بسرعه بسرعه لخاطر عيون sosa تجمع رجيم د. المطوع

[أوريو]

السلام عليكم ورحمة الله وبركاته


شلونكم يا حلوات ويارشيقات

بناء على رغبة العضوة العزيزة على قلبي sosa

ولرغبة مني انه نصير رشيقات واجسامنا صحية


قررنا نسوي تجمع لتطبيق رجيم الدكتور عبدالله المطوع
لمده شهر ... قابلة للتجديد حسب الظروف

وان شاء الله النتائج تكون ايجابية

وبنحدد كل يوم اثنين نقيس اوزاننا ونشوف الفرق

والرجيم يمكن في بعضكم تعرفه ويمكن يكون في المنتدى ...

بس اذا طبقناه مع بعض كمجموعه راح نشجع بعض ووحده تحمس الثانيه
ولا شرايكم

عن نفسي راح ابلش بالنظام باجر ..

والتسجيل بيكون لمده اسبوع يعني لي يوم الاحد الياي ان شاءالله


الرجيم هو:

[[ الريوق ]]

نصف خبزه سمره خفيفه + جبن أو لبنه أو بيضة + خضار (طماط وخيار) أو 3 زيتونات + كوب حليب خالي الدسم
ممكن استبدال الخبزة بشريحة 1 توست اسمر



[[ الضحى ]]

حبه فاكهه (ممنوع الموز والمانجا) أو استكانه مكسرات (جوز - بيذان - فستق - حب) + شاي او قهوه



[[ الغداء ]]

سلطة (ملعقة زيت زيتون) + 2 همبرجر لحم او دجاج يكون مشوي أو صدر دجاجه مشوي أو علبه تونا بالماء أو 2 صيخ مشوي + كولا دايت أو ماء



[[ المغرب ]]

ككاو وسط (كتكات ابو اصبعين أو اي ككاو لكن الحجم الصغير) أو حبه فاكهه (الموز والمانجا ممنوع) + شاي او قهوة




[[ العشاء ]]

العشاء عندج اختيارات بس أفضل شي تمشين كل يوم على نوع والأفضل تكثرين من الي عليهم وجه مضحك لأنهم ينزلون الوزن بسرعة


أول يوم: 1 بيضة مسلوقة أو مقليه + عصير برتقال + توسته سمراء + خضار

ثاني يوم: تشيز برجر من ماكدونالدز + دايت + سلطة

ثالث يوم: (لو كنتي طالعة مطعم لبناني) كوب تبولة + صيخ مشوي + دايت أو ماء

رابع يوم: من 3-4 شرائح اناناس طازج + كوب روب اكتيفيا

خامس يوم: 1 توسته سمراء + جبن قليل الدسم + خضار + كوب لبن خالي الدسم + تفاحه

سادس يوم: روب خالي الدسم + خيار + 2-3 كيوي

سابع يوم: (سلطة) وتتكون من خس + (ملعقة زيت زيتون + ليمون + خل) + 3 شرائح جبن مالح أو حلوم قليل الدسم +ملعقة زيتون شرائح + دايت او ماء
او 2 سلطة أمريكانا اليونانية greek لو ماكان لج خلق تسوين هالسلطة لأنهم نفس الشيء

ثامن يوم: عصير أناناس KDD حطيه بالخلاط مع 3 حبات كيوي واخلطيهم واشربيه
أول شيء مشبع حيل واهم شيء لما تنامين يضل هالعصير يحرق الدهون بالجسم طول ما انتي نايمه
وهذا كلام الدكتور لي نقلته لكم بالحرف الواحد

وشرايكم نخلي لنا يوم فريي عشان مانمل

منقووووووووووول

 

[شوكولاته&فانيلا]

موفقين حبيبتي

ويارب تنزلون بصحة وعافية

..

