@@@كل مايخص الهيئة العامة لشئوون ذوي الإعاقة@@@استفسارات -أخبار- متجدد

[لولو-الصغيره]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

اشلونج يالحنونه
انتي تعرفين ولدي هااادي الحيين كمل سنه و3 شهور
وانا قدمت علي طلب لوحة الاعاقه الخاصه بالسياره وكتب الدكتور انه هادي لا يستحق اللوحه 000 والله انقهرت وفي ناااس انا اعرفهم عندهم داون سيدروم وعندهم لوحة الاعااااقه ليش علي ناس وناس
وانا رحت ندوه حق المعااقين اللي بالخالديه وقلت حق واحد اسمه عايد الشمري
وقلت له موضوعي وقالي يستحق له لوحة اعاقه
فيدوني الله يزاكم الله خير ​

 

[لولو-الصغيره]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

• الحنونه
• متي اقدر ابلش امشي بالاوراق حق قانون المعاااقين صج اول شهر 6
• وبغيت اعرف يالغاليه
• صج حتي احنا بعد رااح يغيرون اوراق وشهادات اثباات الاعاااقه ولا بس اللي اعاقاتهم بسيطه
• ولكي مني جزيل الشكر والتقدير

​

​

 

[الصابرة المحتسبة]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

يعطيك العافيه اخت الصابره وما قصرتي

يعافيج ربي ويسلمج

 

[الصابرة المحتسبة]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

اشلونج يالحنونه
انتي تعرفين ولدي هااادي الحيين كمل سنه و3 شهور
وانا قدمت علي طلب لوحة الاعاقه الخاصه بالسياره وكتب الدكتور انه هادي لا يستحق اللوحه 000 والله انقهرت وفي ناااس انا اعرفهم عندهم داون سيدروم وعندهم لوحة الاعااااقه ليش علي ناس وناس
وانا رحت ندوه حق المعااقين اللي بالخالديه وقلت حق واحد اسمه عايد الشمري
وقلت له موضوعي وقالي يستحق له لوحة اعاقه
فيدوني الله يزاكم الله خير ​

هلا يالولو

انا بخير عساج بخير يقلبي

منو اللي يقول ماتستحق: كل واحد من عيالنا مادام عنده هوية إعاقة فهو يستحق

انتي روحي للبنات وطلعي الهوية وقدمي على اللوحة

 الدور الثالث: (( التامينات الاجتماعية والاسكان والمرافق العامه))
1- معاش المعاق لسن 18 سنه وما فوق ( شرط نسبة العجز فوق 50% وغير موظف)
2- تقديم طلب القرض الاسكاني لبنك التسليف والادخار.
3- تقديم طلب للوحه المرور للوقوف في مواقف المعاقين.

 

[الصابرة المحتسبة]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

• الحنونه
• متي اقدر ابلش امشي بالاوراق حق قانون المعاااقين صج اول شهر 6
• وبغيت اعرف يالغاليه
• صج حتي احنا بعد رااح يغيرون اوراق وشهادات اثباات الاعاااقه ولا بس اللي اعاقاتهم بسيطه
• ولكي مني جزيل الشكر والتقدير

​

​

هلا بعمري

شهر 6 كل شي راح يبين ويقولون منو اللي يجدد ومنو اللي يخلي على شهادته

فانتي خلج لي شهر 6 ( مع اني أنصحج اذا تقارير هادي قديمة جدديها احسن من الزحمة)

 

[بنوته كيكه]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

سلام عليكم كيف الحال شلونكم خواتي
خواتي عندكم هوية اعااقيه صح عادي بدون لوحه حطيها علي سياره من داخل اذا جتي تسفطين سياره في مكاان حقهم سوي مثل اخوي اخوي عنده ضعف سمع وسمع ويسفط
بس خواتي عندي مشكله وحطتها في قسما لاستفسارات ذوي حتياجات خاصه ومحد رد علي

 

