كانت واليوم وزنها:69.9


يتبع............

 

[أحلى عيون]

نبارك جيمعااا الى الاخت الغاليه ام عفاف الكويت لحصولها على الوسام الذهبي وتستحق هذا الشعار وبجداره

الف الف الف مبرووووووووووووك اختي الغاليه ونتمنى لكي الاستمرار وانتي بصحه وعافيه

 

[أحلى عيون]

بالنسبه اخواتي الاوزان النهائيه من اول بدايه القروب الى نهايته اعذروني لانه هذي يبيي لها شغل عدل مدل يستحق للاخت الي راح تفوز ويانا بالقروب بس ارجع من خالتي وبنت اختي ان شاء الله من المستشفى وراح انزل الاوزان جميعااااا وراح ابقى القروب مفتوح لمده اسبوع من اول مااضع الاوزان الى بدايه القروب الجديد وبعدهاا راح اغلق الموضوع واقول لكم كل صحه وعافيه وانتم بخير

وراح ان شاء الله نبدى القروب الجديد باجسام جديده وبال فاضي ومرتاح ان شاء الله وصحه طيبه واخوات جدد يلتحقون وياناااااااااااااااااااااااااا


وعساكم على القوه اخواتي وسامحوني على القصور وان شاء الله ما ضايقت احد في هذا القروب ولا زعلت احد مني والي زعلت مني عن غير قصد اقول لها سامحيني وان شاء الله مااكون ظلمت ولا وحده من الاخوات راح نبدى قروب جديد مع احلى خوات بالمنتدى باوزان جديده وهذا القروب ان شاء الله الاخير بالنسبه لي راح اخوضه على خير لانه يشمل جمممممييييييييع الاوزاااااااااااااااااااااان

 

[أحلى عيون]

تصبحون على خير عندي قعده من الساعه 8 الصبح اروح للمستشفى

 

[يمامة]

الف الف مبرووووووووووك ام عفاف

 

[يمامة]

مبروووووووك لكل البنات اللي نزلوا

واللي ثتبت وزنهم ان شاء الله تعوضها

 

[يمامة]

احلى عيون

مشكوره حبيبتي وماقصرتي معانا وما ننسى فضل الله وفضلج اللي كنتي تحمسينا وتقوين ارادتنا وتنصحينا وكان الهدف كل ان نزل اوزانا

ونحافظ عليها علمتينا لالتزام بيوم الاربعا مشكوره ورايتج بيضه بالغاليه وما جا منج قصور انا عرفتج من شهر 10 والحمدالله كنا خوات

وعلى قلب واحد :fun:

وبنات القروب كلكم مو تخربطون وتهدون الرجيم هالاسبوع لان ما في ميزان واصلوا لما توصلون للهدف ولازم نحافظ وهذا الاهم

والاصعب

وسامحوني خواتي اذا ضايقت احد فيكم:ssssso:

اختكم يمامه

 

[manarah]

صباح الخير ..

مبروك لام عفاف على الوسام الذهبي لهذا الاسبوع ... ومبروك لكل اللي نزل ...

أحلى عيون مايشوفون شر خالتج وبنت اختج والله يشافيهم انشالله ومقدرين التعب اللي انتي فيه والله يعينكم يارب . وطمنينا على صحتهم .
وكل اللي اقدر اقوله لج يزاج الله الف خير على اللي سويتيه ويانا والتعب اللي تعبتيه وخليتينا فعلا نسوي رجيم ونستانس بنفس الوقت بهالتجمع الحلو اللي عرفني على احلى بنات ماشالله ... والله يوفقج انشالله ويخليلج اعيالج ويصلحهم لج يارب ويسخرلج ريلج ونشوف وزنج بنهايه التجمع الثاني 60 :aha:

:e3::e3::e3:

 

[manarah]

يمامه صباح الخير ... عمرج ما ضايقتي احد ماشالله عليج وانشالله نلتزم هالاسبوع .

 

[يمامة]

هلا اخواتي اعذروني والله من امس واليوم وانا حدي تعبانه

اقعد من النوم على الساعه 6 ونص اخذ بنتي للمدرسه وارجع البيت الساعه 8 الصبح اتريق 2 بيض مع جبن حلوم ونسكافيه

واطلع اروح للمستشفى عند بنت اختي اليوم سوى لها عمليه المراره ومسكينه صار فيها نزيف ويالله وقفوا النزيف الدكتور يقول اول مره تصير ويانا هذي الحاله اقعد وياها على الساعه 10 الصبح واروح لخالتي ام زوجي بالجناح الثاني فيها التهاب بالكلي واهيا ما عندها غير كليه وحده وتعبانه وحرمه كبيره وفيها سكري اقعد وياها ليما الساعه 1 الظهر اجيب بنتي من المدرسه وارجع البيت مهدود حيلي بين بنت اختي وخالتي وبعدها انام على الساعه 2 الظهر اقعد الساعه 6 المغرب اطير اروح لخالتي مره ثانيه وبنت اختي الاجنحه يم بعض والله اقول لاختي احلى رجيم فعلالا مشي اقول لها بكرا اجيكم وانتو بكرامه بجواتي رياضه مع بنطلون للمشي هههههههه

واقعد وياهم متنقله ما بين الى الساعه 9 بليل والله يكون مهدود حيلي والله عيالي مادري عنهم وزوجي مسكين حيل متضايق على امه وذابحته الحساسيه والله حتى بنتي على السريع ادرسها مسكينه اهي تنام مبجر بس قلت لها بكرا مافيه مدرسه ابي اشبع نوم


اعذروني ادري مقصره وياكم ولكن والله ماباليد حيله اليوم عمليه بنت اختي والله العظيم 3 ساعات وانا واقفه ما قعدت وظهري يذبحني ومااقدر اخلي اختي الكبيره بروحها مسكينه وبس تبجي على بنتها وانا وياها الله يصبر قلبها ويشفى بنتها


اخواتي الغاليات بما انه اليوم اخر يوم للقروب خلوني اخذ راحتي اسوي الاوزان وانا حاليا جمعت الاوزان من دخلونا للقروب الى هذا اليوم على اساس نشوف منو الي فازت ويانا بالقروب وان شاء الله يتحقق مناها يارب

حبيبتي حمدالله على سلامة بنت اختج وما تشوف شر ان شاء الله

والله يشافي خالتج ويرفع عنها ويعافيها ويردها بالسلامه لبيتها