ديوانية بيت العمر

[sara3]

بنات المساح قاعد يسألنا عن مطبخ التحضير يقول تبونه صبغ ولا بورسلان
وانا والله محتاره لان ما اتوقع باطبخ فيه كلش حده شاي وقهوة وزوجي يقول من اقل شي راح يتوصخ ومالنا خلق كل شوي نصبغ
شرايكم

معروف ان التحضيرى يكون صبغ لان اغلب المطابخ التحضيرية تكون المغسلة فى الكاونتر نفسة.بس هذا ما يمنع انك تحطين شى ناعم و بسيط

 

[sara3]

رأيك صائب اختي و دي صور للفكره عشان هذي اكثر الاماكن المعرضه للوصخ

بالذات اللي ورا الغاز

ام فارس حبيبتى خوش صور عجبتنى هذى الصورة

 

[sara3]

بنات اللي اسكنوا بيوتهم الافضل اتسوون بوفيه وتجمعون اهلكم واهل ازواجكم

والا تعب البوفيه وتخلونها زيارات وتحددونها بمواعيد ؟

اها يا ستارز اللى عنده مكان ليش لا والحين فى وايد ناس شارين الطاولات اللى اتسفط والمفارش الخاصة لها لا بغوها حطوها بس يكون عندك مخزن يشيل هالسواف .الله يعين البيت مساحتة ما تساعد

 

[sara3]

السلام عليكم ورحمة الله وبركاته
اتمني ان شاء الله تقبلوني اخت بينكم
حابه تشروون علي بشغله حنا عندنا ارض وان شاءالله يسهل امورنا وامور الجميع طبعا حنا راح نبني دوور واحد وسلمنه لشركه يعني راح ناخذه منهم جاهز ولنا خيارات في اختيار المواد لكن انا شفت سراميك الحمامات اجلكم الله موو حلوو بلمره قديم حده ولما ارووح فلل لاقاربنا اشووف اشياء حلووو مره.......... رايكم لما نوقع العقد معهم اقول لهم المود للحمامات حنا نشتريها وهم بس عليهم تركييب والله اني محتاره ارجوو انكم تنصحوني
وان شاء الله مراح تقصروون

هلا حبيبتى انتى قلتى ان لك خيارات فى اختيار المواد وهذا افضل لك خلى عقدك فية تفصيل ممل للشغلات هذى قصدى بند التشطيبات بلاط ديكور درايش ارضيات حمام اطقم الحمام وغيرة

 

[sara3]

مرحبا بنات
وصايف الله يعطيج العافيه هذا مهندس مكتب عماد الرشود اللي مخسبقنا من البدايه انا كذا مره اتكلم عن الاخطاء اللي قاعدين نطيح فيها بسببه تخيلي خريطه المقاول غير عن الخريطه اللي عندزوجي ومهندس الاشراف الله بالخير حتى التكييف (ترين العيسى) مره علق على معامله المكتب عطوه سي دي حق خريطتنا القديمه قبل التعديل والترخيص ورجع اشتغل من يد ويديد الله يعينا ويعينكم على البنيان وبلاويه

الله يعينكم عندنا وعندك خير يا مالهم من الاخطاء واحنا نفوت بس نبى الشغل يمشى

 

[sara3]

مشكورة حبيبتي الله يعطيك العافية :eh_s(8)::eh_s(8)::eh_s(8):

يعافيك حبيبى ويا هلا فيك

 

[dectora 7elwa]

مرحبا بنات
سلام مربع لساره راعيه الدوانيه
ولا هانوا الباجين
امس مرينا على محلات السيراميك والصحي ناخذ فكره عن الاسعار والمعروضات مرينا حسن ابل الاقتصادي وميداس ومحا اسمه ستايلز اند ايدياز الصراحه الاسعار مو شويه يعني تقريبا كل حمام يطلع بحدود 600دينار -650 بدون الشاور بوكس هذا غير حمامنا الماستر وغير الضيوف
الخطوه اليايه بنشوف الرخام اسعاره واونواعه وشنو انسب للدرج وللارضيات وعسى الله يسهل عليكم وعلينا وعفيه اللي عنده رابط موضوع عن الرخام ممكن يفيدني ياريت تعلمني ومشكورين

