شرايكم برجيم عنيد حلو
؟؟
يالله خلأسولف لكم بالزززززبط شقالي وشقلت له
أول مادخلت جان يقول هاااا شهالرشاقه < لووول
قالي ترى أنا ما أجامل وأنا من النوع الي ألاحظ الي يضعف
(على فكره انا هالمره ماكنت ملتزمه 100% ، يعني مامشيت كلش ولا سويت تمارين ، وخربطت يوم كامل + وجبتين فررررري ، بس الحمدلله الأعمال بالنيات
لكن بأيام السوائل مااااكنت آكل عدل ، ولما قلت للدكتور زززززززفني قالي اذا بتسوين جذي راح أشيل هاليومين خير شر مع انهم ينزلون ، قلت له لا خلاص بحاول ، فقال راح اخليه لج يوم واحد بالاسبوع بس ، ولااااااايوقف بالسوائل والاكل ، لووول ضحكني على لا يوقف)
المهم ، بعد ماشاف وزني والنزول قالي هاااا الحين تبين ترتاحين ، ناخذ نظام تثبيت شوي ؟؟
قلت له والله دكتور جنك حاس فيني ، وفعلاً أنا بهالاسبوعين حسيت نفسي بانزيني خلص >_< حتى استغربت اشلون عرف هالشي
قالي مابيج تتعبين وبعدين ماتستمرين ولا تكملين الرجيم ، فأعطيج نظام يثبت وزنج وينزلج لكن شووويه
فكرت هممممممم قلت له والله دكتور مو باقي شي على العيد ، وماعليه بشد على نفسي شوي وبكمل والله يسهل
جان يقول خلاص على راحتج نتوكل على الله
بس لأنه أكو وايد ناس ايوني بعد فتره من الرجيم ويقولون نبي استراحه واعطيهم استراحه توصل لشهر بدون مايزيدون ولا كيلو
عطاني نظـــام الـــ توســـت ، يقول هالنظام أعطيه للي عزيمتهم شوي نازله < ههههههه شكله مُصر ، الظاهر باين على ويهي !
هالنظام عباره عن 3 أيام نشويات + 2 يومين توست + 1 يوم بدون نشويات + 1 يوم سوائل
يومين توست
الريـــــــوق
2 توست أسمر + جبن أو لبنه قليل الدسم + خضار + كوب حليب خالي الدسم
سنــاك الظهــر
شاي حليب أو نسكافيه + 1 فاكهه
الغـــــــداء
1 توست أسمر + نص كف اليد لحوم أو كوب بقوليات + سلطه + دايت أو ماء
سنــاك العصــر
ككاو وسط أو 1 حبة فاكهه (أي نوع ماعدا الموز والمانجا) + شاي أو قهوه
العشـــــــاء ، يكون قبل ساعه-ساعتين من النوم
1 توست أسمر + همبرجر أو جكن برجر مشويه أو بيضه (ممكن مقلي) أو جبن أو لبنه (ممكن إضافة تركي أو زعتر) + خضار + 1 حبة فاكهه + كوب لبن خالي الدسم
> ممكن نعكس ، الريوق يكون 1 توست والغدا 2 توست ، لكن ممنوع العشا 2 توست
3 أيام نشويات
الريـــــــوق
*** موزه + كوب حليب خالي الدسم (وممكن إضافة الشاي)
*** 2 ستكانة يوز + كوب حليب خالي الدسم (وممكن إضافة الشاي)
1 صمونة مطعم (حلوم أو لبنه) + كوب حليب خالي الدسم (وممكن إضافة الشاي)
3 شابوره + جبن أو لبنه قليل الدسم + خضار + كوب حليب خالي الدسم (وممكن إضافة الشاي)
كوب كورن فليكس فتنس أسمر + حليب خالي الدسم
أول خيارين قبلهم أكو ثلاث نجوم ، قالي هذيل أحسن ريوق وأكثر شي ينزلون الوزن ، أما الباقي فينزلون أقل
سنــاك الظهــر
شاي حليب أو نسكافيه + 3-4 تمرات أو ككاو وسط
كوب عصير برتقال أو أناناس
الغـــــــداء
3 أيام : سلطه + 4 ملاعق عيش أو نص خبزه سمره خفيفه + صيخ مشوي أو صدر دجاجه أو سمكه مشويه وسط + دايت أو ماء
سنــاك العصــر
ككاو وسط
1 حبة فاكهة (أي نوع ماعدا الموز والمنجا) + شاي أو قهوه
1 سكوب آيسكريم
العشـــــــاء ، يكون قبل ساعه-ساعتين من النوم
كوب روب خالي الدسم مع خيار + 2-3 كيوي أو 2-3 شرائح أناناس
يومين بالاسبوع : كوب بقوليات أو 3-4 شرائح جبن قليل الدسم + سلطة سيزر قليلة الدسم + دايت/ماء
