تجمع اولياء امور مدرسة الخليج الانجليزية في السالمية

[باونتى]

السلام عليكم .. شلونكم بنات .. اليوم الصبح دقيت على المدرسة .. دقيت مبجر على الساعه 7 ونص قلت يمكن يردون على والحمدلله ردوا على وسالتهم عن سبب تأخيرهم وليش ما دقوا قالت موظفة شئون الطلبه ان احنا الحين قاعدين نحصر عدد طلبتنا اللى فى الكى جى ون وجمم عددهم لمن يروحون الرسبشن وقاعدين نحصر عدد اللى مسجلين عندنا ونشوف نقدر نقبلهم ولا لاء .. لان اعداد اللى مسجلين عندنا كبيره .. قلت انزين ومتى راح تخلصون .. قالت بس نحصرهم ونخلص راح ندق عليج وقالت ادعى ان شاء الله يقبلونه لان الاعداد كبيره .. ضاق خلقى يا بنات :0bee2e8d89: بس شسوى مالى الا الدعاء ولا تنسونى انتو بعد بدعائكم .​

 

[باونتى]

السلام عليكم .. شلونكم بنات .. اليوم الصبح دقيت على المدرسة .. دقيت مبجر على الساعه 7 ونص قلت يمكن يردون على والحمدلله ردوا على وسالتهم عن سبب تأخيرهم وليش ما دقوا قالت موظفة شئون الطلبه ان احنا الحين قاعدين نحصر عدد طلبتنا اللى فى الكى جى ون وجمم عددهم لمن يروحون الرسبشن وقاعدين نحصر عدد اللى مسجلين عندنا ونشوف نقدر نقبلهم ولا لاء .. لان اعداد اللى مسجلين عندنا كبيره .. قلت انزين ومتى راح تخلصون .. قالت بس نحصرهم ونخلص راح ندق عليج وقالت ادعى ان شاء الله يقبلونه لان الاعداد كبيره .. ضاق خلقى يا بنات :0bee2e8d89: بس شسوى مالى الا الدعاء ولا تنسونى انتو بعد بدعائكم .​

 

[زوزو الحلوه]

حبيبتي باونتي انشالله يقبلونه....بس انا اقولج روحي شوفيله مدرسه زينه سجلي فيها احسن ما تفلسين من اهني واهني ..انشالله ماتفلسين راح ندعيلج انشالله بس الواحد ما يحط ايده على خده يمكن ينقبل اذا الله شاء ويمكن لأالله ما يكتب..انتي شوفي ..بعد متى يعني يردون عليج انشالله ...جان قلتيلها متى؟؟تبي تخلص السنه او ولدج معلق...

 

[باونتى]

حبيبتي باونتي انشالله يقبلونه....بس انا اقولج روحي شوفيله مدرسه زينه سجلي فيها احسن ما تفلسين من اهني واهني ..انشالله ماتفلسين راح ندعيلج انشالله بس الواحد ما يحط ايده على خده يمكن ينقبل اذا الله شاء ويمكن لأالله ما يكتب..انتي شوفي ..بعد متى يعني يردون عليج انشالله ...جان قلتيلها متى؟؟تبي تخلص السنه او ولدج معلق...

هلا زوزو حبيبتى شلونج .. أنا اللى يسلمج قبل لا أروح الخليج رحت كذا مدرسة رحت البريطانية اللى بسلوى ورحت الانجليزية اللى بسلوى ورحت نيو انجلش سكول اللى بالجابرية كلهم قالوا ما فى مجال والاولوية لطلبتهم المدرسة الوخيدة اللى رضت بالتسجيل اهيا الخليج .. وأنا سويت اعادة قيد فى مدرسته التكامل عشان لا أفلس على قولتج :0bee2e8d89:

 

[زوزو الحلوه]

..انشالله اذا دقوا عليج وقبلوه بالخليج حولي اوراقه من التكامل لي الخليج..مايروح عليج المبلغ الي دفعتيه باعاده القيد لانهم نفس المؤسسه ..والله يسهل اموره انشالله وزين تسوين سويتي اعاده قيد بمدرسته علشان لا تتوهقين..

 

[ملكة بيتها]

السلام أمهات
زوزو الحلوه إي والله اليوم حدهم اليهال يونسون باللبس ..
باونتي ..إن شاء الله ينقبل بالمدرسه ويرتاح بالج حبيبتي ..
الفرسان شلونج يالغاليه ,,

 

[زوزو الحلوه]

السلام امهات
ملكه .. الفرسان....مرووو
شخباركم ؟
اي والله ملكه ...اليهال وايد مستانسين..

 

[واثقه بالله]

سؤال امهات الخليج

اغلب الطلبه الي فيها كويتينه ولا لآ؟

يعني تشوفين الي مع عيالج بالصف اجانب اكثر ولا كويتين اكثر

لانه سمعت ان الكويتين الي فيها شويه انتو شنو اتشوفون عيالكم وياهم بالصف بالحفلات التخرج واجتماع اولياء الامور الاغلبيه اجانب صج؟

 

[زوزو الحلوه]

لا والله فيها كويتيين واجانب ...
...وماكو فرق اذا كويتيين كلهم ولا اجانب المهم انه المدرسه اوكي ..وممتازه

 

[mr000]

السلام أمهات الخليج اشلونكم..أختي واثقه بالله آنا سألت مره الناظر قالي الكويتيين تقريبا 70% إلى 75%....وعن تجربه ترى وايد أحسن من تكون المدرسه 99% كويتيين..والله تصير جنها مدرسة حكومه..هواش وطقني واطقك حتى المدرسين مايعاملونهم زين...