 

[**سهام**]

برايي سويه كله صبغ اشيك واحلى ما عدا الجزء اللي بالوسط بين الادراج اللي فوق واللي تحت هذا الجزء خليه سيراميك

خوش فكرة مشكوووووورة وجزاج الله خير

 

[سنعه ومنعه]

مرحبتين بنات

صباحكم خيييير

شخباركم؟

وأشلون يومياتكم

قاعدة أشوف اللى توها تخطط

واللى توها تشطب

اللة يعينكم

برد على آخر مشركة

شفتى دكتورة حلوة الأسعار كل مالها بالعالى

بس أقولج استغلى تنزيلاتهم وحطى رقمج عندهم يدزوملج مسج

ويعنى موكلة من محل واحد نوعى وشوفى أانسب الأسعار

وشوفى محل الرميح بشارع تونس ماركة روكا أسبانى للصحى وايد حلوة والأفرنجى شوفية وأسعرة مناسبة

والرخام أنا تعاملت مع عالم الرخام مقابل سطرة المطابخ بالشويخ

 

[**سهام**]

رأيك صائب اختي و دي صور للفكره عشان هذي اكثر الاماكن المعرضه للوصخ

بالذات اللي ورا الغاز

يعطيج العافية ام فارس ومحمد حلوين الصور

وابي رايكم بنات في الصورة الاولى والثالثة شوفوا شلون الخزانات لاصقين بديكور السقف
احسن من انه ظهر الخزانات يكون مكشوف و يتجمع عليهم الغبار
شرايكم بهالفكرة

 

[**سهام**]

سهام ياقلبي من مصنع السيراميك بالسعوديه

وفعلا صبغي وبالنص حطي ميوززيك احلي

حلت دنياج يا قلبي
ان شاءالله بسوي اللي قلتوا عليه

 

[**سهام**]

معروف ان التحضيرى يكون صبغ لان اغلب المطابخ التحضيرية تكون المغسلة فى الكاونتر نفسة.بس هذا ما يمنع انك تحطين شى ناعم و بسيط

الكاونتر باخليه فاضي والمغسلة بتكون صوب الطوفة وانا ودي بالصبغ بس ما عليه خير الامور الوسط
نص صبغ ونص بورسلان

 

[ليان كل الحلا]

مرحباااااااا بنات ابي استفيد من خبراتكم عندي ملحق مسويه له ترميم كله خلصت بس محتاره بالصبغ ولاورق الجدران ابي شغل حلو لصبغ صاله الاستقبال شنو الصبغ الجديد اللي هابين فيه اذا ورق جدران ابي محل ورق الجدران عنده حلو وين احصله شنو اسمه؟ انا قعدتي خلفيتها عسلي عليها نقوش اسلاميه بالاسود والسيلفرحيل محتاره اتمنى تفيدوني لاني بطلع العصر مشكووووورين ماقصروتوا

 

[مشاعل]

مساء الخير

اليوم رحت ابيات شفت اسعار السخان المركزى والبيبات الالمانى الخضر مال مديد الصحى اسعاره معقوله

احد عنده محل ثانى ارخص ؟

وخواتى الى خلصت تشطيب كل وحده تقول وين سوت مطبخها لانى ابى اسوى مطبخى بس ماعندى وقت افتر ابى اروح على طول محل زين واسعاره مناسبه

وجزاكم الله خير

 

[اجمل حكايه]

:stars::stars:

هلا حبيبتى انتى قلتى ان لك خيارات فى اختيار المواد وهذا افضل لك خلى عقدك فية تفصيل ممل للشغلات هذى قصدى بند التشطيبات بلاط ديكور درايش ارضيات حمام اطقم الحمام وغيرة