[Miss Cherry]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

بنات انا بفهم .. الحين لما سوينا معاملتنا مالت المجلس الاعلى للمعاقين سوينا معاها اوراق المرور بس عطونا كرنيه مال المعاقين بس انا استغربت .. مو لازم يخلون فيه علامة المعاقين ثابته على السيارة من برا ولا بس الكرنيه هذا اذا بغيت اسفط اعلقه على المنظرة الامامية ؟

 

[SWEET ROSE]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

السلام عليكم بنات انا زوجي معاق واهو مو كويتي امه كويتيه وانا سامعه انه راح يعطونه معاملة كويتي حسب قانون المعاقين الي ابي افهمه الحين يقدر ياخذ على معاملة كويتي دعم عماله او بدلات او يقدر يشتغل بالحكومه عفيه بنات ردو علي لانه المعاش حده متنتف ومشكورين

 

[بنوته كيكه]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

بنات انا بفهم .. الحين لما سوينا معاملتنا مالت المجلس الاعلى للمعاقين سوينا معاها اوراق المرور بس عطونا كرنيه مال المعاقين بس انا استغربت .. مو لازم يخلون فيه علامة المعاقين ثابته على السيارة من برا ولا بس الكرنيه هذا اذا بغيت اسفط اعلقه على المنظرة الامامية ؟

وعليكم السلام
انا اخوي عاادي يحطها في منظره الااماامييه ويسفط وين ماايبي وخلي الحارس بطل مسفط لاعاقه وريه الهويه

اما بخصوص خدامه علمي مجلس المعاقين وقوليهم واهم يساعدونج
واذاا مقدر قدمي علي طلب خدامه
ونشالله تحصلين

 

[بنوته كيكه]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

السلام عليكم بنات انا زوجي معاق واهو مو كويتي امه كويتيه وانا سامعه انه راح يعطونه معاملة كويتي حسب قانون المعاقين الي ابي افهمه الحين يقدر ياخذ على معاملة كويتي دعم عماله او بدلات او يقدر يشتغل بالحكومه عفيه بنات ردو علي لانه المعاش حده متنتف ومشكورين

وعليكم لسلام
اختي الي عرفه من خوي لي مايسمع انه ي واحد عنده اعاقه رااح يعطونه معاش اعاقه فوق معاشه وراح يقصرون من مدة المكن الي اهو يشتغل فيه

ختي ذا اهو يقدر يشتغل راح يشغلونه عادي ومشون فوق ماعشه معش اعااقه وهذ الي اعرفه

بس منه ردو علي لي حطيته

 

[الصابرة المحتسبة]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

بنات انا بفهم .. الحين لما سوينا معاملتنا مالت المجلس الاعلى للمعاقين سوينا معاها اوراق المرور بس عطونا كرنيه مال المعاقين بس انا استغربت .. مو لازم يخلون فيه علامة المعاقين ثابته على السيارة من برا ولا بس الكرنيه هذا اذا بغيت اسفط اعلقه على المنظرة الامامية ؟

هلا بالغالية

يعطونج لوحة معدنية وتحطينه اذا بغيتي تسفطين واذا كانت السيارة للمعاق دايما يكون فيها تلصقينها

 

[الصابرة المحتسبة]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

السلام عليكم بنات انا زوجي معاق واهو مو كويتي امه كويتيه وانا سامعه انه راح يعطونه معاملة كويتي حسب قانون المعاقين الي ابي افهمه الحين يقدر ياخذ على معاملة كويتي دعم عماله او بدلات او يقدر يشتغل بالحكومه عفيه بنات ردو علي لانه المعاش حده متنتف ومشكورين

وعليكم السلام

هلا بالغالية

راح تكون له كافة الحقوق على حسب القانون الجديد اللي راح يكون بداية شهر 6

 

[SWEET ROSE]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

وعليكم لسلام
اختي الي عرفه من خوي لي مايسمع انه ي واحد عنده اعاقه رااح يعطونه معاش اعاقه فوق معاشه وراح يقصرون من مدة المكن الي اهو يشتغل فيه