1 توست أسمر + جبن أو لبنه قليل الدسم (ممكن إضافة زعتر) أو بيضه (ممكن مقليه) + خضار + كوب لبن خالي الدسم + 3-4 زيتون
كوب كورن فليكس فتنس أسمر + كوب حليب خالي الدسم
وممكن ناخذ بعض خيارات العشا الي بالقوائم السابقه
1 يوم بدون نشويات
الريـــــــوق
1 بيضه (مسلوق أو مقلي) + كوب حليب خالي الدسم + خضار
سنــاك الظهــر
جاي وحليب أو نسكافيه أو استكانة مكسرات غير محمصه
الغـــــــداء
سلطه + 3/4 كف اليد لحوم أو 3-4 شرايح جبن قليل الدسم + دايت أو ماء
سنــاك العصــر
"عكس سناك الظهر" شاي وحليب أو نسكافيه أو استكانة مكسرات غير محمصه
يعني اذا سناك الظهر اكلت مكسرات فسناك العصر أشرب جاي وحليب او نسكافيه
العشـــــــاء ، يكون قبل ساعه-ساعتين من النوم
"عكس الغدا" سلطه + 3/4 كف اليد لحوم أو 3-4 شرايح جبن قليل الدسم + دايت أو ماء
يعني اذا الغدا سلطه + لحوم فالعشا سلطه + جبن
1 يوم سوائل
كل هالأشياء التاليه مسموحه :
لبن خالي الدسم
حليب خالي الدسم
روب خالي الدسم
العصيرات الطازجه والمعلبه (بس المنجا والموز لأ) يقولي ترى السانكست مسموح ، لووول يعني بيغريني بمنتجات الماضي
شوربة خضار (بدون ماجي أو كريمة)
ماي
دايت
جاي
قهوة
كابتشينو
الخضار بجميع أنواعها بدون إضافة زيت (ممكن ليمون)
الفواكه (ماعدا الموز والتمر)
آيسكريم لولي (المثلثات توت أو برتقال) خخخخخ أهم شي
آيسكريم بنك بيري (بدون اضافات الكريمه والصوص) هذا الي توه فاتح بالافنيوز وقام عزّج ياجسوت لووووول
ملاحظات :
- يسمح بتناول جميع ماسبق بأي كمية وفي أي وقت من اليوم
- مثال على الغداء : سلطة + كوب شوربة خضار + 3 فواكة + كوب لبن خالي الدسم
- يجب عدم مرور 2-3 ساعات من غير شرب أو تناول ماسبق
- هذا اليوم خالي من الدهون تماماً وعالي بالسكريات (يقول إذا أكلتي أي شي فيه دهن خلاص بيخترب هاليوم ، وطبعاً هالنظام ماينفع للي عندهم سكر)
.
.
> لااااااااااااحظووووووا
- بنظام النشويات قلل لي عدد القفاش إلى 4 قفاش فقط ، يقول لازم نقلل الكميه عشان يستمر الوزن بالنزول ، يقول ماتشوفين الي يتبعون نظام رجيم بدون استشارة دكتور تغذية يوصلون لفترة يووووقف وزنهم ! لأنه كمية أكلهم ماتتغير
- يومين بالعيــــد free يوووووومييييييين هاااااا موووووو وجبتين
- وحده من البنات بالموضوع الي طاف سئلتني عن تمارين المعده واذا زينه أو لأ ، سألت الدكتور ، وقالي -بما معناه- هي زينه ولكن تسوينها 3 أيام بالاسبوع ولمدة 10 دقايق بس ، لأنها تبرز البطن شوي لجدام فهالوقت كافي لها ، ولأني أبي الجسم يكون منحوت من الخواصر عشان جذي قلت لج عن تمارين القرص الدوار (الي قلت لكم عنها بالموضوع الي طاف)
- سألته اذا ممكن أستخدم بدائل التوست ، مثل الخبز ؟ فقالي ممكن ولكن الأفضل تاكلين التوست لأنه محسوبه سعراته بالضبط بهالنظام
.
.
همممممممم هذاااا كووووووووووول شيييييء لهالمراجعه ولله الحمد
مراجعتي اليايه باذن الله بعد 3 أسابيع لأنه اسبوع العيد كله اجازه (قالي راضي لو بتييني وتكونين نازله بس كيلو ونص يكفي) فبيكون باذن الله يوم الأربعاء 9/12/2009 اذا الله أحيانا
بنااااااات أدريييي مايحتااااج أوصييييييكم ، الدعااااااء لاتنسوووني منه ، أحتااااااجه دايماً والله
يالله ، شدوا حيلكم وعساكم توصلون للي تبونه بصحه وعافيه ياااااااارب
وعلى عصير الليمون انا قلت لكم عنه اشرب عصير ليمون مال كي دي دي بارد الصبح على الريج حلو
