بليز تجمع للمصابين بالقولون وامراض واضطرابات المعده والجهاز الهضمي

[زهره الخليج]

شخباركم يابنات

وجزاها الف خير حطت الموضوع

ابي اتكلم عن امي عندها قالون عصبي بس فيها تكيسات قالون (عزكم الله خروج قديم) بسبب عمرها قال دكتور مانقدر انسوي لها عمليه جراحيه ....... ومن عمر امي معها القالون بس صارلها 4 اسابيع ضعفت ضعف مو طبيعي

ومن سوينا لها منظار دكتورها انور العنزي موجود في الجهراء ....المهم انا انصدمت لقييت
القالون المستعرض صاعد فوق الي المعده والقالون الصاعد صاير علي الجنب الايسر


انا شكييت انصدم الدكتور من الاشعه فقال من الامساك المزمن لانها من زمان امساك


يابنات اهي ماتاكل كلش ...تقول : تحس بمعدتها انها ماكله ..واهي ماكلت شي...........

وانتو ماتاكلون من القالون اذا جاكم....... اهي نفستيها تعبانه بس تفكر...


وحدي خااايفه علي امي يقولون احتمال اروح للدكتور سامي



عسي ري يشافيكم

 

[شندوخه]

حبيبتي الف سلامه على امج وان شاءالله ماتشوف شر
يدتي صارت فيها هالمشكله والدكاتره حطولها حقنه شرجيه عزج الله وصارت زينه عليها

 

[مشكلتك]

القولون مشكلته مشكله ..!! ... يعفس النفسيه فوق تحت ...الا اللي نفسيتها صخر ما تتأثر وايد ....الحمدلله على كل حال..

يوم سهال يوم امساك يوم عوار بطن يوم تقلصات واصوات وغازات ..يوم البطن متفوخ يوم البطن فاش...!! يا الله ...يعني والله مشكله ..

بس بغيت اسأل الخبره بالقولون ...اهو يسبب دوخه ..؟ او شي من هذا القبيل ولا لأ ؟؟

 

[NOORAkw]

السلام عليكم ،،،
انا راح اقولكم مشكلتي.. مشكلتي بدت من حمالي في بنتي بان انقلولي دم وانا بالشهر الثامن لان صار فيني فقر دم حااااااااد (انيميا) توقعت من الحمل عادي خصوصا اني كنت ما اخذ لا فيتامينات ولا كالسيوم ولا حديد!!
ولدت والحمدلله انا وبنتي بخير..بعد الولاده استمر فقر الدم معاي وخذيت فتره علاج وبعدها مليت ووقفت لان الحديد مو راضي يرتفع واعترف اني كنت مهمله
بعد 3 سنوات من ولادتي قررت اني احمل، وحملت واجهضت وريحت شهرين وحملت للمره الثانية واجهضت بعدها قررت اني اسوي تحاليل شامله عند دكتور امراض دم ورحت عند د.علي المهيني في مستشفى مبارك وشرحت له حالتي قالي انا شاك في شي وبتأكد وفعلا سويت التحاليل وطلعت النتايج وكانت النتيجه نفس ماتوقع الدكتور طلع فيني مرض اسمه (السيلياك) يعني بالعاميه اسمه حساسية القمح يعني مايصير اكل قمح ولا شعير ولا شوفان ولا حنطه لان فيهم بروتين اسمه جلوتين وجهازي الهضمي يتحسس من هالماده وبالأحرى امعائي اهيا اللي اتحسس من هالماده يعني اذا ادخلت هالماده جسمي امعائيي تمتنع عن امتصاص اي فيتامينات او اي معادن من الاكل اللي اكله يعني باختصار ما استفيد من الاكل اللي اكله بالتالي يصير عندي فقر دم ونقص بكل الفيتامينات والمعادن اللي يحتاجها الجسم وبالتالي مايثبت برحمي الجنين!!!!!!!!!!!!!!!!!!!!!!!!!!!!
بعد الحمله الثانيه سويت حميه وامتنعت عن القمح بنسبة 90% وحملت للمره الثالثه ونفس الشي وقف نبض الجنين((
والحين مسويه حميه بنسبة 100% إلا اذا كان في اكل ما ادري ان يحتوي على قمح وصار حالي صعب بكل مطعم ادشه اسال وطبعا مايحتاج اقولكم ان الاكل تقريبا مايخلى من الطحين ..
والحمدلله على كل حال

 

[الاسطورية]

هاي بنات شلونكم
فقدتكم والله

راح ارجعلكم ان شاءالله قريب طمنوني عنكم

 

[Um Turki]

انا اعاني من القلون من سنين بس الحمد لله عندي دواء قالي الدكتور عندي دواء سحري طبعا يمزح بس والله من اخذتة بان ثاني يوم
ارتحت بس لايستخدم اكثر من 15 يوم متتالية لانة يؤدي الى الادمان وهو لايصرف الابورقة خاصة من الطبيب عندنا في السعودية
اسمة ليبراكس وهناك دواء شعبي وهو تفوحين قلاص ماء بعدين تصبينة في كاس وتضعين علية ملعقة كمون وتحركينة وتتركينة قليل ثم
اشربية ادعولي ان الله يرزقنا بيت