 

[الفرسان الثلاثة]

هلا بنات الحمدلله انا بخير جم مرة احاول ادش الموقع و يطلع لي جاري تطوير الموقع! بس لا حظت ان بالليل ما يفتح معاي بس العصر او الصبح وهذي الفترة اللي غالبا اكون مشغولة فيها .. المهم شخباركم كلكم بشروننا عنكم ان شاء الله مستعدين حق الامتحانات
باونتي أنصحج تروحين لهم بنفسج لان بالتليفون ما ينفع كلش يقولون لج اي كلام بس إذا مريتيهم غير وايد و يعطونج رد إذا ايه أو لأ الافضل تروحين بأقرب فرصة والله يكتب لج اللي فيه الخير يارب

 

[باونتى]

هلا بنات الحمدلله انا بخير جم مرة احاول ادش الموقع و يطلع لي جاري تطوير الموقع! بس لا حظت ان بالليل ما يفتح معاي بس العصر او الصبح وهذي الفترة اللي غالبا اكون مشغولة فيها .. المهم شخباركم كلكم بشروننا عنكم ان شاء الله مستعدين حق الامتحانات
باونتي أنصحج تروحين لهم بنفسج لان بالتليفون ما ينفع كلش يقولون لج اي كلام بس إذا مريتيهم غير وايد و يعطونج رد إذا ايه أو لأ الافضل تروحين بأقرب فرصة والله يكتب لج اللي فيه الخير يارب

المشكله ان الشهر هذا حطمت الرقم القياسى بالأستئذانات :0bee2e8d89: بحاول باجر اروح اذا خلتنى الناظرة

 

[زوزو الحلوه]

باونتي الله يعينج على الناظره..
والله يسهل امورج انشالله وترتاحين...
شلووووونكم امهات.ملكه..الفرسان...مروو...شالاخبار مع عيالكم..
متى يعطلون عيالنا ؟؟؟؟17/6 ولا قبل ؟؟​

 

[باونتى]

خبر عاجل : اليوم دقوا على مدرسة الخليج وأخيرااا وحددوا موعد المقابلة ان شاء الله راح يكون يوم الاحد تاريخ 30 / 5 الساعة 11 .. بنات اذا عندكم فكره شنو طبيعة الاسئلة بالمقابلة ؟؟؟ ولا تنسونى بالدعاء ادعوا لى ان ربى يوفق ولدى وينجح بالمقابلة .

 

[ملكة بيتها]

الحمد الله باونتي فرحتيني والله .....يالله تسهل عليه الإختبار ووتفتح باب القبول بوجهه قولي آمين

 

[mr000]

باونتي حبيبتي الله يوفق وليدج وينقبل ان شاءالله..بس حبيت أقولج خليه ينام مبجر قبل ليلة المقابله علشان يروح وهو مرتاح وواعديه بهديه حلوه شي يحبه..وشجعيه و لاتبينين له أنج قلقه أو تحاتين علشان لايتدوده أو يرتبك ويسكت بالمقابله..وان شاءالله كلشي يمشي تمام..والله كريم ..وان شاءالله تبشرينا بقبوله..

 

[ملكة بيتها]

سلام أمهات
زوزو الحلوه ..شلونج وشلون العيال ؟؟؟ إن شاء الله راح يعطلون 17\6 حسب ما هو مذكور بالكلندر
مروو ...الفرسان ..شلونكم عساكم بخير ؟؟؟

 

[زوزو الحلوه]

الحمدالله باونتي فرحتينا ...الله يبرد قلبج من ينقبل خلاااص بالمدرسه انشالله ..واخيرا :ggdw:
لاتحاتين انشالله اهو اختبارات بسيطه يشوفون الياهل فيها بس ما فيها لا صعوبه ولا شي وسوي مثل ما قالت مرووو..
ملكه شلونج؟؟اولدي الحمدالله وايد مستانس كل يوم يبي يلبس شي لاتشوفين مسوي لي ازياء كل يوم الصبح يقولي ماما شنو البس؟؟
الفرسان ..مروو شلونكم؟

 

[ملكة بيتها]

زوزو ..يا حلو الصبيان والله خليه يستانس عليه بالعافيه ..وترى بنتي تقولي إن بالصف التيشر مقسمتهم فرق وكل ما جاوبوا ولا أنجزوا شي بالصف تحط لهم سكور على اللوحه وكل يوم تختار كابتن للفريق فمسوين لهم جو بالصف

 

[باونتى]

الحمد الله باونتي فرحتيني والله .....يالله تسهل عليه الإختبار ووتفتح باب القبول بوجهه قولي آمين

يا بعد عمرى .. تسلمين حبيبتى وربى يوفق عيالج ويحفظهم وتشوفينهم بأعلى المراكز يارب