 

[s0sa]

مشكووورة على تلبية الطلب يالغالية... وانشالله انا معاج من باجر... ونوصل حق الوزن المطلوب بصحة وعافية وانشالله اكون قدها وقدوود وارد مثل ايام قبل ؛)..يلا عاد يا شطورات شدوا حيلكم معاما ونبي تشجييييييييييييييج طلبتكم *

 

[ام بنتها]

يعطييج العافيه اوريو
انا بطبقه انشالله معاكم بس بدوون لا أحط وزني بس متى بتبدوون انشالله ؟

 

[s0sa]

هاي ام بنتها ..شخبارج وشخبار رونه ... عاد شدي حيلج وانشالله من باجر راح نبلش.. وانشالله ارادتي تكون قويو و ما اخورها

 

[s0sa]

هاي ام بنتها ..شخبارج وشخبار رونه ... عاد شدي حيلج وانشالله من باجر راح نبلش.. وانشالله ارادتي تكون قويو و ما اخورها

 

[هــنــــــد]

ويييه مساع حطيت رد وين رااح شالساالفه :s

بنااات
أنا بعد وياااكم
حده عجبني الريجيم صحي ومااا فيه حرماان .. بتبدوون باجر
مو التسجيل لي الاحد الياي :s

 

[حبـ admant ـك]

الرجيم حلوو وبطبقه وبنشوف النتيجه
بس هالرجيم مدته اسبوع ولا كل اسبوع يتجدد ؟؟

 

[أوريو]

هلا وغلا بالحبيبات :eh_s(21):
s0sa
ام بنتها
شوكولاته & فانيلا
هند
حبك admanta

انا اقصد انه نبي نبلش فيه من اليوم

واللي حابه انها تشترك معانا عادي تكمل معانا بس اخر موعد يوم الاحد الياي

موشرط تحطون اوزانكم

بس كل وحده تقول جم كيلو نزلت

ويفضل انه تحطون صور اللي اكلتوه باليوم عشان ناخذ افكار من بعض ونتشجع

تبون ناخذ اوزاننا كل اسبوع ولا كل اسبوعين ؟؟؟؟

على راحتكم

 

[شيخة الغراشيب]

موفقات يالغاليات وعقبال عندي هع هع

 

[كيكه توفي]

موفقين انشالله

 

[jasmin flower]

أنا بعد وياكم
بس يمكن يجيني أيام ما أقدر أدش المنتدى على حسب ظروفي خلي الوزن كل أسبوع أحسن لأنا ما فينا صبر ننتظر أسبوعين

 

[mn.mn]

موفقين بنات وفعلا رجيمات المطوع ماكو عليها

انا ما ضعفت الا عليهم ولا افكر برجيم غيرهم

 

[أوريو]

هلا بالرشيقات

وحياكم الله معانا

اوكي على طلب الاخت جاسمين

راح نخلي الاوزان كل اسبوع

كل اثنين

راح نبلش رسمي من يوم الاحد الياي انشاءالله
واللي تبي تبلش من اليوم هذا بس تجربه لكن الرسمي يوم الاحد الياي ان شاء الله

وبالتوفيق للكل

 

[هــنــــــد]

هلا فيييييييج اووريو
زين تسوون والله نبلش الاحد الياي وااااايد احسن .. يبيلي روحة جمعيه حق الاغرااض
:ggdw: :ggdw: :ggdw:
عاااشو البناات

 

[NAJLA]

كان ودي ابلش معاك بس انتى ادره وشفتي اليوم بعينج كان ودي بس تره الصوره فله ابيها بحطها بداري بسج حب شمسي

 

[** مفاهيم الخجل **]

بنات انا بعد وياكم من زمان ودي اسوي رجيم بس ما عندي احد يشجعني و ان شاء الله معاكم راح استمر ونزل ونصير رشيقات


يالله بنات نبي تشجيع على شان نستمر

الوزن الحالي : 81
الهدف الاول 75

 

[هــنــــــد]

مفاهيم الخجل حيااج الله حبيبتي ويانا والريجيم احس لااازم لازم تشجيع عشان تستمرين
اذا مسويته برووحج وااي احبااااط

انا كنت متوهقه بالريجيمات من كثرتهم بس وناسه عجبني هالنظااام

عسى الله يوفقنا وننزل بصحه وعافيه

 

[ZajiL]

هلا وغلا سوسا
شخبارج اخيييييييييييييييرا سفتج موجوده وينج مالج بينه كنتي معانا بتجمع الحمل بعدييييييييييييييين قطيتي
هااكيد ولدتي وشيبتي ومتى ولدتي << تحقيق هههههه

بالنسبه لي صارلي بالضبط 8 اسابيع ماشيه على رجيمات المطووووع
روووعه رووعه ماتجسين بيوع ولا تتشهين الاكل لانه كل شي تاكلينه
الله يوفقكم يااااااااااااااااااااااااااااارب
وبطل عليكم بين فتره وفتره

 

[றёறё..}]

بالتوفيق لكم

يآرب تنحفون بصحه وعافيه توصلون للوزن اللي تبونه وانا بعد يآرب