 

[جزيلة العطا]

بنات تكفون ابي احد يرد علي

انا اختي صارلها تقريبا ثلاث او اربع شهور تعاني عندها حصوه بالمراره وما قدروا يسون لها عمليه قالوا ملتهبه وايد ولازم مضادات وعلاج وبعدها عمليه ما بقى دكتور ما طلينا بويهه لا تشوفون شكلها بتموت جنه حايشها سل حاشها هزال حميه من اربع شهور ما تاكل شي وبس اتلوى واتالم وتبجي...واليوم دخلوها العمليات وطلع الدكتور بعد ربع ساعه وقال سامحوني ما قدرت اسوي لها شي

قالت له امي ليش قال صعب اشيل لها الحصوه...كل شي عندها متصلب وشاد...وحيل ملتهبه ولازم نكمل علاج المضادات 3 شهور بعد.... تكفون ابي دكنور شاطر ومعروف مو مهم غالي او رخيص المهم اختي تطيب...

ولا تقولون انور العنزي...ابي غيره لانه ما نفعها

ناطرتكم

 

[om deaj]

انا اعاني من القلون من سنين بس الحمد لله عندي دواء قالي الدكتور عندي دواء سحري طبعا يمزح بس والله من اخذتة بان ثاني يوم
ارتحت بس لايستخدم اكثر من 15 يوم متتالية لانة يؤدي الى الادمان وهو لايصرف الابورقة خاصة من الطبيب عندنا في السعودية
اسمة ليبراكس وهناك دواء شعبي وهو تفوحين قلاص ماء بعدين تصبينة في كاس وتضعين علية ملعقة كمون وتحركينة وتتركينة قليل ثم
اشربية ادعولي ان الله يرزقنا بيت

حبوبة شنو الدوا الشعبي
انا حامل ومحتاجة شي طبيعي تعبت والله من العوار والنفخة ما انام

الله يسلمكم انا حاشني بآخر سن بالجامعة من النفسية والاعراض كانت تكرمون ترجيع واسهال حاد
المهم من سنة 2002 لي يومكم مأذيني شخصه لي دكتور بالمستوصف وعطاني ليبراكس بس ما فادني وايد ولا ادمنت عليه وهديته وقمت اطنش النفخة وارتحت وايد بفترة من حياتي يوم نزلت وزني >>> شكله الدهون تأذيني

المهم الحين انا حامل بالثالث والنفخة والعوار لوعو جبدي هذا وانا ما اكل الا خفايف وخبز ناشف والوجبات ما تتعدى ال3

 

[بنت الديك]

السسسسسسسسسسسسسسسسسسسسسسسلام عليكم جميعا الاسطوريه حبيبتى شلونج وشلون القولون معاج ياقلبى ولهت عليكم من زمان عنكم فقدتكم رورو بشرينى عنج حرم الدكتور وينج من زمان عنج شندوخه شونج ان شاء الله تكونيين بخير تمنياتى للكل بشفاء يارب

 

[حووته]

السلام عليكم .... اتمنالكم الشفاء باذن الله ......انا الم المعده عايش معاى اكثر من 10 سنين و2008 سويت منظار عند الدكتور محمود بدوى ابطيبه كلينك وقالى عندج جرثومه والتهاب بالمعده وارتجاع بالمرئ وفتق وعطانى مظادات ورايسك وبعد فتره عطانى لانزور وصارلى سنتين وانا اكله والعوار ليما الحين ومليت ماقدر اكل اللى ابى ودى اشرب قهوه ودى اكل كاكاو...... والحين خليت الكتور وتركت الدوا ملييييت ...الحمدلله على كل حال

 

[nmlagirl]

قوه بنات
انا بقولكم معاناتي ويا القولون
ياني قبل سنه
كنت يومها بسافر العمره مع اهلي , وفجأه من غير شي طحت وبطني حيل يعورني وارجف ورقعه بقلبي وماقدرت حتى اسافر ظلت معاي هالحاله 3 ايام رحت المواساة وقالي الدكتور ماكو شي وعطاني ابره وطلعت خف علي بس من عقبها وانا ما اقدر اكل اذا اكلت ينتفخ بطني واختنق واحس اني برجع وتيني رقعه فقلبي ويصير فيني مثل الهبوط , اكتشتف انه القولون لان اختي الي اكبر مني فيها بعد
قلت لازم اراجع دكتور وليلحين انا بالاميري اراجع بس ماقالولي ان معاي القولون ليلحين بيتأكدون
بس والله تيني حالة اكتئاب غير طبيعيه , قمت ما اكل بالمطعم لان ادري بتعب وماراح اقدر اقعد لازم انسدح ولا قمت اكل وايد ووزني بالنازل سبب لي حاله نفسيه سيئه جداً وانا طالبه بالجامعه وأثر علي هالشي وايد
والوسواس شغال , اي شي يصير لي او اي تأثير اقول اللحين القولون بيشتغل علي وبتيني خنقه ورقعه بالقلب
ومرات اتعوذ من ابليس واقرا القرآن والحمدلله ارتاح , بس هم ايني ألم بجتفي اليسار ولي ورا صوب ظهري , وهذا غير الاصوات الي تطلع من القولون , اصوات غريبه عجيبه ومحرجه هههههههههه
وطبعا التوتر ملازمني طول الوقت ورقعة القلب صارت شي عادي وياي تعودت وانا اصلا يصير فيني ضيق بالتنفس والقولون زاد علي ما اقدر اتنفس عدل
والله يشافينا وياكم وجميع المسلمين آمين يارب