مشكوره اختي علي ردج ,,,,,,,,, اهئ اهئ محد عبرني غيرج........ ان شاء الله نزلت البيت انتي اوول وحده اعزمها
حريت الاختيار تكوون من عندهم مش من برا يعني حدج الخزف سعودي وانا موعجبني مره
اما الباقي فا كلها علي الموصفات وضمانات اقوول ان شاء الله يوفقوون اني اجيب سرميك الحمام من بره
الله يعطيج العافيه​

 

[sara3]

سهام

بالنسبة لفكرة الخزاين الخاصة بالمطبخ كونها لازقة بديكور السقف وايد كنا عارضينها فى صفحات الديوانية السابقة انا احسها انظف .عيبها الوحيد ان راح اتكلفك فى تاثيث المطبخ
يعنى ما راح تاخذين استاندرد الخزاين العادى لاراح تاخذين خزاين ارتفاعها اكبر وراح يفرق معاك فى السعر وعندك بعد الخزاين العلوية راح يكون صعب توصلين لها فراح تكون للتخزين
بالنسبة لى انا حابة الفكرة

 

[sara3]

مرحباااااااا بنات ابي استفيد من خبراتكم عندي ملحق مسويه له ترميم كله خلصت بس محتاره بالصبغ ولاورق الجدران ابي شغل حلو لصبغ صاله الاستقبال شنو الصبغ الجديد اللي هابين فيه اذا ورق جدران ابي محل ورق الجدران عنده حلو وين احصله شنو اسمه؟ انا قعدتي خلفيتها عسلي عليها نقوش اسلاميه بالاسود والسيلفرحيل محتاره اتمنى تفيدوني لاني بطلع العصر مشكووووورين ماقصروتوا

هلا حبيبتى مبروك ترميم الملحق

ورق الجدران ذوق شخصى ممكن اللى يعجبك ما يعجب غيرك

عندك اول دشة حولى مجابل البحر سنتر بس جدام شوى اهم كم محل ديكور

الصراف اغلاهم

عندك الصراف لة فرع ثانى فى صن ستى بالشويخ

عندك ابيات غنى عن التعريف


ديرى بالك الوول بيبر لازم ينحط فى تكييف سنترال مو وحدات تراه يفك من الحرارة وحتى

الرطوبة فلا تركبينه مكان وراه جدار حمام

 

[sara3]

:stars::stars:

مشكوره اختي علي ردج ,,,,,,,,, اهئ اهئ محد عبرني غيرج........ ان شاء الله نزلت البيت انتي اوول وحده اعزمها
حريت الاختيار تكوون من عندهم مش من برا يعني حدج الخزف سعودي وانا موعجبني مره
اما الباقي فا كلها علي الموصفات وضمانات اقوول ان شاء الله يوفقوون اني اجيب سرميك الحمام من بره
الله يعطيج العافيه​

هلا حبيبتى

شوفى انا كان عقدى فيه تحديد اكثر لكل بند من بنود التشطيبات يعنى محددين لى ارضيات الاستقبال مترها بكم

ديكورات البيت بس الاستقبال وغرف النوم الرئيسية فيها حركات وشغل


الحمامات بورسلانها مترة بذاك السعر .اطقم الحمام بالمبلغ الفلان فيعطونا شيك بالمبلغ واحنا انزيدة

واذا ما صار ورضوا بهذى الشغلة مسكى عليهم مو عاجبنى اختياركم غيروة لى طبعا قبل لا يركب يعنى يننيهم لا اللون مو عاجبنى لا الشكل وجذى

 

[dectora 7elwa]

السلام عليكم
جمعه مباركه للجميع
لا تنسون سوره الكهف
مشكوره سنعه your advice has been taken in concederationاحنا تونا اول مره نلف بس بمر على عالم الرخام بس ما عندج روابط مواضيع قديمه عن الرخام

 

[ســتارز]

مرحبا بنات

سارة والحلوات باخذ رايكم .. الافضل كبت دار النوم عرضه 3 امتار

طوله العادي افضل والا اطوله الى السقف ؟ يعني احط خزانات فوق مع اني اشوفه مو شي ورح يتعبني بمسحه

لكن كشكل للغرفة ؟