ختي ذا اهو يقدر يشتغل راح يشغلونه عادي ومشون فوق ماعشه معش اعااقه وهذ الي اعرفه

بس منه ردو علي لي حطيته

هلا يا عمري مشكوره يا قلبي ما قصرتي على المعلومات

 

[SWEET ROSE]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

وعليكم السلام

هلا بالغالية

راح تكون له كافة الحقوق على حسب القانون الجديد اللي راح يكون بداية شهر 6

هلا حبيبتي


يا عمري وضحيلي اكثريعني راح ياخذ حقوقه كامله حاله حال الكويتي وصج راح يعطونه معاش فوق معاشه مثل ما تفضلت الاخت بنوته كيكه ماعليه تحمليني شوي

 

[الصابرة المحتسبة]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

أفا بس أفا (لاتقولين تحمليني ترانا اهني نساعد بعض)

ان شاءالله ياخذ حقوقه كامله مكمله.

 

[SWEET ROSE]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

أفا بس أفا (لاتقولين تحمليني ترانا اهني نساعد بعض)

ان شاءالله ياخذ حقوقه كامله مكمله.

الله يسعدج يا قلبي ويفرحج مثل ما فرحتيني :ggdw: والله يوفجج ان شاء الله ويحميج يا ربي

 

[الصابرة المحتسبة]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

يعمري أجمعين يارب

 

[الصابرة المحتسبة]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

فوز منيرة المطوع ومحمد القطامي بعضوية المجلس الأعلى للمعاقين



2010/05/15 11:55 م

محمد القطامي - منيرة المطوع (Alwatan)







كتب نافل الحميدان:
فازت امين عام الجمعية الكويتية لرعاية المعاقين منيرة المطوع ورئيس جمعية الدسلكسيا الكويتية محمد القطامي بعضوية المجلس الاعلى لشؤون المعاقين في الانتخابات التي اجريت مساء امس الاول بمشاركة احدى عشرة جمعية نفع عام والاندية العاملة في مجال الاعاقة.
على الصعيد ذاته اجريت انتخابات مجلس الادارة التابع لهيئة شؤون المعاقين وفاز بعضويته د. سميرة السعد مديرة مركز الكويت للتوحد بحصولها على «11» صوتا وفايز العازمي رئيس جمعية المكفوفين الكويتية «9 أصوات» ومهدي العازمي رئيس النادي الكويتي الرياضي للمعاقين «7 اصوات» واحمد البراك امين سر الجمعية الكويتية للتصلب «6 اصوات».

 

[الصابرة المحتسبة]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

بالاستناد إلى معيار ممارسة الأشخاص ذوي الإعاقة للعمل
سحب شهادات الإعاقة من ذوي الإعاقات الجسدية
الأحد 16 مايو 2010 - الأنباء






اللجان الطبية ستواجه عدداً لا يستهان به من التظلمات
بشرى شعبان
علمت «الأنباء» من مصادر مطلعة ان الهيئة الطبية العليا في المجلس الأعلى لشؤون المعاقين سحبت شهادات الإعاقة من أشخاص يعانون من إعاقات جسدية مصنفة متوسطة أو بسيطة وفق مفهوم جديد اعتمدته اللجان الطبية في تحديد الإعاقة ولا تستند فيه الى معيار الإعاقة الجسدية، بل الى معيار إمكانية ممارسة الأشخاص ذوي الإعاقة للعمل.

وقالت المصادر انه إذا استمرت اللجان الطبية في اعتماد هذه المعايير المخالفة لمفهوم الإعاقة المعتمد عالميا، والذي أكد عليه قانون المعاقين الجديد فإنها ستواجه عددا لا يستهان به من الشكاوى والتظلمات من قبل ذوي الإعاقة.

وأوضحت ان قانون المعاقين الجديد الذي علق عليه المعاق آمالا كبيرة لإنصافه أراد منه البعض سيفا مصلتا على أصحاب الإعاقات الجسدية.

 

[مباركيه]

رد: @@@كل مايخص المجلس الأعلى لشئئون المعاقين@@@استفسارات -أخبار- متجدد

عساج على القوة يالصابرة يا عين السيح