 

[طب الاعشاب]

اخواتي تدرون ان علاج هالمرض طبعا يعالج بلبن الفطر الهندي تعالج زوجي فيه والحمد لله لم يبقى له اثرالف شكر لله

يعيش الفطر الهندي في الحليب ويصفى الحليب الذي تحول الى لبن بعد18 ساعة يشرب قبل النوم بينما يغسل الفطر بماء مفلتر ويوضع عليه حليب جديد وهكذا كل يوم

ادخلوا على الكوكل على العنوان ( الفطر الهندي ) وانظروا فوائده للامعاء والمعدة والكولون

وهو متوفر عندي للاستفسار اكثر دقوا على الرقم 99905568

صدقوا علاج جدا فعال ولات يبقي للكولون اثر باذن الله

 

[البيداء_77]

يا بنات انا تطورت المرض عندي وصار عندي تشنجات بالمرئ منو حاشها مثلي احس حنجرتي تسكر وجنة تيله في بلعومي

 

[حبيكو]

شوفو يابنات انا

اشرب الحلبة كل يوم على الريق والحلبة تطحنينها خليها مجروشة يعني مو مطحونة حيل وخلبا شوي تطبخ

واللة الحمد اللة ارتحت وانا فيني قولون عصبي
بس احيان يجيني اذا عصبت لان ان عصبية حيل هههههههه

اللة يشفين امين يارب

 

[مصريه مغتربه]

بليز ساعدونى انا عمرى 30 عام ومن حوالى 5سنوات تقريبا حسيت بشى يسد حلقى وارتجف واعرق وكانها اعراض الموت بالظبط واتشهدت وقلت دى النهايه وفى الصباح راحت كل الاعراض ولا كنها اتت الى بعد فتره بسيطه تانى واتضح بعد الكشف انه ارتجاع فى المرى وهذا ارتجاع مسويلى مشاكل كتير فى حياتى ممغص على حياتى لا افرح ولا حاسه بطعم الدنيا خالص حاسه انى بموت فى اليوم 1000مره واذا احد حكى امامى اعراض اى مرض بحسه عندى فى الحال نفس الاعراض وانا نحيفه وزنى 56كيلو بس هذا الشى الى فى حلقى ساده عاطينى احساس مثل المخنوقه طول الوقت واحلم كوابيس واصحى من النوم مفظوعه نفسى مكتوم اخذت ادويه كتير مثل البنتاذول والماتليم ولا اى نتيجه مره مكتئبه وشكاكه الى ابعد الحدود وحاسه انى عندى جميع الامراض سامحونى على الاطاله اذا طولت عليكم بس حاسيت انى ابغا اتكلم مع العلم انى مغتربه بعيد عن اهلى

 

[حووته]

اجر وعافيه للكل ...وانا بعد ارتجاع المرى يضا يقنى ويسبب لى نبض سريع

 

[~عشق المطر..~]

انا من زمان مااذكر متى
اخذ علاج م المستوصف فتره واقطع مره شراب ومره حبوب
بس الحبوب زينات مااستمر كلش
اذا عصبت او احتريت تشب علي معدتي كان احد ضاربني بكس حلوه ههههههههههههههههههههههههه

 

[fatima1]

بسم الله الرحمن الرحيم
السلام عليكم ورحمة الله وبركاته
والصلاة والسلام على رسول الله صلى الله عليه وسلم
اما بعد
انا مريضة قولون منذ زمن بعيد وكل الاعراض التي تتكلمون عنها كلها كانت معي والحمد لله تخلصت منها كلها تقريبا والحمد لله

 

[ريمه الكويت]

انا بنتي فيها قولون واسهال على طوول تكرمون وماتقدر تطلع ولاتروح مكان من عوار البطن وسويت لها خلطه من عسل و7 اعشاب اخذت طريقته من التلفزيون من د الطيب اشوفها مرتاحه عليه تقول تركت الادويه وعلى هالعسل واذا تبون اكتب لكم الخلطه تسوونها بالبيت حاظرين

 

[وروود]

اللهم اشفينا واشفي مرضى المسلمين
بنات صارلى جم يوم احس عوار ابطني واسهال ونفخه
اهو بدايته جذيه
انا واجد اعصب على عياللي
ويصير نغزات ومغص